Gewilde Bybelverse vanaf YOANA 11

Deel

Yesũ amwĩa, Ninyie ũthayũũkyo, na ninyie thayũ: ũla ũmbĩtĩkĩlaa, o na ethĩwa nũnũũkw’a, akeethĩwa na thayũ; na o ũla wĩ na thayũ na ũmbĩtĩkĩlaa ndakakw’a o na ĩndĩĩ. Nũkwĩtĩkĩla ũu?

Yesũ amwia, Ndinakwĩa, kana, ethĩwa nũkwĩtĩkĩla, nũkwona ũnene wa Ngai?

Yesũ aĩa.

Na Yesũ eew’a ũu, asya, Ũwau ũsu ti wa kĩkw’ũ, ĩndĩ nĩ kana Ngai ataĩwe na nĩ kana Mwana wa Ngai ataĩwe nũndũ waw’o.

Na aneena maũndũ asu, aneena na wasya mũnene, Lasalo, umaala. Ũla eĩ mũkw’ũ aumaala, alingĩlĩtwe ngũa ya mathiko maũũ na moko; na ũthyũ wake wovetwe na kĩtambaa. Yesũ amea, Mũthasyei, na mũekei athi.

Na ĩndĩ Yesũ eew’a woo ĩngĩ nthĩnĩ wake avika mbũanĩ. Nayo yaĩ ngunga, na yakunĩkĩlw’e na ĩvia.

Aneena maũndũ asu: na ĩtina amea, Lasalo ũla mũnyanyae waitũ nũkomete; ĩndĩ nĩngũthi ngamũamũkye.