Gewilde Bybelverse vanaf Pwärätä 17

Deel

Repwe maun ngeni ewe Lam, nge ewe Lam epwe akufuur, pun i ewe Samol mi lap seni ekewe samol meinisin, pwal i ewe King mi tekia seni ekewe king meinisin. Nge chokewe mi tapwela mürin ir chon kö, chon fil me chon allükülük ngeni.”

Mürin eman me lein ekewe füman chon läng mi amwöchü ekewe fisu sepi a feito rei o üreniei, “Kopwe etto, üpwe aiti ngonuk usun än ewe fin lisowu mi iteföüla epwe küna apwüng, wewen, iei ewe telinimw watte mi kaütä arun chomong chanpupu.

Ewe manmwacho ka küna a manau me lom, nge iei esap chüen manau, epwele feitä seni lon ewe pwang mi alolol pwe epwe tolong lon feiengauen pöütmwälila. Ekewe aramas mi nom won fanüfan iter esap mak lon ewe puken iten chon manau me mwen än Kot esamwo föri fanüfan, ir meinisin repwe mairü lupwen repwe nenengeni ewe manmwacho, pun a manau me lom o iei esap chüen manau, nge epwe pwal pwäsefäl.

A mak eu it won chamwan a monomon wewen: Papilon mi lapalap, inelapen ekewe fin lisowu meinisin me ekewe föför mi anioput won fanüfan.