Gewilde Bybelverse vanaf เอ​เส​เคน 34

Deel

ตี๋ง ล่าย วั้ว เต๋ย, เยีย อ๋อย มี่ง ล์อ. ต่อง เจ๊า วั้ว เต๋ย, เยีย อ๋อย ต้อ หฑวน. หฒุ มุน วั้ว เต๋ย, เยีย อ๋อย เปว เดีย. เมา วั้ว เต๋ย, เยีย อ๋อย เถง เฮ้น. มป่า จุ่น เญย, เฮ้น เญย, เยีย อ๋อย เหมียด. เยีย อ๋อย หล่ง แป้ง ฟิม เญย เจ๊า โก๋ว น้าย เต๋ย ปะกี ยู่ง.

โก๋ว ปะกี ยู่ง เมี่ยน ฮนั้ง หาย นอ เยียม นิ่น เญย ปะกี ยู่ง หฑาน มี่ง เญย ต๋อง ล์อ นิ่น เญย ปะกี ยู่ง, เยีย หย่า อ๋อย ฮนั้ง วั้ว นอ ล์อ เยีย เญย ปะกี ยู่ง. น้าย เต๋ย ปะกี ยู่ง เยียม บ๋วน-เจี๊ยะ หฮมวัง เญย ฮนอย หฒุ หฑาน มี่ง เญย นอมๆ ต๋อง, เยีย อ๋อย เยียม วั้ว เหฌียว นิ่น บัว หฑวน ต้าย.

“‘เฒี้ยว ทิน-ฮู่ง ฮนั้ง น้าย ก๊อง, “เยีย กั้น อ๋อย ฒิ่ม ล์อ, อ๋อย ล์อ ปวัด เยีย กั้น เญย ปะกี ยู่ง.

เยีย กั้น โหฒว เยีย เญย ปะกี ยู่ง เญย โก๋ว ปะกี ยู่ง เมี่ยน หย่า ปุน นิ่น บัว ตุ๊ เปว๋ย เหฌี่ย.” น้าย เซ เฒี้ยว ทิน-ฮู่ง ก๊อง เญย หว่า.

เม่ย บัว โหฒว เยีย เญย ปะกี ยู่ง, เซ เยีย เญย เมี้ย-เธี้ยง เญย ปะกี ยู่ง. เม่ย บัว เป๋น ป้าม เมี่ยน. เยีย เป๋น เม่ย บัว เญย ทิน-ฮู่ง. น้าย เซ เฒี้ยว ทิน-ฮู่ง ก๊อง เญย หว่า.”’”

“ป้าม เมี่ยน อ้า! เม่ย อ๋อย หฒุ โต่ว หว่า ก๊อง อิ​สะ​ลา​เอน เญย โก๋ว ปะกี ยู่ง เมี่ยน. อ๋อย หฒุ โต่ว หว่า ก๊อง นิ่น บัว, เซ ก๊อง วั้ว เต๋ย หมั่ง ปะกี ยู่ง เญย เมี่ยน, บั๋ว นิ่น บัว, ‘เฒี้ยว ทิน-ฮู่ง ฮนั้ง น้าย ก๊อง, “อิ​สะ​ลา​เอน เญย โก๋ว ปะกี ยู่ง เมี่ยน ขูง โก๋ว กั้น ฮนั้ง ฯฒฯ อ๋อย หฒุ โค้ว อ๊ะ. โก๋ว ปะกี ยู่ง เญย เมี่ยน อ๋อย หฒุ โก๋ว ปะกี ยู่ง ไม้ เฒ์ย?