Gewilde Bybelverse vanaf ROMA 5

Deel

Rai ti mung, anhte yubak kap ai ni naw rai nga yang Hkristu gaw anhte a matu mara si hkam sai. Ndai hku nna Karai Kasang gaw anhte hpe gade wa tsaw ra mi ai lam madun dan mani ai.

Dai myit mada ai lam chyawm gaw anhte hpe myit daw shangun mi ai n rai; hpa majaw nga yang anhte hpe Karai Kasang jaw da sai kumhpaw kumhpa ngu ai dai Chyoi Pra ai Wenyi e Karai Kasang a tsaw ra ai myit hpe anhte a kraw lawang hta e ru bang ya mani ai.

Dai hta n ga anhte hkrum ai tsin-yam tsindam ni hta mung kabu gumrawng ga ai; hpa majaw nga yang dai tsin-yam tsindam gaw shakut sharang ai, shakut sharang ai gaw Karai Kasang a sharawng awng ai lam hte shi a sharawng awng ai gaw myit mada ai lam shabyin nga ai hpe anhte chye ga ai.

Ya anhte gaw Karai Kasang hpe kam sham ai hte ding hpring wa lu ga ai majaw, anhte a Madu Yesu a marang e Karai Kasang hte mahku mara rai sim sa ai lam lu la ga ai. Anhte Madu Yesu Hkristu hpe kam sham ga ai rai nna shi gaw Karai Kasang anhte hpe gade chyeju hkam sha shangun ai lam wa mu chye shangun mi ai. Dai chyeju hta ya anhte hkrung nga ga ai. Dai rai nna Karai Kasang a hpung shingkang hpe hkam la lu na myit mada let anhte kabu gumrawng nga ga ai.

Anhte kam hpa na shara kata nga ga yang Hkristu gaw Karai Kasang ladaw da ai ahkying hta tara n hkungga ai, n hkru n kaja ai ni a matu si hkam sai.

Anhte gaw Hkristu a si hkam ai a marang e, Karai Kasang a man e ya ding hpring wa lu saga ai rai nna, Karai Kasang a pawt sindawng ai kaw na Hkristu a majaw hkye hkrang la ai grau nna hkrum na ga ai.

Masha langai mi Karai Kasang a ga hpe n madat n mara ai a majaw masha hpung gaw yubak mara lu ai ni tai wa sai hte maren kaga masha langai mi Karai Kasang a ga madat mara ai a marang e masha yawng gaw Karai Kasang a man e ding hpring ai ni tai wa lu na mara ai.

Dai hta n ga ya anhte hpe Karai Kasang hte htinglu htinglai nna jinghku tai shangun ai Madu Yesu Hkristu a marang e Karai Kasang anhte hta galaw dan sai amu a majaw anhte kabu gumrawng nga ga ai.