Gewilde Bybelverse vanaf ดา​นี​เอน 5

Deel

ต๋าว หฑวน, เม่ย ท่าย กั้น โหฒว โฮล, แหง่ง เยียม ลู่ง หฒั่ง เญย เฒี้ยว. เม่ย เห่ว เมี่ยน มี่ง เฒาะ น้าย เต๋ย จา-ต๋อง เยียม นิ่น เญย สีง ติ่น ต้าย เยียม เม่ย เญย หฑะเฮมียน. เม่ย เหธา เม่ย เญย โหฒว โฮล เญย เมี่ยน, เม่ย เญย เอ๊า เหธา จ๊า-เฒ่ย เอ๊า หล่ง ฮบ ติ๊ว. เม่ย แอ๋ง เธง วั้ว เต๋ย หล่ง เจียม หล่ง ญ่าน, หล่ง ต้ง ซิ, หล่ง เฮลียะ, หล่ง เดี๋ยง, หล่ง หละเปย๊ย โหฒว ต้าย เญย เฒี่ยน. น้าย เต๋ย เฒี่ยน หมั่ง ไม้ ปวัด, หมวัง ไม้ ไฮ์, หย่า ไม้ ไฮ่ เปียะ เฮญี้ยว. มป่า เม่ย ไม้ ท่าย ทิน-ฮู่ง, ต้ง ปุน เม่ย เท้า เญย เฉีย เหธา เม่ย เญย เหยียด ฒู้ง เจ๊า-โหล่ว เยียม นิ่น เญย ปั์ว-ฒ้าง-ออ วั้ว เต้า.

“น้าย เต๋ย หฑั่ง ฮนั้ง น้าย นอ เฟี้ย. เม​เน, เม​เน, เท​เคน, ปา​ซิน “น้าย เต๋ย หว่า เญย เอ๋ย เล์ย เซ ฮนั้ง น้าย. เม​เน เซ ทิน-ฮู่ง ซ้าว เม่ย เญย กั๊วะ เญย หฮญัง-ต้าว ปวั๊ง ฯฒฯ เถา เซ้ด เมว์ย อ๊ะ. เท​เคน เซ เม่ย หฒุ เยียม ทิน-แป้ง เหฑียง เฑียง, ปวัด เม่ย ธา เต๋ย. ปา​ซิน เซ เม่ย เญย กั๊วะ ปุน ฆอย เป๋น มี​เดีย เมี่ยน เหธา เป​เซีย เมี่ยน เญย.”