Gewilde Bybelverse vanaf Isaiah 33

Deel

ngam bup kikhealna om ngawlin khosak tu hi. Ama in a mite sungsia tawntungin, ciimna le heakna pia tu hi. A nei lianbel uh sia TOPA a thasiana uh ahi hi.

TOPA awng, kote hong hesuak ta'n. Ka lamet uh sia nangma na hi hi. Ni khat zawk ni khat kote hong khoi ta'n a thinngim hunin, hong hun ta'n.

Tua teambawte tungah a kizangh khaute theampo a luithawthong hi; Teambaw puankhakte kiphal thei ngawl hi! Ih ngalte ii ngalkap honte nei na manpha theampo ih matsak tu a, vanh tam mama tu ahikom peangbaite ngawngawn zongin hawmtel khat tek nga tu uh hi. TOPA mama sia ih kumpi hi tu a; ama in eite hong ukin hong sungsia tu hi.

Thumaan son in a maan na seam uh le na suakta zo tu uh hi. Na vaang neina uh sia mizawngte theamna in zangh heak vun a, sumnguk sang heak vun. Mihing thalup a sawmte taw ahizong, a dang a sia vawt theite taw ahizong, kipawl heak vun. Tua hile na ngammuang tu uh hi; a muanhuai kulh sungah om bangin thinmuang lungmuangin na om tu uh hi. Note in anneak tu le tuidawn tu na nei tu uh hi.