MÁKHI 4
4
Ńyámí-dwánwo bɛn phɔ yandran
(Ɔ́n wú Mat 13.1-9; Ɔ́n wú Lwik 8.4-8)
1Jezwi cu élie yí Galile duphé mɛ́n. Ápasá bhróbhrobhé bhurɛhɛ́n mɛ́n phɔ, lóhɛ́nthé ńka hran bɛn mɛn, ló ńchethé. Ahran ya duphé tho, khɛ́n ápasá-ɛ ya du mɛ́n. 2Ńkhɔ yandran mɛn nie wo yí búdúbúdú, ló mɛ́n yílie hromɛn ɔn, ánkranmán nkɔn sa:
3– Ɔ́ndi njɛlé a! Sɛ bɛn thandi lo éha nyámí. 4Lóka ankú nyámí khwá mɛ́n gɔn, lótɛ ńyámí dɔnbɛn khwa ásitó njɛ: ńkɔ́cran bha ló wo chwan li. 5Lódɔnbɛn khwa ńmú hrómɛn si ńthu le thubhɔ. Áchɛ́se ále mɔn lɔ khɛ́n ále, ńthu ale thubhɔ lóne hɛ́nthé. 6Ńyóka ka elé, áhɔn ńbi chɛ́-nchɛ́ khɛ́n ale ebhá, ló áwɛ, lómɛ́lu ale lo thé hɛ́nthé. 7Ńyámí dɔnbɛn hɛn ńthó hrómɛn. Ńthó le bha tho, ló ádwan ńyámí bhwá ale ebhá, áchɛ́se ále somí brɛ. 8Khɛ́n ńyámí dɔnbɛn-ɛ khwa áyíta bhwábhwá tho, ále, átɛ nkhóo, ló ásomí. Fe sómí áphɛn le áwɔ́, fe sómí ńmɔ-bhwaliá, fe sómí ya brɛ.
9Ló Jezwi tɔ sa:
– Lephan kasé ɛpɛ njɛ áyé bhwe, tɛmɛ ɛyé mwámwá!
Lóyí hɛ́nthé khɛ́n Jezwi ekhɔ́ yandran mɛn tɔ bhwe
(Ɔ́n wú Mat 13.10-17; Ɔ́n wú Lwik 8.9-10)
10Lóka Jezwi yɔ ápasá khwa khɛ́n ńtiya njɛ, néphan aya mɛ́n njɛ le yíchwɛmán áwɔ́-mɔn ébhi nkɛ sa nkɛ lɛ yandran lókɔn thé sé wo yé. 11Ló ánkranmán nkɔn sa:
– Áyí khɛ́n ahrɔman tre Yankan Bhringbi khúbhɛ́ ɔn, hɔ́n nɔn wo chɛ hɔ́n yɛn lóyí. Lókhɛ́n néphan nánkhɛ, wo-ɛ, yandran mɛn nɔn okhɔ́ tɔ lóbhwe sé wo, 12ochɛ́sé
“Wo nɛ́n yí mwámwá, khɛ́n wo le wú,
wo yé bhwe mwámwá, khɛ́n wo le yé lóthé,
ochɛ́sé wo le wúsi khɔ́ sa hɛ́nmɛn nrwɛn
Yankan khɛ́n nkɛ yɔ́phɔ́ wo!”
Jezwi élɛ nyámí-dwánwo phɔ yandran thé
(Ɔ́n wú Mat 13.18-23; Ɔ́n wú Lwik 8.11-15)
13Ló Jezwi kranman nkɔn sa:
– Wú ɔ́n ne yé yandran lókɔn thé? Ló kasé áli nɛn, kalósi ɔ́n ma khɔ́ yé yandran nankhɛ khúnbrɛn lókɔn thé e? 14Yankan bhwetɔ́ nɔn nyámí-dwánwo éha. 15Néphan fe tɛsa ásitó jɛ́ njɛ si ábhwetɔ́ khwalé: lóka tɛɛ wo ye lóbhwe, Abhɔsɛ́mɔ́n bhá, ankhwɛ́n ábhwe wo ha abha wo thɛ́n hrómɛn yɛn. 16Lóyábhɛ brɛ, fe lɔ do Yankan bhwetɔ́ ńmú hrómɛn: lóyámɛ́n lóka wo ye, wo do áphɔhá mɛn. 17Khɛ́n wo lé dɛn nkɛ lé mɛ́lu gɛlé tré wo hromɛn, wo lé hɔn pɛ ló sikhɔ́n. Lóhɛ́nthé, lóka áyíkhúphɔ le ágbrelí ɔ́nmɔn bha Yankan bhwetɔ́ lókɔn hɛ́nthé, lóyámɛ́n wo yɔ́ wo mímíbhú ká áliá. 18Néphan fe lɔ do ńyámí akhwa ńthó hrómɛn: wo lókɔn, wo nɔn wo li néphan eyé ábhwe otɔ, 19khɛ́n áthéji mɛpɔ́bhá phɔ mwanhɛ́nbhu, áthéji jayí wrɛ́ khɛ́n ali áyí ákhrɛ lephan le áyí mɛnɔ́n nánkhɛ ɔ́nmɔn do si wo thɛ́n hrómɛn, ásrɛn ábhwe wo ye, áchɛ́se ále sómí brɛ. 20Ló aphu, néphan fe-ɛ do nyámí akhwa áyíta bhwábhwá tho. Wo lókɔn, wo nɔn wo li néphan eyé ábhwe otɔ. Wó do pɛ, ló wo sómí: fe sómí áphɛn-áwɔ́, dɔnbɛn sómí ńmɔ-bhwaliá, ló fe sómí ya.
Khanniɛn phɔ yandran obhu
(Ɔ́n wú Lwik 8.16-18)
21Ló Jezwi kranman nkɔn sa:
– Wú otɔ́ khanniɛn tré segbeyí thé, wú otɔ́ khanniɛn tré sɔ́nfa thé? Nkɛé khanniɛnyá tho ohɔ́n tré? 22Álepɛ yí ahrɔman tre khɛ́n obha le wú, áyí khúnbrɛn tɛɛ abha kpɔ́thé lɔ bha ká nphrámɛn. 23Ɔ́ndi njɛ lé mwámwá, kasé ɔ́n pɛ njɛ áyé bhwe!
24Lótɛ Jezwi cu tɔ se wo sa:
– Ábhwe hɔ́n eyé, ɔ́n há lóphɔ mwanhɛ́n. Hɔ́n yí hɔ́n ebhó pí yí sé néphan ɔn, lóyí brɛ nɔn Yankan lɔ bha bhó pí yí sé hɔ́n. Khɛ́n hɔ́n ékɛ bha bhɔ́tho. 25Átɛsalé lephan apɛ yí, ánman cu gɛ yí mɔ́tho háne. Khɛ́n lephan alepɛ yíɛkɛ, lókpɛ lókɔn ńpɛ, lólɔ óbha thándo yɛn.
Ńyámí khɛ́n ló nbrɛn lé, lóphɔ yandran obhu
26Ló Jezwi cu tɔ sa:
– Yankan Bhringbi khúbhɛ́ yí akhɔ nɔn ali sa: Sɛ bɛn ha nyámí mɛ́n gɔn. 27Sɛ lókɔn, anná ná mréci, khɛ́n ńcrɔ́n ánfe, ácí khúnbrɛn, lótré tɛɛ atre élo é. Lóka khúnbrɛn lókɔn, ńyámí le, átɛ nkhóo, khɛ́n ńnɛn yɛn lósi akhɔ etɛ́. 28Áyíta nbrɛn nɔn achɛ ńyámí le, lómánji ńbi lé, ásá njrwɛ, ńthé khɛ́n lómí lé bhá lónjrwɛ hromɛn. 29Lóka nyámí thi phu, lónɔn lephan bhó mɛ́n dúgba lo lí júmán, átɛsalé lóka obhú ńyámí, lóka lókɔn bha.
Mutáde mí phɔ yandran obhu
(Ɔ́n wú Mat 13.31-32,34; Ɔ́n wú Lwik 13.18-19)
30Ló Jezwi cu tɔ sa:
– Ébí nɔn ló gɛ bhó Yankan Bhringbi khúbhɛ́ thweli ɛ? Lóyandran bɛn phɔ nɔn lo bhá khɔ́ tɔ lóphɔ bhwe ɛ? 31Yankan Bhringbi khúbhɛ́ khɔ nyámí bɛn óche mutáde. Lóka obho wo éha, átɛ́ mri brɛn nyámí khúnbrɛn abha théji. 32Khɛ́n lóka oha phu, álé thándi, ló ábanbrɛn áyá khúnbrɛn. Átɛ́ nkhóo, áchɛ́se ńkɔ́cran gɛ thán wo nkhú lónánphɔ thé.
33Yandran búdúbúdú atɛsa yandran yábhɛ lókɔn mɛn nɔn Jezwi khɔ lie néphan yí. Yandran tɛɛ wo gɛ yé lóthé ɔn, lóphɔ nɔn ankhɔ́ tɔ bhwe. 34Ábhwe tɛɛ ántɔ sé nkɔn, yandran bhá lóhrómɛn, khɛ́n lóka ákha mɛ́n le mɛ́n yíchwɛmán ɔ́nmɔn nchán, lónɔn ánnɛ lóthé khúnbrɛn sé nkɔn yé.
Jezwi tɛ ádúgran khwalé jɛɛn
(Ɔ́n wú Mat 8.23-27; Ɔ́n wú Lwik 8.22-25)
35Lócí brɛ njuka, Jezwi kranman mɛ́n yíchwɛmán sa:
– Obhuriká dúji.
36Lóka wo yɔ ápasá khwa, lótɛ yíchwɛmán do-e lo ka ahran brɛ khɛ́n ńphrɛ ma lóhrómɛn. Lókhɛ́n ahran nankhɛhɔn lɔ khwa mɛ́n njɛ. 37Lópán áphɛ́phrɛ khrákhrá bɛn elé, duphé phran ebhú hɛ́n ahran mɛn, áchɛ́se ńdu esí hran. 38Jezwi bha ahran thá, ńhɔn mɛ́n hɛ́nphe ka áyí ótrɛ hɛ́n tho, ló ńná kɛ. Yíchwɛmán fre, ló wo ékranmán nkɛ sa:
– Yíliéwo, lo khú lo ebhá khú ɔn; wú lóbhwe le tɛ́ hɛ yíɛkɛ?
39Jezwi chan ná mɛn fe, ńtɔ bhwe mɛ́n khrákhrá mɛn se áphɛ́phrɛ, ló ńtɔ se duphé sa:
– Tɛmɛ ɛtémélé, ɛkhwá jɛɛn!
Áphɛ́phrɛ khwalé, ló áyé lethíí. 40Lómánji Jezwi kranman yíchwɛmán sa:
– Bítɛ khɛ́n hɔ́n esókhú ɛ? Wú ɔ́n ne cu pɛ mímíbhú npɔhɔ́n?
41Khɛ́n ákhwíthá ka wo hromɛn, ló wo ébhi wo bɛn nbrɛn sa:
– Lólephan bɛn li lókɔn, khɛ́n áphɛ́phrɛ le duphé ɔ́nmɔn nwɛ́ lɔ éji ɛ?
Ebrié New Testament © Bible Society of Côte D'Ivoire, 1996.
MÁKHI 4
4
Ńyámí-dwánwo bɛn phɔ yandran
(Ɔ́n wú Mat 13.1-9; Ɔ́n wú Lwik 8.4-8)
1Jezwi cu élie yí Galile duphé mɛ́n. Ápasá bhróbhrobhé bhurɛhɛ́n mɛ́n phɔ, lóhɛ́nthé ńka hran bɛn mɛn, ló ńchethé. Ahran ya duphé tho, khɛ́n ápasá-ɛ ya du mɛ́n. 2Ńkhɔ yandran mɛn nie wo yí búdúbúdú, ló mɛ́n yílie hromɛn ɔn, ánkranmán nkɔn sa:
3– Ɔ́ndi njɛlé a! Sɛ bɛn thandi lo éha nyámí. 4Lóka ankú nyámí khwá mɛ́n gɔn, lótɛ ńyámí dɔnbɛn khwa ásitó njɛ: ńkɔ́cran bha ló wo chwan li. 5Lódɔnbɛn khwa ńmú hrómɛn si ńthu le thubhɔ. Áchɛ́se ále mɔn lɔ khɛ́n ále, ńthu ale thubhɔ lóne hɛ́nthé. 6Ńyóka ka elé, áhɔn ńbi chɛ́-nchɛ́ khɛ́n ale ebhá, ló áwɛ, lómɛ́lu ale lo thé hɛ́nthé. 7Ńyámí dɔnbɛn hɛn ńthó hrómɛn. Ńthó le bha tho, ló ádwan ńyámí bhwá ale ebhá, áchɛ́se ále somí brɛ. 8Khɛ́n ńyámí dɔnbɛn-ɛ khwa áyíta bhwábhwá tho, ále, átɛ nkhóo, ló ásomí. Fe sómí áphɛn le áwɔ́, fe sómí ńmɔ-bhwaliá, fe sómí ya brɛ.
9Ló Jezwi tɔ sa:
– Lephan kasé ɛpɛ njɛ áyé bhwe, tɛmɛ ɛyé mwámwá!
Lóyí hɛ́nthé khɛ́n Jezwi ekhɔ́ yandran mɛn tɔ bhwe
(Ɔ́n wú Mat 13.10-17; Ɔ́n wú Lwik 8.9-10)
10Lóka Jezwi yɔ ápasá khwa khɛ́n ńtiya njɛ, néphan aya mɛ́n njɛ le yíchwɛmán áwɔ́-mɔn ébhi nkɛ sa nkɛ lɛ yandran lókɔn thé sé wo yé. 11Ló ánkranmán nkɔn sa:
– Áyí khɛ́n ahrɔman tre Yankan Bhringbi khúbhɛ́ ɔn, hɔ́n nɔn wo chɛ hɔ́n yɛn lóyí. Lókhɛ́n néphan nánkhɛ, wo-ɛ, yandran mɛn nɔn okhɔ́ tɔ lóbhwe sé wo, 12ochɛ́sé
“Wo nɛ́n yí mwámwá, khɛ́n wo le wú,
wo yé bhwe mwámwá, khɛ́n wo le yé lóthé,
ochɛ́sé wo le wúsi khɔ́ sa hɛ́nmɛn nrwɛn
Yankan khɛ́n nkɛ yɔ́phɔ́ wo!”
Jezwi élɛ nyámí-dwánwo phɔ yandran thé
(Ɔ́n wú Mat 13.18-23; Ɔ́n wú Lwik 8.11-15)
13Ló Jezwi kranman nkɔn sa:
– Wú ɔ́n ne yé yandran lókɔn thé? Ló kasé áli nɛn, kalósi ɔ́n ma khɔ́ yé yandran nankhɛ khúnbrɛn lókɔn thé e? 14Yankan bhwetɔ́ nɔn nyámí-dwánwo éha. 15Néphan fe tɛsa ásitó jɛ́ njɛ si ábhwetɔ́ khwalé: lóka tɛɛ wo ye lóbhwe, Abhɔsɛ́mɔ́n bhá, ankhwɛ́n ábhwe wo ha abha wo thɛ́n hrómɛn yɛn. 16Lóyábhɛ brɛ, fe lɔ do Yankan bhwetɔ́ ńmú hrómɛn: lóyámɛ́n lóka wo ye, wo do áphɔhá mɛn. 17Khɛ́n wo lé dɛn nkɛ lé mɛ́lu gɛlé tré wo hromɛn, wo lé hɔn pɛ ló sikhɔ́n. Lóhɛ́nthé, lóka áyíkhúphɔ le ágbrelí ɔ́nmɔn bha Yankan bhwetɔ́ lókɔn hɛ́nthé, lóyámɛ́n wo yɔ́ wo mímíbhú ká áliá. 18Néphan fe lɔ do ńyámí akhwa ńthó hrómɛn: wo lókɔn, wo nɔn wo li néphan eyé ábhwe otɔ, 19khɛ́n áthéji mɛpɔ́bhá phɔ mwanhɛ́nbhu, áthéji jayí wrɛ́ khɛ́n ali áyí ákhrɛ lephan le áyí mɛnɔ́n nánkhɛ ɔ́nmɔn do si wo thɛ́n hrómɛn, ásrɛn ábhwe wo ye, áchɛ́se ále sómí brɛ. 20Ló aphu, néphan fe-ɛ do nyámí akhwa áyíta bhwábhwá tho. Wo lókɔn, wo nɔn wo li néphan eyé ábhwe otɔ. Wó do pɛ, ló wo sómí: fe sómí áphɛn-áwɔ́, dɔnbɛn sómí ńmɔ-bhwaliá, ló fe sómí ya.
Khanniɛn phɔ yandran obhu
(Ɔ́n wú Lwik 8.16-18)
21Ló Jezwi kranman nkɔn sa:
– Wú otɔ́ khanniɛn tré segbeyí thé, wú otɔ́ khanniɛn tré sɔ́nfa thé? Nkɛé khanniɛnyá tho ohɔ́n tré? 22Álepɛ yí ahrɔman tre khɛ́n obha le wú, áyí khúnbrɛn tɛɛ abha kpɔ́thé lɔ bha ká nphrámɛn. 23Ɔ́ndi njɛ lé mwámwá, kasé ɔ́n pɛ njɛ áyé bhwe!
24Lótɛ Jezwi cu tɔ se wo sa:
– Ábhwe hɔ́n eyé, ɔ́n há lóphɔ mwanhɛ́n. Hɔ́n yí hɔ́n ebhó pí yí sé néphan ɔn, lóyí brɛ nɔn Yankan lɔ bha bhó pí yí sé hɔ́n. Khɛ́n hɔ́n ékɛ bha bhɔ́tho. 25Átɛsalé lephan apɛ yí, ánman cu gɛ yí mɔ́tho háne. Khɛ́n lephan alepɛ yíɛkɛ, lókpɛ lókɔn ńpɛ, lólɔ óbha thándo yɛn.
Ńyámí khɛ́n ló nbrɛn lé, lóphɔ yandran obhu
26Ló Jezwi cu tɔ sa:
– Yankan Bhringbi khúbhɛ́ yí akhɔ nɔn ali sa: Sɛ bɛn ha nyámí mɛ́n gɔn. 27Sɛ lókɔn, anná ná mréci, khɛ́n ńcrɔ́n ánfe, ácí khúnbrɛn, lótré tɛɛ atre élo é. Lóka khúnbrɛn lókɔn, ńyámí le, átɛ nkhóo, khɛ́n ńnɛn yɛn lósi akhɔ etɛ́. 28Áyíta nbrɛn nɔn achɛ ńyámí le, lómánji ńbi lé, ásá njrwɛ, ńthé khɛ́n lómí lé bhá lónjrwɛ hromɛn. 29Lóka nyámí thi phu, lónɔn lephan bhó mɛ́n dúgba lo lí júmán, átɛsalé lóka obhú ńyámí, lóka lókɔn bha.
Mutáde mí phɔ yandran obhu
(Ɔ́n wú Mat 13.31-32,34; Ɔ́n wú Lwik 13.18-19)
30Ló Jezwi cu tɔ sa:
– Ébí nɔn ló gɛ bhó Yankan Bhringbi khúbhɛ́ thweli ɛ? Lóyandran bɛn phɔ nɔn lo bhá khɔ́ tɔ lóphɔ bhwe ɛ? 31Yankan Bhringbi khúbhɛ́ khɔ nyámí bɛn óche mutáde. Lóka obho wo éha, átɛ́ mri brɛn nyámí khúnbrɛn abha théji. 32Khɛ́n lóka oha phu, álé thándi, ló ábanbrɛn áyá khúnbrɛn. Átɛ́ nkhóo, áchɛ́se ńkɔ́cran gɛ thán wo nkhú lónánphɔ thé.
33Yandran búdúbúdú atɛsa yandran yábhɛ lókɔn mɛn nɔn Jezwi khɔ lie néphan yí. Yandran tɛɛ wo gɛ yé lóthé ɔn, lóphɔ nɔn ankhɔ́ tɔ bhwe. 34Ábhwe tɛɛ ántɔ sé nkɔn, yandran bhá lóhrómɛn, khɛ́n lóka ákha mɛ́n le mɛ́n yíchwɛmán ɔ́nmɔn nchán, lónɔn ánnɛ lóthé khúnbrɛn sé nkɔn yé.
Jezwi tɛ ádúgran khwalé jɛɛn
(Ɔ́n wú Mat 8.23-27; Ɔ́n wú Lwik 8.22-25)
35Lócí brɛ njuka, Jezwi kranman mɛ́n yíchwɛmán sa:
– Obhuriká dúji.
36Lóka wo yɔ ápasá khwa, lótɛ yíchwɛmán do-e lo ka ahran brɛ khɛ́n ńphrɛ ma lóhrómɛn. Lókhɛ́n ahran nankhɛhɔn lɔ khwa mɛ́n njɛ. 37Lópán áphɛ́phrɛ khrákhrá bɛn elé, duphé phran ebhú hɛ́n ahran mɛn, áchɛ́se ńdu esí hran. 38Jezwi bha ahran thá, ńhɔn mɛ́n hɛ́nphe ka áyí ótrɛ hɛ́n tho, ló ńná kɛ. Yíchwɛmán fre, ló wo ékranmán nkɛ sa:
– Yíliéwo, lo khú lo ebhá khú ɔn; wú lóbhwe le tɛ́ hɛ yíɛkɛ?
39Jezwi chan ná mɛn fe, ńtɔ bhwe mɛ́n khrákhrá mɛn se áphɛ́phrɛ, ló ńtɔ se duphé sa:
– Tɛmɛ ɛtémélé, ɛkhwá jɛɛn!
Áphɛ́phrɛ khwalé, ló áyé lethíí. 40Lómánji Jezwi kranman yíchwɛmán sa:
– Bítɛ khɛ́n hɔ́n esókhú ɛ? Wú ɔ́n ne cu pɛ mímíbhú npɔhɔ́n?
41Khɛ́n ákhwíthá ka wo hromɛn, ló wo ébhi wo bɛn nbrɛn sa:
– Lólephan bɛn li lókɔn, khɛ́n áphɛ́phrɛ le duphé ɔ́nmɔn nwɛ́ lɔ éji ɛ?
Ebrié New Testament © Bible Society of Côte D'Ivoire, 1996.