Mag 13
13
Panôic brei thau dahlau ka gruk thubang Huji Yê-ru-sa-lem
(Ma-thi-ơ 24:1-2; Lu-ka 21:5-6)
1Tuk Pô Yê-su birau tabiak truh di huji, tha anưk xêh pathau thong Bhô: “Pathau Gru, Gru mong dêh, dôm can patau, thong dôm mưdhir riya prong di prong ngak habar!” 2Pô Yê-su thuuk: “Hư ƀôh dôm mưdhir riya ni prong di prong njaup halei? Bloh sani mưca ôh dok boh patau halei dak ngok patau pakan vơk. Abih jang mưca gok jalơh trun.”
Dôm habang ka bangyau taluic
(Ma-thi-ơ 24:3-14; Lu-ka 21:7-19)
3Tuk Bhô krưh dok di ngok cơk Ô-liu jom anak thong huji, Phi-e-rơ, Ya-kơ, Yâng, thong Ar-rê mưrai tanhi Bhô: 4“Likau Gru đôm ka khol dahlak thau tuk halei dôm kabha nan mưjiơng tabiak, thong hu habang halei piêh thau tanut vagtu patek abih bruk nan lei?” 5Pô Yê-su raup đôm thong khol nhu: “Xang tayơt, jôi lôi ka thei palwô pagat khol hư. 6Kaywa hu ralô urang mưca baniai angan Ita bloh mưrai thong đôm laic: ‘Êng Ita nạn Dê nan!’ thong khol nhu mưca palwô pagat ralô urang. 7Tuk khol hư hamit đôm ka kalin thong khao ƀeg ka kalin jôi tarung tarang; bruk nan xang mưjiơng tabiak, min ka njaup nạn taluic talaic ô. 8Kaywa bôl ni mưca brôk tagôk pagan gađi di bôl pakan, dit biya ni mưradhag thong dit biya dêh. Mưca hu tatôn tanưh riya ralô libik, thong binhôr ơk lipa mưjiơng tabiak. Sani birau ciêt nạn padok akok anưd dôm gruk raƀi raƀưp min.
9 #
Mat 10:17-20; Lu 12:11,12. Ka nôk khol hư, xang tayơt ngan, kaywa mưca khol nhu jao khol hư ka dôm mưdhir an; khol hư mưca gok atong poh dalam dôm thang nhom, khol hư mưca xang dang di anak dôm kwan pakrang nưgar thong dôm patao kaywa di Ita piêh ngak kaxan ka khol nhu. 10Min dahlau yatha, Khao Siam xang bihu rao lang ka abih paran. 11Tuk khol nhu ba jao khol hư, jôi uh tarak dahlau ka kabha drei mưca đôm. Min tuk nan, khol hư bihu ƀai brei ka kabha haget xang đôm kabha nan; kaywa ôh njaup khol hư đôm ô, min nạn Pô Nưbi Ginrơh. 12Dei ai mưca hakak gaup piêh gok pamưtai; amư mưca mưk jao anưk; anưk bik mưca brôk tagôk pagan gađi di amek amư thong ngak ka khol nhu xang mưtai. 13#Mat 10:22.Khol hư mưca gok mưnuix urang mưbai limuk kaywa di angan Ita. Min thei kajap hatai ka tal taluic yơ mưca bihu dong paklah.
Gruk hôic harơh mưjiơng tabiak dalam Libik Likam
(Ma-thi-ơ 24:15-28; Lu-ka 21:20-24)
14Min tuk khol hư ƀôh kabha hôic harơh ngak hajiơng tathwik klāk bhao tak libik ôh bihu idin ngak tabiak (thei pôic xang thau), yơ thei krưh dok dalam nưgar Yu-đê xang daup tagôk cơk; 15#Lu 17:31.thei dok ngok pabung thang jôi trun ngan đôic tamư thang piêh mưk pathar pathar pakar haget; 16thei dok lingiu along jôi gilaic mai mưk ao lah. 17Dalam dôm harei nan, biak lihin din ka urang kamei bak tian thong dôm urang kamei dok brei anưk mum! 18Xang lang kar ka bruk nan jôi mưjiơng tabiak dalam bal lian. 19#Cat 7:14.Kaywa dalam dôm harei nan mưca hu rijan bloh mưng tamưrơp, tuk Pô Lingik padak padang alam ka tal urak ni lijang ôh bhian hu, thong tal hadei lijang ôh tuk halei hu yau nan. 20Mưyah Pô ôh harui katut dôm harei nan, yơ ôh tha urang halei bihu diup kađong; min kaywa dôm urang Bhô krung hu rwah nan ka Bhô harui katut dôm harei nan. 21Tuk nan, mưyah thei đôm thong khol hư: ‘Mưni, Dê Krist tak ni!’ ngan ‘Dêh, Bhô dok tak nan!’ yơ jôi dial. 22Dôm ra baniai angan Dê Krist thong tapôr hôr baniai mưca bhat tabiak; khol nhu ngak dôm nưm crih, thunau ginrơh piêh mưyah hu mưda yơ palwô pagat dôm urang bihu rwah. 23Xang tayơt. Ita krung hu kakei dahlau dôm gruk ka khol hư bloh.
Gruk biđang mưrai anưd Anưk Mưnuix
(Ma-thi-ơ 24:29-31; Lu-ka 21:25-28)
24 #
Cat 6:12. Dalam dôm harei nan, hadei di gôn rijan,
Mưca ia harei xup palup,
Mưca ia bilan ôh pachang hadah,
25 #
Cat 6:13. Mưca dôm patuk mưng ngok thôr riga lek trun,
Thong dôm xagti ngok thôr riga mưca gok tayun mưgei.
26 #
Cat 1:7. Kal nan mưnuix urang mưca ƀôh Anưk Mưnuix mưk gon prong, xêh mưlang biđang mưrai krưh halong taganum. 27Mưca Bhô pađar dôm umat patom nhom dôm urang krung bihu rwah graup pāk adih, mưng puic lingik tal luic tanưh.
Kadha baic mưng phun hara
(Ma-thi-ơ 24:32-35; Lu-ka 21:29-33)
28Xang thwak tabiak kadha baic mưng phun hara, birau tuk phun tabiak taduk rak hala yơ khol hư thau bal pađiak thi mưrai. 29Lijang yau nan, tuk khol hư ƀôh dôm kabha nan mưjiơng tabiak yơ thau Anưk Mưnuix krung hu mưrai jek, krưh dok di anak baƀang.#13:29 Anưk Mưnuix krung hu mưrai jek, krưh dok di anak baƀang: Ngan nạn tanut vagtu krung hu mưrai, krưh dok pak anak baƀang. 30Biak jơh, Ita đôm thong khol hư, rai rak ni mưca ôh tapa nao dahlau di tuk abih bruk nan mưjiơng tabiak. 31Lingik thong tanưh mưca tapa nao, min dôm panôic Ita đôm mưca ôh tuk halei tapa ô.
Ôh thei thau bihu harei Pô Yê-su gilaic vơk
(Ma-thi-ơ 24:36-44)
32 #
Mat 24:36. Ka harei thong tuk nan yơ ôh thei thau bihu, bih dôm umat ngok thôr riga, hai nạn Anưk lijang ôh thau, ciêt tha drei Amư thau min. 33Xang tayơt thong pamưdơh, kaywa khol hư ôh thau tuk nan mưrai tuk halei. 34#Lu 12:36-38.Lijang yau tha urang dêh thi tagôk jalan nao atah, tuk niga thang jao gon ka dôm halun urang halei bruk nan, thong kakei urang khik baƀang xang pamưdơh. 35Yau nan, xang pamưdơh, kaywa khol hư ôh thau pô thang mưrai thang tuk halei ngan biêr harei xup, krưh mưlam, tuk mưnuk kanjot, hai bram guh, 36ô mưca pô mưrai asak, jôi brei pô ƀôh khol hư dok đih kaic. 37Dôm haget Ita đôm thong khol hư, Ita lijang đôm ka abih drei: Xang pamưdơh!”
© 2024 Bible Society Vietnam. All rights reserved.
Mag 13
13
Panôic brei thau dahlau ka gruk thubang Huji Yê-ru-sa-lem
(Ma-thi-ơ 24:1-2; Lu-ka 21:5-6)
1Tuk Pô Yê-su birau tabiak truh di huji, tha anưk xêh pathau thong Bhô: “Pathau Gru, Gru mong dêh, dôm can patau, thong dôm mưdhir riya prong di prong ngak habar!” 2Pô Yê-su thuuk: “Hư ƀôh dôm mưdhir riya ni prong di prong njaup halei? Bloh sani mưca ôh dok boh patau halei dak ngok patau pakan vơk. Abih jang mưca gok jalơh trun.”
Dôm habang ka bangyau taluic
(Ma-thi-ơ 24:3-14; Lu-ka 21:7-19)
3Tuk Bhô krưh dok di ngok cơk Ô-liu jom anak thong huji, Phi-e-rơ, Ya-kơ, Yâng, thong Ar-rê mưrai tanhi Bhô: 4“Likau Gru đôm ka khol dahlak thau tuk halei dôm kabha nan mưjiơng tabiak, thong hu habang halei piêh thau tanut vagtu patek abih bruk nan lei?” 5Pô Yê-su raup đôm thong khol nhu: “Xang tayơt, jôi lôi ka thei palwô pagat khol hư. 6Kaywa hu ralô urang mưca baniai angan Ita bloh mưrai thong đôm laic: ‘Êng Ita nạn Dê nan!’ thong khol nhu mưca palwô pagat ralô urang. 7Tuk khol hư hamit đôm ka kalin thong khao ƀeg ka kalin jôi tarung tarang; bruk nan xang mưjiơng tabiak, min ka njaup nạn taluic talaic ô. 8Kaywa bôl ni mưca brôk tagôk pagan gađi di bôl pakan, dit biya ni mưradhag thong dit biya dêh. Mưca hu tatôn tanưh riya ralô libik, thong binhôr ơk lipa mưjiơng tabiak. Sani birau ciêt nạn padok akok anưd dôm gruk raƀi raƀưp min.
9 #
Mat 10:17-20; Lu 12:11,12. Ka nôk khol hư, xang tayơt ngan, kaywa mưca khol nhu jao khol hư ka dôm mưdhir an; khol hư mưca gok atong poh dalam dôm thang nhom, khol hư mưca xang dang di anak dôm kwan pakrang nưgar thong dôm patao kaywa di Ita piêh ngak kaxan ka khol nhu. 10Min dahlau yatha, Khao Siam xang bihu rao lang ka abih paran. 11Tuk khol nhu ba jao khol hư, jôi uh tarak dahlau ka kabha drei mưca đôm. Min tuk nan, khol hư bihu ƀai brei ka kabha haget xang đôm kabha nan; kaywa ôh njaup khol hư đôm ô, min nạn Pô Nưbi Ginrơh. 12Dei ai mưca hakak gaup piêh gok pamưtai; amư mưca mưk jao anưk; anưk bik mưca brôk tagôk pagan gađi di amek amư thong ngak ka khol nhu xang mưtai. 13#Mat 10:22.Khol hư mưca gok mưnuix urang mưbai limuk kaywa di angan Ita. Min thei kajap hatai ka tal taluic yơ mưca bihu dong paklah.
Gruk hôic harơh mưjiơng tabiak dalam Libik Likam
(Ma-thi-ơ 24:15-28; Lu-ka 21:20-24)
14Min tuk khol hư ƀôh kabha hôic harơh ngak hajiơng tathwik klāk bhao tak libik ôh bihu idin ngak tabiak (thei pôic xang thau), yơ thei krưh dok dalam nưgar Yu-đê xang daup tagôk cơk; 15#Lu 17:31.thei dok ngok pabung thang jôi trun ngan đôic tamư thang piêh mưk pathar pathar pakar haget; 16thei dok lingiu along jôi gilaic mai mưk ao lah. 17Dalam dôm harei nan, biak lihin din ka urang kamei bak tian thong dôm urang kamei dok brei anưk mum! 18Xang lang kar ka bruk nan jôi mưjiơng tabiak dalam bal lian. 19#Cat 7:14.Kaywa dalam dôm harei nan mưca hu rijan bloh mưng tamưrơp, tuk Pô Lingik padak padang alam ka tal urak ni lijang ôh bhian hu, thong tal hadei lijang ôh tuk halei hu yau nan. 20Mưyah Pô ôh harui katut dôm harei nan, yơ ôh tha urang halei bihu diup kađong; min kaywa dôm urang Bhô krung hu rwah nan ka Bhô harui katut dôm harei nan. 21Tuk nan, mưyah thei đôm thong khol hư: ‘Mưni, Dê Krist tak ni!’ ngan ‘Dêh, Bhô dok tak nan!’ yơ jôi dial. 22Dôm ra baniai angan Dê Krist thong tapôr hôr baniai mưca bhat tabiak; khol nhu ngak dôm nưm crih, thunau ginrơh piêh mưyah hu mưda yơ palwô pagat dôm urang bihu rwah. 23Xang tayơt. Ita krung hu kakei dahlau dôm gruk ka khol hư bloh.
Gruk biđang mưrai anưd Anưk Mưnuix
(Ma-thi-ơ 24:29-31; Lu-ka 21:25-28)
24 #
Cat 6:12. Dalam dôm harei nan, hadei di gôn rijan,
Mưca ia harei xup palup,
Mưca ia bilan ôh pachang hadah,
25 #
Cat 6:13. Mưca dôm patuk mưng ngok thôr riga lek trun,
Thong dôm xagti ngok thôr riga mưca gok tayun mưgei.
26 #
Cat 1:7. Kal nan mưnuix urang mưca ƀôh Anưk Mưnuix mưk gon prong, xêh mưlang biđang mưrai krưh halong taganum. 27Mưca Bhô pađar dôm umat patom nhom dôm urang krung bihu rwah graup pāk adih, mưng puic lingik tal luic tanưh.
Kadha baic mưng phun hara
(Ma-thi-ơ 24:32-35; Lu-ka 21:29-33)
28Xang thwak tabiak kadha baic mưng phun hara, birau tuk phun tabiak taduk rak hala yơ khol hư thau bal pađiak thi mưrai. 29Lijang yau nan, tuk khol hư ƀôh dôm kabha nan mưjiơng tabiak yơ thau Anưk Mưnuix krung hu mưrai jek, krưh dok di anak baƀang.#13:29 Anưk Mưnuix krung hu mưrai jek, krưh dok di anak baƀang: Ngan nạn tanut vagtu krung hu mưrai, krưh dok pak anak baƀang. 30Biak jơh, Ita đôm thong khol hư, rai rak ni mưca ôh tapa nao dahlau di tuk abih bruk nan mưjiơng tabiak. 31Lingik thong tanưh mưca tapa nao, min dôm panôic Ita đôm mưca ôh tuk halei tapa ô.
Ôh thei thau bihu harei Pô Yê-su gilaic vơk
(Ma-thi-ơ 24:36-44)
32 #
Mat 24:36. Ka harei thong tuk nan yơ ôh thei thau bihu, bih dôm umat ngok thôr riga, hai nạn Anưk lijang ôh thau, ciêt tha drei Amư thau min. 33Xang tayơt thong pamưdơh, kaywa khol hư ôh thau tuk nan mưrai tuk halei. 34#Lu 12:36-38.Lijang yau tha urang dêh thi tagôk jalan nao atah, tuk niga thang jao gon ka dôm halun urang halei bruk nan, thong kakei urang khik baƀang xang pamưdơh. 35Yau nan, xang pamưdơh, kaywa khol hư ôh thau pô thang mưrai thang tuk halei ngan biêr harei xup, krưh mưlam, tuk mưnuk kanjot, hai bram guh, 36ô mưca pô mưrai asak, jôi brei pô ƀôh khol hư dok đih kaic. 37Dôm haget Ita đôm thong khol hư, Ita lijang đôm ka abih drei: Xang pamưdơh!”
© 2024 Bible Society Vietnam. All rights reserved.