Gewilde Bybelverse vanaf Lík 3

Deel

Nan Saŋ Batiis ábatiisemuu ésukayi feh aban, li ábatiise foof Yéesu. Nan Yéesu alakomuu kal̥awaku, emitayi li ébabulo. Muñeˈe Buyinumabu Banabaabu li búwalowul li kambu kata éleebaan bubil bulako li akila. Hulim li hujami li emitayi haane: — Awu ommuu Añoolom an íboolimuu ŋáa’. Buyinumom feh li awu li kaan bo.

Saŋ li aaniil foofiil feh: — Injé li mal li bátiisewumuul, bale an ummu li ebil ahaŋom sembe. Itookut min il̥el̥ uneewawu wata sidallaasu soola. Akila fan ábatiisewuul li Buyinumabu Banabaabu, li sambun.

Muñeˈe kama jikaan majake, min jíhiis kaanaku jibabbaj buloŋ buwunkul. Ban jakum jibuntoolo min joon: «Abulaham ammuu átuubawoli ahaan.» Mata fan ilobuul kaanaku Ateemit layilo áfunnumul li kuyitikaku unku bañiil bata Abulaham!

Jíkaanum, hufiikumahu hukaani huban tin huhaalahu hata unuunukenawu boot kafalen. Kama bunuunuken banooban baatutumuu bubaj ebukoolum yajake fan bufaleni beten li sambun.

Muñowu kulimaku kan afulofetawu alobumuu kúbajummuu, kan akiicumuu li éliibalayi yoola mata Saŋ, aan: «Laale hulimahu hata anawu abaŋulowemuu li kayiinaayaku aan: “Jíhosul bútinabu boot li Amaaŋenawu, jikaanool útin wacole! Buwokaay banooban fan bul̥iyi, Huyuuy li hulij hanoohan fan húliili, Utínawu wáŋondikoomuu fan ucoleni, Utínawu wajakutumuu fan umemeni. Ban bukanabuku feh fan kujuk koon Ateemit lafañe afakeniil”.»