MÁKHI 15
15
Wo hɔn Jezwi lo Piláthi hɛ́nmɛn
(Ɔ́n wú Mat 27.1-2,11-14; Ɔ́n wú Lwik 23.1-5; Ɔ́n wú Jan 18.28-38)
1Ńjuju fítaan, nphahamán-óthemánhɔn, mrɔ́khómán, bidíyɛ́nmán le Kwabhɔ́mán khónkhó tre wo bhwe hɛ́n lé. Wo chɛ ogɛ Jezwi mɛ́, wo hɔn nkɛ lo se Piláthi, 2ló ńmi Jezwi sa:
– Wú hɛ nɔn ɛli Jwifunɛ́n bhringbi?
Ló Jezwi krɛnmɛn lée:
– Lótɛ nɔn ɛtɔ o.
3Nphahamán-óthemánhɔn áphɛ bhwe búdúbúdú ha Jezwi tho. 4Lótɛ Piláthi cu bhi Jezwi npɔ sa:
– Ábhwe búdúbúdú lókɔn wo ephɛ́ há hɛ tho ɔn, wú ɛ́le yé?
5Lótɛ khɛ́n Jezwi le tɔ bhwe brɛ kɛlé bhrɔ́ɔ́, áchɛ́se lóbhwe etán Piláthi hɛ́nmɛn kpɛ́ɛ́n.
Wo bhɔ Jezwi pɔn sa owɛ́n nkɛ
(Ɔ́n wú Mat 27.15-26; Ɔ́n wú Lwik 23.13-25; Ɔ́n wú Jan 18.39—19.16)
6 Phákhe fɛ́thi khúnbrɛn hrómɛn, Piláthi dimán khúthékáwo bɛn, mɛ́n khɛ́n ápasá pɔ. 7Lóka lókɔn, wo ka sɛ bɛn óche Barabási khúthé. Sɛ lókɔn ɔn, mɛ́n le mɛ́njanmán dɔnbɛn ɔ́nmɔn wo wɛn lephan bɛn ápasá di hromɛn. 8Ápasá pha lo gɛ Piláthi, ló wo ékranmán nkɛ salé áyí khɛ́n nkɛ bháne nkɛ tɛ́ wɔ́wɔ sé wo ɔn, nkɛ tɛ́ lóyí. 9Ló Piláthi kranman nkɔn sa:
– Wú hɔ́n énɛn salé mɛn dimán Jwifunɛ́n bhringbi sé hɔ́n?
10Piláthi yɛn salé ńmɛsa mɛn nɔn nphahamán-óthemánhɔn khɔ hɔn Jezwi bha se. 11Khɛ́n nphahamán-óthemánhɔn esí ápasá ha ochɛ́ Piláthi odimán Barabási sé wo. 12Ló Piláthi cu bhi ápasá sa:
– Ńthé bí nɔn hɔ́n énɛn salé mɛn tɛ́ lephan óche Jwifunɛ́n bhringbi ɛ?
13Ló wo elúkhwɛ́ kranmán nkɛ sa:
– Ɛchɛ́ nkɛ há áyábhletre phɔ!
14Ló Piláthi tɔ sa:
– Bíyí léle ńtɛ ɛ?
Khɛ́n wo cu wo elúkhwɛ́ átɔ́ khrákhrá mɛn sa:
– Ɛchɛ́ nkɛ há áyábhletre phɔ!
15Lónian mɛn khɛ́n Piláthi énɛn atɛ́ yí khwá Jwifunɛ́n hɛ́nmɛnlé, lóhɛ́nthé ńdiman Barabási, ńchɛ wo bhra Jezwi mɛ́, ló ńhɔn nkɛ se wo lo chɛ ha yábhletre phɔ.
Ngbumán éha Jezwi lia
(Ɔ́n wú Mat 27.27-31; Ɔ́n wú Jan 19.2-3)
16Ngbumán hɔn Jezwi ɔ́nmɔn lo ábháthó hrómɛn (lóthé nɔn ali sa guvɛnɛ bháthó), ló wo che ngbumán khúnbrɛn bha. 17Wo hɔn ntráliɛ́ thótho nannan bɛn sɔ nkɛ, wo gbɛ ńthó kpró, ló wo hɔn bhu nkɛ hɛ́n. 18Lótɛ wo ya lóne wo ebhɔ́ nkɛ yí:
– Jwifunɛ́n bhringbi, lo ebhɔ́ hɛ yí!
19Wo bho ngochro pɛ wo ébhra nkɛ hɛ́nphe, wo éphu nkɛ mísɛ́-ndu phɔ, ló wo bhɔ ntráhɛ́nlé nkɛ hɛ́nmɛn, sa wo wú nkɛ mwámwá. 20Lóka wo ha nkɛ lia phu, wo cu hɔn nkɛ ntráliɛ́ sɔ́ nkɛ, ló wo hɔn nkɛ thandi ngbophro sa wo hɔ́n nkɛ lo chɛ́ há áyábhletre phɔ.
Wo chɛ Jezwi ha áyábhletre phɔ
(Ɔ́n wú Mat 27.32-44; Ɔ́n wú Lwik 23.26-43; Ɔ́n wú Jan 19.17-27)
21Lóka lókɔn ɔn, sɛ bɛn óche Simɔn, Alɛzandre le Rufusi ɔ́nmɔn wo the achan Sirɛnɛn khúbhɛ́ chan bithe ebhá. Ńsákhɔ lóne anmá, lótɛ ngbumán si nkɛ ha ló ńhɔn Jezwi yábhletre. 22Wo hɔn Jezwi ɔ́nmɔn lo ási óche Gɔgota, lóthé nɔn ali: “Hɛ́nphe nchwe si.” 23Wo hɔn divɛn khɛ́n ńmwe khrɛ lóhrómɛn se Jezwi onán, khɛ́n ńnɛn dɛn nan. 24Wo chɛ nkɛ ha áyábhletre phɔ, wo khwɛn nkɛ ntráliɛ́ lwa, ló wo ti ngbamán sa wo yɛ́n lephan brɛ kɛ ábha gɛ. 25Lóka wo chɛ nkɛ ha yábhletre phɔ, ácí li njuju wáchɛn bhrɔ. 26Áyí achɛ khɛ́n wo wɛn nkɛ ɔn, wo lrɛ ha agbophɛ́n phɔ tre nkɛ hɛ́n tho, ló étɔ sa: “Jwifunɛ́n bhringbi”. 27Wo chɛ khokhrohamán mɔn lɔ ha yábhletre phɔ ya Jezwi njɛ, bɛn ya mɛ́n liémɔn si, lójɔ ya mɛ́n mránkhu si. [ 28Ló ábhwe khɛ́n Yankan hrɔ́ tɔtre salé: “Mɛ́n lɔ okan nkɛ ka yíléletɛ́mán hrómɛn ɔn, lóyí si akhɔ tɛ simɛ́n nɔn ali lókɔn.”]
29Néphan akhɔ lóne ehɛ́n, wo éjiká hɛ́nphe, wo etá nkɛ, ló wo ékranmán nkɛ sa:
– Weya! Nkɛé hɛ ɛ́tɔlé ɛ́bha ca Yankan-nkhú khwá, ló ɛ́bha bhó ncíbhí bhwaliá tɛɛ thán nánkhɛ, 30swa hɛ nbrɛn a, chan áyábhletre phɔ diathé a!
31Lósi yábhɛ brɛ, nphahamán-óthemánhɔn le bidíyɛ́nmán ɔ́nmɔn lɔ khɔ éha Jezwi lia é, ló wo ya wo bɛn nbrɛn thethé wo étɔ sa:
– Ńswa néphan nánkhɛ-ɛ, khɛ́n ánnɛ́n gɛ swa mɛ́n bɛn nbrɛn! 32Thénthé tɛmɛ Mesi, Izraɛ khúbhɛ́nɛ́n bhringbi ochán áyábhletre phɔ diathé sé lo wú, ló lo bhui mímí!
Néphan khɛ́n ochɛ ha yábhletre phɔ ya Jezwi njɛ lɔ etá nkɛ.
Jezwi khu
(Ɔ́n wú Mat 27.45-56; Ɔ́n wú Lwik 23.44-49; Ɔ́n wú Jan 19.28-30)
33Lóka ácɛ́nmɛ ya bháca, dubhlékhu do khúbhɛ́ hrómɛn khúnbrɛn, kábrɛ kábrɛ ádi ńjuka wáchɛn bhwaliá. 34Wáchɛn bhwaliá ka asi, Jezwi lukhwɛ́ átɔ́ khrákhrá bɛn sa:
– Eloyi, Eloyi, lama sabatani? (lóthé nɔn ali sa: “Mɛn Yankan, mɛn Yankan, bítɛ khɛ́n ɛyɔ mɛn ka ɛ?”)
35Néphan fe khɛ́n abha lóne ɔn, wo ye nkɛ tɔ́, ló wo lukhwɛ́ tɔ sa:
– Ɔ́n ye a, ánche Eli!
36Lótɛ wo hromɛn lephan bɛn wa lo bho mra sɔ ńdɛkɔn hromɛn, ńmo thu áyá mɛ́n, ló ńhɔn tia ansé Jezwi onán, ló ńtɔ sa:
– Ɔ́n khwaphɔlé se owú, kasé Eli bha hɔ́n-ɛn chán áyábhletre phɔ dithé!
37Khɛ́n Jezwi lukhwɛ́ khrákhrá bɛn, lótɛ ńkhu.
38Ádɛgɔn wo bu tre Yankan-khúthé chantho nran ádi thé. 39Rɔ́mɛn khúbhɛ́nɛ́n ngbumán-óthe bhrɔ́khó bɛn aya Jezwi hɛ́nmɛn lɔ wu Jezwi si akhɔ lukhwɛ́ khɛ́n akhu, ló ántɔ sa:
– Mímí lephan lókɔn, ńni Yankan Mi!
40Ńmie mɔ́nbɛn lɔ bha lóne, ló wo ya thwethwemɛn-áan wo ewú áyí si akhɔ etɛ́. Wo mie lókɔn ɔn, wo nɔn wo li Mari achan Madala khúbhɛ́, Mari Jakhi bhri le Joze ɔ́nmɔn wo man le Salome lɔ. 41Lóka Jezwi bha Galile, wo gɛ nkɛ thá, ló wo khwɛn nkɛ hɛ́nmɛn nɛn. Ńmie nánkhɛ búdúbúdú agɛ Jezwi ɔ́nmɔn lo Jeruzalɛ́mɛn lɔ bha lóne.
Wo hɔn Jezwi ka álínɔn mɛn
(Ɔ́n wú Mat 27.57-61; Ɔ́n wú Lwik 23.50-56; Ɔ́n wú Jan 19.38-42)
42-43Ácí gu, lóka nɔn Jozɛfu achan Arimate khúbhɛ́ bha. Lephan lókɔn ɔn, ńni lephan bɛn óji Kwabhɔ́mán khónkhó hrómɛn. Mɛ́n lɔ ńchre ánbo Yankan Bhringbi khúbhɛ́ ka ábha bhá. Ácí ócɔ yí tɛ́tré, lóthé nɔn ali salé, ácí ka ábha cí li saba. Lóhɛ́nthé nɔn Jozɛfu khɔnman hɛ́nmɛn lo Piláthi yé esá mɔ́nsi, ló anhɔ́n Jezwi nánmí ɔ́nmɔn no. 44Khɛ́n Jezwi khú akhu wáwa ɔn, lóbhwe etán Piláthi hɛ́nmɛn. Ló ńchɛ oche ngbumán-óthe bhrɔ́khó bha ló anmi nkɛ nyé, kasé Jezwi khu mɔn. 45Lóka ngbumán-óthe bhrɔ́khó lɔ tɔ lóbhwe mɛ́nbrɛ se ńye, lótɛ ńse Jozɛfu mɔ́nsi ohɔ́n Jezwi nánmí ɔ́nmɔn lo. 46Jozɛfu phɛ kandanman khrɔ́khrɔ́ bɛn, ńhɔn Jezwi nánmí chan áyábhletre phɔ dithé, ńmo kandanman lókɔn ju, ló ńhɔn nkɛ mo álínɔn bɛn obɔn abha ńmú hrómɛn, ló ńbwa ábhú khóo bɛn mrwɛn lómɛ́n. 47Mari achan Madala khúbhɛ́ le Joze mɛ́n man Mari ɔ́nmɔn ewú lósi wo ehɔ́n nkɛ ka.
Ebrié New Testament © Bible Society of Côte D'Ivoire, 1996.
MÁKHI 15
15
Wo hɔn Jezwi lo Piláthi hɛ́nmɛn
(Ɔ́n wú Mat 27.1-2,11-14; Ɔ́n wú Lwik 23.1-5; Ɔ́n wú Jan 18.28-38)
1Ńjuju fítaan, nphahamán-óthemánhɔn, mrɔ́khómán, bidíyɛ́nmán le Kwabhɔ́mán khónkhó tre wo bhwe hɛ́n lé. Wo chɛ ogɛ Jezwi mɛ́, wo hɔn nkɛ lo se Piláthi, 2ló ńmi Jezwi sa:
– Wú hɛ nɔn ɛli Jwifunɛ́n bhringbi?
Ló Jezwi krɛnmɛn lée:
– Lótɛ nɔn ɛtɔ o.
3Nphahamán-óthemánhɔn áphɛ bhwe búdúbúdú ha Jezwi tho. 4Lótɛ Piláthi cu bhi Jezwi npɔ sa:
– Ábhwe búdúbúdú lókɔn wo ephɛ́ há hɛ tho ɔn, wú ɛ́le yé?
5Lótɛ khɛ́n Jezwi le tɔ bhwe brɛ kɛlé bhrɔ́ɔ́, áchɛ́se lóbhwe etán Piláthi hɛ́nmɛn kpɛ́ɛ́n.
Wo bhɔ Jezwi pɔn sa owɛ́n nkɛ
(Ɔ́n wú Mat 27.15-26; Ɔ́n wú Lwik 23.13-25; Ɔ́n wú Jan 18.39—19.16)
6 Phákhe fɛ́thi khúnbrɛn hrómɛn, Piláthi dimán khúthékáwo bɛn, mɛ́n khɛ́n ápasá pɔ. 7Lóka lókɔn, wo ka sɛ bɛn óche Barabási khúthé. Sɛ lókɔn ɔn, mɛ́n le mɛ́njanmán dɔnbɛn ɔ́nmɔn wo wɛn lephan bɛn ápasá di hromɛn. 8Ápasá pha lo gɛ Piláthi, ló wo ékranmán nkɛ salé áyí khɛ́n nkɛ bháne nkɛ tɛ́ wɔ́wɔ sé wo ɔn, nkɛ tɛ́ lóyí. 9Ló Piláthi kranman nkɔn sa:
– Wú hɔ́n énɛn salé mɛn dimán Jwifunɛ́n bhringbi sé hɔ́n?
10Piláthi yɛn salé ńmɛsa mɛn nɔn nphahamán-óthemánhɔn khɔ hɔn Jezwi bha se. 11Khɛ́n nphahamán-óthemánhɔn esí ápasá ha ochɛ́ Piláthi odimán Barabási sé wo. 12Ló Piláthi cu bhi ápasá sa:
– Ńthé bí nɔn hɔ́n énɛn salé mɛn tɛ́ lephan óche Jwifunɛ́n bhringbi ɛ?
13Ló wo elúkhwɛ́ kranmán nkɛ sa:
– Ɛchɛ́ nkɛ há áyábhletre phɔ!
14Ló Piláthi tɔ sa:
– Bíyí léle ńtɛ ɛ?
Khɛ́n wo cu wo elúkhwɛ́ átɔ́ khrákhrá mɛn sa:
– Ɛchɛ́ nkɛ há áyábhletre phɔ!
15Lónian mɛn khɛ́n Piláthi énɛn atɛ́ yí khwá Jwifunɛ́n hɛ́nmɛnlé, lóhɛ́nthé ńdiman Barabási, ńchɛ wo bhra Jezwi mɛ́, ló ńhɔn nkɛ se wo lo chɛ ha yábhletre phɔ.
Ngbumán éha Jezwi lia
(Ɔ́n wú Mat 27.27-31; Ɔ́n wú Jan 19.2-3)
16Ngbumán hɔn Jezwi ɔ́nmɔn lo ábháthó hrómɛn (lóthé nɔn ali sa guvɛnɛ bháthó), ló wo che ngbumán khúnbrɛn bha. 17Wo hɔn ntráliɛ́ thótho nannan bɛn sɔ nkɛ, wo gbɛ ńthó kpró, ló wo hɔn bhu nkɛ hɛ́n. 18Lótɛ wo ya lóne wo ebhɔ́ nkɛ yí:
– Jwifunɛ́n bhringbi, lo ebhɔ́ hɛ yí!
19Wo bho ngochro pɛ wo ébhra nkɛ hɛ́nphe, wo éphu nkɛ mísɛ́-ndu phɔ, ló wo bhɔ ntráhɛ́nlé nkɛ hɛ́nmɛn, sa wo wú nkɛ mwámwá. 20Lóka wo ha nkɛ lia phu, wo cu hɔn nkɛ ntráliɛ́ sɔ́ nkɛ, ló wo hɔn nkɛ thandi ngbophro sa wo hɔ́n nkɛ lo chɛ́ há áyábhletre phɔ.
Wo chɛ Jezwi ha áyábhletre phɔ
(Ɔ́n wú Mat 27.32-44; Ɔ́n wú Lwik 23.26-43; Ɔ́n wú Jan 19.17-27)
21Lóka lókɔn ɔn, sɛ bɛn óche Simɔn, Alɛzandre le Rufusi ɔ́nmɔn wo the achan Sirɛnɛn khúbhɛ́ chan bithe ebhá. Ńsákhɔ lóne anmá, lótɛ ngbumán si nkɛ ha ló ńhɔn Jezwi yábhletre. 22Wo hɔn Jezwi ɔ́nmɔn lo ási óche Gɔgota, lóthé nɔn ali: “Hɛ́nphe nchwe si.” 23Wo hɔn divɛn khɛ́n ńmwe khrɛ lóhrómɛn se Jezwi onán, khɛ́n ńnɛn dɛn nan. 24Wo chɛ nkɛ ha áyábhletre phɔ, wo khwɛn nkɛ ntráliɛ́ lwa, ló wo ti ngbamán sa wo yɛ́n lephan brɛ kɛ ábha gɛ. 25Lóka wo chɛ nkɛ ha yábhletre phɔ, ácí li njuju wáchɛn bhrɔ. 26Áyí achɛ khɛ́n wo wɛn nkɛ ɔn, wo lrɛ ha agbophɛ́n phɔ tre nkɛ hɛ́n tho, ló étɔ sa: “Jwifunɛ́n bhringbi”. 27Wo chɛ khokhrohamán mɔn lɔ ha yábhletre phɔ ya Jezwi njɛ, bɛn ya mɛ́n liémɔn si, lójɔ ya mɛ́n mránkhu si. [ 28Ló ábhwe khɛ́n Yankan hrɔ́ tɔtre salé: “Mɛ́n lɔ okan nkɛ ka yíléletɛ́mán hrómɛn ɔn, lóyí si akhɔ tɛ simɛ́n nɔn ali lókɔn.”]
29Néphan akhɔ lóne ehɛ́n, wo éjiká hɛ́nphe, wo etá nkɛ, ló wo ékranmán nkɛ sa:
– Weya! Nkɛé hɛ ɛ́tɔlé ɛ́bha ca Yankan-nkhú khwá, ló ɛ́bha bhó ncíbhí bhwaliá tɛɛ thán nánkhɛ, 30swa hɛ nbrɛn a, chan áyábhletre phɔ diathé a!
31Lósi yábhɛ brɛ, nphahamán-óthemánhɔn le bidíyɛ́nmán ɔ́nmɔn lɔ khɔ éha Jezwi lia é, ló wo ya wo bɛn nbrɛn thethé wo étɔ sa:
– Ńswa néphan nánkhɛ-ɛ, khɛ́n ánnɛ́n gɛ swa mɛ́n bɛn nbrɛn! 32Thénthé tɛmɛ Mesi, Izraɛ khúbhɛ́nɛ́n bhringbi ochán áyábhletre phɔ diathé sé lo wú, ló lo bhui mímí!
Néphan khɛ́n ochɛ ha yábhletre phɔ ya Jezwi njɛ lɔ etá nkɛ.
Jezwi khu
(Ɔ́n wú Mat 27.45-56; Ɔ́n wú Lwik 23.44-49; Ɔ́n wú Jan 19.28-30)
33Lóka ácɛ́nmɛ ya bháca, dubhlékhu do khúbhɛ́ hrómɛn khúnbrɛn, kábrɛ kábrɛ ádi ńjuka wáchɛn bhwaliá. 34Wáchɛn bhwaliá ka asi, Jezwi lukhwɛ́ átɔ́ khrákhrá bɛn sa:
– Eloyi, Eloyi, lama sabatani? (lóthé nɔn ali sa: “Mɛn Yankan, mɛn Yankan, bítɛ khɛ́n ɛyɔ mɛn ka ɛ?”)
35Néphan fe khɛ́n abha lóne ɔn, wo ye nkɛ tɔ́, ló wo lukhwɛ́ tɔ sa:
– Ɔ́n ye a, ánche Eli!
36Lótɛ wo hromɛn lephan bɛn wa lo bho mra sɔ ńdɛkɔn hromɛn, ńmo thu áyá mɛ́n, ló ńhɔn tia ansé Jezwi onán, ló ńtɔ sa:
– Ɔ́n khwaphɔlé se owú, kasé Eli bha hɔ́n-ɛn chán áyábhletre phɔ dithé!
37Khɛ́n Jezwi lukhwɛ́ khrákhrá bɛn, lótɛ ńkhu.
38Ádɛgɔn wo bu tre Yankan-khúthé chantho nran ádi thé. 39Rɔ́mɛn khúbhɛ́nɛ́n ngbumán-óthe bhrɔ́khó bɛn aya Jezwi hɛ́nmɛn lɔ wu Jezwi si akhɔ lukhwɛ́ khɛ́n akhu, ló ántɔ sa:
– Mímí lephan lókɔn, ńni Yankan Mi!
40Ńmie mɔ́nbɛn lɔ bha lóne, ló wo ya thwethwemɛn-áan wo ewú áyí si akhɔ etɛ́. Wo mie lókɔn ɔn, wo nɔn wo li Mari achan Madala khúbhɛ́, Mari Jakhi bhri le Joze ɔ́nmɔn wo man le Salome lɔ. 41Lóka Jezwi bha Galile, wo gɛ nkɛ thá, ló wo khwɛn nkɛ hɛ́nmɛn nɛn. Ńmie nánkhɛ búdúbúdú agɛ Jezwi ɔ́nmɔn lo Jeruzalɛ́mɛn lɔ bha lóne.
Wo hɔn Jezwi ka álínɔn mɛn
(Ɔ́n wú Mat 27.57-61; Ɔ́n wú Lwik 23.50-56; Ɔ́n wú Jan 19.38-42)
42-43Ácí gu, lóka nɔn Jozɛfu achan Arimate khúbhɛ́ bha. Lephan lókɔn ɔn, ńni lephan bɛn óji Kwabhɔ́mán khónkhó hrómɛn. Mɛ́n lɔ ńchre ánbo Yankan Bhringbi khúbhɛ́ ka ábha bhá. Ácí ócɔ yí tɛ́tré, lóthé nɔn ali salé, ácí ka ábha cí li saba. Lóhɛ́nthé nɔn Jozɛfu khɔnman hɛ́nmɛn lo Piláthi yé esá mɔ́nsi, ló anhɔ́n Jezwi nánmí ɔ́nmɔn no. 44Khɛ́n Jezwi khú akhu wáwa ɔn, lóbhwe etán Piláthi hɛ́nmɛn. Ló ńchɛ oche ngbumán-óthe bhrɔ́khó bha ló anmi nkɛ nyé, kasé Jezwi khu mɔn. 45Lóka ngbumán-óthe bhrɔ́khó lɔ tɔ lóbhwe mɛ́nbrɛ se ńye, lótɛ ńse Jozɛfu mɔ́nsi ohɔ́n Jezwi nánmí ɔ́nmɔn lo. 46Jozɛfu phɛ kandanman khrɔ́khrɔ́ bɛn, ńhɔn Jezwi nánmí chan áyábhletre phɔ dithé, ńmo kandanman lókɔn ju, ló ńhɔn nkɛ mo álínɔn bɛn obɔn abha ńmú hrómɛn, ló ńbwa ábhú khóo bɛn mrwɛn lómɛ́n. 47Mari achan Madala khúbhɛ́ le Joze mɛ́n man Mari ɔ́nmɔn ewú lósi wo ehɔ́n nkɛ ka.
Ebrié New Testament © Bible Society of Côte D'Ivoire, 1996.