MÁKHI 16
16
Jezwi chan khúnɔn mɛn fe
(Ɔ́n wú Mat 28.1-8; Ɔ́n wú Lwik 24.1-12; Ɔ́n wú Jan 20.1-10)
1Lóka saba bha hɛn, Mari achan Madala khúbhɛ́, Salome le Jakhi man Mari ɔ́nmɔn phɛ nɔ́n asɔ́n yɔ́n lo ehá Jezwi phɔ. 2Wo fe Dimánsi njuju fítaan, ácɛ́nmɛ ka adi ebhá, ló wo lo álínɔn tho. 3Ńthé wo ya wo thethé wo étɔ sa:
– Yán abɛn bha da ábhú yɛn nɔn mɛ́n kpɛ sé lo ɛ?
4Wo ka wo gbɛnɛ́n, wo wu sa obwa ábhú khóo lókɔn ka njɛ. 5Lótɛ wo hɛn línɔn mɛn, wo wu sɛbhri bɛn chre liémɔn njɛ, ńsɔ ntráliɛ́ phópho thotho, ló wo esókhú. 6Khɛ́n ńkránman nkɔn sa:
– Ɔ́n ne sókhú a, nkɛé Jezwi achan Nazarɛ́thi khúbhɛ́ khɛ́n wo chɛ ha yábhletre phɔ hɔ́n-énɛn. Ńchan khúnɔn mɛn fe, ńnɛn ma krɛn. Ɔ́n wu a, nɛn lósi wo hɔn-ɛn la o. 7Ńthé tɛmɛ ɔ́n no kranmán mɛ́n yíchwɛmán le Piɛ ɔ́nmɔn salé, ńthwási annó Galile, lóne nɔn ɔ́n ma wui, sa lósi ńkhɔ tɔ lóbhwe se hɔ́n.
8Lótɛ wo chan línɔn mɛn thandi lo njɛ-áan lo ya, wo esókhú, ló wo éfa. Ákhú wo esó hɛ́nthé, wo le tɔ lóbhwe se lephan brɛ ye bhrɔ́ɔ́.
Jezwi lɛ Mari achan Madala khúbhɛ́ mɛ
(Ɔ́n wú Mat 28.9-10; Ɔ́n wú Jan 20.11-18)
[ 9Lóka Jezwi chan khúnɔn mɛn fe, lódimánsi njuju fítaan tɛɛ, ńphrɛ hɔn mɛ́n nbrɛn nie Mari achan Madala khúbhɛ́. Mari lókɔn ɔn, mɛ́n phɔ nɔn Jezwi tranman nánnánmi phromɛn phromɛn hɛ́n khwache. 10Néphan khɛ́n aphrɛ bha Jezwi phɔ, Mari lo lɛ lómɛ́n se wo ye, áchɛ́se wo phɔ gbɔn, ló wo ethɔ́n hɛ́ndu. 11Mari achan Madala khúbhɛ́ ka atɔlé Jezwi chan khúnɔn mɛn fe lée mɛ́n wu nkɛ ɔn, wo le bhu nkɛ mímí.
Jezwi lɛ yíchwɛmán mɔn mɛ
(Ɔ́n wú Lwik 24.13-35)
12Lómánji, Jezwi jrɛn, ńmo mɛ́n nbrɛn nie yíchwɛmán mɔn khɛ́n abho sitó pɛ eló ákhúbhɛ́ bɛn. 13Wo saji bha tɔ lóbhwe se krɛnnɛ́n nánkhɛhɔn, khɛ́n wo lɔ, wo le bhu mímí bhrɔ́ɔ́.
Jezwi lɛ yíchwɛmán áwɔ́-brɛ mɛ
(Ɔ́n wú Mat 28.16-20; Ɔ́n wú Lwik 24.36-49; Ɔ́n wú Jan 20.19-23; Ɔ́n wú Júm 1.6-8)
14Lómánji, yíchwɛmán áwɔ́-brɛ ka akhwa elí nɛn, Jezwi lɛ nkɔn mɛ. Nkɔn mímíbhú nkɔn le pɛ, nkɔn thɛ́n khɔ́n ákhɔnman le néphan ka abha kranman nkɔn lée nkɔn wui mɛ́n ma mɛpɔ́ khɛ́n nkɔn le bhu mímí ɔn, lóhɛ́nthé ńgbrɛ nkɔn. 15Lómánji ńkránman nkɔn sa:
– Ɔ́n nó áthéji si khúnbrɛn, ló ɔ́n tɔ Ábhwe Bhwábhwá bhwe sé néphan khúnbrɛn oyé. 16Lephan ábha bhú mímí khɛ́n ábha chɛ́ ohɛ nduhɛ́n, óbha dó-e ká. Khɛ́n lephan abha le bhú mímí, mɛ́n óbha bhɔ́-ɛ pɔn. 17Wo khɛ́n wo bhá bhú mímí, hɛ́nmɛntányí wo bhá tɛ́ sé néphan wú nɔn ali salé: mɛn hɛ́n hrómɛn, wo bhá tranmán nánnánmi phromɛn phromɛnhɔn, ló wo bhá lɛ ncan pɔ́-npɔ́. 18Kasé wo khwɛn ńdumán pɛ wo mɔ́n mɛn o, kasé wo nan mo o, áyíɛkɛ bhrií bha lé tɛ́ wo. Wo bhá bhó wo mɔ́n tré lɔ́phɔmán tho, ló nkɔn phɔ bha jan.
Jezwi saji eló Yankan yé
(Ɔ́n wú Lwik 24.50-53; Ɔ́n wú Júm 1.9-11)
19Lóka Hwánthe Jezwi tɔ bhwe se wo phu, lótɛ ńpha no tho, ló ńchre Yankan liémɔn si. 20Yíchwɛmán saji lo étɔ Ábhwe Bhwábhwá ási khúnbrɛn. Hwánthe bha wo phɔ elí júmán, ló nkɔn hɛ́nmɛntányí khɛ́n nkɔn etɛ́, ankhɔ́ lóphɔ chɛ́ oyɛ́n salé nkɔn Yankan bhwe nkɔn étɔ ɔn, áli ábhwe mímí.]
Ebrié New Testament © Bible Society of Côte D'Ivoire, 1996.
MÁKHI 16
16
Jezwi chan khúnɔn mɛn fe
(Ɔ́n wú Mat 28.1-8; Ɔ́n wú Lwik 24.1-12; Ɔ́n wú Jan 20.1-10)
1Lóka saba bha hɛn, Mari achan Madala khúbhɛ́, Salome le Jakhi man Mari ɔ́nmɔn phɛ nɔ́n asɔ́n yɔ́n lo ehá Jezwi phɔ. 2Wo fe Dimánsi njuju fítaan, ácɛ́nmɛ ka adi ebhá, ló wo lo álínɔn tho. 3Ńthé wo ya wo thethé wo étɔ sa:
– Yán abɛn bha da ábhú yɛn nɔn mɛ́n kpɛ sé lo ɛ?
4Wo ka wo gbɛnɛ́n, wo wu sa obwa ábhú khóo lókɔn ka njɛ. 5Lótɛ wo hɛn línɔn mɛn, wo wu sɛbhri bɛn chre liémɔn njɛ, ńsɔ ntráliɛ́ phópho thotho, ló wo esókhú. 6Khɛ́n ńkránman nkɔn sa:
– Ɔ́n ne sókhú a, nkɛé Jezwi achan Nazarɛ́thi khúbhɛ́ khɛ́n wo chɛ ha yábhletre phɔ hɔ́n-énɛn. Ńchan khúnɔn mɛn fe, ńnɛn ma krɛn. Ɔ́n wu a, nɛn lósi wo hɔn-ɛn la o. 7Ńthé tɛmɛ ɔ́n no kranmán mɛ́n yíchwɛmán le Piɛ ɔ́nmɔn salé, ńthwási annó Galile, lóne nɔn ɔ́n ma wui, sa lósi ńkhɔ tɔ lóbhwe se hɔ́n.
8Lótɛ wo chan línɔn mɛn thandi lo njɛ-áan lo ya, wo esókhú, ló wo éfa. Ákhú wo esó hɛ́nthé, wo le tɔ lóbhwe se lephan brɛ ye bhrɔ́ɔ́.
Jezwi lɛ Mari achan Madala khúbhɛ́ mɛ
(Ɔ́n wú Mat 28.9-10; Ɔ́n wú Jan 20.11-18)
[ 9Lóka Jezwi chan khúnɔn mɛn fe, lódimánsi njuju fítaan tɛɛ, ńphrɛ hɔn mɛ́n nbrɛn nie Mari achan Madala khúbhɛ́. Mari lókɔn ɔn, mɛ́n phɔ nɔn Jezwi tranman nánnánmi phromɛn phromɛn hɛ́n khwache. 10Néphan khɛ́n aphrɛ bha Jezwi phɔ, Mari lo lɛ lómɛ́n se wo ye, áchɛ́se wo phɔ gbɔn, ló wo ethɔ́n hɛ́ndu. 11Mari achan Madala khúbhɛ́ ka atɔlé Jezwi chan khúnɔn mɛn fe lée mɛ́n wu nkɛ ɔn, wo le bhu nkɛ mímí.
Jezwi lɛ yíchwɛmán mɔn mɛ
(Ɔ́n wú Lwik 24.13-35)
12Lómánji, Jezwi jrɛn, ńmo mɛ́n nbrɛn nie yíchwɛmán mɔn khɛ́n abho sitó pɛ eló ákhúbhɛ́ bɛn. 13Wo saji bha tɔ lóbhwe se krɛnnɛ́n nánkhɛhɔn, khɛ́n wo lɔ, wo le bhu mímí bhrɔ́ɔ́.
Jezwi lɛ yíchwɛmán áwɔ́-brɛ mɛ
(Ɔ́n wú Mat 28.16-20; Ɔ́n wú Lwik 24.36-49; Ɔ́n wú Jan 20.19-23; Ɔ́n wú Júm 1.6-8)
14Lómánji, yíchwɛmán áwɔ́-brɛ ka akhwa elí nɛn, Jezwi lɛ nkɔn mɛ. Nkɔn mímíbhú nkɔn le pɛ, nkɔn thɛ́n khɔ́n ákhɔnman le néphan ka abha kranman nkɔn lée nkɔn wui mɛ́n ma mɛpɔ́ khɛ́n nkɔn le bhu mímí ɔn, lóhɛ́nthé ńgbrɛ nkɔn. 15Lómánji ńkránman nkɔn sa:
– Ɔ́n nó áthéji si khúnbrɛn, ló ɔ́n tɔ Ábhwe Bhwábhwá bhwe sé néphan khúnbrɛn oyé. 16Lephan ábha bhú mímí khɛ́n ábha chɛ́ ohɛ nduhɛ́n, óbha dó-e ká. Khɛ́n lephan abha le bhú mímí, mɛ́n óbha bhɔ́-ɛ pɔn. 17Wo khɛ́n wo bhá bhú mímí, hɛ́nmɛntányí wo bhá tɛ́ sé néphan wú nɔn ali salé: mɛn hɛ́n hrómɛn, wo bhá tranmán nánnánmi phromɛn phromɛnhɔn, ló wo bhá lɛ ncan pɔ́-npɔ́. 18Kasé wo khwɛn ńdumán pɛ wo mɔ́n mɛn o, kasé wo nan mo o, áyíɛkɛ bhrií bha lé tɛ́ wo. Wo bhá bhó wo mɔ́n tré lɔ́phɔmán tho, ló nkɔn phɔ bha jan.
Jezwi saji eló Yankan yé
(Ɔ́n wú Lwik 24.50-53; Ɔ́n wú Júm 1.9-11)
19Lóka Hwánthe Jezwi tɔ bhwe se wo phu, lótɛ ńpha no tho, ló ńchre Yankan liémɔn si. 20Yíchwɛmán saji lo étɔ Ábhwe Bhwábhwá ási khúnbrɛn. Hwánthe bha wo phɔ elí júmán, ló nkɔn hɛ́nmɛntányí khɛ́n nkɔn etɛ́, ankhɔ́ lóphɔ chɛ́ oyɛ́n salé nkɔn Yankan bhwe nkɔn étɔ ɔn, áli ábhwe mímí.]
Ebrié New Testament © Bible Society of Côte D'Ivoire, 1996.