Gewilde Bybelverse vanaf 1. Johannes 3

Deel

Ämi nei kana, ach chen esap fis lon kapas chök, pwe pwal lon ach föför mi let.

Iei usun sia silei met wewen chen: Kraist a fangela manauan fän itach, ina usun pwal kich sipwe fangala manauach fän iten pwiich kana!

Oupwe nengeni ükükün watten än ewe Sam echenikich! An chen a fokun tekia pwe a aita ngeni kich nöün. Iei mine kich wesewesen nöün Kot. Ina popun pwe fanüfan esap sileikich, pun esap silei Kot.

Are eman a sopwela le föri tipis, i nöün Tefil, pun Tefil a tipis seni lepoputan. Iei popun pwe Nöün Kot a war an epwe atala än Tefil angang.

Eman mi nöün Kot esap sopwela le föri tipis, pun manauen Kot a nonom lon. Iwe, esap tongeni sopwela le föri tipis, pun a up seni Kot.

Are eman aramas mi pisekisek a küna pwiin lon an osupwang, nge esap tongei o alisi, ifa usun a eäni än Kot we chen lon letipan?

Eman mi aleasochisi än Kot kewe allük a nom lon Kot, nge Kot a nom lon. Iwe, pokiten ewe Ngünmifel Kot a fang ngenikich sia silei pwe Kot a nom loch.

Iei fatöchün sokofesenin lefilen nöün Kot me nöün Tefil: Eman esap föri mine a pwüng, ika esap echeni pwiin we, i esap nöün Kot.

Iei ewe pworaus oua rongorong seni lepopun: Sipwe echenifengenikich lefilach.

Ämi pwii kana, ousap weitifengenikemi are aramasen fanüfan ra oputakemi.