Gewilde Bybelverse vanaf ฟี​ลิบ​พอย 1

Deel

เยีย เสียน ตี่ง ทิน-ฮู่ง เยียม เม่ย บัว เญย เฮญี้ยว เจี์ย กอน โหฒว คู้ กง, หย่า อ๋อย โหฒว เจี๊ยน มี่ง เถา กี​ตู่ เย​ซู แอ๋ง ต้าย เญย ฮนอย ฯฒฯ โหฒว เหฒียง เหฑ่ง อ๊ะ.

เยีย เต๋า เก๋า โท้ ทิน-ฮู่ง ปุน เม่ย บัว ฮนั้ม เมี่ยน เญย เฮญี้ยว จา ธั้ม เจี๊ยน ฝาว, หย่า ปุน เม่ย บัว ม่าย ธง-เม่ง หย่า ไฮ่ สัม ตุ๊ ธ้วด หญู่งๆ. ฮนั้ง น้าย, เม่ย บัว ฯฒฯ ไฮ่ กิ๊น โหฒว เก้า หอบ เจี๋ย หธีง ต้าย เถา กี​ตู่ แอ๋ง ต้าย วั้ว ฮนอย เม่ย บัว ฯฒฯ ธีง-เหฑ่ง, ไม้ ม่าย ต๋อง เฆ่ม.

เยีย เฒี่ยง เจี๊ยน เซ เฒี่ยง เหว่ย กี​ตู่. ไต่ มี่ง หธ่อ ตุ๊ เก้า หลง.

เยีย หาย หฒั่น จั๋ง เถา เม่ย บัว, เยีย เหว่ย เม่ย บัว แล์ง ฒี่ง เยีย เญย ทิน-ฮู่ง.

เก้า หล่ง เจี๊ยน เจี๋ย, เม่ย บัว เยียม เสย หฒั่ง อ๋อย หฒุ โหฒว หญู่งๆ ผุย ตุ๊ กี​ตู่ เญย คู้ เฝียน. ฮนั้ง น้าย, ไม้ กุ๊น เยีย ตุ๊ มี่ง เม่ย บัว หน่าย ไฟ ไม้ ตุ๊ มี่ง, เยีย ตุ๊ ไฮ์ เมี่ยน ก๊อง เม่ย บัว เสียน ว้วน เญย, หอบ ฟิม ต้ง เอ๋ย, ต้ง ติ่ว เฮญี้ยว แฑง เจี๊ยน บัว เสียน เญย คู้ เฝียน, ไม้ ปุน ด๊อด.

เยีย หฒะเก้ง! ม่าย ลั่ม ฮนั้ม เยีย ไม้ ม่าย หาย หญู่ง ปุน เยีย หฒุ ไญ้. เยีย อี้ หฒั่น หย่า อ๋อย ฮนั้ง ฒิ่น ด่าง วั้ว นอ, ปู๋ง หล่าง เญย ก๊อง. ฮนั้ง หน่าย, ไม้ กุ๊น เยีย เฒี่ยง ไฟ ไต่, เยีย อ๋อย เยีย โหฒว เญย เหธา ก๊อง เญย เหยียด ฒู้ง ปุน เมี่ยน ท่าย กี​ตู่.

ทิน-ฮู่ง เหธย เอน ปุน เม่ย บัว ฟู-สู กี​ตู่. เซ ไม้ ตาน เสียน นิ่น ฮนั้ง, หย่า อ๋อย หฒุ เหว่ย นิ่น เสี่ยว โค้ว.