Mag 15
15
Pô Yê-su di anak Phi-lat
(Ma-thi-ơ 27:1-2,11-31; Lu-ka 23:1-5,13-25; Yâng 18:28–19:16)
1Birau bram guh, dôm gru mưliêng prong nhom biai thong dôm ginôr taha, abih gru pato adat thong abih Ginum Biai Mưdhir An, khol nhu girak Pô Yê-su bloh ba nao jao ka Phi-lat. 2Phi-lat tanhi Bhô: “Hư hu njaup nạn patao bôl Yo Thaic lei?” Pô Yê-su thuuk: “Êng hư krung hu đôm yau nan.” 3Dôm gru mưliêng prong đôm palek Bhô ralô kabha. 4Phi-lat gilaic tanhi Bhô: “Hư ôh lang pađao haget ô? Pang dêh, khol nhu palek palam hư ralô lô!” 5Min Pô Yê-su ôh thuuk haget paƀlwak, thangak Phi-lat xang plơng kadơng.
Pô Yê-su gok padok an binax
(Ma-thi-ơ 27:15-26; Lu-ka 23:13-25; Yâng 18:39–19:16)
6Dalam gôn rija, Phi-lat bhian palao salalah ka tha radanuh bloh bôl bhap kanư. 7Kal nan hu tha urang angan Ƀa-ra-ƀa gok jam harung thong dôm ban haru biru, nạn dôm ra krung hu tanrok glaic pamưtai mưnuix dalam tuk brôk tagôk. 8Bôl bhap krung hu katung gaup mưrai thong likau di Phi-lat ngak kabha ong bhian ngak ka khol nhu. 9Phi-lat tanhi: “Khol hư hu ưng kami palao patao bôl Yo Thaic ka khol hư lei?” 10Kaywa ong thau pajip ka dôm gru mưliêng prong krung hu jao Bhô kaywa tian mưbai limuk. 11Min dôm gru mưliêng prong gilaic pacuh bôl bhap likau di Phi-lat palao Ƀa-ra-ƀa. 12Phi-lat tanhi vơk: “Nan yơ [khol hư ưng]#15:12 [khol hư ưng]: Dalam tha thanôn blah vak tangin ôh hu dôm akhar ni. kami bican yau halei thong [urang bloh khol hư iêu nạn]#15:12 [urang bloh khol hư iêu nạn]: Dalam tha thanôn blah vak tangin ôh hu dôm akhar ni. Patao bôl Yo Thaic?” 13Khol nhu gilaic prêu tagôk: “Xang pang đin nhu ngok gai gan gak!” 14Phi-lat tanhi khol nhu: “Min ong ni krung hu ngak kabha ag haget?” Khol nhu bik prêu katang vơk: “Xang pang đin nhu ngok gai gan gak!” 15Kaywa ưng ngak ka bui tian bôl bhap, Phi-lat krung hu palao Ƀa-ra-ƀa. Hadei di tuk tong poh Pô Yê-su, Phi-lat jao Bhô ka khol nhu ba nao pang đin tamư gai gan gak.
Dôm rajabôl klao blei Pô Yê-su
(Ma-thi-ơ 27:27-31; Yâng 19:2-3)
16Bôl bala ba Pô Yê-su tamư dalam mưdhir pakrang nưgar, bih vakak jabôl jang bihu iêu ganum mai nan. 17Khol nhu cuk ka Bhô tha blah ao bar bhang thong twak di akok Bhô tha ginrang darôi pak bibloh, 18bloh xalam Bhô: “Kakuh Patao bôl Yo Thaic!” 19Khol nhu lijang mưk phun tabo tong di akok Bhô, gahak kacôic di Bhô, bloh khôi kakuh Bhô. 20Hadei di tuk krung hu klao blei ka Bhô bloh, rajabôl xwak ao bar bhang tabiak, thong cuk ao vơk ka Bhô, bloh ba Bhô tabiak lingiu piêh pang đin tamư gai gan gak.
Pô Yê-su gok pang đin
(Ma-thi-ơ 27:32-44; Lu-ka 23:26-43; Yâng 19:17-27)
21 #
Rô 16:13. Khol nhu ep tatơk tha urang tapa jalan gilam gai gan gak Bhô, urang nạn angan Si-môn, mưnuix Si-ren, nạn amư anưd A-leg-xan-đơ thong Ru-phu, birau mưng bhum palei mưrai. 22Khol nhu ba Pô Yê-su nao tal tha libik iêu laic Gô-gô-tha ar nạn Ƀôn Hlau. 23Khol nhu brei ka Bhô mưnhum alag lai thong phun jru, min Bhô ôh mưnhum. 24Tuk krung hu pang đin Bhô tamư gai gan gak bloh, khol nhu rabha gaup khan ao Bhô, thwak patik iơk thei bihu nôk halei. 25Tuk khol nhu pang đin Bhô dalam nôic thalipan tuk pagê. 26An Bhô bihu vak ngok loh nạn: “PATAO BÔL YO THAI.” 27Thubik thong Bhô, khol nhu lijang pang đin dwa urang poh blah: tha ban gah hanuk, tha ban gah iu. 28[Yau nan, panôic Agal Nưbi krung bihu thit: Bhô krung hu gok hakê tamư talei glaic tanrok.]#15:28 Dalam tha thanôn blah vak tangin ôh hu kanen 28.
29 #
Mag 14:58; Yâ 2:19. Dôm ra nao tapa nan jang klao bilei, hanhah akok bloh đôm: “Ê! Hư nạn mưnuix hu mưda thantik huji thong darap vơk dalam klau harei, 30xang dong paklah drei êng bloh trun di gai gan gak mek!” 31Dôm gru mưliêng prong thong dôm gru pato adat lijang klao bilei di Bhô yau nan. Khol nhu đôm thong gaup: “Nhu krung hu dong paklah urang pakan krung hu bloh ôh mưda êng dong drei bihu! 32Hơic Dê Krist, Patao I-sra-ên, urak ni xang trun truh di gai gan gak mek piêh khol dahlak ƀôh bloh dial!” Dwa urang poh blah mưthong gok pang đin thong Bhô lijang pôic jhak ka Bhô rei.
Gruk mưtai anưd Pô Yê-su
(Ma-thi-ơ 27:45-56; Lu-ka 23:44-49; Yâng 19:28-30)
33Nôic krưh pađiak, bhôlir krung hu om bak tanưh ka tal klau tuk biêr harei. 34Tal tuk klau biêr harei, Pô Yê-su iêu prong xap: “Ê-lô-i, Ê-lô-i, le-ma-sa-ƀac-tha-ni?” Ar nạn: “Pô Lingik dahlak! Pô Lingik dahlak! Habar Bhô niga klāk dahlak?” 35Hamit yau nan dôm urang dang jek nan đôm: “Mong dêh, nhu iêu Ê-li.” 36Tha urang đôic nao mưk tha kleh mưhlei njruk njok ia taka, pagam ngok akok phun tabo, yêr ka Bhô mưnhum bloh đôm: “Xang cang iơk Ê-li hu mưrai piêh ba nhu trun lei.” 37Min Pô Yê-su prêu tagôk tha xap prong bloh tuh yava xwan taluic.
38Thubai lidu dalam huji tahak jiơng dwa mưng ngok tal ala. 39Kar puk ginôr dang jom, ƀôh Bhô tuh yava xwan taluic#15:39 Bhô tuh yava xwan taluic: Dalam tha thanôn blah vak tangin nạn Bhô prêu tagôk bloh tuh yava xwan taluic. yau nan yơ đôm: “Biak urang ni nạn Anưk Pô Lingik!” 40#Lu 8:2,3.Lijang hu dôm urang kamei dang mong mưng atah, dalam thanôn ni hu Ma-ri Ma-đơ-len, Ma-ri amek Ya-kơ xit thong Yô-sep, mưthong Sa-lô-mê, 41nạn dôm urang krung hu tui thong ragxa Pô Yê-su tuk Bhô dok pak Ga-li-lê; lijang hu ralô urang kamei pakan, nạn dôm urang krung hu mưthong tagôk Yê-ru-sa-lem thong Bhô.
Gruk dar Pô Yê-su
(Ma-thi-ơ 27:57-61; Lu-ka 23:50-56; Yâng 19:38-42)
42Lingik jek thi xup, bloh vār nan nạn harei Thrap Gap, nạn harei dahlau di harei Sa-ƀat, 43nan ka Yô-sep nạn mưnuix A-ri-ma-thê, tha urang bihu pôkja dalam Ginum Biai Mưdhir An, mưnuix bhian mong akok Dit Biya Pô Lingik, krung hu khin hatai mưrai libik Phi-lat likau atau Pô Yê-su. 44Phi-lat plơng kadơng, hamit Bhô mưtai bloh, hajiơng iêu kar puk ginôr mưrai piêh tanhi iơk Bhô krung hu mưtai biak lei. 45Tuk krung hu pang kar puk ginôr pathau, Phi-lat jao atau ka Yô-sep. 46Ong blei tha blah khan bai dal bloh ba Bhô trun, mưk khan bai bong papok atau Bhô bloh cek tamư tanum krung bihu phak dalam patau. Bloh ong galung tha can patau prong tatơk baƀang tanum vơk. 47Ma-ri Ma-đơ-len thong Ma-ri amek Yô-sep jang ƀôh libik dar Bhô.
© 2024 Bible Society Vietnam. All rights reserved.
Mag 15
15
Pô Yê-su di anak Phi-lat
(Ma-thi-ơ 27:1-2,11-31; Lu-ka 23:1-5,13-25; Yâng 18:28–19:16)
1Birau bram guh, dôm gru mưliêng prong nhom biai thong dôm ginôr taha, abih gru pato adat thong abih Ginum Biai Mưdhir An, khol nhu girak Pô Yê-su bloh ba nao jao ka Phi-lat. 2Phi-lat tanhi Bhô: “Hư hu njaup nạn patao bôl Yo Thaic lei?” Pô Yê-su thuuk: “Êng hư krung hu đôm yau nan.” 3Dôm gru mưliêng prong đôm palek Bhô ralô kabha. 4Phi-lat gilaic tanhi Bhô: “Hư ôh lang pađao haget ô? Pang dêh, khol nhu palek palam hư ralô lô!” 5Min Pô Yê-su ôh thuuk haget paƀlwak, thangak Phi-lat xang plơng kadơng.
Pô Yê-su gok padok an binax
(Ma-thi-ơ 27:15-26; Lu-ka 23:13-25; Yâng 18:39–19:16)
6Dalam gôn rija, Phi-lat bhian palao salalah ka tha radanuh bloh bôl bhap kanư. 7Kal nan hu tha urang angan Ƀa-ra-ƀa gok jam harung thong dôm ban haru biru, nạn dôm ra krung hu tanrok glaic pamưtai mưnuix dalam tuk brôk tagôk. 8Bôl bhap krung hu katung gaup mưrai thong likau di Phi-lat ngak kabha ong bhian ngak ka khol nhu. 9Phi-lat tanhi: “Khol hư hu ưng kami palao patao bôl Yo Thaic ka khol hư lei?” 10Kaywa ong thau pajip ka dôm gru mưliêng prong krung hu jao Bhô kaywa tian mưbai limuk. 11Min dôm gru mưliêng prong gilaic pacuh bôl bhap likau di Phi-lat palao Ƀa-ra-ƀa. 12Phi-lat tanhi vơk: “Nan yơ [khol hư ưng]#15:12 [khol hư ưng]: Dalam tha thanôn blah vak tangin ôh hu dôm akhar ni. kami bican yau halei thong [urang bloh khol hư iêu nạn]#15:12 [urang bloh khol hư iêu nạn]: Dalam tha thanôn blah vak tangin ôh hu dôm akhar ni. Patao bôl Yo Thaic?” 13Khol nhu gilaic prêu tagôk: “Xang pang đin nhu ngok gai gan gak!” 14Phi-lat tanhi khol nhu: “Min ong ni krung hu ngak kabha ag haget?” Khol nhu bik prêu katang vơk: “Xang pang đin nhu ngok gai gan gak!” 15Kaywa ưng ngak ka bui tian bôl bhap, Phi-lat krung hu palao Ƀa-ra-ƀa. Hadei di tuk tong poh Pô Yê-su, Phi-lat jao Bhô ka khol nhu ba nao pang đin tamư gai gan gak.
Dôm rajabôl klao blei Pô Yê-su
(Ma-thi-ơ 27:27-31; Yâng 19:2-3)
16Bôl bala ba Pô Yê-su tamư dalam mưdhir pakrang nưgar, bih vakak jabôl jang bihu iêu ganum mai nan. 17Khol nhu cuk ka Bhô tha blah ao bar bhang thong twak di akok Bhô tha ginrang darôi pak bibloh, 18bloh xalam Bhô: “Kakuh Patao bôl Yo Thaic!” 19Khol nhu lijang mưk phun tabo tong di akok Bhô, gahak kacôic di Bhô, bloh khôi kakuh Bhô. 20Hadei di tuk krung hu klao blei ka Bhô bloh, rajabôl xwak ao bar bhang tabiak, thong cuk ao vơk ka Bhô, bloh ba Bhô tabiak lingiu piêh pang đin tamư gai gan gak.
Pô Yê-su gok pang đin
(Ma-thi-ơ 27:32-44; Lu-ka 23:26-43; Yâng 19:17-27)
21 #
Rô 16:13. Khol nhu ep tatơk tha urang tapa jalan gilam gai gan gak Bhô, urang nạn angan Si-môn, mưnuix Si-ren, nạn amư anưd A-leg-xan-đơ thong Ru-phu, birau mưng bhum palei mưrai. 22Khol nhu ba Pô Yê-su nao tal tha libik iêu laic Gô-gô-tha ar nạn Ƀôn Hlau. 23Khol nhu brei ka Bhô mưnhum alag lai thong phun jru, min Bhô ôh mưnhum. 24Tuk krung hu pang đin Bhô tamư gai gan gak bloh, khol nhu rabha gaup khan ao Bhô, thwak patik iơk thei bihu nôk halei. 25Tuk khol nhu pang đin Bhô dalam nôic thalipan tuk pagê. 26An Bhô bihu vak ngok loh nạn: “PATAO BÔL YO THAI.” 27Thubik thong Bhô, khol nhu lijang pang đin dwa urang poh blah: tha ban gah hanuk, tha ban gah iu. 28[Yau nan, panôic Agal Nưbi krung bihu thit: Bhô krung hu gok hakê tamư talei glaic tanrok.]#15:28 Dalam tha thanôn blah vak tangin ôh hu kanen 28.
29 #
Mag 14:58; Yâ 2:19. Dôm ra nao tapa nan jang klao bilei, hanhah akok bloh đôm: “Ê! Hư nạn mưnuix hu mưda thantik huji thong darap vơk dalam klau harei, 30xang dong paklah drei êng bloh trun di gai gan gak mek!” 31Dôm gru mưliêng prong thong dôm gru pato adat lijang klao bilei di Bhô yau nan. Khol nhu đôm thong gaup: “Nhu krung hu dong paklah urang pakan krung hu bloh ôh mưda êng dong drei bihu! 32Hơic Dê Krist, Patao I-sra-ên, urak ni xang trun truh di gai gan gak mek piêh khol dahlak ƀôh bloh dial!” Dwa urang poh blah mưthong gok pang đin thong Bhô lijang pôic jhak ka Bhô rei.
Gruk mưtai anưd Pô Yê-su
(Ma-thi-ơ 27:45-56; Lu-ka 23:44-49; Yâng 19:28-30)
33Nôic krưh pađiak, bhôlir krung hu om bak tanưh ka tal klau tuk biêr harei. 34Tal tuk klau biêr harei, Pô Yê-su iêu prong xap: “Ê-lô-i, Ê-lô-i, le-ma-sa-ƀac-tha-ni?” Ar nạn: “Pô Lingik dahlak! Pô Lingik dahlak! Habar Bhô niga klāk dahlak?” 35Hamit yau nan dôm urang dang jek nan đôm: “Mong dêh, nhu iêu Ê-li.” 36Tha urang đôic nao mưk tha kleh mưhlei njruk njok ia taka, pagam ngok akok phun tabo, yêr ka Bhô mưnhum bloh đôm: “Xang cang iơk Ê-li hu mưrai piêh ba nhu trun lei.” 37Min Pô Yê-su prêu tagôk tha xap prong bloh tuh yava xwan taluic.
38Thubai lidu dalam huji tahak jiơng dwa mưng ngok tal ala. 39Kar puk ginôr dang jom, ƀôh Bhô tuh yava xwan taluic#15:39 Bhô tuh yava xwan taluic: Dalam tha thanôn blah vak tangin nạn Bhô prêu tagôk bloh tuh yava xwan taluic. yau nan yơ đôm: “Biak urang ni nạn Anưk Pô Lingik!” 40#Lu 8:2,3.Lijang hu dôm urang kamei dang mong mưng atah, dalam thanôn ni hu Ma-ri Ma-đơ-len, Ma-ri amek Ya-kơ xit thong Yô-sep, mưthong Sa-lô-mê, 41nạn dôm urang krung hu tui thong ragxa Pô Yê-su tuk Bhô dok pak Ga-li-lê; lijang hu ralô urang kamei pakan, nạn dôm urang krung hu mưthong tagôk Yê-ru-sa-lem thong Bhô.
Gruk dar Pô Yê-su
(Ma-thi-ơ 27:57-61; Lu-ka 23:50-56; Yâng 19:38-42)
42Lingik jek thi xup, bloh vār nan nạn harei Thrap Gap, nạn harei dahlau di harei Sa-ƀat, 43nan ka Yô-sep nạn mưnuix A-ri-ma-thê, tha urang bihu pôkja dalam Ginum Biai Mưdhir An, mưnuix bhian mong akok Dit Biya Pô Lingik, krung hu khin hatai mưrai libik Phi-lat likau atau Pô Yê-su. 44Phi-lat plơng kadơng, hamit Bhô mưtai bloh, hajiơng iêu kar puk ginôr mưrai piêh tanhi iơk Bhô krung hu mưtai biak lei. 45Tuk krung hu pang kar puk ginôr pathau, Phi-lat jao atau ka Yô-sep. 46Ong blei tha blah khan bai dal bloh ba Bhô trun, mưk khan bai bong papok atau Bhô bloh cek tamư tanum krung bihu phak dalam patau. Bloh ong galung tha can patau prong tatơk baƀang tanum vơk. 47Ma-ri Ma-đơ-len thong Ma-ri amek Yô-sep jang ƀôh libik dar Bhô.
© 2024 Bible Society Vietnam. All rights reserved.