MÁKHI 7
7
Áyí lo jisɛmánhɔn lie
(Ɔ́n wú Mat 15.1-9)
1 Fariziɛnnɛ́n le bidíyɛ́nmán ɔ́nmɔn chan Jeruzalɛ́mɛn bha, ló wo bhurɛhɛ́n jekhali Jezwi. 2Wo wu salé Jezwi yíchwɛmán fe bhó mɔ́n krɔ mɛn lí nɛn, lóthé nɔn ali salé, wo lé chó mɔ́n, sa lóyí si okhɔ́ tɛ́ lo yankanla hromɛn a.
3Khankhan mímí, Fariziɛnnɛ́n le Jwifunɛ́n nánkhɛ ɔ́nmɔn ji áyí wo jisɛmánhɔn lie wo, lónɔn ali salé: kasé wo le cho mɔ́n mwámwá, wo le lí nɛn, 4lóka wo chan jɛ́gɔn bha, kasé wo le go ndu khwa, lólɔ wo lé lí nɛn. Saji wó ji wo jisɛmánhɔn bidí nánkhɛ búdúbúdú alie wo khɛ́n ali: lósi okhɔ́ chó nyábhɔ́, ńmwe le nkpru ɔ́nmɔn hrómɛn chán mwámwá.
5Ló Fariziɛnnɛ́n le bidíyɛ́nmán ɔ́nmɔn ébhi Jezwi lée:
– Bítɛ khɛ́n hɛ yíchwɛmán lé ji lo jisɛmánhɔn bidí aha tre, khɛ́n wo bhó mɔ́n krɔ mɛn lí nɛn ɛ?
6Ló Jezwi kranman nkɔn sa:
– Ezayi ka akhɔ Yankan hɛ́n hrómɛn étɔ hɔ́n phɔ bhwe, khɛ́n étɔlé ɔ́n ni mɛ́n mɔ́nmɔnmán ɔn, mɛ́n bhwe li hɛ́n.
“Yankan nkɛé:
Aféchwe lókɔn bho bhwetɔ́ wrɛ́ mɛn pán
éha mɛn ngu,
khɛ́n mɛ́n thɛ́n-ɛ le bha mɛn tho.
7Ála wo éla mɛn ɔn, áli yí wrɛ́.
Átɛsalé néphanmiɔn yí élie nɔn wo hɔn pɛ,
ló wo bho lóyílie lókɔn tɛsa mɛn Yankan bidí.”
8Ló Jezwi tɔ sa, ɔ́n yɔ Yankan bidí kalé, ló néphanmiɔn yí élie hɔ́n, ló-ɛ nɔn hɔ́n éji.
9Ló Jezwi cu phaya lótho tɔ sa:
– Ɔ́n yɛn lósi okhɔ́ hɔ́n Yankan bidí-ɛ fɔ́nká bu, khɛ́n ɔ́n ya hɔ́n bɛn nbrɛn yílie tho! 10Khankhan mímí, Moyízi tɔlé: “Ɛji hɛ the le hɛ man ɔ́nmɔn”, ló saji “Lephan khɛ́n ábha tɔ bhwe phromɛn sé khɔ mɛ́n the o, khɔ mɛ́n man o, lephan lókɔn ɔn, áyɔn se salé owɛn.” 11Khɛ́n hɔ́n, hɔ́n yí hɔ́n élie néphan nɔn ali salé, kasé lephan kranman khɔ mɛ́n the o, khɔ mɛ́n man o, salé: “Áyí khɛ́n mán gɛ mó dɔnmán hɛ mɔ́n, áli Kɔban” (lóthé nɔn ali salé “áli nphaha yí obho tre Yankan lé”), 12ló anman nɛ́n cu gɛ dɔnmán khɔ mɛ́n the o, khɔ mɛ́n man o, mɔ́n npɔhɔ́n, ɔ́n sé lóphɔ mɔ́nsi. 13Lóyábhɛ nɛn, áyí khɛ́n ɔ́n ya hɔ́n thethé hɔ́n élie hɔ́n bɛn nbrɛn ɔn, élɔ Yankan bhwetɔ́, ló ɔ́n tɛ́ áyí nánkhɛ búdúbúdú akhɔ áyí yábhɛ lókɔnhɔn.
Áyí áha lephan nkrɔ
(Ɔ́n wú Mat 15.10-20)
14Lómánji Jezwi cu che ápasá bha ló ńtɔ se wo sa:
– Hɔ́n khúnbrɛn ɔ́ndi njɛlé, ló ɔ́n yɛ́n salé: 15Áyí tɛɛ achan njɛ bha ka lephan hromɛn ɔn, áyí lókɔn ále ha nkɛ nkrɔ. Khɛ́n áyí áchán lephan thɛ́n hrómɛn thándi nɔn áha nkɛ nkrɔ. [ 16Ɔ́ndi njɛlé yé mwámwá, kasé ɔ́n pɛ njɛ ayé bhwe!]
17Lóka Jezwi yɔ ápasá khwa, khɛ́n álo bháthó, lótɛ mɛ́n yíchwɛmán ébhi nkɛ yandran lókɔn phɔ bhwe, 18ló ńkránman nkɔn sa:
– Hɔ́n lɔ, wú ɔ́n ne gɛ yɛ́n ábhwe lókɔn thé? Wú ɔ́n ne gɛ yɛ́n salé áyí khúnbrɛn tɛɛ áchán njɛ bha ká lephan hromɛn, ále gɛ ha nkɛ nkrɔ, 19átɛsa ále ló mɛ́n thɛ́n hrómɛn, khɛ́n áló mɛ́n lábhɛ hromɛn, khɛ́n lómánji áchán mɛ́n phɔ thándi?
(Jezwi khɔ ábhwe lókɔn phɔ étɔ gbée salé ógɛ lí nɛn khúnbrɛn).
20Ló ńcu tɔ sa:
– Áyí áchán lephan hromɛn thándi nɔn áha lephan nkrɔ. 21Átɛsalé lephan hromɛn, lephan thɛ́n hrómɛn nɔn hɛ́nphebhú phromɛn phromɛn khúnbrɛn chán thándi, lónɔn ágɛ chɛ anní gbakhre, ánsi sído, anwɛ́n lephan, 22anmɔ́ áphɛ́n, ángɛ mɛhɛ́n néphan yí phɔ, antɛ́ bhúrɛ yí, ánkhrɛ lephan, anmá áyí khrɛ́khrɛtɛ́ hrómɛn, anmá mɛnɔ́n hrómɛn, ánnrɛ lephan bhwe, anní nkhó, ló anmá hɛ́nphelɔ yítɛ́ hrómɛn. 23Lóyí phromɛn phromɛn khúnbrɛn lókɔn chán lephan hromɛn thándi, ló áha lephan nkrɔ.
Thekhubhie bɛn bhu Jezwi mímí
(Ɔ́n wú Mat 15.21-28)
24Lómánji, Jezwi chan lóne féne, ńmósi no ágotho agbali Thire khúbhɛ́. Ńnɛ ábháthó bɛn, ló ńnɛn pɔ sa lephan brɛ oyɛ́n salé ńma lóne, lókhɛ́n ánnɛn gɛ hrɔman chré. 25Khankhan mímí nánnánmi phromɛn bɛn bha bhie bɛn mi bhie phɔ. Wo tɔ Jezwi bhwe se bhie lókɔn ye. Lóyámɛ́n, ńman gɛ Jezwi, ló ńhalé nkɛ nta mɛn. 26Bhie lókɔn, ńni thekhubhie. Wo ho-e Fenisi abha Siri gotho. Ánna Jezwi sa nkɛ tranmán nánnánmi phromɛn lókɔn yɛn mɛ́n bhi bhie phɔ. 27Khɛ́n Jezwi kranman nkɛ sa:
– Tɛmɛ ɛsé miɔ́ olí wo nɛn khɛ́n, áleyɔn salé okhwɛ́n ńmiɔ́ nɛn kú khwá ngbamán miɔn lé.
28Ló ńkránman Jezwi sa:
– Hwánthe, ábhwe mímí nɔn ɛtɔ o, lótɛ khɛ́n ńgbamán abha tábrɛ thé, wo tha ńnɛn nbie khɛ́n ńmiɔ́ eyɔ́ khwá yítathé.
29Lótɛ Jezwi kranman nkɛ sa:
– Hɛ bhwe lókɔn ɛtɔ hɛ́nthé tɛmɛ ɛsáji ló hɛ hwan, nánnánmi phromɛn chan hɛ bhi bhie phɔ thandi.
30Ló ńsáji no mɛ́n hwan, ńgɛ mɛ́n bhi bhie la ntɛ́trɛ tho: nánnánmi phromɛn chan mɛ́n phɔ thandi.
Jezwi tɛ njɛtɔwo bɛn ńmɛ́n phúsi, khɛ́n ńjɛ lɔ thu phɔ jan
31Lómánji, Jezwi chan Thire gotho féne, ńsákhɔ Sidɔn, ló ńmúrikhɔ Ákhúbhɛ́ Áwɔ́ gotho no Galile duphé mɛ́n. 32Wo do njɛtɔwo bɛn ále gɛ tɔ bhwe mwámwá bha se, ló wo éla Jezwi sa anmó mɔ́n tré nkɛ tho. 33Ló Jezwi do sɛ brɛ lókɔn chan ápasá thethé thándi lo njɛ-áan. Ńsɔ mɛ́n khwɛ ka sɛ lókɔn njɛ mɛn, ló ńtɛ mɛ́n nbrɛn mísɛ́-ndu ná nkɛ lɛ́. 34Ńgbɛnɛn wu tho, ńfi guphrɛ, ló ńkránman sɛ lókɔn sa:
– Efata! (lóthé nɔn ali salé “Phwan!”)
35Lóyámɛ́n, mɛ́n njɛ phwan, mɛ́n lɛ́thé lɔ hrwɛn, ló ántɔ bhwe di mwámwá. 36Jezwi di wo khúnbrɛn bi sa wo lé tɔ lóbhwe sé lephan brɛ oyé. Ábi ńdi wo nɔn achɛ wo bhɔ lóbhwe piyé. 37Lóbhwe tan néphan khúnbrɛn hɛ́nmɛn kpɛ́ɛ́n, ló wo étɔ sa:
– Mɛ́n yí khúnbrɛn tɛɛ antɛ́, áyɔ́n phú! Anchɛ́ njɛtɔmán bhwá nbrɛn lɔ yé bhwe, ló wo khɛ́n wo mɛ́n phusi lɔ wó tɔ bhwe.
Ebrié New Testament © Bible Society of Côte D'Ivoire, 1996.
MÁKHI 7
7
Áyí lo jisɛmánhɔn lie
(Ɔ́n wú Mat 15.1-9)
1 Fariziɛnnɛ́n le bidíyɛ́nmán ɔ́nmɔn chan Jeruzalɛ́mɛn bha, ló wo bhurɛhɛ́n jekhali Jezwi. 2Wo wu salé Jezwi yíchwɛmán fe bhó mɔ́n krɔ mɛn lí nɛn, lóthé nɔn ali salé, wo lé chó mɔ́n, sa lóyí si okhɔ́ tɛ́ lo yankanla hromɛn a.
3Khankhan mímí, Fariziɛnnɛ́n le Jwifunɛ́n nánkhɛ ɔ́nmɔn ji áyí wo jisɛmánhɔn lie wo, lónɔn ali salé: kasé wo le cho mɔ́n mwámwá, wo le lí nɛn, 4lóka wo chan jɛ́gɔn bha, kasé wo le go ndu khwa, lólɔ wo lé lí nɛn. Saji wó ji wo jisɛmánhɔn bidí nánkhɛ búdúbúdú alie wo khɛ́n ali: lósi okhɔ́ chó nyábhɔ́, ńmwe le nkpru ɔ́nmɔn hrómɛn chán mwámwá.
5Ló Fariziɛnnɛ́n le bidíyɛ́nmán ɔ́nmɔn ébhi Jezwi lée:
– Bítɛ khɛ́n hɛ yíchwɛmán lé ji lo jisɛmánhɔn bidí aha tre, khɛ́n wo bhó mɔ́n krɔ mɛn lí nɛn ɛ?
6Ló Jezwi kranman nkɔn sa:
– Ezayi ka akhɔ Yankan hɛ́n hrómɛn étɔ hɔ́n phɔ bhwe, khɛ́n étɔlé ɔ́n ni mɛ́n mɔ́nmɔnmán ɔn, mɛ́n bhwe li hɛ́n.
“Yankan nkɛé:
Aféchwe lókɔn bho bhwetɔ́ wrɛ́ mɛn pán
éha mɛn ngu,
khɛ́n mɛ́n thɛ́n-ɛ le bha mɛn tho.
7Ála wo éla mɛn ɔn, áli yí wrɛ́.
Átɛsalé néphanmiɔn yí élie nɔn wo hɔn pɛ,
ló wo bho lóyílie lókɔn tɛsa mɛn Yankan bidí.”
8Ló Jezwi tɔ sa, ɔ́n yɔ Yankan bidí kalé, ló néphanmiɔn yí élie hɔ́n, ló-ɛ nɔn hɔ́n éji.
9Ló Jezwi cu phaya lótho tɔ sa:
– Ɔ́n yɛn lósi okhɔ́ hɔ́n Yankan bidí-ɛ fɔ́nká bu, khɛ́n ɔ́n ya hɔ́n bɛn nbrɛn yílie tho! 10Khankhan mímí, Moyízi tɔlé: “Ɛji hɛ the le hɛ man ɔ́nmɔn”, ló saji “Lephan khɛ́n ábha tɔ bhwe phromɛn sé khɔ mɛ́n the o, khɔ mɛ́n man o, lephan lókɔn ɔn, áyɔn se salé owɛn.” 11Khɛ́n hɔ́n, hɔ́n yí hɔ́n élie néphan nɔn ali salé, kasé lephan kranman khɔ mɛ́n the o, khɔ mɛ́n man o, salé: “Áyí khɛ́n mán gɛ mó dɔnmán hɛ mɔ́n, áli Kɔban” (lóthé nɔn ali salé “áli nphaha yí obho tre Yankan lé”), 12ló anman nɛ́n cu gɛ dɔnmán khɔ mɛ́n the o, khɔ mɛ́n man o, mɔ́n npɔhɔ́n, ɔ́n sé lóphɔ mɔ́nsi. 13Lóyábhɛ nɛn, áyí khɛ́n ɔ́n ya hɔ́n thethé hɔ́n élie hɔ́n bɛn nbrɛn ɔn, élɔ Yankan bhwetɔ́, ló ɔ́n tɛ́ áyí nánkhɛ búdúbúdú akhɔ áyí yábhɛ lókɔnhɔn.
Áyí áha lephan nkrɔ
(Ɔ́n wú Mat 15.10-20)
14Lómánji Jezwi cu che ápasá bha ló ńtɔ se wo sa:
– Hɔ́n khúnbrɛn ɔ́ndi njɛlé, ló ɔ́n yɛ́n salé: 15Áyí tɛɛ achan njɛ bha ka lephan hromɛn ɔn, áyí lókɔn ále ha nkɛ nkrɔ. Khɛ́n áyí áchán lephan thɛ́n hrómɛn thándi nɔn áha nkɛ nkrɔ. [ 16Ɔ́ndi njɛlé yé mwámwá, kasé ɔ́n pɛ njɛ ayé bhwe!]
17Lóka Jezwi yɔ ápasá khwa, khɛ́n álo bháthó, lótɛ mɛ́n yíchwɛmán ébhi nkɛ yandran lókɔn phɔ bhwe, 18ló ńkránman nkɔn sa:
– Hɔ́n lɔ, wú ɔ́n ne gɛ yɛ́n ábhwe lókɔn thé? Wú ɔ́n ne gɛ yɛ́n salé áyí khúnbrɛn tɛɛ áchán njɛ bha ká lephan hromɛn, ále gɛ ha nkɛ nkrɔ, 19átɛsa ále ló mɛ́n thɛ́n hrómɛn, khɛ́n áló mɛ́n lábhɛ hromɛn, khɛ́n lómánji áchán mɛ́n phɔ thándi?
(Jezwi khɔ ábhwe lókɔn phɔ étɔ gbée salé ógɛ lí nɛn khúnbrɛn).
20Ló ńcu tɔ sa:
– Áyí áchán lephan hromɛn thándi nɔn áha lephan nkrɔ. 21Átɛsalé lephan hromɛn, lephan thɛ́n hrómɛn nɔn hɛ́nphebhú phromɛn phromɛn khúnbrɛn chán thándi, lónɔn ágɛ chɛ anní gbakhre, ánsi sído, anwɛ́n lephan, 22anmɔ́ áphɛ́n, ángɛ mɛhɛ́n néphan yí phɔ, antɛ́ bhúrɛ yí, ánkhrɛ lephan, anmá áyí khrɛ́khrɛtɛ́ hrómɛn, anmá mɛnɔ́n hrómɛn, ánnrɛ lephan bhwe, anní nkhó, ló anmá hɛ́nphelɔ yítɛ́ hrómɛn. 23Lóyí phromɛn phromɛn khúnbrɛn lókɔn chán lephan hromɛn thándi, ló áha lephan nkrɔ.
Thekhubhie bɛn bhu Jezwi mímí
(Ɔ́n wú Mat 15.21-28)
24Lómánji, Jezwi chan lóne féne, ńmósi no ágotho agbali Thire khúbhɛ́. Ńnɛ ábháthó bɛn, ló ńnɛn pɔ sa lephan brɛ oyɛ́n salé ńma lóne, lókhɛ́n ánnɛn gɛ hrɔman chré. 25Khankhan mímí nánnánmi phromɛn bɛn bha bhie bɛn mi bhie phɔ. Wo tɔ Jezwi bhwe se bhie lókɔn ye. Lóyámɛ́n, ńman gɛ Jezwi, ló ńhalé nkɛ nta mɛn. 26Bhie lókɔn, ńni thekhubhie. Wo ho-e Fenisi abha Siri gotho. Ánna Jezwi sa nkɛ tranmán nánnánmi phromɛn lókɔn yɛn mɛ́n bhi bhie phɔ. 27Khɛ́n Jezwi kranman nkɛ sa:
– Tɛmɛ ɛsé miɔ́ olí wo nɛn khɛ́n, áleyɔn salé okhwɛ́n ńmiɔ́ nɛn kú khwá ngbamán miɔn lé.
28Ló ńkránman Jezwi sa:
– Hwánthe, ábhwe mímí nɔn ɛtɔ o, lótɛ khɛ́n ńgbamán abha tábrɛ thé, wo tha ńnɛn nbie khɛ́n ńmiɔ́ eyɔ́ khwá yítathé.
29Lótɛ Jezwi kranman nkɛ sa:
– Hɛ bhwe lókɔn ɛtɔ hɛ́nthé tɛmɛ ɛsáji ló hɛ hwan, nánnánmi phromɛn chan hɛ bhi bhie phɔ thandi.
30Ló ńsáji no mɛ́n hwan, ńgɛ mɛ́n bhi bhie la ntɛ́trɛ tho: nánnánmi phromɛn chan mɛ́n phɔ thandi.
Jezwi tɛ njɛtɔwo bɛn ńmɛ́n phúsi, khɛ́n ńjɛ lɔ thu phɔ jan
31Lómánji, Jezwi chan Thire gotho féne, ńsákhɔ Sidɔn, ló ńmúrikhɔ Ákhúbhɛ́ Áwɔ́ gotho no Galile duphé mɛ́n. 32Wo do njɛtɔwo bɛn ále gɛ tɔ bhwe mwámwá bha se, ló wo éla Jezwi sa anmó mɔ́n tré nkɛ tho. 33Ló Jezwi do sɛ brɛ lókɔn chan ápasá thethé thándi lo njɛ-áan. Ńsɔ mɛ́n khwɛ ka sɛ lókɔn njɛ mɛn, ló ńtɛ mɛ́n nbrɛn mísɛ́-ndu ná nkɛ lɛ́. 34Ńgbɛnɛn wu tho, ńfi guphrɛ, ló ńkránman sɛ lókɔn sa:
– Efata! (lóthé nɔn ali salé “Phwan!”)
35Lóyámɛ́n, mɛ́n njɛ phwan, mɛ́n lɛ́thé lɔ hrwɛn, ló ántɔ bhwe di mwámwá. 36Jezwi di wo khúnbrɛn bi sa wo lé tɔ lóbhwe sé lephan brɛ oyé. Ábi ńdi wo nɔn achɛ wo bhɔ lóbhwe piyé. 37Lóbhwe tan néphan khúnbrɛn hɛ́nmɛn kpɛ́ɛ́n, ló wo étɔ sa:
– Mɛ́n yí khúnbrɛn tɛɛ antɛ́, áyɔ́n phú! Anchɛ́ njɛtɔmán bhwá nbrɛn lɔ yé bhwe, ló wo khɛ́n wo mɛ́n phusi lɔ wó tɔ bhwe.
Ebrié New Testament © Bible Society of Côte D'Ivoire, 1996.