Gewilde Bybelverse vanaf Kuɛ̈n 13

Deel

Go Kalep kɔc wën cï guëër në Mothe lɔ̈ɔ̈m miɛɛm thook, ku lueel an, “Jëlku ënɔnthiinë, lok rumku piny. Wok ril, abuk rum.

Ku jööt acuk keek tïŋ ëtɛ̈ɛ̈n aya, kuat de Anak. Agoku röt bɛ̈n biɔɔn ku tïŋku röt cït man ë gɔt tei, ku tïŋkï wook ayadäŋ cït gɔt.”

Go kɔc ë cath në Kalep bɛ̈ɛ̈r, jänykï an, “Ei, wok cïï ril. Kɔc nu ëtɛ̈ɛ̈n arilkï arëët awärkï wook, acuku keek bï lëu.”

Agokï kɔc ke Yithriɛl yiɛ̈n thoŋ rac në biäk de piny cïk lɔ caath, luelkï an, “Yen ee piny cuk lɔ caathë, ee piny cïï kɔcke leer. Ku kɔc nu thïn ee jööt bär kedhie.

Gokï lɛ̈k Mothe an, “Piny acuk lɔ caath, ku acuk yök ke ye piny kueth arëët, ku aŋic luɔk, ka mïth ke tiimke kï.

Ku töŋ jɔ nu, kɔc de piny arilkï arëët, ku arëërkï në wuöt dit arëët, pɛ̈ɛ̈nydït cï gël apiɛth. Ku ke jɔ rac arëët, ee luɔi cïï wok kuat de jööt cɔl Anak lɔ yök ëtɛ̈ɛ̈n ayadäŋ.

Ku kɔc ke Amalek rëër piny thar ciëën të lɔ wöuwic. Ku kɔc ke Ɣit, ayï kɔc ke Jebuth, ayï kɔc ke Amor arëërkï piny ë kuur. Ku kɔc ke Kanaan aa rëërkï në Wɛ̈ɛ̈r Ɣer yɔu, ku në wɛ̈ɛ̈r de Jordan kɔ̈u.”

Agokï lɔ Kadec në jɔ̈ɔ̈r ë Paran të nu Mothe kekë Aron, ku akutnɔm de kɔc ke Yithriɛl kedhie. Agokï ke guiëër ka cïk a yök, ku nyuthkï keek mïth ke tiim cïk bɛ̈ɛ̈i.