Gewilde Bybelverse vanaf ฮิบ​ลู 4

Deel

ทิน-ฮู่ง เญย หว่า เซ นั่ง เญย, ม่าย ชะ เญย, เก้า ไหล่ เจี๋ย เหยียด ฒู้ง อี แหมง ไหล่ เญย หฑุ ด๊าว. ไฮ่ ฑบ เปียะ เถา เฮญี้ยว เหธา ลี่ง ว่วน กั๊บ เญย ต๋อง, บู๊ง-ฟิม เหธา บู๊ง-ต๋าว กั๊บ เญย ต๋อง. ฒู้ง ไฮ่ เซี้ยม ตุ๊ เมี่ยน เฮญี้ยว หญุ่น โหฒว เญย เหธา เฮญี้ยว ฮนั้ม ธ้วด เญย สี่.

เหว่ย น้าย บัว อ๋อย หฒุ ปู๋ง หล่าง เญย มี่ง เถา ทิน-ฮู่ง เหธย เอน เญย เหว่ย. เยียม หน่าย บัว เฉียม หฒุ เญย เฒี่ยง โห่ ฯฒฯ ตุ๊ ทิน-ฮู่ง ค้อ-เลี่ยน หย่า เหธย เอน ปุน บัว.

บัว เญย ต้ม ไซ เมี่ยน ไม้ เฒ์ย ไม้ ฮิ้ว บัว เมา เญย ต๋อง, เหว่ย หฒุ นิ่น กั้น หย่า หฒุ หญู่งๆ เสย เจี๋ย, ฮนั้ง บัว หฒุ เสย นอ, มป่า นิ่น ไม้ ป์าม ฒุ์ย.

ไม้ ม่าย หาย หญู่ง ปี๋ง ตุ๊ ทิน-ฮู่ง เจี๊ยน. ต๋าว หฑวน หม่าน หมวด เหยียด ฒู้ง เยียม ทิน-ฮู่ง เญย หฑะเฮมียน คอย ฆอย เหฑ่ง. บัว หย่า อ๋อย หฒุ เฒาะ บัว เญย หญู่งๆ ปิ๊น เม่ง บั๋ว นิ่น.

ฮนั้ง หน่าย, อ๋อย หฒุ เสียน ว้วน บัว เหญี่ยม เญย โต์, เหว่ย หฒุ บัว ม่าย เต้า โหฒว โฮล เญย ต้ม ไซ เมี่ยน เปียะ เถา ทิน-ฮู่ง เญย หฑะเฮมียน, ต้ง ทิน-ฮู่ง เญย ตอน, เย​ซู.

ฮนั้ง หน่าย, บัว อ๋อย หฒุ เหฌี่ย ชะ โหฒว เหว่ย เปียะ ทิน-ฮู่ง เญย ฮิด ขวน ต๋อง, เหว่ย ไม้ ปุน หาย เต้า ฮนั้ง วั้ว เต๋ย เมี่ยน ไม้ หมวัง หว่า ฯฒฯ ไม้ ตุ๊ เปียะ.