Ukulinda uNkulunkulu

Ukuzuza Ukuhlakanipha KukaNkulunkulu

Kungcono kunokujwayelekile

Ubathanda Kanjani Abantu Ongavumelani Nabo

Ukunqoba Impi Engqondweni Yakho

<div class="version vid286 iso6393zul" data-vid="286" data-iso6393="zul">
 <div class="book bkJAS">
 <div class="chapter ch1" data-usfm="JAS.1">
 <div class="label">1</div><div class="s1">Isibingelelo</div><div class="p"> 1 UJakobe, inceku kaNkulunkulu neyeNkosi uJesu Kristu, uyakhonza kuzo izizwe eziyishumi nambili ezihlakazekileyo.</div><div class="s1">Ukuyala ngezilingo</div><div class="p"> 2 Bazalwane bami, nxa nehlelwa yizilingo ngezilingo, anothi kungukuthokoza kodwa, 3 nazi ukuthi ukuvivinywa kokukholwa kwenu kuveza ukukhuthazela. 4Kepha ukukhuthazela makube nomsebenzi opheleleyo, ukuze nibe ngabapheleleyo nabangenacala abangasweli lutho. 5 Uma-ke kukhona kini oswela ukuhlakanipha, makacele kuNkulunkulu obapha bonke ngobuhle engajakadi, khona uyakuphiwa. 6 Kepha makacele ngokukholwa engangabazi ngalutho; ngokuba ongabazayo unjengedlambi lolwandle eliqhutshwa, ligujiswa ngumoya. 7Ngakho makangasho lowo muntu ukuthi uyakwamukeliswa utho yiNkosi, 8 umuntu onhliziyombili oguquguqukayo ezindleleni zakhe zonke.</div><div class="p"> 9 Umzalwane ophansi makazincome ngokuphakama kwakhe, 10 kepha oyisicebi makazincome ngobuphansi bakhe, ngokuba njengembali yotshani uyakudlula. 11 Ngokuba ilanga liphuma libalele, libunisa utshani, imbali yabo iwele phansi, nobuhle besimo sabo bunyamalale; kanjalo nesicebi siyakudlula ezindleleni zaso.</div><div class="p"> 12 Ubusisiwe umuntu okhuthazela ekulingweni; ngokuba esevivinyekile uyakwamukeliswa umqhele wokuphila othenjisiwe yiNkosi kwabayithandayo.</div><div class="p"> 13Umuntu oyengwayo makangasho ukuthi: &#8220;Ngiyengwa nguNkulunkulu,&#8221; ngokuba uNkulunkulu angeyengwe ngokubi, naye uqobo akayengi muntu. 14 Kepha yilowo nalowo uyengwa ehuhwa ngezakhe izinkanuko, ehungwa; 15 uma inkanuko isithathile, ibeletha isono; nesono sesiphelelisiwe, sizala ukufa.</div><div class="p"> 16Ningadukiswa, bazalwane bami abathandekayo. 17 Izipho zonke ezinhle neziphiwo zonke ezipheleleyo zivela phezulu, zehla kuYise wokukhanya okungekho kuye ukuguquka nasithunzi sokuphenduka. 18 Ngokuthanda kwakhe wasizala ngezwi leqiniso, ukuze sibe ngabokuqala bezidalwa zakhe.</div><div class="s1">Ukuyala ngokukholwa okunezenzo</div><div class="p"> 19 Niyakwazi lokho, bazalwane bami abathandekayo. Yilowo nalowo muntu makasheshe ukuzwa, aphuze ukukhuluma, aphuze ukuthukuthela; 20ngokuba ulaka lomuntu alusebenzi ukulunga kukaNkulunkulu. 21 Ngakho lahlani yonke insila nokubi okuvamileyo, namukele ngomoya omnene izwi elitshaliweyo elinamandla okusindisa imiphefumulo yenu.</div><div class="p"> 22 Yibani ngabalenzayo izwi, ningabi ngabalizwayo kuphela, nizikhohlisa. 23 Ngokuba uma umuntu engolizwayo izwi engesiye olenzayo, lowo ufana nomuntu obuka ubuso bakhe bemvelo esibukweni; 24ngokuba uyazibuka, amuke, akhohlwe masinyane ukuthi wayengonjani. 25 Kepha obukisisa emthethweni opheleleyo wenkululeko nohlala kuwo, engesiye ozwayo nje akhohlwe, kodwa engowenzayo asebenze, lowo uzakuba ngobusisiweyo ekwenzeni kwakhe.</div><div class="p"> 26 Uma umuntu esho ukuthi uyikholwa, engabophi ulimi lwakhe kungathi ngetomu kodwa ekhohlisa inhliziyo yakhe, ukukhonza kwalowo kuyize. 27 Ukukhonza okumhlophe okungenabala phambi kukaNkulunkulu uBaba yilokhu ukuhambela izintandane nabafelokazi osizini lwabo nokuzigcina kungabi yicala lokwezwe.</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkJAS">
 <div class="chapter ch2" data-usfm="JAS.2">
 <div class="label">2</div><div class="s1">Abazalwane mabangakhethi abantu</div><div class="p"> 1 Bazalwane bami, ukukholwa kwenu yiNkosi yethu yenkazimulo uJesu Kristu makungabi nokukhetha abantu. 2Ngokuba uma kungena esinagogeni* lenu umuntu onendandatho yegolide nezingubo ezicwebezelayo, kungene nompofu onezingubo ezimbi, 3nimbheke ogqokile izingubo ezicwebezelayo, nithi: &#8220;Hlala lapha wena kulendawo enhle,&#8221; besenithi kompofu: &#8220;Yima lapho wena,&#8221; noma: &#8220;Hlala phansi kwesenabelo sezinyawo zami,&#8221; 4anikhethi yini, nibe ngabahluleli abanezizindlo ezimbi na?</div><div class="p"> 5 Yizwani, bazalwane bami abathandekayo. UNkulunkulu akakhethanga yini abampofu ezweni babe ngabacebileyo ekukholweni nezindlalifa zombuso awuthembisa bona abamthandayo na? 6 Kepha nina namdumaza ompofu. Abacebileyo abanicindezeli yini, abanihuduleli emacaleni na? 7Abahlambalazi igama elihle enibizwa ngalo na?</div><div class="p"> 8 Kepha uma nigcina umthetho wobukhosi ngokombhalo wokuthi: &#8220;Wothanda umakhelwane wakho njengalokhu uzithanda wena,&#8221; nenza kahle; 9 kodwa uma nikhetha abantu, nenza isono, nilahlwa ngumthetho njengabaweqayo. 10 Ngokuba ogcina wonke umthetho kepha akhubeke kowodwa, unecala kuyo yonke. 11 Ngokuba yena owathi: &#8220;Ungaphingi,&#8221; wathi futhi: &#8220;Ungabulali,&#8221; uma-ke ungaphingi kepha ubulale, ungoweqa umthetho.</div><div class="p"> 12 Khulumani kanjalo, nenze kanjalo njengokufanele abayakwahlulelwa ngomthetho wenkululeko. 13 Ngokuba ukwahlulelwa okungenasihawu kuyakumehlela ongenzi isihawu; isihawu sizigabisa ekwahlulelweni.</div><div class="s1">Ukukholwa kufanele kube nezenzo</div><div class="p"> 14 Kusizani, bazalwane bami, uma umuntu ethi unokukholwa, kepha engenayo imisebenzi na? Ukukholwa kungamsindisa na? 15 Uma umzalwane noma umzalwanekazi behamba ze, beswela ukudla kwemihla ngemihla, 16 kusho omunye kini kubo ukuthi: &#8220;Hambani nibe nokuthula, nifudumale; nisuthe,&#8221; kepha ningabaphi lokho okudingwa ngumzimba, lokhu kusizani na? 17Kanjalo-ke nokukholwa, uma kungenayo imisebenzi, kufile ngokwakho.</div><div class="p"> 18Kepha omunye uyakuthi: &#8220;Wena unokukholwa, mina nginemisebenzi,&#8221; ngibonise ukukholwa kwakho ngaphandle kwemisebenzi, nami ngizakukukhombisa ukukholwa ngemisebenzi yami. 19 Wena uyakholwa ukuthi uNkulunkulu munye na? Wenza kahle; namademoni ayakholwa, athuthumele.</div><div class="p"> 20Kepha wena muntu ongelutho uyathanda ukuqonda ukuthi ukukholwa ngaphandle kwemisebenzi kuyize na? 21 U-Abrahama ubaba wayengalungisiswa yini ngemisebenzi enikela ngendodana yakhe u-Isaka e-altare na? 22Uyabona ukuthi ukukholwa kwasebenza kanye nemisebenzi yakhe nokuthi ukukholwa kwapheleliswa ngemisebenzi, 23 kwagcwaliseka umbhalo othi: &#8220;Kepha u-Abrahama wakholwa nguNkulunkulu, kwabalelwa kuye ukuthi kungukulunga,&#8221; wabizwa ngokuthi umhlobo kaNkulunkulu. 24 Niyabona ukuthi umuntu uyalungisiswa ngemisebenzi, kungengokukholwa kuphela.</div><div class="p"> 25 Kanjalo-ke noRahabi isifebe wayengalungisiswa ngemisebenzi yini, ezamukele izithunywa eziphumisa ngenye indlela na? 26Ngokuba njengalokhu umzimba ngaphandle komoya ufile, kanjalo nokukholwa ngaphandle kwemisebenzi kufile.</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkJAS">
 <div class="chapter ch3" data-usfm="JAS.3">
 <div class="label">3</div><div class="s1">Izono zolimi</div><div class="p"> 1 Ningabi ngabafundisi abaningi, bazalwane bami, nazi ukuthi siyakwamukeliswa ukwahlulelwa okukhulu. 2 Ngokuba sonke siyakhubeka ngokuningi; uma umuntu engakhubeki ngazwi, lowo uyindoda epheleleyo enamandla okubamba nomzimba wonke kungathi ngetomu.</div><div class="p"> 3Uma-ke sifaka amatomu emilonyeni yamahashi ukuba asilalele, siqondisa nomzimba wonke wawo. 4Bhekani nemikhumbi, ingaka nje, iqhutshwa yimimoya enamandla, iqondiswa ngephini elincinyane, lapho umshayeli efuna ukuyiqondisa khona. 5 Lunjalo nolimi; luyisitho esincane, kanti luyazigabisa kakhulu. Bhekani umlilo omncane uvuthisa ihlathi elingaka; 6 nolimi lungumlilo, ulimi lumi luyizwe lokungalungi phakathi kwezitho zethu, lungcolisa umzimba wonke, luthungela ukuphila konke, luthungelwa yisihogo.</div><div class="p"> 7Ngokuba yonke imvelo yezilwane, neyezinyoni, neyezikhasayo, neyeziselwandle iyathanjiswa, yebo, yathanjiswa ngemvelo yabantu; 8kepha ulimi akakho kubantu onamandla okuluthambisa; lungububi obuyaluzayo, lugcwele isihlungu esibulalayo.</div><div class="p"> 9 Ngalo sibonga iNkosi uBaba, nangalo siqalekisa abantu abenziwe ngomfanekiso kaNkulunkulu; 10emlonyeni munye kuphuma ukubusisa nokuqalekisa. Akufanele, bazalwane bami, ukuba lokho kube kanjalo. 11Umthombo uyakhipha yini amnandi nababayo emgodini munye na? 12 Umkhiwane, bazalwane bami, ungaba namandla yini okuthela izithelo zomnqumo, noma umvini amakhiwane na? Amanzi kasawoti angeveze amnandi.</div><div class="s1">Ukuhlakanipha okuvela phezulu</div><div class="p"> 13 Ngubani ohlakaniphileyo nowaziyo phakathi kwenu na? Makakhombise ngenkambo enhle imisebenzi yakhe ngobumnene bokuhlakanipha. 14 Kepha uma ninomhawu obabayo nombango ezinhliziyweni zenu, ningazibongi, ningaliqambeli iqiniso. 15 Lokhu kuhlakanipha akusikho okwaphezulu kodwa kungokomhlaba, kungokwemvelo, kungokwamademoni; 16 ngokuba lapho kukhona umhawu nombango, kukhona isiyaluyalu nezenzo zonke ezimbi.</div><div class="p"> 17Kepha ukuhlakanipha okwaphezulu okokuqala kumhlophe, andukuba kube nokuthula, nokuva, nokulalela, kugcwele isihawu nezithelo ezinhle; akunakungabaza, akunakuzenzisa. 18 Kepha isithelo sokulunga sihlwanyelwa ngokuthula kubo abakwenzayo ukuthula.</div>
 </div>
 </div>
</div>

I-Testamente Elisha ngezinsuku ezingu-90Isampula

UmBhalo

Mayelana naloluHlelo

Izinhlelo zohlobo olufanayo

Ukulinda uNkulunkulu

Ukuzuza Ukuhlakanipha KukaNkulunkulu

Kungcono kunokujwayelekile

Ubathanda Kanjani Abantu Ongavumelani Nabo

Ukunqoba Impi Engqondweni Yakho