Gewilde Bybelverse vanaf ดา​นี​เอน 2

Deel

นิ่น ก๊อง, “อ๋อย หฒุ เหยียด ลิ์ว เธง ทิน-ฮู่ง เญย เม่ง เถา หม่าน โก๊ว หม่าน ต่อย, ธง-เม่ง เหธา ชะ เป๋น นิ่น เญย. นิ่น ก๊อย เหยี่ยน เฒี่ยง โห่ เหธา เกว๋ย, นิ่น ปุน ฮู่ง เตี๋ย ถุย เหว่ย แอ๋ง ฝาว เหว่ย. นิ่น เหธย ธง-เม่ง ปุน ธง-เม่ง เญย เมี่ยน, เฒาะ ว่วน ฒาง เหธย ปุน ฮิ้ว ตุ๊ โถว เญย เมี่ยน. นิ่น หล่าว ย่าง โด ไห่ เหธา เกม เจี๊ยน เญย สี่. นิ่น ฮิ้ว ตุ๊ เยียม หฮมวัง ฒง เญย สี่, ฌัง หย่า เหธา นิ่น เยียม.

ดา​นี​เอน เตา ฮู่ง เตี๋ย, “ไม้ ม่าย หาย เต้า ไกว-ช้าว เมี่ยน, โหฒว ฟ้าด เญย เมี่ยน, โหฒว หฮวา-ญิ์น เญย เมี่ยน ไฟ โบ๊ว กว๋า ก๊าน เฮย เญย เมี่ยน ไฮ่ ก๊อง เม่ง ฮู่ง เตี๋ย หน่าย วั้ว เต๋ย ไม้ แก้ง บย๋าง ย่าง เญย สี่. มป่า เยียม ลู่ง หฒั่ง ม่าย เต้า ทิน-ฮู่ง ไฮ่ หล่าว ย่าง เกม เจี๊ยน เญย สี่. นิ่น ฒู้ง ปิ๋ว เม่ง ปุน เน​บู​คัด​เน้ด​ซา ฮู่ง ฮิ้ว ตุ๊ ฆะฮ้า เซ้ด เมว์ย เญย ฮนอย อ๋อย ฮนั้ง หาย นอ. เม่ย เปว๋ย เจี๊ยน โหธว เบ๋ย เญย เบ๋ย เหธา เยียม เฮญี้ยว ปวัด หล่าว ย่าง เญย สี่ เซ ฮนั้ง น้าย.

“วั้ว เต๋ย ฮู่ง เตี๋ย กุ๊น เญย เฒี่ยง โห่, ลู่ง หฒั่ง เญย ทิน-ฮู่ง อ๋อย กั้น เหลียบ นอม กั๊วะ, เซ เหยียด ลิ์ว ไม้ ไฮ่ หฒุ เหมียด เญย กั๊วะ. เหยียด ลิ์ว หย่า ไม้ หฒุ ด๊อด เป๋น กั้น ฝีง เมี่ยน เญย. น้าย นอม กั๊วะ อ๋อย เบ๊าะ วั้ว เต๋ย เหยียด ฒู้ง กั๊วะ ฮู้ หม่วน เหฑ่ง, ปุน หฒุด เหฑ่ง, มป่า น้าย นอม กั๊วะ อ๋อย เหยียด ลิ์ว เยียม.