Gewilde Bybelverse vanaf Ebre 12

Deel

A na ɩ à ŋá a, a tɩɩm mɩ̀ na tɛr yel-mɩn dem bɛ jil koli tɩ sɛw à ŋá za a, nyɩ ɩ tɩ lɔb tuor za na gbine a tɩ cenu a bɛr, nɩ a yel-bier na bɛ mɩ́ yaa kɛ́ nyɔw tɩ a, ɛ́ dɩ kanyir zɔrɛ nɩ a dãw-taa zɔba bɛ na yel kɛ́ tɩ zɔrɛ a. Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.

Kpãàfʋ za a ʋlɩ pɛr nɛ pʋɔ bɛ mɩ́ sãá ɩ nʋ̃ɔ̀ yel ɛ, pʋ-sãwna mɩ́ n'a. Ɛcɛ a pùorí a, a mɩ́ ɩ n ƴã-ɓaarʋ nɩ mɩnʋ a bɛlɩ dem na nyɛ̃ a kpãàfʋ a zie.

Nyɩ ƴãw fãw a ƴã-ɓaarʋ be nyɩmɛ nɩ a nɩbɛ za cara pʋɔ, ɛ́ nyɩ bɔbr a sonu, bʋ̃ʋ n'ʋ vɛ̃, ʋlɛ bɛ wa ka be a, nɩr za kʋ̃ tʋ̃ɔ́ nyɛ̃ a Sore ɩ.

Nyɩ lɛb tɩɛrɩ a ʋ yele, a lɛ a yel-bebe dem na bɛ tɩ de a ʋ yele towtow, ʋʋ dɩ kanyir a. Lɛ n'a nyɩ kʋ̃ sàw a bàlʋ tʋ̃ɔ́ nyɩ ɛ.

A na ɩ à ŋá tɩ páwr naalʋ-tẽw na bɛ tɛr damnʋ a, nyɩ ɩ tɩ tɛr a maalʋ ŋa vla, tʋ̃ɔ́ puore nɩ a Naaŋmɩn mɛ̃ a lɛ a na nʋmɛ a ʋ zie a, tɛr'ɩ a ʋ ƴãwfʋ nɩ a ʋ zɔba.

A tuo nyɩ na wone a, a nyɩ kpãàfʋ ƴãw n'a. A Naaŋmɩn ɩrɛ nɩ a nyɩ zie mɛ̃ a ʋ bibiir a. Ɛcɛ bi-buor sob'ʋ a sãà bɛ mɩ́ kpãa?

Bʋ̃ʋ n'ʋ vɛ̃, a tɩ Naaŋmɩn ɩ n vũu na dɩrɛ a.

A tɩ sãà mɩnɛ mɩ́ tɩ kpãà tɩ nɩ blãlɛ ƴãw, mɛ̃ a lɛ bɛ na mɩ́ tɩ nyɛ̃ a sɛw taa nɩ a. Ɛcɛ a Naaŋmɩn ʋl a, a tɩ vla ƴãw n'a ʋ mɩ́ kpãànɛ tɩ, kɛ́ tɩ tʋ̃ɔ́ pʋɔ a ʋ sonu pʋɔ.

A zɛbr nyɩ na zɛbr'ɩ a yel-bier a, nyɩ cãà bɛ zɛb tɩ kpi n sɛr ɛ