Gewilde Bybelverse vanaf ROMA 15

Deel

Ya Chyoi Pra ai Wenyi a n-gun atsam hte nanhte a myit mada ai lam matut nna gumring gumrat galu kaba wa myit ga, myit mada ai lam a npawt rai nga ai Karai Kasang gaw, nanhte a kam sham ai lam hta e chyeju hte ngwi pyaw ai amyu myu nanhte hpe jahpring shatsup ya myit ga law.

Chyum Laika hta ka da mada hte gaw anhte hpe sharin achyin na matu rai nga ai. Shing rai anhte gaw Chyum Laika hta na lu la ai hkam sharang ai lam hte myit n-gun lu la shangun ai lam a majaw myit mada shara lu la na lam rai nga ai.

Nanhte nga manga hte gaw Hkristu Yesu a kasi ningli hpe hkan nna nanhte shada da myit mang langai sha rai nga lu u ga, hkam sharang ai atsam hte myit shatsam ya ai lam jaw ya nga ai Karai Kasang gaw nanhte hpe woi awn nga u ga law. Shing rai yang she, nanhte yawng rau sha nsen langai sha hte anhte a Madu Yesu Hkristu a Kawa Karai Kasang a hpung shingkang hpe shakawn kungdawn lu na myit dai.

Dai rai nna Karai Kasang a hpung shingkang dan hkung wa na matu, Hkristu gaw nanhte hpe hkap hkalum la manit dai hte maren nanhte shada da hkalum la mu.

Anhte langai hte langai gaw, makam masham garai n ngang ai hpu nau ni a makam masham ngang kang wa hkra shanhte a mai kaja lam hpe tam let shangwi shapyaw nga ga.