Mag 14
14
Gruk pađik pađwa, gruk mưtai thong diup vơk anưd Pô Yê-su
(14:1 – 16:20)
Anngak anưd dôm gru mưliêng
(Ma-thi-ơ 26:1-5; Lu-ka 22:1-2; Yâng 11:47-53)
1Dwa harei dahlau Rija Gan Tapa thong Rija Tapei Kun, dôm gru mưliêng prong thong abih gru pato adat dwah ganap piêh mưk thong pamưtai Pô Yê-su. 2Khol nhu laic: “Ukhin tabiak tangin dalam harei rija, ô mưca ngak karen karang dalam bôl bhap.”
Pô Yê-su bihu luk mưnhưk tak Ƀêt-tha-ni
(Ma-thi-ơ 26:6-13; Yâng 12:1-8)
3 #
Lu 7:37,38. Pô Yê-su dok tak palei Ƀêt-tha-ni dalam thang Si-môn, nạn urang khalong. Tuk Bhô krưh dok ƀang, yơ hu tha urang kamei mai, ba tui tha kalok mưng mưtei padang mưnhưk hangau tamo athal biak xiêt jiên. Muk nan jan pacah kalok bloh tuh mưnhưk hangau di akok Bhô. 4Hu tha dwa urang dangih đôm thong gaup: “Habar gilaic phak palah mưnhưk hangau yau nan, 5kaywa mưnhưk ni hu mưda pablei bihu hơl di klau rituh đơ-ni-ê piêh brei ka mưnuix kathot.” Khol nhu đôm trak panôic thong muk. 6Min Pô Yê-su bican: “Xang lôi nhu mek. Ywa haget khol hư ngak mưduh ka urang? Mưnuix krung hu ngak bruk siam ka Ita. 7Kaywa khol hư takung hu urang kathot ganak drei, ưng ngak bruk siam ka khol nhu tuk halei lijang bihu; min ôh njaup tuk halei lijang hu Ita ô. 8Mưnuix krung hu ngak kabha drei hu mưda ngak, krung hu luk di atau Ita piêh thrap gap ka bruk dar ramik. 9Biak jơh, Ita đôm thong khol hư, ngok graup nưrah ni, pathar pathar libik halei, Khao Siam bihu rao lang, bruk urang kamei ni ngak mưca bihu bau tal piêh xanưng thu ôn nai.”
Yu-đa Ic-ka-ri-ôt lambil Pô Yê-su
(Ma-thi-ơ 26:14-16; Lu-ka 23:3-6)
10Yu-đa Ic-ka-ri-ôt, tha dalam tha pluh dwa Xêh Pachai, mưrai gōk dôm gru mưliêng prong piêh lambil, jao Pô Yê-su ka khol nhu. 11Hamit yau nan khol nhu ôn lô, thong he brei ka nhu jiên, Yu-đa dwah barat ligeh piêh lambil, jao Bhô.
Pô Yê-su ƀang Rija Gan Tapa thong dôm Anưk Xêh
(Ma-thi-ơ 26:17-25; Lu-ka 22:7-14, 21-23; Yâng 13:21-30)
12Dalam harei ya tha anưd Rija Tapei Kun, nạn harei mưnuix urang ngak rilo pabo anưk Rija Gan Tapa, dôm anưk xêh pathau thong Pô Yê-su: “Gru ưng ƀang Rija Gan Tapa pak halei piêh khol dahlak nao thrap gap?” 13Bhô pađar dwa anưk xêh nao bloh kakei: “Xang tamư dalam dhan, mưca hu tha urang ba abuk ia gōk khol hư. Xang nao tui urang nan; 14urang nan tamư thang halei, khol hư xang nao đôm thong pô thang nan laic: ‘Gru tanhi: Kati tôi piêh Ita thong dôm anưk xêh Ita ƀang Rija Gan Tapa pak halei?’ 15Mưca pô thang pato ka khol hư tha kati prong ngok lơw krung bihu danôp thudia. Xang thrap gap ka khol drei tak nan.” 16Dwa anưk xêh nao tamư mưdin, thong gōk abih bruk yau panôic Bhô krung hu đôm, bloh khol nhu thrap gap Rija Gan Tapa.
17Vār xup, Bhô mưrai tom tha pluh dwa Xêh Pachai. 18Krưh dok ƀang vār, Pô Yê-su bican: “Biak Ita đôm thong khol hư, tha urang dalam khol hư, krưh dok ƀang thong Ita tak ni mưca lambil Ita.” 19Dôm anưk xêh biak rau ri, yāup urang tanhi Bhô: “Ôh njaup dahlak, njaup lei?” 20Bhô thuuk: “Êng nạn tha dalam tha pluh dwa urang, nạn urang krưh dok tut tapei harung pariêng thong Ita. 21Kaywa Anưk Mưnuix nao yau panôic krung hu vak ka Bhô, min lihin din ka ra lambil Anưk Mưnuix! Dak nhu jôi mưnưk tabiak dok hơl.”
Pô Yê-su padang Rija Vār Ƀang Likam
(Ma-thi-ơ 26:26-30; Lu-ka 22:14-20; I Kô-rir-tô 11:23-25)
22Tuk krưh dok ƀang, Pô Yê-su mưk tapei, đwa karun, bloh pek tabiak yêr ka dôm anưk xêh bloh bican: “Xang tôk mưk, sani nạn rup pabhap Ita.” 23Bhô mưk panhin đwa karun, thong yêr ka dôm anưk xêh, bloh abih jang mưnhum. 24Bhô bican: “Sani nạn darah Ita, darah jan ji hok tabiak ka ralô urang. 25Biak jơh, Ita đôm thong khol hư, mưca Ita ôh mưnhum ia nho ni vơk ka tal harei mưca Ita mưnhum ia nho birau dalam Dit Biya Pô Lingik.”
Pô Yê-su brei thau dahlau Phi-e-rơ kamlah di Bhô
(Ma-thi-ơ 26:31-35; Lu-ka 22:31-34; Yâng 13:36-38)
26Hadei di tuk doh nưbi doh, Pô Yê-su thong dôm anưk xêh tabiak nao tagôk cơk Ô-liu. 27Pô Yê-su đôm thong dôm anưk xêh: “Abih khol hư jang mưca hanek jalơh; kaywa hu panôic vak laic:
‘Mưca Ita tong mưnuix glang,
Yơ pabo mưca gok cah côt.’
28 #
Mat 28:16. Min hadei di tuk Ita diup vơk, mưca Ita mưrai Ga-li-lê dahlau di khol hư.” 29Phi-e-rơ thuuk: “Kanê abih jang hanek jalơh, min dahlak yơ ôh.” 30Pô Yê-su thuuk: “Biak jơh, êng mưlam ni, dahlau di tuk mưnuk kanjot dwa ƀang, mưca hư kamlah di Ita klau ƀang.” 31Min Phi-e-rơ bik mat hơl: “Kanê xang mưtai thong gru, mưca dahlak ôh kamlah di Pô.” Abih anưk xêh pakan jang đôm yau nan.
Pô Yê-su lang kar dalam bơn Ghêt-sê-ma-nê
(Ma-thi-ơ 26:36-46; Lu-ka 22:39-46)
32Hadei di nan, Pô Yê-su thong dôm anưk xêh nao tal tha libik iêu nạn Ghêt-sê-ma-nê. Bhô pađar khol nhu: “Xang dok sani dalam tuk Ita lang kar.” 33Bhô ba Phi-e-rơ, Ya-kơ thong Yâng nao thubik. Bhô raup ganơh ƀôh padrut padrôi thong mưbuk mưbar harơh. 34Bhô đôm thong khol nhu: “Xwan diup Ita pađik padrôi ka tal mưtai, khol hư xang dok tak ni, thong pamưdơh.” 35Nao paƀlwak tha nôic tra, Bhô pam rup trun haluk thong lang kar, mưyah mưda bihu yơ likau tuk ni tapa truh di Bhô. 36Bhô thuuk: “A-ba#14:36 A-ba: Dalam xap A-ram ar nạn Amư. , Amư lơy, abih bruk Amư jang ngak bihu. Likau di Amư ramik panhin ni truh di Anưk, min ôh tui gimnit Anưk bloh tui gimnit Amư.” 37Bloh Bhô gilaic vơk, ƀôh klau urang dok đih, Bhô đôm thong Phi-e-rơ: “Si-môn, hư đih min! Hư ôh mưda pamưdơh bihu tha tuk ô? 38Xang pamưdơh thong lang kar piêh khol hư klah di lek tamư gruk palwô ngal. Mat xwan yơ ưng lô, min rilo darah yơ kre.” 39Bhô gilaic nao thong lang kar, yau panôic lang kar dahlau. 40Bloh Bhô gilaic vơk thong ƀôh khol nhu jang đih, kaywa mưta khol nhu krung hu tapa mưgu thong khol nhu ôh thau xang thuuk thong Bhô yau halei. 41Bhô gilaic vơk ƀang ya klau, bloh đôm thong dôm anưk xêh: “Khol hư jang dok đih thong padei gleh bihu habar? Tal pajơ, tuk krung hu mưrai bloh! Mưni, Anưk Mưnuix thi gok lambil, jao tamư tangin dôm ra hu glaic. 42Xang bruh tagôk, khol drei nao. Dêh, ra lambil Ita krung hu mưrai.”
Pô Yê-su gok mưk
(Ma-thi-ơ 26:47-56; Lu-ka 22:47-53; Yâng 18:3-12)
43Tuk Pô Yê-su krưh đôm, yơ Yu-đa Ic-ka-ri-ôt, tha dalam tha pluh dwa Xêh Pachai mưrai. Nao thubik thong nhu hu tha tapôr ralô pan padak thong gai drưg, kaywa dôm gru mưliêng prong, dôm gru pato adat, thong dôm ginôr taha pachai mưrai. 44Kal nan, ra lambil krung hu brei ka mưnok nhu tha habang: “Dahlak cum thei, nạn êng urang nan; xang mưk thong ba nao ka tani tanat.” 45Birau nao tal, Yu-đa binhêt yattrak mai jek Pô Yê-su bloh đôm: “Pathau Gru!” Bloh cum Bhô. 46Khol nhu mưk Bhô binhêt. 47Tha dalam dôm urang dang di ganak nan thwak padak tabiak, atong thong tacoh kleh tangi halun gru mưliêng glong yatha. 48Pô Yê-su đôm thong khol nhu: “Habar khol hư ba padak thong gai drưg mưrai mưk Ita yau mưk tha ra poh blah? 49#Lu 19:47; Lu 21:37.Yāup harei Ita dok di krưh khol hư, lang pato dalam huji, bloh khol hư ôh mưk Ita. Kanê yau nan, xang piêh ka Agal Nưbi bihu thit.” 50Abih jang klāk Bhô đôic daup.
51Hu tha urang dam nao tui Bhô, ngok rup ciêt mưtham tha blah khan bai bong. Khol nhu kôr mưk pacei, 52min pacei thwak klāk blah khan bai, rup mưlun đôic daup.
Pô Yê-su di anak Ginum Biai Mưdhir An
(Ma-thi-ơ 26:57-68; Lu-ka 22:54-55,63-71; Yâng 18:13-14,19-24)
53Khol nhu ba Pô Yê-su tal mưdhir gru mưliêng glong yatha. Abih gru mưliêng prong, dôm ginôr taha thong dôm gru pato adat jang patom nhom tak nan. 54Phi-e-rơ tui Bhô atah atah, tamư tal ƀlang mưdhir gru mưliêng glong yatha, bloh dok thong rajabôl paghang ganak ƀuk apui. 55Dôm gru mưliêng prong thong abih drei Ginum Biai Mưdhir Anijang dwah kaxan mưradhag di Pô Yê-su piêh binax Bhô, min ôh dwah bihu haget trah. 56Kaywa hu ralô urang kaxan đôm lor piêh mưradhag Bhô, min panôic kaxan khol nhu ôh lek thong gaup. 57Hu dôm urang dang tagôk ngak kaxan lor pagan gađi Bhô: 58#Yâ 2:19.“Khol dahlak hu hamit urang ni đôm: ‘Mưca Ita thantik huji ni kaywa mưrôxak darap; dalam klau harei mưca Ita darap tha huji pakan, ôh njaup kaywa tangin mưrôxak.’” 59Min ka bruk ni, panôic kaxan khol nhu lijang ôh lek thong gaup.
60Gru mưliêng glong yatha dang tagôk di krưh Ginum Mưdhir an thong tanhi Pô Yê-su: “Hư ôh thuuk haget ka dôm bruk bloh dôm urang ni palek palam hư ô?” 61Min Bhô jang gađang ôh thuuk tha panôic halei. Gru mưliêng glong yatha gilaic tanhi: “Hư hu njaup nạn Dê Krist, Anưk Dê Đang Pôk Mưyom lei?” 62Pô Yê-su thuuk: “Êng Ita.
Bloh sani khol hư mưca ƀôh Anưk Mưnuix
Dok gah hanuk Dê Gon Xagta,
Thong bhat mưrai di krưh taginum thôr riga.”
63Gru mưliêng glong yatha hak ao drei bloh đôm: “Khol drei hajat haget ra ngak kaxan pakan vơk? 64Dôm ong krung hu pang panôic hanoh niêm nan pajơ! Dôm ong mư irat yau halei?” Abih drei jang padok an Bhô đang glaic mưtai. 65Tha thanôn urang raup gahak kacôic di Bhô, kapơk mưta Bhô vơk, bloh cabak Bhô thong đôm: “Xang đôm hôr mek!” Dôm rajabôl khik lijang kacao mưk thong apah Bhô.
Phi-e-rơ kamlah Pô Yê-su
(Ma-thi-ơ 26:69-75; Lu-ka 22:56-62; Yâng 18:15-18, 25-27)
66Tuk Phi-e-rơ krưh dok di lingiu ƀlang, tha dalam dôm halun kamei gru mưliêng glong yatha mưrai jek. 67Ƀôh Phi-e-rơ dok ghang apui yơ mong tamư ƀok ong bloh đôm: “Ong lijang krung hu dok thong Yê-su, mưnuix Na-xa-ret.” 68Min Phi-e-rơ kamlah: “Dahlak ôh thau, lijang ôh dul nai dok đôm haget.” Bloh ong klāk tabiak gah ƀlang anak, yơ mưnuk kanjot.#14:68 yơ mưnuk kanjot: Dalam tha thanôn blah vak tangin ôh hu dôm akhar ni. 69Halun kamei nan ƀôh ong, gilaic đôm thong dôm urang dang jek: “Ong ni lijang bha dalam vakak nan.” 70Phi-e-rơ gilaic kamlah tha ƀang tra. Tha kal hadei, dôm urang dang jek gilaic đôm thong ong: “Biak rei, xaai bha dalam vakak nan pajơ, kaywa xaai nạn mưnuix Ga-li-lê.” 71Min Phi-e-rơ hatam xap binhêt thong hapah: “Dahlak ôh bik krưn bưn mưnuix bloh dôm ong đôm nan!” 72Binhêt tuk nan, mưnuk kanjot ƀang ya dwa. Phi-e-rơ kanal vơk Pô Yê-su krung hu đôm thong drei: “Dahlau di tuk mưnuk kanjot dwa ƀang, mưca anưk kamlah di Ita klau ƀang.” Ong cagloh hia drut drôi.
© 2024 Bible Society Vietnam. All rights reserved.
Mag 14
14
Gruk pađik pađwa, gruk mưtai thong diup vơk anưd Pô Yê-su
(14:1 – 16:20)
Anngak anưd dôm gru mưliêng
(Ma-thi-ơ 26:1-5; Lu-ka 22:1-2; Yâng 11:47-53)
1Dwa harei dahlau Rija Gan Tapa thong Rija Tapei Kun, dôm gru mưliêng prong thong abih gru pato adat dwah ganap piêh mưk thong pamưtai Pô Yê-su. 2Khol nhu laic: “Ukhin tabiak tangin dalam harei rija, ô mưca ngak karen karang dalam bôl bhap.”
Pô Yê-su bihu luk mưnhưk tak Ƀêt-tha-ni
(Ma-thi-ơ 26:6-13; Yâng 12:1-8)
3 #
Lu 7:37,38. Pô Yê-su dok tak palei Ƀêt-tha-ni dalam thang Si-môn, nạn urang khalong. Tuk Bhô krưh dok ƀang, yơ hu tha urang kamei mai, ba tui tha kalok mưng mưtei padang mưnhưk hangau tamo athal biak xiêt jiên. Muk nan jan pacah kalok bloh tuh mưnhưk hangau di akok Bhô. 4Hu tha dwa urang dangih đôm thong gaup: “Habar gilaic phak palah mưnhưk hangau yau nan, 5kaywa mưnhưk ni hu mưda pablei bihu hơl di klau rituh đơ-ni-ê piêh brei ka mưnuix kathot.” Khol nhu đôm trak panôic thong muk. 6Min Pô Yê-su bican: “Xang lôi nhu mek. Ywa haget khol hư ngak mưduh ka urang? Mưnuix krung hu ngak bruk siam ka Ita. 7Kaywa khol hư takung hu urang kathot ganak drei, ưng ngak bruk siam ka khol nhu tuk halei lijang bihu; min ôh njaup tuk halei lijang hu Ita ô. 8Mưnuix krung hu ngak kabha drei hu mưda ngak, krung hu luk di atau Ita piêh thrap gap ka bruk dar ramik. 9Biak jơh, Ita đôm thong khol hư, ngok graup nưrah ni, pathar pathar libik halei, Khao Siam bihu rao lang, bruk urang kamei ni ngak mưca bihu bau tal piêh xanưng thu ôn nai.”
Yu-đa Ic-ka-ri-ôt lambil Pô Yê-su
(Ma-thi-ơ 26:14-16; Lu-ka 23:3-6)
10Yu-đa Ic-ka-ri-ôt, tha dalam tha pluh dwa Xêh Pachai, mưrai gōk dôm gru mưliêng prong piêh lambil, jao Pô Yê-su ka khol nhu. 11Hamit yau nan khol nhu ôn lô, thong he brei ka nhu jiên, Yu-đa dwah barat ligeh piêh lambil, jao Bhô.
Pô Yê-su ƀang Rija Gan Tapa thong dôm Anưk Xêh
(Ma-thi-ơ 26:17-25; Lu-ka 22:7-14, 21-23; Yâng 13:21-30)
12Dalam harei ya tha anưd Rija Tapei Kun, nạn harei mưnuix urang ngak rilo pabo anưk Rija Gan Tapa, dôm anưk xêh pathau thong Pô Yê-su: “Gru ưng ƀang Rija Gan Tapa pak halei piêh khol dahlak nao thrap gap?” 13Bhô pađar dwa anưk xêh nao bloh kakei: “Xang tamư dalam dhan, mưca hu tha urang ba abuk ia gōk khol hư. Xang nao tui urang nan; 14urang nan tamư thang halei, khol hư xang nao đôm thong pô thang nan laic: ‘Gru tanhi: Kati tôi piêh Ita thong dôm anưk xêh Ita ƀang Rija Gan Tapa pak halei?’ 15Mưca pô thang pato ka khol hư tha kati prong ngok lơw krung bihu danôp thudia. Xang thrap gap ka khol drei tak nan.” 16Dwa anưk xêh nao tamư mưdin, thong gōk abih bruk yau panôic Bhô krung hu đôm, bloh khol nhu thrap gap Rija Gan Tapa.
17Vār xup, Bhô mưrai tom tha pluh dwa Xêh Pachai. 18Krưh dok ƀang vār, Pô Yê-su bican: “Biak Ita đôm thong khol hư, tha urang dalam khol hư, krưh dok ƀang thong Ita tak ni mưca lambil Ita.” 19Dôm anưk xêh biak rau ri, yāup urang tanhi Bhô: “Ôh njaup dahlak, njaup lei?” 20Bhô thuuk: “Êng nạn tha dalam tha pluh dwa urang, nạn urang krưh dok tut tapei harung pariêng thong Ita. 21Kaywa Anưk Mưnuix nao yau panôic krung hu vak ka Bhô, min lihin din ka ra lambil Anưk Mưnuix! Dak nhu jôi mưnưk tabiak dok hơl.”
Pô Yê-su padang Rija Vār Ƀang Likam
(Ma-thi-ơ 26:26-30; Lu-ka 22:14-20; I Kô-rir-tô 11:23-25)
22Tuk krưh dok ƀang, Pô Yê-su mưk tapei, đwa karun, bloh pek tabiak yêr ka dôm anưk xêh bloh bican: “Xang tôk mưk, sani nạn rup pabhap Ita.” 23Bhô mưk panhin đwa karun, thong yêr ka dôm anưk xêh, bloh abih jang mưnhum. 24Bhô bican: “Sani nạn darah Ita, darah jan ji hok tabiak ka ralô urang. 25Biak jơh, Ita đôm thong khol hư, mưca Ita ôh mưnhum ia nho ni vơk ka tal harei mưca Ita mưnhum ia nho birau dalam Dit Biya Pô Lingik.”
Pô Yê-su brei thau dahlau Phi-e-rơ kamlah di Bhô
(Ma-thi-ơ 26:31-35; Lu-ka 22:31-34; Yâng 13:36-38)
26Hadei di tuk doh nưbi doh, Pô Yê-su thong dôm anưk xêh tabiak nao tagôk cơk Ô-liu. 27Pô Yê-su đôm thong dôm anưk xêh: “Abih khol hư jang mưca hanek jalơh; kaywa hu panôic vak laic:
‘Mưca Ita tong mưnuix glang,
Yơ pabo mưca gok cah côt.’
28 #
Mat 28:16. Min hadei di tuk Ita diup vơk, mưca Ita mưrai Ga-li-lê dahlau di khol hư.” 29Phi-e-rơ thuuk: “Kanê abih jang hanek jalơh, min dahlak yơ ôh.” 30Pô Yê-su thuuk: “Biak jơh, êng mưlam ni, dahlau di tuk mưnuk kanjot dwa ƀang, mưca hư kamlah di Ita klau ƀang.” 31Min Phi-e-rơ bik mat hơl: “Kanê xang mưtai thong gru, mưca dahlak ôh kamlah di Pô.” Abih anưk xêh pakan jang đôm yau nan.
Pô Yê-su lang kar dalam bơn Ghêt-sê-ma-nê
(Ma-thi-ơ 26:36-46; Lu-ka 22:39-46)
32Hadei di nan, Pô Yê-su thong dôm anưk xêh nao tal tha libik iêu nạn Ghêt-sê-ma-nê. Bhô pađar khol nhu: “Xang dok sani dalam tuk Ita lang kar.” 33Bhô ba Phi-e-rơ, Ya-kơ thong Yâng nao thubik. Bhô raup ganơh ƀôh padrut padrôi thong mưbuk mưbar harơh. 34Bhô đôm thong khol nhu: “Xwan diup Ita pađik padrôi ka tal mưtai, khol hư xang dok tak ni, thong pamưdơh.” 35Nao paƀlwak tha nôic tra, Bhô pam rup trun haluk thong lang kar, mưyah mưda bihu yơ likau tuk ni tapa truh di Bhô. 36Bhô thuuk: “A-ba#14:36 A-ba: Dalam xap A-ram ar nạn Amư. , Amư lơy, abih bruk Amư jang ngak bihu. Likau di Amư ramik panhin ni truh di Anưk, min ôh tui gimnit Anưk bloh tui gimnit Amư.” 37Bloh Bhô gilaic vơk, ƀôh klau urang dok đih, Bhô đôm thong Phi-e-rơ: “Si-môn, hư đih min! Hư ôh mưda pamưdơh bihu tha tuk ô? 38Xang pamưdơh thong lang kar piêh khol hư klah di lek tamư gruk palwô ngal. Mat xwan yơ ưng lô, min rilo darah yơ kre.” 39Bhô gilaic nao thong lang kar, yau panôic lang kar dahlau. 40Bloh Bhô gilaic vơk thong ƀôh khol nhu jang đih, kaywa mưta khol nhu krung hu tapa mưgu thong khol nhu ôh thau xang thuuk thong Bhô yau halei. 41Bhô gilaic vơk ƀang ya klau, bloh đôm thong dôm anưk xêh: “Khol hư jang dok đih thong padei gleh bihu habar? Tal pajơ, tuk krung hu mưrai bloh! Mưni, Anưk Mưnuix thi gok lambil, jao tamư tangin dôm ra hu glaic. 42Xang bruh tagôk, khol drei nao. Dêh, ra lambil Ita krung hu mưrai.”
Pô Yê-su gok mưk
(Ma-thi-ơ 26:47-56; Lu-ka 22:47-53; Yâng 18:3-12)
43Tuk Pô Yê-su krưh đôm, yơ Yu-đa Ic-ka-ri-ôt, tha dalam tha pluh dwa Xêh Pachai mưrai. Nao thubik thong nhu hu tha tapôr ralô pan padak thong gai drưg, kaywa dôm gru mưliêng prong, dôm gru pato adat, thong dôm ginôr taha pachai mưrai. 44Kal nan, ra lambil krung hu brei ka mưnok nhu tha habang: “Dahlak cum thei, nạn êng urang nan; xang mưk thong ba nao ka tani tanat.” 45Birau nao tal, Yu-đa binhêt yattrak mai jek Pô Yê-su bloh đôm: “Pathau Gru!” Bloh cum Bhô. 46Khol nhu mưk Bhô binhêt. 47Tha dalam dôm urang dang di ganak nan thwak padak tabiak, atong thong tacoh kleh tangi halun gru mưliêng glong yatha. 48Pô Yê-su đôm thong khol nhu: “Habar khol hư ba padak thong gai drưg mưrai mưk Ita yau mưk tha ra poh blah? 49#Lu 19:47; Lu 21:37.Yāup harei Ita dok di krưh khol hư, lang pato dalam huji, bloh khol hư ôh mưk Ita. Kanê yau nan, xang piêh ka Agal Nưbi bihu thit.” 50Abih jang klāk Bhô đôic daup.
51Hu tha urang dam nao tui Bhô, ngok rup ciêt mưtham tha blah khan bai bong. Khol nhu kôr mưk pacei, 52min pacei thwak klāk blah khan bai, rup mưlun đôic daup.
Pô Yê-su di anak Ginum Biai Mưdhir An
(Ma-thi-ơ 26:57-68; Lu-ka 22:54-55,63-71; Yâng 18:13-14,19-24)
53Khol nhu ba Pô Yê-su tal mưdhir gru mưliêng glong yatha. Abih gru mưliêng prong, dôm ginôr taha thong dôm gru pato adat jang patom nhom tak nan. 54Phi-e-rơ tui Bhô atah atah, tamư tal ƀlang mưdhir gru mưliêng glong yatha, bloh dok thong rajabôl paghang ganak ƀuk apui. 55Dôm gru mưliêng prong thong abih drei Ginum Biai Mưdhir Anijang dwah kaxan mưradhag di Pô Yê-su piêh binax Bhô, min ôh dwah bihu haget trah. 56Kaywa hu ralô urang kaxan đôm lor piêh mưradhag Bhô, min panôic kaxan khol nhu ôh lek thong gaup. 57Hu dôm urang dang tagôk ngak kaxan lor pagan gađi Bhô: 58#Yâ 2:19.“Khol dahlak hu hamit urang ni đôm: ‘Mưca Ita thantik huji ni kaywa mưrôxak darap; dalam klau harei mưca Ita darap tha huji pakan, ôh njaup kaywa tangin mưrôxak.’” 59Min ka bruk ni, panôic kaxan khol nhu lijang ôh lek thong gaup.
60Gru mưliêng glong yatha dang tagôk di krưh Ginum Mưdhir an thong tanhi Pô Yê-su: “Hư ôh thuuk haget ka dôm bruk bloh dôm urang ni palek palam hư ô?” 61Min Bhô jang gađang ôh thuuk tha panôic halei. Gru mưliêng glong yatha gilaic tanhi: “Hư hu njaup nạn Dê Krist, Anưk Dê Đang Pôk Mưyom lei?” 62Pô Yê-su thuuk: “Êng Ita.
Bloh sani khol hư mưca ƀôh Anưk Mưnuix
Dok gah hanuk Dê Gon Xagta,
Thong bhat mưrai di krưh taginum thôr riga.”
63Gru mưliêng glong yatha hak ao drei bloh đôm: “Khol drei hajat haget ra ngak kaxan pakan vơk? 64Dôm ong krung hu pang panôic hanoh niêm nan pajơ! Dôm ong mư irat yau halei?” Abih drei jang padok an Bhô đang glaic mưtai. 65Tha thanôn urang raup gahak kacôic di Bhô, kapơk mưta Bhô vơk, bloh cabak Bhô thong đôm: “Xang đôm hôr mek!” Dôm rajabôl khik lijang kacao mưk thong apah Bhô.
Phi-e-rơ kamlah Pô Yê-su
(Ma-thi-ơ 26:69-75; Lu-ka 22:56-62; Yâng 18:15-18, 25-27)
66Tuk Phi-e-rơ krưh dok di lingiu ƀlang, tha dalam dôm halun kamei gru mưliêng glong yatha mưrai jek. 67Ƀôh Phi-e-rơ dok ghang apui yơ mong tamư ƀok ong bloh đôm: “Ong lijang krung hu dok thong Yê-su, mưnuix Na-xa-ret.” 68Min Phi-e-rơ kamlah: “Dahlak ôh thau, lijang ôh dul nai dok đôm haget.” Bloh ong klāk tabiak gah ƀlang anak, yơ mưnuk kanjot.#14:68 yơ mưnuk kanjot: Dalam tha thanôn blah vak tangin ôh hu dôm akhar ni. 69Halun kamei nan ƀôh ong, gilaic đôm thong dôm urang dang jek: “Ong ni lijang bha dalam vakak nan.” 70Phi-e-rơ gilaic kamlah tha ƀang tra. Tha kal hadei, dôm urang dang jek gilaic đôm thong ong: “Biak rei, xaai bha dalam vakak nan pajơ, kaywa xaai nạn mưnuix Ga-li-lê.” 71Min Phi-e-rơ hatam xap binhêt thong hapah: “Dahlak ôh bik krưn bưn mưnuix bloh dôm ong đôm nan!” 72Binhêt tuk nan, mưnuk kanjot ƀang ya dwa. Phi-e-rơ kanal vơk Pô Yê-su krung hu đôm thong drei: “Dahlau di tuk mưnuk kanjot dwa ƀang, mưca anưk kamlah di Ita klau ƀang.” Ong cagloh hia drut drôi.
© 2024 Bible Society Vietnam. All rights reserved.