Sambal, Botolan - 2014 Edition (NT) Drama

Sambal, Botolan New Testament Drama ℗ 2014 Hosanna

<div class="version vid1343 iso6393sbl" data-vid="1343" data-iso6393="sbl">
 <div class="book bkACT">
 <div class="chapter ch8" data-usfm="ACT.8">
 <div class="label">8</div><div class="p"> 1-2Hi Sawlo ay miha ha tawtawoy nakikampi ha pamati koni Istiban. Piro ma-in ongnoy tawoy mangahampat ya masyadon nilomel&#232; nin ban&#224; ha pagkamati ni Istiban. Hila baytoy nangitabon kona.</div><div class="s">Hay ampipantompel ha Pangino-on ay ampadya-dya-an ni Sawlo</div><div class="p">Pa-ibat hin habayton allo nin pinati la hi Istiban, hay ampipantompel ha Pangino-on bayro ha siyodad nin Hirosalim ay nagdanas nin masyadoy kadya-dya-an. Kay&#224; nangapikakatak hila ha kaganawan dogal ya angkasakopan nin probinsyan Hodiya anggan probinsyan Samarya. Hay aw-alagad bal&#232; ay nagkabalag ha siyodad nin Hirosalim. 3Hay ampipantompel ha Pangino-on ay ampadya-dya-an ni Sawlo. Ampako ya ha bawbinali ta hay makit nay lawlalaki boy bawbabayi ay anggoloygoloyen nan gitan ha pirisowan.</div><div class="s">Hay Mahampat ya Balit&#224; ay in-aral ha siyodadnin Samarya</div><div class="p"> 4Hatoy ampipantompel ha Pangino-on ya nangapikakatak, maski ayri hila mako ay an-i-aral lay Mahampat ya Balit&#224; ya tongkol koni Apo Hisos.</div><div class="p"> 5Hapa-eg hi Pilipi ya miha ha pitoy lalaki ya pinil&#236; nin mama-al&#224; ay nako ha siyodad nin Samarya ta in-aral na ha tawtawo bayro ya tongkol koni Kristo ya impangak&#242; nin Diyos. 6Labaylabay leng-en nin tawtawo ya an-itor&#242; ni Pilipi ban&#224; ha pawpapag-ispantawan ya angkakit lay anggaw-en na, 7ta hay mangala-et ya aw-ispirito ya pinomahok ha tawtawo ay ampipan-angaw ya ampa-alihen ni Pilipi. Malak&#232; ya tawoy polonen boy pawpilay ya angkapakahampat na. 8Kay&#224; hay tawtawoy ampa-iri bayro ha siyodad ay masyadon nilomiga. 9Hapa-eg, ma-in lalaki ya nagngalan Simon ya ampa-iri bayro ha siyodad nin Samarya. Hay boyot pana-on nin hay tawtawo ay ampipag-ispanta kona ban&#224; ha salimangkay anggaw-en na, boy anhalita-en nay makapangyariyan ya. 10Ban&#224; bayri, kaganawan tawo bayro ha siyodad, mag-in matag-ay o ma-ayp&#224; ya pagkatawo ay ampanleng&#232; ha anhalita-en na. &#8220;Habayti ya tawo,&#8221; wanla, &#8220;ay main kapangyariyan nin Diyos, hsyoy kspsnhystiysn ys sn-inhsyrn nsern nin masyadoy kapangyariyan.&#8221; 11Hay boyot pana-on nin hay tawtawo ay ampipag-ispanta kona ban&#224; ha pagsalimangka na; kay&#224; anhonolen la ya. 12Piro hin in-aral ni Pilipi ya Mahampat ya Balit&#224; ya tongkol ha pamomo-on nin Diyos boy tongkol ha ngalan ni Pangino-on Hisokristo, habaytoy tawtawo ay nipantompel. Hay lawlalaki boy bawbabayi ay nipampabinyag. 13Mismon hi Simon ay ninto-o biha napabinyag. Pirmi yan anhomono koni Pilipi boy ampag-ispanta ha kawkapapa-ispantay anggaw-en ni Pilipi.</div><div class="p"> 14Hapa-eg, nabalita-an nin hatoy aw-alagad ya anti ha siyodad nin Hirosalim ya hay tawtawo ha probinsyan Samarya ay nananggap nin Halit&#224; nin Diyos. Kay&#224; inhog&#242; lan mako bayro hi Pidro boy hi Howan. 15Hin ni-abot bayro hi Pidro boy hi Howan ay impanalangin la ya hatoy ampipantompel ha Pangino-on ay mananggap nin Ispirito nin Diyos, 16ta hay Ispirito nin Diyos ay ayin et ha maski hino konla nin ampipantompel ha Pangino-on. Hila ay nabinyagan bongat ha ngalan ni Pangino-on Hisos. 17Hapa-eg, impababo ni Pidro boy ni Howan ya gamet la do ha ampipantompel ha Pangino-on; kay&#224; hay Ispirito nin Diyos ay tinanggap la.</div><div class="p"> 18Nakit ni Simon ya hay tawtawoy ampababowan nin aw-alagad nin gamet la ay ambiyan nin Diyos nin Ispirito na. Kay&#224; ambiyan nan kowalta hi Pidro boy hi Howan, 19biha na hinalit&#224;, &#8220;Biyan moyo ko itaman,&#8221; wana, &#8220;nin kapangyariyan emen kaganawan tawoy mapababowan kon gamet ko ay biyan nin Diyos nin Ispirito na.&#8221;</div><div class="p"> 20Piro hinalit&#224; kona ni Pidro, ya wana, &#8220;Hika boy kowalta mo ay milamo nin mako ha kaparosawan ya ayin anggawan, ta an-ihipen mo nin hay kapangyariyan nin Diyos ay mabayaran mo nin kowalta. 21Agka makapaki-atag ha bagay ya habayti, ta hay nakem mo ay alwan mahampat ha tegteg nin Diyos. 22Paghehean mo bayti ya kasalanan mo, boy makirawat ka ha Diyos emen na ka patawaren ha kala-etan nin pagnanakem mo, 23ta na-intindiyan ko ya hika ay pon&#242; nin inggit boy nakahe-el ka ha kasalanan.&#8221;</div><div class="p"> 24Hinalit&#224; ni Simon koni Pidro boy koni Howan ya ombayri: &#8220;Ipanalangin moyo ko awod emen hay bawbagay ya hinalit&#224; moyo ay ah&#232; mangyari kongko.&#8221;</div><div class="p"> 25Hin nayar&#236; namapteg boy nangaral bayro hi Pidro boy hi Howan ay nagbira hila ha siyodad nin Hirosalim. Mintras amporong hila ay an-i-aral lay Mahampat ya Balit&#224; ha malak&#232; ya banoway angkaranan la bayro ha probinsyan Samarya.</div><div class="s">Hi Pilipi boy mihay opisyal ya taga nasyon Itopya</div><div class="p"> 26Hapa-eg hay mihay anghil nin Pangino-on ay naghalit&#224; koni Pilipi, ya wana, &#8220;Magpahabagatan ka ta mako ka ha daan ya ampangibat ha siyodad nin Hirosalim ya magpalako ha banowan Gasa.&#8221; Habayti ya daan ay anti ha powiray dogal. 27-28Nanig&#232; ana hi Pilipi. Hapa-eg, ma-in ampagdaan ya mihay lalaki ya nakahakay ha karwahi. Habayti ya lalaki ay mihay opisyal ya taga nasyon Itopya boy hiya ya ampama-al&#224; nin kayamanan ni Kandasi ya rayna bayro ha Itopya. Amporong bayti ya opisyal ya na-ibat ha siyodad nin Hirosalim nin namori ha Diyos. Mintras nakahakay ya ha karwahi ay ambahawen nay Halit&#224; nin Diyos ya hinolat ni propita Isayas. 29Hapa-eg, hinalit&#224; nin Ispirito nin Diyos koni Pilipi, &#8220;Pakarani ka,&#8221; wana, &#8220;ha karwahi.&#8221;</div><div class="p"> 30Hi Pilipi ay nowayon napakarani do ha karwahi. Naleng&#232; na baytoy opisyal ya ampamaha nin Halit&#224; nin Diyos ya hinolat ni propita Isayas. Pinastang ya ni Pilipi, &#8220;Angka-intindiyan mo nay&#236;,&#8221; wana, &#8220;ba-in ya ambahawen mo?&#8221;</div><div class="p"> 31Tinombay baytoy opisyal, ya wana, &#8220;Pangno ko ma-intindiyan bayti no ayin mangipalinaw kongko?&#8221; Hapa-eg, hinagyat na hi Pilipi nin homakay boy pina-ikn&#242; na ya ha dani na.</div><div class="p"> 32Hay nakaholat ha Kaholatan nin Diyos ya ambahawen nin hatoy opisyal ay ombayri:</div><div class="q1">&#8220;Hiya ay bilang ha topa ya gitan patyen, boy bilang ya nin oybon topa ya maski an-orogan ay ah&#232; ampambiy&#236;; hiya man ay ah&#232; nagtelek. 33Hiya ay pinareng-ey boy maski ayin yan kasalanan ay hinosgawan yan patyen. Ayin ni miha ya makapaghalit&#224; nin tongkol ha aw-inalalak na, ta pina-anggawan lay biyay na bayri ha babon lot&#224;.&#8221;</div><div class="p"> 34Hatoy opisyal ya taga Itopya ay naghalit&#224; koni Pilipi, ya wana, &#8220;Ibalit&#224; mo pa kongko no hinoy antokoyen nin habayti ya propita. Sarili na nay&#236; o kanayon ya tawo?&#8221; 35Hapa-eg, impalinaw kona ni Pilipi baytoy binaha na ha Kaholatan nin Diyos. Ha pangipalinaw ni Pilipi ay imbalit&#224; na do ha taga Itopya ya Mahampat ya Balit&#224; ya tongkol koni Apo Hisos.</div><div class="p"> 36Ha paninig&#232; la ay ni-abot hila ha ma-in lanom. Hapa-eg, hinalit&#224; nin hatoy lalaki ya taga Itopya, &#8220;Biliwen mo,&#8221; wana, &#8220;ma-in lanom. Ma-ar&#236; mo koyna nay&#236; nin binyagan?&#8221;</div><div class="p"> 37&#8220;Binyagan kata,&#8221; wani Pilipi, &#8220;no leseb ha nakem mo ya pamiminto-o mo.&#8221;</div><div class="p">Tinombay baytoy opisyal, ya wana, &#8220;Ampinto-o ko nin hi Pangino-on Hisokristo ay Anak nin Diyos.&#8221;</div><div class="p"> 38Hapa-eg, integen nin hatoy opisyal baytoy anhakyan lay karwahi ta nako hila ha lanom, biha ya bininyagan ni Pilipi. 39Hin nakalakat hila do ha lanom ay bigl&#224; na-anam hi Pilipi ta kinwa ya nin Ispirito nin Diyos. Agyayna nakit oman nin hatoy opisyal, piro maliga yay nagpatoloy nin norong ha nasyon Itopya. 40Hi Pilipi bal&#232; ay ni-abot ha banowan Asoto. Pa-ibat bayro, hay Mahampat ya Balit&#224; nin Diyos ay an-i-aral na ha kaganawan banowa ya angkaranan na anggan ni-abot ya ha siyodad nin Sisarya.</div>
 </div>
 </div>
</div>

Hi Sawlo ay miha ha tawtawoy nakikampi ha pamati koni Istiban. Piro ma-in ongnoy tawoy mangahampat ya masyadon nilomelè nin banà ha pagkamati ni Istiban. Hila baytoy nangitabon kona.

Pa-ibat hin habayton allo nin pinati la hi Istiban, hay ampipantompel ha Pangino-on bayro ha siyodad nin Hirosalim ay nagdanas nin masyadoy kadya-dya-an. Kayà nangapikakatak hila ha kaganawan dogal ya angkasakopan nin probinsyan Hodiya anggan probinsyan Samarya. Hay aw-alagad balè ay nagkabalag ha siyodad nin Hirosalim. Hay ampipantompel ha Pangino-on ay ampadya-dya-an ni Sawlo. Ampako ya ha bawbinali ta hay makit nay lawlalaki boy bawbabayi ay anggoloygoloyen nan gitan ha pirisowan.

Hatoy ampipantompel ha Pangino-on ya nangapikakatak, maski ayri hila mako ay an-i-aral lay Mahampat ya Balità ya tongkol koni Apo Hisos.
Hapa-eg hi Pilipi ya miha ha pitoy lalaki ya pinilì nin mama-alà ay nako ha siyodad nin Samarya ta in-aral na ha tawtawo bayro ya tongkol koni Kristo ya impangakò nin Diyos. Labaylabay leng-en nin tawtawo ya an-itorò ni Pilipi banà ha pawpapag-ispantawan ya angkakit lay anggaw-en na, ta hay mangala-et ya aw-ispirito ya pinomahok ha tawtawo ay ampipan-angaw ya ampa-alihen ni Pilipi. Malakè ya tawoy polonen boy pawpilay ya angkapakahampat na. Kayà hay tawtawoy ampa-iri bayro ha siyodad ay masyadon nilomiga. Hapa-eg, ma-in lalaki ya nagngalan Simon ya ampa-iri bayro ha siyodad nin Samarya. Hay boyot pana-on nin hay tawtawo ay ampipag-ispanta kona banà ha salimangkay anggaw-en na, boy anhalita-en nay makapangyariyan ya. Banà bayri, kaganawan tawo bayro ha siyodad, mag-in matag-ay o ma-aypà ya pagkatawo ay ampanlengè ha anhalita-en na. “Habayti ya tawo,” wanla, “ay main kapangyariyan nin Diyos, hsyoy kspsnhystiysn ys sn-inhsyrn nsern nin masyadoy kapangyariyan.” Hay boyot pana-on nin hay tawtawo ay ampipag-ispanta kona banà ha pagsalimangka na; kayà anhonolen la ya. Piro hin in-aral ni Pilipi ya Mahampat ya Balità ya tongkol ha pamomo-on nin Diyos boy tongkol ha ngalan ni Pangino-on Hisokristo, habaytoy tawtawo ay nipantompel. Hay lawlalaki boy bawbabayi ay nipampabinyag. Mismon hi Simon ay ninto-o biha napabinyag. Pirmi yan anhomono koni Pilipi boy ampag-ispanta ha kawkapapa-ispantay anggaw-en ni Pilipi.
Hapa-eg, nabalita-an nin hatoy aw-alagad ya anti ha siyodad nin Hirosalim ya hay tawtawo ha probinsyan Samarya ay nananggap nin Halità nin Diyos. Kayà inhogò lan mako bayro hi Pidro boy hi Howan. Hin ni-abot bayro hi Pidro boy hi Howan ay impanalangin la ya hatoy ampipantompel ha Pangino-on ay mananggap nin Ispirito nin Diyos, ta hay Ispirito nin Diyos ay ayin et ha maski hino konla nin ampipantompel ha Pangino-on. Hila ay nabinyagan bongat ha ngalan ni Pangino-on Hisos. Hapa-eg, impababo ni Pidro boy ni Howan ya gamet la do ha ampipantompel ha Pangino-on; kayà hay Ispirito nin Diyos ay tinanggap la.
Nakit ni Simon ya hay tawtawoy ampababowan nin aw-alagad nin gamet la ay ambiyan nin Diyos nin Ispirito na. Kayà ambiyan nan kowalta hi Pidro boy hi Howan, biha na hinalità, “Biyan moyo ko itaman,” wana, “nin kapangyariyan emen kaganawan tawoy mapababowan kon gamet ko ay biyan nin Diyos nin Ispirito na.”
Piro hinalità kona ni Pidro, ya wana, “Hika boy kowalta mo ay milamo nin mako ha kaparosawan ya ayin anggawan, ta an-ihipen mo nin hay kapangyariyan nin Diyos ay mabayaran mo nin kowalta. Agka makapaki-atag ha bagay ya habayti, ta hay nakem mo ay alwan mahampat ha tegteg nin Diyos. Paghehean mo bayti ya kasalanan mo, boy makirawat ka ha Diyos emen na ka patawaren ha kala-etan nin pagnanakem mo, ta na-intindiyan ko ya hika ay ponò nin inggit boy nakahe-el ka ha kasalanan.”
Hinalità ni Simon koni Pidro boy koni Howan ya ombayri: “Ipanalangin moyo ko awod emen hay bawbagay ya hinalità moyo ay ahè mangyari kongko.”
Hin nayarì namapteg boy nangaral bayro hi Pidro boy hi Howan ay nagbira hila ha siyodad nin Hirosalim. Mintras amporong hila ay an-i-aral lay Mahampat ya Balità ha malakè ya banoway angkaranan la bayro ha probinsyan Samarya.

Hapa-eg hay mihay anghil nin Pangino-on ay naghalità koni Pilipi, ya wana, “Magpahabagatan ka ta mako ka ha daan ya ampangibat ha siyodad nin Hirosalim ya magpalako ha banowan Gasa.” Habayti ya daan ay anti ha powiray dogal. Nanigè ana hi Pilipi. Hapa-eg, ma-in ampagdaan ya mihay lalaki ya nakahakay ha karwahi. Habayti ya lalaki ay mihay opisyal ya taga nasyon Itopya boy hiya ya ampama-alà nin kayamanan ni Kandasi ya rayna bayro ha Itopya. Amporong bayti ya opisyal ya na-ibat ha siyodad nin Hirosalim nin namori ha Diyos. Mintras nakahakay ya ha karwahi ay ambahawen nay Halità nin Diyos ya hinolat ni propita Isayas. Hapa-eg, hinalità nin Ispirito nin Diyos koni Pilipi, “Pakarani ka,” wana, “ha karwahi.”
Hi Pilipi ay nowayon napakarani do ha karwahi. Nalengè na baytoy opisyal ya ampamaha nin Halità nin Diyos ya hinolat ni propita Isayas. Pinastang ya ni Pilipi, “Angka-intindiyan mo nayì,” wana, “ba-in ya ambahawen mo?”
Tinombay baytoy opisyal, ya wana, “Pangno ko ma-intindiyan bayti no ayin mangipalinaw kongko?” Hapa-eg, hinagyat na hi Pilipi nin homakay boy pina-iknò na ya ha dani na.
Hay nakaholat ha Kaholatan nin Diyos ya ambahawen nin hatoy opisyal ay ombayri:
“Hiya ay bilang ha topa ya gitan patyen, boy bilang ya nin oybon topa ya maski an-orogan ay ahè ampambiyì; hiya man ay ahè nagtelek. Hiya ay pinareng-ey boy maski ayin yan kasalanan ay hinosgawan yan patyen. Ayin ni miha ya makapaghalità nin tongkol ha aw-inalalak na, ta pina-anggawan lay biyay na bayri ha babon lotà.”
Hatoy opisyal ya taga Itopya ay naghalità koni Pilipi, ya wana, “Ibalità mo pa kongko no hinoy antokoyen nin habayti ya propita. Sarili na nayì o kanayon ya tawo?” Hapa-eg, impalinaw kona ni Pilipi baytoy binaha na ha Kaholatan nin Diyos. Ha pangipalinaw ni Pilipi ay imbalità na do ha taga Itopya ya Mahampat ya Balità ya tongkol koni Apo Hisos.
Ha paninigè la ay ni-abot hila ha ma-in lanom. Hapa-eg, hinalità nin hatoy lalaki ya taga Itopya, “Biliwen mo,” wana, “ma-in lanom. Ma-arì mo koyna nayì nin binyagan?”
“Binyagan kata,” wani Pilipi, “no leseb ha nakem mo ya pamiminto-o mo.”
Tinombay baytoy opisyal, ya wana, “Ampinto-o ko nin hi Pangino-on Hisokristo ay Anak nin Diyos.”
Hapa-eg, integen nin hatoy opisyal baytoy anhakyan lay karwahi ta nako hila ha lanom, biha ya bininyagan ni Pilipi. Hin nakalakat hila do ha lanom ay biglà na-anam hi Pilipi ta kinwa ya nin Ispirito nin Diyos. Agyayna nakit oman nin hatoy opisyal, piro maliga yay nagpatoloy nin norong ha nasyon Itopya. Hi Pilipi balè ay ni-abot ha banowan Asoto. Pa-ibat bayro, hay Mahampat ya Balità nin Diyos ay an-i-aral na ha kaganawan banowa ya angkaranan na anggan ni-abot ya ha siyodad nin Sisarya.

Luister na Gawgawà 8