Ikkei ekewe kapas än Am, eman chon masen sip seni Tekoa. Ruu ier mwen ewe chechechin fanü, lupwen Usia a king lon Juta, nge Jeropoam nöün Jehoas we a king lon Israel, Kot a pwäri ngeni Am ekei mettoch fänäsengesin Israel. Iwe, Am a üra,
“Ewe Samol mi Lapalap a leüömong le kökkö seni ewe chuk Sion
o aronga mwelian seni Jerusalem.
Ekewe lenien enen sip ra pwasala,
ewe fetil won ewe chuk Karmel a aiolol.”