Gewilde Bybelverse vanaf Кердипэ 49

Deel

О скипетр на кан ачявэл э Иудас, тай о пуя лэски екхараи кан астарэн э ровли э патишаенги, бискай на кан авэл о Шыло, Кас кан тхэн кан о дюнядэс.

О Иосиф — имишэнго дракхако кущёки, имишэнго кущёки паш ко пани, савэски веткес ваздэнпэс опэр стинас. Холинаса пэрэнас опэр лэстэ тай мукенас андэ лэстэ стриладэс.

Ай о луки лэско ачило зорало, э зор лэски вастэнги — о зорало Дэл э Яковеско, о нав э Чёбанеско тай о Бар э Израилеско. Ов — о Дэл тэ дадэско, Саво кан керэл туки ярдыми. Ов — о Дэл Баро-Зорало, Саво кан алгыштиел тут. Ов кан дэл тут алгыштима э булутенго опрал, тай безднако тэлал, тай алгыштима э дэенго, савэ хавдярэн э пуен.

Иуда, тэ пхрала кан махтадиен тут, то васт кан овэл опэр мэн тэ душманенги, о чявэ тэ дадэски кан бангён туки. Ту — тэрно леви, Иуда; ту авэс хамаса, мо чяво. Сар леви, ов пэрэл ки пху тай пашлёл, сар львица — кон кан мангел лэс тэ астарэл?

Рувим, ту — мо баштутно, ми зор, о баштутно имишы мэ муршыканэ зорако; ов алаендар зорало тай лэс алаи гинэн. Ай, сар пани, тут нащи тэрдярэс. Акана ту на кан овэс баштутно, вай ту пашлилян опэр тхан тэ дадэско тай гарамладын мо тхан.