Gewilde Bybelverse vanaf اعمال 17

Deel

تاں جو اوہ خُدا نُوں لَبّھن۔ شاید ٹوہ ٹوہ کے اوہنوں لَبّھ وی لین۔ بھانویں اوہ ساڈے وِچوں کِسے توں دُراڈے نئیں اے۔

تے اوس اِک ای اصل توں بندیاں دِیاں سبھناں قوماں نُوں ساری دھرتی اُتّے دسن لئی پَیدا کِیتا۔ تے اوہناں دِیاں میعاداں تے رہن دِیاں حداں ٹھہرائیاں۔

خُدا جِہنے جہان تے جو کُجھ اوہدے وِچ اے بنایا۔ اوہ اسمان تے زمین دا مالک ہو کے ہتّھاں دے بنایاں ہویاں بُت خانیاں وِچ نئیں وَسدا۔

تے اوس اِک دِن وی رکھیا اے۔ جِہدے وِچ اوہ سچیائی نال دُنیا دی عدالت اوس بندے دی راہِیں کرے گا۔ جِہنُوں اوس مُقرّر کِیتا۔ تے اوسے نُوں مُردیاں وِچوں جوال کے لوکاں نُوں ایس گلّ دا یقِین دوایا اے۔

سو خُدا دی نسل ہو کے سانُوں نئیں چاہیدا پئی ایہہ سمجھیئے۔ پئی ذاتِ اِلہٰی سونے چاندی یا پتّھر وانگُوں اے۔ جیہڑے بندے دی کاریگری تے عقل نال گھڑے ہوئے نیں۔