Gewilde Bybelverse vanaf Éxodo 12

Deel

Che ningo ahasáta upe pyharépe Egípto retãpy rupi ha ajukáta opaite ita’ýra ypykuépe, taha’e Egiptoygua térã hymba; ha ambojovakéta opaite Egípto jarakuérape. Che ha’égui Jahve (pende Ruete). Ha pe tuguy oikóta peẽme g̃uarã techaukaha ramo mamo pende rogaygua peikohápe; ha ahecha ramo pe tuguy ahasáta pendehegui, péicha napenderupitymo’ãi pe jehavira, Che ajukauka jave Egípto retãyguakuérape.

Ko ára kóva oikóta peẽme mandu’arã ha pemboaretéta areteguasu ramo pene ñemoñarenguéra ndive pende Ruetépe g̃uarã, kóva ningo che rembiapoukapy opaite árape g̃uarã.

Ha pende ra’ykuéra oporandu ramo peẽme: Mba’e piko he’ise ko mba’e pejapóva. Upérõ pejéta ichupekuéra: Páscua aretépe jajuka ñane rymba ñane rendaguépe Ñanderuete ñandesalva haguére ohasa jave ñande róga renonde rupi Ha’e ojuka ramoguare Egiptoyguakuérape, upéramo Israelguakuéra oñesũ ha omomba’eguasu Ñanderuetépe.