Masifunde iBhayibheli ndawonye (Ndasa)

Masifunde iBhayibheli ndawonye (uMbasa)

Masifunde iBhayibheli ndawonye (uNhlaba)

Asifunde iBhayibheli sisonke (uNhlangulana)

Masifunde iBhayibheli ndawonye (uNtulikazi)

Asifunde iBhayibheli sisonke (August)

Asifunde iBhayibheli sisonke (September)

Asifunde iBhayibheli sisonke (uMfumfu)

Asifunde iBhayibheli sisonke (November)

Asifunde iBhayibheli sisonke (uZibandlela)

<div class="version vid286 iso6393zul" data-vid="286" data-iso6393="zul">
 <div class="book bkGEN">
 <div class="chapter ch36" data-usfm="GEN.36">
 <div class="label">36</div><div class="s1">Umndeni ka-Esawu</div><div class="p"> 1 Lezi ziyizizukulwane zika-Esawu ongu-Edomi.</div><div class="p"> 2 U-Esawu wazithathela abafazi kuwo amadodakazi aseKhanani: u-Ada indodakazi ka-Eloni umHeti, no-Oholibama indodakazi ka-Ana, indodakazi kaSibeyoni umHivi, 3noBasemati indodakazi ka-Ishmayeli, udadewabo kaNebayoti.</div><div class="p"> 4U-Ada wamzalela u-Esawu u-Elifazi; uBasemati wazala uRehuweli; 5u-Oholibama wazala oJewushe, noJalamu, noKora; lawo angamadodana ka-Esawu azalelwa wona ezweni laseKhanani.</div><div class="p"> 6U-Esawu wathatha omkakhe, namadodana akhe, namadodakazi akhe, nabantu bonke bendlu yakhe, nemfuyo yakhe, nezinkomo zakhe, nempahla yonke yakhe owayeyizuze ezweni laseKhanani, waya ezweni elikude nomfowabo uJakobe. 7 Ngokuba imfuyo yabo yayiyinkulu kunokuba bahlale ndawonye, nezwe lokugogobala kwabo lalingenakubathwala ngenxa yemfuyo yabo. 8 U-Esawu wahlala entabeni yaseSeyiri; u-Esawu ungu-Edomi.</div><div class="p"> 9Lezi ziyizizukulwane zika-Esawu uyise wabakwa-Edomi entabeni yaseSeyiri. 10Nanka amagama amadodana ka-Esawu: Ngu-Elifazi indodana ka-Ada umka-Esawu, noRehuweli indodana kaBasemati umka-Esawu. 11Amadodana ka-Elifazi ayengoThemani, no-Omari, noSefo, noGathamu, noKenazi. 12UThimna wayeyisancinza sika-Elifazi indodana ka-Esawu; wamzalela u-Elifazi u-Amaleki; yilawo angamadodana ka-Ada umka-Esawu. 13Lawa angamadodana kaRehuweli: ngoNahati, noZera, noShama, noMiza; yilawo angamadodana kaBasemati umka-Esawu. 14Lawa angamadodana ka-Oholibama indodakazi ka-Ana, indodakazi kaSibeyoni, umka-Esawu: wamzalela u-Esawu oJewushe, noJalamu, noKora.</div><div class="p"> 15 Laba bangabanumzane bamadodana ka-Elifazi izibulo lika-Esawu: Ngumnumzane uThemani, nomnumzane u-Omari, nomnumzane uSefo, nomnumzane uKenazi, 16nomnumzane uKora, nomnumzane uGathamu, nomnumzane u-Amaleki; yilabo abangabanumzane abavela ku-Elifazi ezweni lakwa-Edomi; yilawo angamadodana ka-Ada. 17Lawa angamadodana kaRehuweli indodana ka-Esawu: ngumnumzane uNahati, nomnumzane uZera, nomnumzane uShama, nomnumzane uMiza; yilabo abangabanumzane abavela kuRehuweli ezweni lakwa-Edomi; yilawo angamadodana kaBasemati umka-Esawu. 18Lawa angamadodana ka-Oholibama umka-Esawu: ngumnumzane uJewushe, nomnumzane uJalamu, nomnumzane uKora; yilabo abangabanumzane abavela ku-Oholibama indodakazi ka-Ana umka-Esawu.</div><div class="p"> 19Yilawo angamadodana ka-Esawu; labo bangabanumzane bawo; yena ungu-Edomi.</div><div class="s1">Inzalo kaSeyiri</div><div class="p"> 20 Lawa angamadodana kaSeyiri umHori ayakhe kulelo zwe: ngoLothani, noShobali, noSibeyoni, no-Ana, 21noDishoni, no-Eseri, noDishani; labo bangabanumzane abavela kuwo amaHori, abantwana bakaSeyiri ezweni lakwa-Edomi. 22Amadodana kaLothani ayengoHori noHemamu; udadewabo kaLothani wayenguThimna. 23Lawa angamadodana kaShobali: ngo-Alevani, noManahati, no-Ebali, noShefo, no-Onamu. 24Lawa angamadodana kaSibeyoni: ngo-Aya, no-Ana; nguyena lowo Ana owafumana imithombo eshisayo ehlane, ezalusa izimbongolo zikaSibeyoni uyise. 25Laba bangabantwana baka-Ana: ngoDishoni no-Oholibama indodakazi ka-Ana. 26Lawa angamadodana kaDishoni: ngoHemdani, no-Eshibani, noJitrani, noKerani. 27Lawa angamadodana ka-Eseri: ngoBilihani, noZahawana, no-Akani. 28Lawa angamadodana kaDishani: ngo-Use no-Arana. 29Laba bangabanumzane abavela kuwo amaHori: ngumnumzane uLothani, nomnumzane uShobali, nomnumzane uSibeyoni, nomnumzane u-Ana, 30nomnumzane uDishoni, nomnumzane u-Eseri, nomnumzane uDishani; yilabo abangabanumzane abavela kuwo amaHori, abanumzane ngabanumzane ezweni laseSeyiri.</div><div class="p"> 31 Lawa angamakhosi ayebusa ezweni lakwa-Edomi, kungakabusi nkosi kwabakwa-Israyeli. 32UBela indodana kaBeyori wabusa kwabakwa-Edomi; igama lomuzi wakhe laliyiDinihaba. 33Wafa uBela; uJobabi indodana kaZera waseBosira waba yinkosi esikhundleni sakhe. 34Wafa uJobabi; uHushamu wasezweni labakwaThemani waba yinkosi esikhundleni sakhe. 35Wafa uHushamu; uHadadi indodana kaBedadi owanqoba abakwaMidiyani ethafeni lakwaMowabi waba yinkosi esikhundleni sakhe; igama lomuzi wakhe laliyi-Aviti. 36Wafa uHadadi; uSamla waseMasireka waba yinkosi esikhundleni sakhe. 37Wafa uSamla; uShawule waseRehoboti ngasemfuleni waba yinkosi esikhundleni sakhe. 38Wafa uShawule; uBali Hanani indodana ka-Akibori waba yinkosi esikhundleni sakhe. 39Wafa uBali Hanani indodana ka-Akibori; uHadari waba yinkosi esikhundleni sakhe; igama lomuzi wakhe laliyiPhawu; igama lomkakhe lalinguMehetabeli indodakazi kaMatiredi, indodakazi kaMezahabi.</div><div class="p"> 40 Lawa angamagama abanumzane abavela ku-Esawu ngemindeni yabo, nangezindawo zabo, nangamagama abo: ngumnumzane uThimna, nomnumzane u-Aliva, nomnumzane uJeteti, 41nomnumzane u-Oholibama, nomnumzane u-Ela, nomnumzane uPhinoni, 42nomnumzane uKenazi, nomnumzane uThemani, nomnumzane uMibisari, 43nomnumzane uMagidiyeli, nomnumzane u-Iramu; yilabo abangabanumzane bakwa-Edomi ngokwakha kwabo ezweni elaliyifa labo; nguyena u-Esawu uyise wabakwa-Edomi.</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkGEN">
 <div class="chapter ch37" data-usfm="GEN.37">
 <div class="label">37</div><div class="s1">Amaphupho kaJosefa</div><div class="p"> 1 UJakobe wakha ezweni lokugogobala kukayise, ezweni laseKhanani. 2Lokhu kuyindaba kaJakobe. UJosefa eseneminyaka eyishumi nesikhombisa wawalusa umhlambi kayise enabafowabo; engumfana nje wayekuwo amadodana kaBiliha nakuwo amadodana kaZilipa omkayise; uJosefa waletha kuyise imibiko emibi ngabo.</div><div class="p"> 3Kepha u-Israyeli wathanda uJosefa kakhulu kunabantwana bakhe bonke, ngokuba wayeyindodana yobuxhegu bakhe; wamenzela ingubo enemikhono emide. 4Abafowabo babona ukuthi uyise umthanda kunabafowabo bonke; khona bamzonda, bengenakukhuluma kuye ngokuthula.</div><div class="p"> 5UJosefa waphupha iphupho, wabalandisa lona abafowabo; babelokhu bemzonda kakhulu. 6Wathi kubo: &#8220;Ake nizwe leli phupho engiliphuphileyo. 7Bhekani, besibopha izithungu ensimini; naso-ke isithungu sami sivuka sima; nazo-ke izithungu zenu zisiphahla, zisikhothamela isithungu sami.&#8221;</div><div class="p"> 8Base bethi kuye abafowabo: &#8220;Impela uyakuba yinkosi yethu, usibuse na?&#8221; Bamzonda kakhulu kunakuqala ngenxa yamaphupho akhe namazwi akhe.</div><div class="p"> 9Waphupha nelinye iphupho, wabalandisa lona abafowabo, wathi: &#8220;Bhekani, ngiphuphe nelinye iphupho; bhekani-ke ilanga nenyanga nezinkanyezi eziyishumi nanye kwangikhothamela.&#8221;</div><div class="p"> 10Wabalandisa uyise nabafowabo; uyise wamsola, wathi kuye: &#8220;Yiphupho lini leli oliphuphileyo na? Impela mina nonyoko nabafowenu siyakuza, sikukhothamele emhlabathini na?&#8221; 11Abafowabo baba nomhawu ngaye, kepha uyise wawalonda lawa mazwi.</div><div class="s1">Ukuthengiswa kukaJosefa</div><div class="p"> 12Abafowabo baya ukwalusa umhlambi kayise eShekemi. 13U-Israyeli wathi kuJosefa: &#8220;Abafowenu abawalusi umhlambi eShekemi na? Woza, ngiyakukuthuma kubo.&#8221;</div><div class="p">Wathi kuye: &#8220;Ngilapha.&#8221;</div><div class="p"> 14Wayesethi kuye: &#8220;Hamba-ke, ubone ukuthi basahlezi kahle yini abafowenu nomhlambi, uze ungibuyisele izwi.&#8221; Wamthuma esuka esigodini saseHebroni, waze wafika eShekemi. 15Umuntu othile wamfumana ezulazula endle; lo muntu wambuza wathi: &#8220;Ufunani na?&#8221;</div><div class="p"> 16Wathi: &#8220;Ngifuna abafowethu; ake ungitshele ukuthi baluselaphi.&#8221;</div><div class="p"> 17Wathi lowo muntu: &#8220;Basukile lapha, ngokuba ngabezwa bethi: &#8216;Asiye eDotayini.&#8217; &#8221; UJosefa walandela abafowabo, wabafumana eDotayini. 18Bambona esekude; engakasondeli kubo, bamenzela ugobe lokumbulala.</div><div class="p"> 19Bakhulumisana omunye nomunye, bathi: &#8220;Bhekani, inyanga yamaphupho iyeza. 20Ngalokho wozani, siyibulale, siyiphonse komunye wemigodi, bese sithi: &#8216;Isilwane esibi siyidlile,&#8217; sibone ukuthi azakuba yini amaphupho ayo.&#8221;</div><div class="p"> 21 URubeni wakuzwa, wamophula esandleni sabo ngokuthi: &#8220;Asingambulali.&#8221; 22URubeni wathi kubo: &#8220;Ningachithi gazi; mphonseni kulo mgodi osehlane, ningabeki isandla kuye,&#8221; ukuba amophule esandleni sabo, ambuyisele kuyise.</div><div class="p"> 23Kwathi uJosefa esefike kubafowabo, bamkhumula ingubo yakhe, leyo ngubo enemikhono emide ayeyigqokile. 24Bamthatha, bamphonsa emgodini; umgodi wawungenalutho, kungekho manzi kuwo.</div><div class="p"> 25Bahlala phansi ukuba badle isinkwa; baphakamisa amehlo abo, babona; bheka, kwafika ihele labakwa-Ishmayeli livela kwaGileyadi, linamakamela alo ethwele inhlaka nebhalisamu* nemure,* likwewusela eGibithe.</div><div class="p"> 26Wayesethi uJuda kubafowabo: &#8220;Kuyakusizani, uma simbulala umfowethu, sifihle igazi lakhe, na? 27Wozani sithengise ngaye kwabakwa-Ishmayeli, isandla senu singabi phezu kwakhe, ngokuba ungumfowethu, uyinyama yethu.&#8221; Abafowabo bamlalela.</div><div class="p"> 28 Kwase kudlula abathengi bakwaMidiyani; bamdonsa uJosefa, bamkhuphula emgodini, bathengisa ngoJosefa kwabakwa-Ishmayeli ngezinhlamvu ezingamashumi amabili zesiliva. Labo-ke bamusa uJosefa eGibithe.</div><div class="p"> 29URubeni wabuyela emgodini; bheka, uJosefa wayengasekho emgodini; waklebhula izingubo zakhe. 30Wayesebuyela kubafowabo, ethi: &#8220;Akasekho umntwana; mina-ke ngizakushonaphi na?&#8221;</div><div class="p"> 31Base bethatha ingubo kaJosefa, bahlaba impongo, bacwilisa ingubo egazini. 32Bathumela leyo ngubo enemikhono emide, bayiyisa kuyise, bathi: &#8220;Siyitholile lena; ake ubone, uma le ngubo ingeyendodana yakho yini, noma akusiyo na?&#8221;</div><div class="p"> 33 Wayibona, wathi: &#8220;Yiyo ingubo yendodana yami; isilwane esibi simdlile; yebo, uJosefa udatshuliwe nokudatshulwa.&#8221;</div><div class="p"> 34UJakobe wayeseklebhula izingubo zakhe, wafaka indwangu yamasaka okhalweni lwakhe, walilela indodana yakhe izinsuku eziningi. 35Onke amadodana akhe nawo onke amadodakazi akhe asuka ukuyomduduza, kepha wala ukududuzwa, wathi: &#8220;Ngiyakwehla, ngiye endodaneni yami endaweni yabafileyo ngilila.&#8221; Uyise wamlilela-ke.</div><div class="p"> 36 AbakwaMidiyani bathengisa ngaye eGibithe kuPotifari, inceku kaFaro, induna yabalindi bakhe.</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkGEN">
 <div class="chapter ch38" data-usfm="GEN.38">
 <div class="label">38</div><div class="s1">Amadodana kaJuda</div><div class="p"> 1Kwathi ngaleso sikhathi uJuda wasuka kubafowabo, wehla, waya kumuntu wase-Adulamu ogama lakhe linguHira. 2UJuda wabona lapho indodakazi yomuntu waseKhanani ogama lakhe linguShuwa; wayithatha, wangena kuyo. 3Yakhulelwa, yazala indodana, yaqamba igama layo ngokuthi u-Eri. 4Yabuye yakhulelwa, yazala indodana, yaqamba igama layo ngokuthi u-Onani. 5Yabuye yazala futhi indodana, yaqamba igama layo ngokuthi uShela; uJuda wayeseKesibi ekuyizaleni kwayo.</div><div class="p"> 6UJuda wamthathela u-Eri izibulo lakhe umfazi ogama lakhe linguTamari. 7 U-Eri izibulo likaJuda wayemubi emehlweni kaJehova; uJehova wambulala.</div><div class="p"> 8 UJuda wathi ku-Onani: &#8220;Yiya kumkamfowenu, umngene, umvusele umfowenu inzalo.&#8221; 9U-Onani wayekwazi ukuthi inzalo ayiyikuba ngeyakhe; kwathi nxa engena kumkamfowabo, wachitha emhlabathini ukuba angamniki umfowabo inzalo. 10Kwaba kubi emehlweni kaJehova lokho akwenzileyo; wambulala naye futhi.</div><div class="p"> 11UJuda wayesethi kuTamari umalokazana wakhe: &#8220;Hlala ungumfelokazi endlini kayihlo, aze akhule uShela indodana yami,&#8221; ngokuba wathi: &#8220;Ukuba angafi njengabafowabo.&#8221; UTamari waya wahlala kwabo.</div><div class="s1">OJuda noTamari</div><div class="p"> 12Emva kwezinsuku eziningi yafa indodakazi kaShuwa umkaJuda; eseduduzekile uJuda wakhuphuka, waya kubo abagundi bezimvu zakhe eThimna, yena kanye nomhlobo wakhe uHira wase-Adulamu.</div><div class="p"> 13Kwatshelwa uTamari ukuthi: &#8220;Bheka, uyihlozala uyakhuphukela eThimna ukuyogunda izimvu zakhe.&#8221; 14Wayesekhumula izingubo zakhe zobufelokazi, wagubuzela, wazimboza, wahlala esangweni lase-Enayimi ngasendleleni eya eThimna, ngokuba wabona ukuthi uShela usekhulile, engamnikwa nokho abe ngumkakhe.</div><div class="p"> 15UJuda esembona wacabanga ukuthi uyisifebe, ngokuba wayegubuzele ubuso. 16Waphambukela kuye endleleni, wathi: &#8220;Woza, ake ngingene kuwe,&#8221; ngokuba wayengazi ukuthi ungumalokazana wakhe.</div><div class="p">Wathi: &#8220;Uyakungiphani ukuba ungene kimi na?&#8221;</div><div class="p"> 17Wayesethi: &#8220;Mina ngizakukuthumela izinyane lembuzi elisemhlambini.&#8221;</div><div class="p">Wathi: &#8220;Uzakunginika isibambiso, uze ulithume, na?&#8221;</div><div class="p"> 18Wathi: &#8220;Ngikuphe sibambiso sini na?&#8221;</div><div class="p">Wathi: &#8220;Indandatho yakho, nentambo yakho, nodondolo lwakho olusesandleni sakho.&#8221; Wamupha, wangena kuye; wakhuliselwa nguye. 19Wasuka, wahamba, wakhumula iveli lakhe, wembatha izingubo zakhe zobufelokazi.</div><div class="p"> 20UJuda wathuma izinyane lembuzi ngesandla somhlobo wakhe wase-Adulamu ukuba athathe isibambiso esandleni sowesifazane, kepha akamfumananga. 21Wayesebuza abantu bendawo yakhe, wathi: &#8220;Siphi isifebe esasise-Enayimi ngasendleleni na?&#8221;</div><div class="p">Bathi: &#8220;Akuzange kube khona isifebe lapha.&#8221;</div><div class="p"> 22Wayesebuyela kuJuda, ethi: &#8220;Angisifumananga; nabantu bendawo bathi: &#8216;Akuzange kube khona isifebe lapha.&#8217; &#8221;</div><div class="p"> 23Wathi uJuda: &#8220;Masizithathele sona, funa sibe nehlazo; bheka, ngithume leli zinyane, kepha awusifumananga.&#8221;</div><div class="p"> 24Kwathi emva kwezinyanga ezintathu uJuda watshelwa ukuthi: &#8220;UTamari umalokazana wakho ufebile; bheka, futhi ukhulelwe ngokufeba kwakhe.&#8221;</div><div class="p">UJuda wathi: &#8220;Mletheni, ashiswe.&#8221;</div><div class="p"> 25Eselethiwe wathumela kuyisezala, wathi: &#8220;Ngikhuleliswe yile ndoda engumnini walezi zinto.&#8221; Wathi futhi: &#8220;Ake ubone ukuthi ngokukabani le ndandatho, nale ntambo, nalolu dondolo na?&#8221;</div><div class="p"> 26Wakuvuma uJuda, wathi: &#8220;Ulungile kunami, njengokuba ngingamnikanga uShela indodana yami.&#8221; Akabange esamazi futhi.</div><div class="p"> 27Kwathi ngesikhathi sokubeletha kwakhe, bheka, ngamawele asesiswini sakhe. 28Kwathi esabeletha, omunye wakhipha isandla; umbelethisi wathatha, wabopha esandleni sakhe ngentambo ebomvu, wathi: &#8220;Lo uphume kuqala.&#8221; 29 Kwathi ukuba afinyeze isandla sakhe, nangu umfowabo ephuma; wathi: &#8220;Ufuzuleleni na?&#8221; Ngalokho igama lakhe laqanjwa ngokuthi uPheresi.* 30Ngasemuva waphuma umfowabo owayenentambo ebomvu esandleni sakhe; igama lakhe lathiwa uZera.</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkGEN">
 <div class="chapter ch39" data-usfm="GEN.39">
 <div class="label">39</div><div class="s1">Isikhundla sikaJosefa</div><div class="p"> 1 UJosefa wehliselwa eGibithe; uPotifari inceku kaFaro, induna yemilindankosi, owaseGibithe, wamthenga esandleni sabakwa-Ishmayeli ababemehlisele khona.</div><div class="p"> 2UJehova wayenaye uJosefa, waba ngumuntu onenhlanhla; wayesendlini yenkosi yakhe yaseGibithe. 3Inkosi yakhe yabona ukuthi uJehova unaye nokuthi konke akwenzayo uJehova wakuphumelelisa esandleni sakhe. 4UJosefa wafumana umusa emehlweni ayo, wayikhonza; yambeka abe yinduna phezu kwendlu yayo, nakho konke okwayo yakunikela esandleni sakhe. 5Kusukela kuleso sikhathi embeke ngaso ukuba abe yinduna phezu kwendlu yayo naphezu kwakho konke okwayo, uJehova wabusisa indlu yowaseGibithe ngenxa kaJosefa; isibusiso sikaJehova sasikukho konke okwayo endlini nasensimini. 6Yashiya konke okwayo esandleni sikaJosefa; yayingazi lutho olwayo, ukudla eyakudlayo kuphela. UJosefa wayengumgembeleza, eyigeza.</div><div class="s1">Ubumhlophe bukaJosefa</div><div class="p"> 7Kwathi emva kwalezo zinto umkankosi yakhe waphonsa amehlo kuJosefa, wathi: &#8220;Lala nami.&#8221;</div><div class="p"> 8Kepha wala, wathi kumkankosi yakhe: &#8220;Bheka, inkosi yami ayikwazi enginakho endlini, inikele konke okwayo esandleni sami; 9ayinkulu kunami kule ndlu; futhi ayingigodlelanga lutho ngaphandle kwakho kuphela, ngokuba ungumkayo; pho, ngingenza kanjani lobo bubi obungaka, ngone kuNkulunkulu na?&#8221; 10Kwathi esakhuluma kuJosefa izinsuku ngezinsuku, akamlalelanga ukuba alale naye, nokuba abe naye.</div><div class="p"> 11Kwathi ngosuku lumbe engena endlini ukuyokwenza imisebenzi yakhe, kungekho lapho phakathi noyedwa owendlu, 12wambamba ngengubo yakhe, wathi: &#8220;Lala nami,&#8221; kepha washiya ingubo yakhe esandleni sakhe, wabaleka, wagijimela phandle.</div><div class="p"> 13Kwathi esebone ukuthi ushiyile ingubo esandleni sakhe, wabaleka, 14wabiza abantu bendlu, wakhuluma kubo, wathi: &#8220;Bonani usilethele umHeberu ukuba adlale ngathi; uze kimina ukuba alale nami; ngamemeza ngezwi elikhulu; 15wathi ezwa ukuthi ngiphakamisa izwi lami ngimemeza, washiya ingubo yakhe kimi, wabaleka, wagijimela phandle.&#8221;</div><div class="p"> 16Wayesebeka le ngubo kuye, yaze yafika ekhaya inkosi yakhe. 17Wakhuluma kuyo wona lawa mazwi, wathi: &#8220;Le nceku engumHeberu, osilethele yona, ize kimi ukuba idlale ngami; 18kwathi ukuba ngiphakamise izwi lami ngimemeza, yashiya ingubo yayo kimi, yabalekela phandle.&#8221;</div><div class="s1">Ukuboshwa kukaJosefa</div><div class="p"> 19Yathi inkosi yakhe isizwe amazwi omkayo ayewakhulume kuyo, ethi: &#8220;Yenze njalo kimi inceku yakho,&#8221; lwavutha ulaka lwayo. 20 Inkosi kaJosefa yamthatha, yamfaka etilongweni, indawo lapho iziboshwa zenkosi zaziboshwa khona; waba khona etilongweni. 21Kepha uJehova wayenaye uJosefa, wamupha umusa, wamenzela ububele emehlweni omlindi wetilongo. 22Umlindi wetilongo wanikela esandleni sikaJosefa zonke iziboshwa ezazisetilongweni; konke ezazikwenza khona nguyena owayekwenza. 23 Umlindi wetilongo akabanga esabheka lutho olusesandleni sakhe, ngokuba uJehova wayenaye, nalokho akwenzayo uJehova wakuphumelelisa.</div>
 </div>
 </div>
</div>

Masifunde iBhayibheli ndawonye (uNhlolanja)Isampula

UmBhalo

Mayelana naloluHlelo

Izinhlelo zohlobo olufanayo