MÁKHI 5
5
Jezwi tɛ sɛ bɛn khɛ́n nánnánmi phromɛn bha phɔ phɔ jan
(Ɔ́n wú Mat 8.28-34; Ɔ́n wú Lwik 8.26-39)
1Lómánji, Jezwi le mɛ́n yíchwɛmán ɔ́nmɔn di Jerazeniɛn gothonɛ́n Galile duphé dúji . 2Lóka Jezwi chan hran mɛn dithé, lóyámɛ́n, sɛ bɛn chan matho bha ywɛnli. 3Sɛ lókɔn ɔn, nánnánmi phromɛn bɛn bha mɛ́n phɔ, ló ńma álínɔn thethé chre, álepɛ lephan ágɛ hɔ́n-ɛn, saji wraká lɔ óle gɛ di. 4Mímí, ákáfe wo khwɛ́n wraká gɛ mɛ́n mɔ́n le mɛ́n nta, khɛ́n ánmura wraká, ló álepɛ lephan apɛ sɛ́npɛ́ khɛ́n ágɛ hɔ́n-ɛn. 5Ákakhúnbrɛn, ńcrɔ́n le mréci, ńma álínɔn thethé le ńmóbhó tho ɔ́nmɔn, annúkhwɛ́, ló ankhwɛ́n mú phɛ́nphɛ́n ntwa phɔ.
6Ńwu Jezwi hɛ́nmɛn-áan, ńwa no nkɛ phɔ, ńmɔ ntráhɛ́nlé nkɛ hɛ́nmɛn, 7ló ńnukhwɛ́ átɔ́ khrákhrá mɛn sa: Jezwi Yankan abha tho-áan mɛ́n Bhi, ébí bhwe bha mɛn le hɛ ɔ́nmɔn thethé ɛ? Yankan hɛ́n hrómɛn, mɛɛ́n na hɛ, ɛle tɛ́ yí khú mɛn phɔ kpɛ!
8(Lósi akhɔ tɛ khɛ́n ńtɔ bhwe yábhɛ lókɔn ɔn, lónian mɛn khɛ́n Jezwi tɔlé: “Nánnánmi phromɛn, chan lephan lókɔn phɔ thandi hɛ́nthé!”)
9Lótɛ Jezwi bhi lephan lókɔn sa:
– Hɛ hɛ́n li katɔ́n?
Ló lephan lókɔn kranman Jezwi lée:
– Mɛn hɛ́n li “Bhrobhrobhé”, átɛsalé lo thubhɔ.
10Ló ánna Jezwi khekhremɛn salé nkɛ lé tranmán nánnánmi phromɛn phromɛnhɔn chán lóne gotho féne kpɛ.
11Ńgbróko go bɛn bha lóne bhóbhó njɛ énɛn wo nɛnlí. 12Lótɛ nánnánmi phromɛn phromɛnhɔn éla Jezwi nfɛkhu mɛn sa:
– Chɛ lo lo hɛ́n ńgbróko go khóo lókɔn hromɛn kpɛ.
13Jezwi se wo lóphɔ mɔ́nsi, lótɛ nánnánmi phromɛn phromɛnhɔn chan lephan lókɔn phɔ thandi lo hɛn ńgbróko hromɛn. Ńgbróko go lókɔn – abha elí – ńgbróko akpɛn mɔn nbrɛn-áan – chan ábhóbhó muthé wa lo hɛn duphé hrómɛn, ló wo khúnbrɛn wo khu du.
14Néphan ébo ngbróko wa féne, wo lo tɔ lóbhwe ákhúbhɛ́ le nanmwe ɔ́nmɔn hrómɛn, ló néphan bha ewú lóyí atɛ. 15Wo di Jezwi ntakhú, ló wo wu lephan khɛ́n nánnánmi phromɛn phromɛn bhrobhrobhé phrɛ bha mɛ́n phɔ: ńchethé, ńsɔ ntráliɛ́, ńchre jɛɛn sa lephan bhwá a, ló wo esókhú. 16Néphan khɛ́n aphrɛ wu áyí khúnbrɛn lókɔn atɛ, le áyí atɛ lephan khɛ́n nánnánmi phromɛn phromɛn bha mɛ́n phɔ le ńgbróko ɔ́nmɔn ɔn, wo ékan nkɔn lóphɔ hwan. 17Ló wo éla Jezwi lée nkɛ chán wo gotho féne.
18Lóka Jezwi eká hran mɛn, lótɛ lephan khɛ́n ńtɛ phɔ jan bha ébhi nkɛ lée nkɛ dɛn, ló mɛ́n jran nkɛ phɔ. 19Jezwi le dɛn, khɛ́n ńkránman nkɛ sa:
– Tɛmɛ ɛló hɛ hwan, ɛlo gɛ hɛ bháthónɛ́n, ló Hwánthe yí khúnbrɛn khɛ́n atɛ se hɛ le lósi ńkhɔ wu hɛ nfɛkhu ɔn, ɛtɔ lóbhwe sé wo yé.
20Lephan lókɔn lo, ló Jezwi yí khúnbrɛn atɛ, ńtɔ lóbhwe pi Ákhúbhɛ́ Áwɔ́ gotho, ló néphan khúnbrɛn khɛ́n aye ábhwe lókɔn ńtɔ ɔn, etán wo hɛ́nmɛn kpɛ́ɛ́n.
Jayirúsi mi bhie le bhie apa Jezwi ntráliɛ́ pɛ
(Ɔ́n wú Mat 9.18-26; Ɔ́n wú Lwik 8.40-56)
21Jezwi ka hran mɛn chan dúji bha. Lóka ńma dumɛ́n, lónɔn ápasá bhróbhrobhé bhúrɛhɛ́n jekhɛli. 22Hɛ́nbhúrɛ si-óthe bɛn óche Jayirúsi bha. Ńwu Jezwi, ńhalé nkɛ nta mɛn, 23ánmi nkɛ khekhremɛn sa nkɛ dɔnmɛn mɔ́n, ló ántɔ sa:
– Mɛn mi bhie ekhú bhrɔ́ɔ́, mɛɛ́n na hɛ kpɛ, tɛmɛ ɛbha bhó mɔ́n tré mɛ́n tho, mɛ́n phɔ ojan, ló anmá mɛpɔ́!
24Jezwi gɛ ɔ́nmɔn lo. Ápasá bhróbhrobhé gɛ thá ephísi mɛ́n jɛ́ njɛ si khúnbrɛn.
25Bhie bɛn bháne, ńgɛ njɛchrélɔ́ áli npá áwɔ́-mɔn. 26Ńni gbre kpɛ́ɛ́n gomán búdúbúdú mɔ́n mɛn, ló ńnɔ mɛ́n jɛtɛn khúnbrɛn phu, mɛ́n phɔ le jan bhrɔ́ɔ́, khɛ́n álɔ́ cu ebhɔ́tho tɛɛ. 27Wo tɔ Jezwi bhwe se ńye, lótɛ ńman ka ápasá hrómɛn, ńya Jezwi mánji, ló ńpa nkɛ ntráliɛ́ pɛ. 28Lósi akhɔ tɛ ɔn, ántɔ mɛ́n hrómɛn mɛn sa: “Kasé mɛɛ́n gɛ pá mɛ́n ntráliɛ́ nwɛ́ pɛ ɔn, mɛn phɔ bha jan.” 29Lóyámɛ́n, mɛ́n njɛchré thu, ló ńyɛn salé mɛ́n phɔ jan. 30Lóka yábhɛ brɛ, Jezwi yɛn salé ńsɛ́npɛ́ bɛn chan mɛ́n phɔ thandi, ló ápasá hrómɛn, ńsaya ánmi salé:
– Abɛn pa mɛn ntráliɛ́ pɛ ɛ?
31Ló mɛ́n yíchwɛmán étɔ sa:
– Hwánthe, khɔ́ hɛ nɔn ɛyɛn salé ápasá ephísi hɛ jɛ́ njɛ si khúnbrɛn o, lótɛ khɛ́n ɛcu ɛ́bhi lée: Abɛn pa mɛn pɛ ɛ?
32Khɛ́n Jezwi éha mɛ jekhalí mɛ́n jɛ́ njɛ nɛn lephan atɛ áyí yábhɛ lókɔn. 33Bhie lókɔn esókhú, ánfa, ńyɛn áyí atɛ mɛ́n phɔ, lótɛ ńman halé Jezwi nta mɛn, ló ńtɔ lóbhwe khúnbrɛn mɛ́nbrɛ se nkɛ, 34ló Jezwi krɛnmɛn sa:
– Mɛn mi bhie, hɛ mímíbhú tɛ hɛ phɔ jan. Ɛlo ńthɛ́nkhwálé mɛn, ló wo swa hɛ yɛn hɛ yíkhúphɔ hromɛn.
35Jezwi bhwe tɛɛ étɔ ntɔ́nyán, lópán mranchɛ́mán dɔnbɛn chan athe Jayirúsi hwan bha lóne ékranmán Jayirúsi lée:
– Hɛ bhi bhie khu. Ɛlé cu ya lri Yíliéwo gbre npɔhɔ́n!
36Khɛ́n wo bhwe wo étɔ ɔn, Jezwi le há bhwa, ló ánkranmán athe Jayirúsi sa:
– Ɛle sókhú, khɛ́n tɛmɛ ɛbhú mímí pán.
37Jezwi lo lóne, khɛ́n ńne se lephan nankhɛ brɛ mɔ́nsi ogɛ ɔ́nmɔn lo, kasé áleli Piɛ, Jakhi le mɛ́n hɔnsɛ́n Jan ɔ́nmɔn pán ńdo ka phɔ ɔ́nmɔn no. 38Wo di ábhúrɛ́hɛ́n si-óthe hwan bháthó. Jezwi ewú áyé jí éjika lóne, néphan khɛ́n ethɔ́n hɛ́ndu le ńkhwɛ́ wo élu, 39lótɛ ńka khúthé, ló ántɔ sa:
– Bíyí jíka yábhɛ lí lókɔn ɛ, ló bítɛ khɛ́n hɔ́n ethɔ́n hɛ́ndu ɛ? Bhiebhri lé khu a, ńná pán anná.
40Lótɛ wo epiɛ́n nkɛ mɛ́nlé, ńchɛ wo khúnbrɛn wo thandi. Ńdo yípɔ nthe, nkɛ man le mɛ́n yíchwɛmán bhwaliá ɔ́nmɔn ha phɔ, ló wo lo ákhúthé hrómɛn si yípɔ bha. 41Ńhɔn yípɔ mɔ́n, ló ńkránman nkɛ sa:
– Talita kumi! (lóthé nɔn ali: “Bhiebhri, mɛɛ́n kranmán hɛ lée ɛchánfe!”)
42Lóyámɛ́n, bhiebhri chánfe, ló ánnɛnsi, (ńgɛ npá áwɔ́-mɔn.) Wo ka wo wu lóyí lókɔn, ló etán wo hɛ́nmɛn kpɛ́ɛ́n. 43Khɛ́n Jezwi di wo bi ńmɛ́n khrákhrá mɛn salé olépɛ lephan brɛ oyé lóbhwe lókɔn; lómánji, ńkránman nkɔn sa:
– Ɔ́n se yí bhri bɛn anní.
Ebrié New Testament © Bible Society of Côte D'Ivoire, 1996.
MÁKHI 5
5
Jezwi tɛ sɛ bɛn khɛ́n nánnánmi phromɛn bha phɔ phɔ jan
(Ɔ́n wú Mat 8.28-34; Ɔ́n wú Lwik 8.26-39)
1Lómánji, Jezwi le mɛ́n yíchwɛmán ɔ́nmɔn di Jerazeniɛn gothonɛ́n Galile duphé dúji . 2Lóka Jezwi chan hran mɛn dithé, lóyámɛ́n, sɛ bɛn chan matho bha ywɛnli. 3Sɛ lókɔn ɔn, nánnánmi phromɛn bɛn bha mɛ́n phɔ, ló ńma álínɔn thethé chre, álepɛ lephan ágɛ hɔ́n-ɛn, saji wraká lɔ óle gɛ di. 4Mímí, ákáfe wo khwɛ́n wraká gɛ mɛ́n mɔ́n le mɛ́n nta, khɛ́n ánmura wraká, ló álepɛ lephan apɛ sɛ́npɛ́ khɛ́n ágɛ hɔ́n-ɛn. 5Ákakhúnbrɛn, ńcrɔ́n le mréci, ńma álínɔn thethé le ńmóbhó tho ɔ́nmɔn, annúkhwɛ́, ló ankhwɛ́n mú phɛ́nphɛ́n ntwa phɔ.
6Ńwu Jezwi hɛ́nmɛn-áan, ńwa no nkɛ phɔ, ńmɔ ntráhɛ́nlé nkɛ hɛ́nmɛn, 7ló ńnukhwɛ́ átɔ́ khrákhrá mɛn sa: Jezwi Yankan abha tho-áan mɛ́n Bhi, ébí bhwe bha mɛn le hɛ ɔ́nmɔn thethé ɛ? Yankan hɛ́n hrómɛn, mɛɛ́n na hɛ, ɛle tɛ́ yí khú mɛn phɔ kpɛ!
8(Lósi akhɔ tɛ khɛ́n ńtɔ bhwe yábhɛ lókɔn ɔn, lónian mɛn khɛ́n Jezwi tɔlé: “Nánnánmi phromɛn, chan lephan lókɔn phɔ thandi hɛ́nthé!”)
9Lótɛ Jezwi bhi lephan lókɔn sa:
– Hɛ hɛ́n li katɔ́n?
Ló lephan lókɔn kranman Jezwi lée:
– Mɛn hɛ́n li “Bhrobhrobhé”, átɛsalé lo thubhɔ.
10Ló ánna Jezwi khekhremɛn salé nkɛ lé tranmán nánnánmi phromɛn phromɛnhɔn chán lóne gotho féne kpɛ.
11Ńgbróko go bɛn bha lóne bhóbhó njɛ énɛn wo nɛnlí. 12Lótɛ nánnánmi phromɛn phromɛnhɔn éla Jezwi nfɛkhu mɛn sa:
– Chɛ lo lo hɛ́n ńgbróko go khóo lókɔn hromɛn kpɛ.
13Jezwi se wo lóphɔ mɔ́nsi, lótɛ nánnánmi phromɛn phromɛnhɔn chan lephan lókɔn phɔ thandi lo hɛn ńgbróko hromɛn. Ńgbróko go lókɔn – abha elí – ńgbróko akpɛn mɔn nbrɛn-áan – chan ábhóbhó muthé wa lo hɛn duphé hrómɛn, ló wo khúnbrɛn wo khu du.
14Néphan ébo ngbróko wa féne, wo lo tɔ lóbhwe ákhúbhɛ́ le nanmwe ɔ́nmɔn hrómɛn, ló néphan bha ewú lóyí atɛ. 15Wo di Jezwi ntakhú, ló wo wu lephan khɛ́n nánnánmi phromɛn phromɛn bhrobhrobhé phrɛ bha mɛ́n phɔ: ńchethé, ńsɔ ntráliɛ́, ńchre jɛɛn sa lephan bhwá a, ló wo esókhú. 16Néphan khɛ́n aphrɛ wu áyí khúnbrɛn lókɔn atɛ, le áyí atɛ lephan khɛ́n nánnánmi phromɛn phromɛn bha mɛ́n phɔ le ńgbróko ɔ́nmɔn ɔn, wo ékan nkɔn lóphɔ hwan. 17Ló wo éla Jezwi lée nkɛ chán wo gotho féne.
18Lóka Jezwi eká hran mɛn, lótɛ lephan khɛ́n ńtɛ phɔ jan bha ébhi nkɛ lée nkɛ dɛn, ló mɛ́n jran nkɛ phɔ. 19Jezwi le dɛn, khɛ́n ńkránman nkɛ sa:
– Tɛmɛ ɛló hɛ hwan, ɛlo gɛ hɛ bháthónɛ́n, ló Hwánthe yí khúnbrɛn khɛ́n atɛ se hɛ le lósi ńkhɔ wu hɛ nfɛkhu ɔn, ɛtɔ lóbhwe sé wo yé.
20Lephan lókɔn lo, ló Jezwi yí khúnbrɛn atɛ, ńtɔ lóbhwe pi Ákhúbhɛ́ Áwɔ́ gotho, ló néphan khúnbrɛn khɛ́n aye ábhwe lókɔn ńtɔ ɔn, etán wo hɛ́nmɛn kpɛ́ɛ́n.
Jayirúsi mi bhie le bhie apa Jezwi ntráliɛ́ pɛ
(Ɔ́n wú Mat 9.18-26; Ɔ́n wú Lwik 8.40-56)
21Jezwi ka hran mɛn chan dúji bha. Lóka ńma dumɛ́n, lónɔn ápasá bhróbhrobhé bhúrɛhɛ́n jekhɛli. 22Hɛ́nbhúrɛ si-óthe bɛn óche Jayirúsi bha. Ńwu Jezwi, ńhalé nkɛ nta mɛn, 23ánmi nkɛ khekhremɛn sa nkɛ dɔnmɛn mɔ́n, ló ántɔ sa:
– Mɛn mi bhie ekhú bhrɔ́ɔ́, mɛɛ́n na hɛ kpɛ, tɛmɛ ɛbha bhó mɔ́n tré mɛ́n tho, mɛ́n phɔ ojan, ló anmá mɛpɔ́!
24Jezwi gɛ ɔ́nmɔn lo. Ápasá bhróbhrobhé gɛ thá ephísi mɛ́n jɛ́ njɛ si khúnbrɛn.
25Bhie bɛn bháne, ńgɛ njɛchrélɔ́ áli npá áwɔ́-mɔn. 26Ńni gbre kpɛ́ɛ́n gomán búdúbúdú mɔ́n mɛn, ló ńnɔ mɛ́n jɛtɛn khúnbrɛn phu, mɛ́n phɔ le jan bhrɔ́ɔ́, khɛ́n álɔ́ cu ebhɔ́tho tɛɛ. 27Wo tɔ Jezwi bhwe se ńye, lótɛ ńman ka ápasá hrómɛn, ńya Jezwi mánji, ló ńpa nkɛ ntráliɛ́ pɛ. 28Lósi akhɔ tɛ ɔn, ántɔ mɛ́n hrómɛn mɛn sa: “Kasé mɛɛ́n gɛ pá mɛ́n ntráliɛ́ nwɛ́ pɛ ɔn, mɛn phɔ bha jan.” 29Lóyámɛ́n, mɛ́n njɛchré thu, ló ńyɛn salé mɛ́n phɔ jan. 30Lóka yábhɛ brɛ, Jezwi yɛn salé ńsɛ́npɛ́ bɛn chan mɛ́n phɔ thandi, ló ápasá hrómɛn, ńsaya ánmi salé:
– Abɛn pa mɛn ntráliɛ́ pɛ ɛ?
31Ló mɛ́n yíchwɛmán étɔ sa:
– Hwánthe, khɔ́ hɛ nɔn ɛyɛn salé ápasá ephísi hɛ jɛ́ njɛ si khúnbrɛn o, lótɛ khɛ́n ɛcu ɛ́bhi lée: Abɛn pa mɛn pɛ ɛ?
32Khɛ́n Jezwi éha mɛ jekhalí mɛ́n jɛ́ njɛ nɛn lephan atɛ áyí yábhɛ lókɔn. 33Bhie lókɔn esókhú, ánfa, ńyɛn áyí atɛ mɛ́n phɔ, lótɛ ńman halé Jezwi nta mɛn, ló ńtɔ lóbhwe khúnbrɛn mɛ́nbrɛ se nkɛ, 34ló Jezwi krɛnmɛn sa:
– Mɛn mi bhie, hɛ mímíbhú tɛ hɛ phɔ jan. Ɛlo ńthɛ́nkhwálé mɛn, ló wo swa hɛ yɛn hɛ yíkhúphɔ hromɛn.
35Jezwi bhwe tɛɛ étɔ ntɔ́nyán, lópán mranchɛ́mán dɔnbɛn chan athe Jayirúsi hwan bha lóne ékranmán Jayirúsi lée:
– Hɛ bhi bhie khu. Ɛlé cu ya lri Yíliéwo gbre npɔhɔ́n!
36Khɛ́n wo bhwe wo étɔ ɔn, Jezwi le há bhwa, ló ánkranmán athe Jayirúsi sa:
– Ɛle sókhú, khɛ́n tɛmɛ ɛbhú mímí pán.
37Jezwi lo lóne, khɛ́n ńne se lephan nankhɛ brɛ mɔ́nsi ogɛ ɔ́nmɔn lo, kasé áleli Piɛ, Jakhi le mɛ́n hɔnsɛ́n Jan ɔ́nmɔn pán ńdo ka phɔ ɔ́nmɔn no. 38Wo di ábhúrɛ́hɛ́n si-óthe hwan bháthó. Jezwi ewú áyé jí éjika lóne, néphan khɛ́n ethɔ́n hɛ́ndu le ńkhwɛ́ wo élu, 39lótɛ ńka khúthé, ló ántɔ sa:
– Bíyí jíka yábhɛ lí lókɔn ɛ, ló bítɛ khɛ́n hɔ́n ethɔ́n hɛ́ndu ɛ? Bhiebhri lé khu a, ńná pán anná.
40Lótɛ wo epiɛ́n nkɛ mɛ́nlé, ńchɛ wo khúnbrɛn wo thandi. Ńdo yípɔ nthe, nkɛ man le mɛ́n yíchwɛmán bhwaliá ɔ́nmɔn ha phɔ, ló wo lo ákhúthé hrómɛn si yípɔ bha. 41Ńhɔn yípɔ mɔ́n, ló ńkránman nkɛ sa:
– Talita kumi! (lóthé nɔn ali: “Bhiebhri, mɛɛ́n kranmán hɛ lée ɛchánfe!”)
42Lóyámɛ́n, bhiebhri chánfe, ló ánnɛnsi, (ńgɛ npá áwɔ́-mɔn.) Wo ka wo wu lóyí lókɔn, ló etán wo hɛ́nmɛn kpɛ́ɛ́n. 43Khɛ́n Jezwi di wo bi ńmɛ́n khrákhrá mɛn salé olépɛ lephan brɛ oyé lóbhwe lókɔn; lómánji, ńkránman nkɔn sa:
– Ɔ́n se yí bhri bɛn anní.
Ebrié New Testament © Bible Society of Côte D'Ivoire, 1996.