Gewilde Bybelverse vanaf پێدایش 49

Deel

بادشاهی اَسا چه یَهودائے دستا نرئوت و هاکمیئے دَزلَٹّ چه آییئے پادانی دێما دورَ نبیت تان هما وهدا که اَسلیگێن واهُندَ کئیت و کئوم آییئے پرمانبردارَ بنت.

ایسُّپ پُرسَمرێن اَنگورے، چَمّگئے لَمبا برآوَرێن اَنگورے. شاهڑی، دیوالان سرَ کپنت. تیرکَمان جنۆکان په زهرناکی آییئے سرا اُرُش کرت و په بدواهی تیرِش جت.

بله ایسُّپئے کَمان برجاه منت و باسکی مُهر و مُهکم اَتنت، آکوبئے زۆرمندێن هُدائے دستئے برکتا، اِسراییلئے شپانکئے برکتا، اِسراییلئے تَلارئے برکتا، تئیی پتئے هُدائے برکتا، که ترا مدتَ کنت، پُرواکێن هُدائے برکتا، که ترا برکتَ دنت. گۆن آسمانئے برکتان، چه بُرزا، گۆن جُهلانکیئے برکتان، چه جَهلا و گۆن چُکدان و گْوَرانی برکتان ترا برکتَ دنت.

او یَهودا! تئیی برات ترا نازێننت، تئیی دست دژمنانی گُٹّا سکَّ بیت، تئیی پتئے چُکّ تئیی دێما کۆنڈانَ کپنت. یَهودا شێری گُلُّڑے. او منی چُکّ! تئو چه شکاران آتکگئے. یَهودا چۆ شێرا سْراپَ کنت، چۆ مادگێن شێرا کَمینَ کنت. کئیی مجال اِنت که پادی بکنت؟

او روبِن! تئو منی ائولی چُکّ ائے، منی واک و تْوان ائے، منی مردانَگیئے ائولی نشان ائے، مڑاه و زۆرئے شان ائے. چۆ آپا بێلَگام ائے، مستر نون تئو نمانئے، که وتی پتئے نپادان، منی گَندَلان سر کپتئے و پَلیتِت کرتنت.