Gewilde Bybelverse vanaf Ma꞉tiu 20

Deel

pa ikana꞉ma꞉ta꞉ iki tukiki pa꞉ta꞉ ma꞉nda꞉ma꞉ mo koto hau pina꞉ na lelimikie. Dia꞉me. Iki pa꞉ta꞉ hali epima꞉ I̱ tieke halueke hone wia꞉ka꞉na꞉ta꞉ kota꞉ ipikita꞉ iki paeyaona꞉ e pokaasa꞉ hali halieke. Kutupa hali epima꞉ I̱ titina꞉ hali halueke hone wia꞉ka꞉na꞉ta꞉ kota꞉ ipikita꞉ mo hande Wanda꞉halina꞉ Eiyekema꞉ pita꞉la꞉ tupa꞉ iki paeyaona꞉ pahameke e pokaasa꞉ hali halieke Pa ekipeke Wanda꞉halina꞉ Eiyeketa꞉ mo wanda꞉halima꞉ ipika꞉ e pokaena꞉ loluekema꞉ yeke na epeeke yekepate ipikana꞉ma꞉ pa ika꞉ e pokaaluekema꞉ make ipika꞉ da꞉ta꞉la꞉ ekima꞉ta꞉ iki wopuna꞉ hoke hauna꞉ yenki haluekema꞉ yeke epea꞉me leekeme.

Koto pi Yesuma꞉ lo a꞉mbolo hata꞉ alota꞉ Koto ekina꞉ mo ame biki na ula꞉ mandane wanda꞉hali woputa꞉ titina꞉ haena꞉ laata꞉ mo ame biki tieke ula꞉ mandane wanda꞉hali woputa꞉ wetepe halo yapilimikie laa leekeme.

Yesuma꞉ ipiliki pa꞉ta꞉ a꞉ta꞉ma꞉ homolo hata꞉ ipilika꞉ leke wataeyekeme. Kutu pieke pita꞉ma꞉ta꞉ ipilika꞉ leke ki laata꞉ epeke tupa꞉ handepekeme. Koto ekina꞉ta꞉ ipilikana꞉ma꞉ ipika꞉ hoki nane telimea pepekeme.