Gewilde Bybelverse vanaf ۱-کُرِنتھِیوں 11

Deel

ایسے طرح اوس کھانیوں پِچّھوں پیالہ وی لیا۔ تے آکھیا پئی ایہہ پیالہ میرے لہو وِچ نواں عہد اے۔ جدوں کدی پِیو میری یادگیری لئی ایہو کریا کرو۔ کیوں جو جدوں کَدے تُسی ایہہ روٹی کھاندے تے ایس پیالے وِچوں پِیندے اوہ۔ تے خُداوند دی مَوت دا ہوکا دیندے اوہ۔ جد تِیکر نا آوے۔

کیوں جو ایہہ گلّ مَینُوں خُداوند ولّوں اَپڑی تے مَیں تُہانوں وی اپڑا دِتّی۔ پئی خُداوند یِسُوع مسِیح جیہڑی رات اوہ پھڑوایا گیا روٹی لئی۔ تے شُکر کر کے توڑی تے آکھیا۔ پئی ایہہ میرا بدن اے۔ جیہڑا تُہاڈے لئی اے میری یادگیری لئی ایسے طرح کریا کرو۔

سو بندہ اپنے آپ نُوں ازمائے تے ایسے طرح اوس روٹی وِچوں کھائے۔ تے اوس پیالے وِچوں پِیوے۔ کیوں جو جیہڑا کھان پِین دے ویلے خُداوند دے بدن نُوں نا پچھانے۔ اوہنوں ایس کھان پِین دے سببّوں سزا ہوئے گی۔

ایس واسطے جیہڑا نامناسب طَور نال خُداوند دی روٹی کھاوے یا اوہدے پیالے وِچوں پِیوے اوہ خُداوند دے بدن تے لہو دا قصوروار ہوئے گا۔

تُسی میرے وانگر بنو جیویں مَیں مسِیح وانگر بنیا آں۔