Gewilde Bybelverse vanaf Miqueas 4

Deel

I jub'an chik tinimit kekikoj ni kitiox, xwiri yoj lik arewi kojkojon ni che i Ajwal chi qa-Dios.

k'iyal taq tinimit keupon ni ru', kkib'ij: “Chixpetoq, chojel b'i puwi i jyub' re i Ajwal, prachoch i Dios re i ma Jacob, man keje ile Ire kuk'ut ub'e chqe, xaq keje ile kojb'in ni uri che ub'e.” Man pa tinimit Sion kel wi i k'utunik re i Ajwal, xaq pa Jerusalén kpe wi utzij.

Pa k'isb'al taq ij lik kkub'ax ni i jyub' ipa kriqtaj wi i rachoch i Ajwal. Are ni i jyub' chi lik mas naj rij; chi lik mas naj rij chkiwach ni'pa i jub'an chik jyub'. Konojel ni'pa i nimaq taq tinimit kek'un ni ru' ire

I Ajwal ku'at ni tzij chkixol i nimaq taq tinimit, xaq are ni Ire kch'ob'ow i ch'oj chkixol k'iyal taq tinimit, xaq keje k-on ile chke i je o li k'a naj. Ni'pa i kich'ich' chi k'ulala o uware kki'an ni tukb'al ulew che xaq i kiche' ch'ich' utzam kki'an ni os che. Are uri mijun chik tinimit kuk'am chik uch'ojb'al re ch'oj chrij jun chik xaq nti chik k'utunik kkik'amo re ch'oj.