Gewilde Bybelverse vanaf Paunakte 3

Deel

Na thin theampo taw TOPA muang in. Nangma ii he na kisakte bangma hunin muang heak in. Na sep na vawt theampo sungah TOPA phawk in, tua hile ama in a maan lampi hong lak tu hi.

Na hi bang sangin a ciim zaw in kituat heak in, TOPA ii thu ni lel in a, a maan ngawlte vawt tu nial in.

Leitang tung pan a piang theampo sung pan a phabel sia piakna taw TOPA patoai in. Tuabangin na hile na ansaal sia antangte taw kidim tu a, na khol natu om ngawl liang dongin sapittui tam mama na nei tu hi.

Thuciipna le thumaanna thasua ngei heak in. Na ngawng kiimkot ah vet in a; na lungtang tungah at in.

Ka tapa awng, TOPA in tekna, hilna hong nei ciangin pha takpi in nadon in a, kidop natu hong piak thu hi ci in saang in. Nu le pate in a kiphatsak pui a ta khat, a tek a hil bangma TOPA in ama ii itte tek hi.

Ka tapa awng, kong hilte mangil heak in. Vawt a, kong sawlte a tawntungin ciamtee in. Kong hilnate in khansauna le nuntakna nuam hong pia tu hi.

A ciim a hong kikheal mihing — telthiamna a nei pa in mihing lungdam ahi hi. Tua ii sungah ngunn sangin meetna tam om zaw hi; nang atu in khamh sangin man neizaw hi. Ciimna sia suang manphate sangin manpha zaw hi; deihuai na sak na khat pawpo taw zong a kitee ngat thei bua hi.

Bang hun po ahizong, na hi thei lai teng a kitaangsamhte tungah phatna vawt in.

TOPA in simlei sia ama ciimna taw bitphua hi; ama heakna taw van sia a omna munah koi hi.