The Colloquial Galilean Bible (CGB) is an easy Bible to understand, particularly for children and youth. It is free in audio, video, and text. For free access or to support our ministry, contact us at www.aibible.org. الكتاب المقدس (العهد الجديد) باللهجة العامية الجليلية هو كتاب سهل الفهم خاصة للأطفال والشباب. ونصوصه متوفرة مجانا في صيغ صوتية ومرئية ونصية. للحصول على هذه النصوص أو لدعم خدمتنا، الرجاء زيارة موقعنا على العنوان التالي: www.aibible.org

ترجمة الكتاب المقدس باللهجة العامية الجليلية

قصة ولادة يسوع الـمسيح ابن داود ابن إبراهيم. إبراهيم خلّف اسـحق، واسـحق خلّف يعقوب، ويعقوب خلّف يهوذا وإخوتو ويهوذا خلّف فارص وزارح من ثامار، وفارص خلّف حصرون وحصرون خلّف أرام وأرام خلّف عميناداب، وعميناداب خلّف نحشون، ونحشون خلّف سلمون وسلمون خلّف بوعز من راحاب، وبوعز خلّف عوبيد من راعوث، وعوبيد خلّف يسّى ويسّى خلّف داود الملك.
وداود خلّف سليمان من مرة أوريا وسليمان خلّف رحبعام، ورحبعام خلّف أبيا، وأبيا خلّف آسا وآسا خلّف يهوشافاط، ويهوشافاط خلّف يورام، ويورام خلّف عزيا وعزيا خلّف يوثام، ويوثام خلّف آحاز، وآحاز خلّف حزقيا وحزقيا خلّف منسى، ومنسى خلّف آمون، وآمون خلّف يوشيا ويوشيا خلّف يكنيا وإخوتو وقت التهجير البابلي.
وبعد التهجيـر البابلي خلّف يكنيا شألتيئيل، وشألتيئيل خلّف زربابل وزربابل خلّف أبيهود، وأبيهود خلّف إلياقيم، وإلياقيم خلّف عازور وعازور خلّف صادوق، وصادوق خلّف أخيم، وأخيم خلّف إليود وإليود خلّف إليعازر، وإليعازر خلّف متّان، ومتّان خلّف يعقوب ويعقوب خلّف يوسف خطيب مريم. وهي خلّفت يسوع الـمسيح.
وكل الأجيال من إبراهيم لداود 14 جيل، ومن داود للتهجيـر البابلي 14 جيل، ومن التهجيـر البابلي للمسيح 14 جيل.
وهيك كانت ولادة يسوع الـمسيح. كانت مريم إمو مخطوبة ليوسف. وقبل العرس كانت حبلى من الروح القدس وخطيبها يوسف كان إنسان أمين مع الله وبدوش يخرب سمعتها فقرر يتركها عالسكت ولـما كان فكرو مشغول شو بدو يعمل ظهرلو ملاك الرب بالحلم وقالو: يا يوسف ابن داود، تخفش تتجوز مريم لأنو اللي في بطنها من الروح القدس رح تخلّف مريم ولد وأنت رح تسميه يسوع لأنو رح يخلص شعبو من خطاياهن وبهاي الطريقة بتتحقق كلمة الرب لما قال النبي: "هياها البتول حبلى وراح تخلّف ولد وراح يسموه عمانوئيل". ومعنى اسمو الله معنا. صحي يوسف من النوم ورد عكلام ملاك الرب وتجوز مريم. وخلّفت ابنها بدون ما يعرفها يوسف وسما الولد يسوع.

Luister na متى 1