Gewilde Bybelverse vanaf Markus Uram 6

Deel

Ato eboka nukmai ura, ninyi ilinto aryi, “Er Yesus ab ebdatibyi,” tenen Er dam yandoka bindoka kimai. Ninyi ilinto sun ab ebdanmai ati, Er Yesus ab Er miliramnyi nang ab aryi, “Yina yibtibyi,” tenebmai asi, yina yibman kum kubmou. Ura, Er Yesus biryi Er miliramnyi nang asi, “Ni kwit yabwe yandarur, sunda isin sebkwandum ati, nunci a bulunmai nang asi takloboka ninyi kun kum ai binkub,” ebmou.

Asi, Er Yesus biryi sun tenebmai kanya bikmou ura, Erci sunsi ato ebmou, “Nunda Er Imtamnyi Uram ebdeibmaci to lak etereramibyi nang ara eikatei-okatei bindoka etereramibyi ba, sun eikatei nang okatei nang aryi, ‘A nang aryi eterebsing uram ara diboka kekebkwayeb,’ teneransing. Bok, nun Er Imtamnyi Uram ebdeibmaci to lak etereramibyi nang aryi nun mining atei yandoka etereramibyi ura, nun mining atei nang ab nun mining ai ninyi ab aryi, ‘A nang aryi eterebsing uram ara kekena nun li,’ eransing,” ebmou.

Yanganmai ba, Er Yesus bira weik co ngun-ngun dub aryi kuboka tukwe ai tingbinmou ura, ninyi ilinto buluryanganmai asi asing eibmou ura, sunsi, “Ni bico,” tenebmou. Ara, Erci sunti, “A nang ara Er Imtamnyi Uram diboka kum bingnaming nang asi Ni bico,” tenenun. A nang ara ninyi aryi kum kalingnaming domba ato kuraming. Sunda waningna domba ato kuraming deyok aryi, sun binkwaming bisik kum bingnaming ati, Niryi sunti, “Ni bico kunurur,” tenebmou. Ato tenebmou ura, Er Yesus biryi sunsi eterena aryi deyok ilinto eterenmou.

Ara, Er Yesus bisi mining atei nang aryi, “Anyi bira nun li,” tenebmai ati, Erci ilil tenen dinyi ilinto kiknibman kum kubmou. Erda Er mining atei Nazaret kunmou ba, Erci youn taleramwe nang akwe mitikanun taruk deiboka kwetebmou. Kwetebmou cok, Erci Er kanya aryi, “Nai e, unato ati Ni mining atei nang aryi Nisi dokdonokmaning do?” tenebde kunmou. Ura, Er Yesus Nazaret atei aryi anaboka a mutuk nirya yibinkirikoka yuk atei-yuk atei bindoka Teleb Uram eterebde binmou.

A nang nirya sirya liliboka bukmai ura, Er Yesus biryi a kubmou roti kwaning tokol amubaryi ab mekinaia bitinyi ab dobtalebmou. Ura, Erci imtam dibweleboka Er Imtamnyi bisi, “Nai Imtamnyi, Kanci nunsi yina karebmasirim ati, Niryi Kan si weik eboka kibdobmakin,” ebmou. Ebmou ura, Erci a kwaning roti ara toboka-toboka Er miliramnyi nang asi, “Ninyi nirya asi bokeibde yibindarur,” eboka karebmou. Karebmou ura, Erci a bitinyi mekinaia ababyi sekoka-sekoka bokeibmou. Ato kuboka bokeibmou ba, Er miliramnyi nang aryi bokde yibanmai uca, a nang nirya kikiman yibmai ba, boubmou. Yina sirya kikiman yibmai ura, roti kwaning tobdoba ab mekinaia toubdoba ab ara ton kablobmai. A kablobmai dinyi asi buluboka weik tower aling amolbaryi asi kibdongobmai uca, langdeibmou.