Gewilde Bybelverse vanaf Рацыд 12

Deel

Уыцы ӕхсӕв Ӕз Мысыры астӕуты ацӕудзынӕн ӕмӕ йын фӕмард кӕндзынӕн йӕ хистӕр фыртты дӕр ӕмӕ йӕ фосы сӕртӕ дӕр. Уый уыдзӕн Мӕ тӕрхон Мысыры ӕппӕт хуыцӕуттӕн. Ӕз — Дунедарӕг! Сымахӕн та уӕ хӕдзӕрттӕ тугӕй нысангонд уыдзысты ӕмӕ, уый фенгӕйӕ, уӕ иувӕрсты ацӕудзынӕн. Ӕз Мысыры зӕхх ахъаззаг ӕрцӕвдзынӕн, фӕлӕ сымахӕн ӕппындӕр ницы уыдзӕн.

Уыцы бон уын мысӕн бонӕй баззайӕд ӕмӕ йӕ фӕлтӕрӕй-фӕлтӕрмӕ бӕрӕг кӕнут Дунедарӕджы кадӕн. Уый уын — мыггагмӕйы ӕгъдау.

Уӕ цот уӕ куы фӕрсой, уый цы ӕгъдау у, зӕгъгӕ, уӕд-иу сын зӕгъут: „Уый Дунедарӕгӕн у Куадзӕны нывонд. Дунедарӕг мысырӕгты куы цагъта, уӕд израилӕгты хӕдзӕрттӕн сӕ иувӕрсты рацыд ӕмӕ нын нӕ бинонты фыдбылызӕй бахызта“». Израилӕгтӕ Дунедарӕджы раз ӕрзоныг кодтой ӕмӕ Йӕм скуывтой.