MÁKHI 13
13
Jezwi étɔlé Yankan-nkhú bha ca khwálé
(Ɔ́n wú Mat 24.1-2; Ɔ́n wú Lwik 21.5-6)
1Lóka Jezwi chan Yankan-khúthé ethándi, lótɛ mɛ́n yíchwɛ́wo bɛn ékrɛnmɛn sa:
– Yíliéwo, gbɛnɛn wu a! Wu ńmú yɔ́n bhwá ayɔn a, wu ńkhú khónkhó a!
2Ló Jezwi krɛnmɛn sa:
– Wú ɛwú ńkhú khónkhó lókɔn? Abha lé pɛ ábhú brɛ ábha tré lójɔ tho npɔhɔ́n, lókhúnbrɛn bha ca khwálé.
Muswe yí le ágbrelí
(Ɔ́n wú Mat 24.3-14; Ɔ́n wú Lwik 21.7-19)
3Jezwi chre Olive-nyá bhóbhó tho, Yankan-nkhú hɛ́nmɛn, lótɛ Piɛ, Jakhi, Jan le Andre gɛ ɔ́nmɔn sáya njɛ, ló wo ébhi nkɛ sa:
4– Kábɛn nɔn lóyí bha tɛ́, ńthé bí nɔn ábha lie salé lóyí khúnbrɛn lókɔn ebhá tɛ́ ɛ, tɔ se lo yé kpɛ?
5Lótɛ Jezwi ékranmán nkɔn sa:
– Ɔ́n há hɔ́n nbrɛn mwanhɛ́n, ló lephan brɛ olé khrɛ hɔ́n. 6Néphan búdúbúdú bha bhó mɛn hɛ́n hrómɛn bhá, ló wo bhá tɔlé: “Mɛn nɔn mɛn ni Mesi!” Ló wo bhá khrɛ néphan búdúbúdú. 7Lóka ɔ́n ma yé átha agbali phɔ tɔ́, le ló abha hɛ́nmɛn ebhá ɔ́nmɔn phɔ bhwe ɔn, ńthɛ́n ole lí hɔ́n. Áyɔn se salé lóyí lókɔnhɔn otɛ́, lókhɛ́n áleli salé ádi lóka áthéji bhwe ebhá phú. 8Aféchwe bɛn bha gɛ aféchwe lójɔ ɔ́nmɔn kútha, bhringbi bɛn bha gɛ bhringbi lójɔ ɔ́nmɔn ywɛnli, áyíta bha jika ágotho dɔndɔn, ló áko bha di. Lóyí khúnbrɛn lókɔn bha tɛ́sa bhie ka ebhá hó, yí si ákhɔ́ dri phɔ a.
9– Khɛ́n hɔ́n ɔn, ɔ́n há hɔ́n nbrɛn mwanhɛ́n. Átɛsalé néphan bha bhɔlíkɔn sé hɔ́n, wo bhá chrwa hɔ́n hɛ́nbhúrɛ si. Mɛn hɛ́nthé, ɔ́n ma ló athemánhɔn le mringbilímán ɔ́nmɔn hɛ́nmɛn, ló ɔ́n ma lí mɛn phɔ ndalefɛ. 10Khɛ́n áyɔn se salé ophrɛ thwási tɔ Ábhwe Bhwábhwá bhwe pí aféchwe khúnbrɛn thethé khɛ́n. 11Lóka khɛ́n wo bhá khwɛ́n hɔ́n ɔ́nmɔn ló ákwabhɔ́ gɔn, hɔ́n si ɔ́n ma khɔ́ lɛ mɛ́n, lóbhwe ole lí hɔ́n thɛ́n. Khɛ́n lóka lókɔn, ɔ́n tɔ ábhwe khɛ́n wo bhá tɔ há hɔ́n míthé. Ló ábhwe lókɔn, abha lé chán hɔ́n bɛn nbrɛn hɛ́nphebhú hrómɛn, lókhɛ́n áli ábhwe bɛn ábha chán Nánnánmi Créncré yé. 12Néphan bha khwɛ́n wo bɛn nbrɛn wo hɔnsɛ́nhɔn sé néphan owɛ́n. Nthemánhɔn lɔ bha tɛ́ wo miɔn lóyí yábhɛ brɛ. Ńmiɔ́ bha gɛ wo themánhɔn ɔ́nmɔn swan, ló wo bhá khwɛ́n nkɔn sé owɛ́n. 13Mɛn hɛ́nthé, néphan khúnbrɛn bha sa hɔ́n mɛ. Lókhɛ́n lephan ábha gɛlé ya kábrɛ kábrɛ ábha di lómɛ́n, lephan lókɔn ɔn, mɛ́n wo bhá swa nkɛ.
Muswe khrákhrá phromɛn álɔ yí
(Ɔ́n wú Mat 24.15-28; Ɔ́n wú Lwik 21.20-24)
14– Ɔ́n ma wú “Muswe khrákhrá phromɛn álɔ yí”: bha chré ási khɛ́n ńnɛ́n gɛ mɔ́nsi anchré. (Ló lephan ekán ábhwe lókɔn ɔn, tɛmɛ anyé lóthé mwámwá.) Áyɔn salé lóka lókɔn, lephan khɛ́n ábha bhá Jude gotho, anwá nó móbhó tho, 15lóka lókɔn, lephan khɛ́n ábha bhá mɛ́n nkhú tho, annɛ́n diathé má khúthé man khwɛ́n yí ɔ́nmɔn no, 16lephan khɛ́n ábha bhá gɔn, mɛ́n lɔ annɛ́n sáji má bháthó man hɔ́n mɛ́n khókhóthu. 17Ágbrelí bhwá ábha tɛ́ sé lwɛlwɛyá le ńtánbroyá ɔ́nmɔn lócí lókɔn hromɛn é! 18Ɔ́n na Yankan, ochɛ́sé lóyí lókɔn ole tɛ́ ádúdu hrómɛn! 19Lócí lókɔn, átɛsalé ágbrelí khɛ́n óbha wú, ábha bánbrɛn lókhúnbrɛn khɛ́n ophrɛ wu, achan ácí Yankan tɛ áthéji abha di ncɛ́n, álepɛ ágbrelí brɛ ábha primán lógbrelí yábhɛ lókɔn bhrɔ́ɔ́. 20Kasé Hwánthe le jan lógbrelí cí fe khwa, álepɛ lephan ábha gɛ bhá mɛpɔ́. Khɛ́n néphan ńsan sa nkɔn lí mɛ́n néphan hɛ́nthé, ńjan lócí fe nkhwa. 21Lóhɛ́nthé, kasé lephan bɛn ékranman hɔ́n lée: “Ɔ́n wu a, Mesi nɔn abha krɛn!” “Ɔ́n wu a, Mesi nɔn abha kwan!” ɔ́n ne bhú mímí. 22Mesi kpakprámán le bhwetɔ́trémán kpakprámán ɔ́nmɔn bha bhá, wo bhá tɛ́ áphɔgóyí le hɛ́nmɛntányí, ló kasé ási ka o, wo khɔ́ lóphɔ khrɛ néphan khɛ́n Yankan san. 23Mɛn phrɛ mɛɛ́n tɔ lóbhwe khúnbrɛn lókɔn sé hɔ́n! Lóhɛ́nthé, tɛmɛ ɔ́n há hɔ́n nbrɛn mwanhɛ́n.
Lephan Mi bhá ebhá bhá
(Ɔ́n wú Mat 24.29-31; Ɔ́n wú Lwik 21.25-28)
24– Khɛ́n lócí lókɔn hromɛn, ágbrelí ka ahɛn, ácɛ́nmɛ bha bhie bribri; pɛ bha lé cu fí npɔhɔ́n, 25pɛmwe bha chántho fɔ́khwá thé, ló ńsɛ́npɛ́ khúnbrɛn abha átho bha jika. 26Lótɛ óbha wú Lephan Mi bha khɔ́ mɔngú mɔngú hrómɛn bhá, ńsɛ́npɛ́ le ńguhá khóo ɔ́nmɔn hrómɛn. 27Ánman chɛ́ Yankan-mranchɛ́mán ló áthéji ngrɛmɛ́n bhwelí, sa wo gba néphan khɛ́n Yankan san abha áthé le átho ɔ́nmɔn khúnbrɛn bhurɛhɛ́n.
Áyílie wo bho thweli fígeyá
(Ɔ́n wú Mat 24.32-35; Ɔ́n wú Lwik 21.29-33)
28– Tɛmɛ ɔ́n yé ábhwe khɛ́n okhɔ fígeyá phɔ tɔ. Fígeyá ka édia ncɛn pɔ́-npɔ́, khɛ́n élu nbi, lótɛ oyɛ́n salé áwá gbali phɔ. 29Lóyábhɛ brɛ, lóyí lókɔnhɔn ka etɛ́, tɛmɛ ɔ́n yɛ́n salé Lephan Mi bhácí lɔ gbali phɔ, ló ńya khúmɛ́n. 30Mímí mɛɛ́n kranmán hɔ́n: néphan lókɔn khɛ́n ncɛ́n aya krɛn, wo bha lé khú phú lɔ khɛ́n lóyí bha tɛ́. 31Átho le áthé ɔ́nmɔn bha hɛ́n, lókhɛ́n mɛn bhwetɔ́ bha lé hɛ́n bhrɔ́ɔ́.
Yankan míbrɛ khókhó yɛn áthéji ka ábha bhɔ́
(Ɔ́n wú Mat 24.36-44)
32– Álepɛ lephan ayɛn lócí le wáchɛn mɛ́n ɔ́nmɔn khɛ́n lóyí lókɔn bha tɛ́. Yankan-mranchɛ́mán bhwá nbrɛn abha átho lɔ le yɛn, Nmi bhwá nbrɛn lɔ le yɛn, Nthe brɛ pán yɛn. 33Ɔ́n há hɔ́n nbrɛn mwanhɛ́n. Lónian mɛn khɛ́n ɔ́n ne yɛn lóka lóyí ebhá tɛ́ hɛ́nthé, ńná lɔ ɔ́n ne lá. 34Ábha tɛ́sa lephan bɛn khɛ́n mɛ́n huló hrómɛn, ahɔn mɛ́n bháthó ha mɛ́n nɛnkhwɛ́nmán mɔ́n mɛn ébo. Lephan brɛ ápɛ júmán ansé hɛ lí. Ńchɛ sibówo achré khúmɛ́n lée tɛmɛ nkɛ kámɛlé. 35Átɛsalé ábháthó-óthe ka ábha sáji bhá: khɔ olí ńjuka mɛn o, khɔ mréci thethé mɛn o, khɔ ńkɔsɔ́ ka ethɔ́n hrómɛn o, khɔ ńjuju mɛn o, khɛ́n ɔ́n ne yɛn hɛ́nthé, lóhɛ́nthé, tɛmɛ ɔ́n kámɛlé chré. 36Ńná olé ka hɔ́n khwá khɛ́n anmú nká hɔ́n tho. 37Ábhwe lókɔn mɛɛ́n tɔ sé hɔ́n, lóbrɛ tɛɛ nɔn mɛɛ́n tɔ sé néphan khúnbrɛn lɔ salé: Tɛmɛ ɔ́n kámɛlé chré!
Ebrié New Testament © Bible Society of Côte D'Ivoire, 1996.
MÁKHI 13
13
Jezwi étɔlé Yankan-nkhú bha ca khwálé
(Ɔ́n wú Mat 24.1-2; Ɔ́n wú Lwik 21.5-6)
1Lóka Jezwi chan Yankan-khúthé ethándi, lótɛ mɛ́n yíchwɛ́wo bɛn ékrɛnmɛn sa:
– Yíliéwo, gbɛnɛn wu a! Wu ńmú yɔ́n bhwá ayɔn a, wu ńkhú khónkhó a!
2Ló Jezwi krɛnmɛn sa:
– Wú ɛwú ńkhú khónkhó lókɔn? Abha lé pɛ ábhú brɛ ábha tré lójɔ tho npɔhɔ́n, lókhúnbrɛn bha ca khwálé.
Muswe yí le ágbrelí
(Ɔ́n wú Mat 24.3-14; Ɔ́n wú Lwik 21.7-19)
3Jezwi chre Olive-nyá bhóbhó tho, Yankan-nkhú hɛ́nmɛn, lótɛ Piɛ, Jakhi, Jan le Andre gɛ ɔ́nmɔn sáya njɛ, ló wo ébhi nkɛ sa:
4– Kábɛn nɔn lóyí bha tɛ́, ńthé bí nɔn ábha lie salé lóyí khúnbrɛn lókɔn ebhá tɛ́ ɛ, tɔ se lo yé kpɛ?
5Lótɛ Jezwi ékranmán nkɔn sa:
– Ɔ́n há hɔ́n nbrɛn mwanhɛ́n, ló lephan brɛ olé khrɛ hɔ́n. 6Néphan búdúbúdú bha bhó mɛn hɛ́n hrómɛn bhá, ló wo bhá tɔlé: “Mɛn nɔn mɛn ni Mesi!” Ló wo bhá khrɛ néphan búdúbúdú. 7Lóka ɔ́n ma yé átha agbali phɔ tɔ́, le ló abha hɛ́nmɛn ebhá ɔ́nmɔn phɔ bhwe ɔn, ńthɛ́n ole lí hɔ́n. Áyɔn se salé lóyí lókɔnhɔn otɛ́, lókhɛ́n áleli salé ádi lóka áthéji bhwe ebhá phú. 8Aféchwe bɛn bha gɛ aféchwe lójɔ ɔ́nmɔn kútha, bhringbi bɛn bha gɛ bhringbi lójɔ ɔ́nmɔn ywɛnli, áyíta bha jika ágotho dɔndɔn, ló áko bha di. Lóyí khúnbrɛn lókɔn bha tɛ́sa bhie ka ebhá hó, yí si ákhɔ́ dri phɔ a.
9– Khɛ́n hɔ́n ɔn, ɔ́n há hɔ́n nbrɛn mwanhɛ́n. Átɛsalé néphan bha bhɔlíkɔn sé hɔ́n, wo bhá chrwa hɔ́n hɛ́nbhúrɛ si. Mɛn hɛ́nthé, ɔ́n ma ló athemánhɔn le mringbilímán ɔ́nmɔn hɛ́nmɛn, ló ɔ́n ma lí mɛn phɔ ndalefɛ. 10Khɛ́n áyɔn se salé ophrɛ thwási tɔ Ábhwe Bhwábhwá bhwe pí aféchwe khúnbrɛn thethé khɛ́n. 11Lóka khɛ́n wo bhá khwɛ́n hɔ́n ɔ́nmɔn ló ákwabhɔ́ gɔn, hɔ́n si ɔ́n ma khɔ́ lɛ mɛ́n, lóbhwe ole lí hɔ́n thɛ́n. Khɛ́n lóka lókɔn, ɔ́n tɔ ábhwe khɛ́n wo bhá tɔ há hɔ́n míthé. Ló ábhwe lókɔn, abha lé chán hɔ́n bɛn nbrɛn hɛ́nphebhú hrómɛn, lókhɛ́n áli ábhwe bɛn ábha chán Nánnánmi Créncré yé. 12Néphan bha khwɛ́n wo bɛn nbrɛn wo hɔnsɛ́nhɔn sé néphan owɛ́n. Nthemánhɔn lɔ bha tɛ́ wo miɔn lóyí yábhɛ brɛ. Ńmiɔ́ bha gɛ wo themánhɔn ɔ́nmɔn swan, ló wo bhá khwɛ́n nkɔn sé owɛ́n. 13Mɛn hɛ́nthé, néphan khúnbrɛn bha sa hɔ́n mɛ. Lókhɛ́n lephan ábha gɛlé ya kábrɛ kábrɛ ábha di lómɛ́n, lephan lókɔn ɔn, mɛ́n wo bhá swa nkɛ.
Muswe khrákhrá phromɛn álɔ yí
(Ɔ́n wú Mat 24.15-28; Ɔ́n wú Lwik 21.20-24)
14– Ɔ́n ma wú “Muswe khrákhrá phromɛn álɔ yí”: bha chré ási khɛ́n ńnɛ́n gɛ mɔ́nsi anchré. (Ló lephan ekán ábhwe lókɔn ɔn, tɛmɛ anyé lóthé mwámwá.) Áyɔn salé lóka lókɔn, lephan khɛ́n ábha bhá Jude gotho, anwá nó móbhó tho, 15lóka lókɔn, lephan khɛ́n ábha bhá mɛ́n nkhú tho, annɛ́n diathé má khúthé man khwɛ́n yí ɔ́nmɔn no, 16lephan khɛ́n ábha bhá gɔn, mɛ́n lɔ annɛ́n sáji má bháthó man hɔ́n mɛ́n khókhóthu. 17Ágbrelí bhwá ábha tɛ́ sé lwɛlwɛyá le ńtánbroyá ɔ́nmɔn lócí lókɔn hromɛn é! 18Ɔ́n na Yankan, ochɛ́sé lóyí lókɔn ole tɛ́ ádúdu hrómɛn! 19Lócí lókɔn, átɛsalé ágbrelí khɛ́n óbha wú, ábha bánbrɛn lókhúnbrɛn khɛ́n ophrɛ wu, achan ácí Yankan tɛ áthéji abha di ncɛ́n, álepɛ ágbrelí brɛ ábha primán lógbrelí yábhɛ lókɔn bhrɔ́ɔ́. 20Kasé Hwánthe le jan lógbrelí cí fe khwa, álepɛ lephan ábha gɛ bhá mɛpɔ́. Khɛ́n néphan ńsan sa nkɔn lí mɛ́n néphan hɛ́nthé, ńjan lócí fe nkhwa. 21Lóhɛ́nthé, kasé lephan bɛn ékranman hɔ́n lée: “Ɔ́n wu a, Mesi nɔn abha krɛn!” “Ɔ́n wu a, Mesi nɔn abha kwan!” ɔ́n ne bhú mímí. 22Mesi kpakprámán le bhwetɔ́trémán kpakprámán ɔ́nmɔn bha bhá, wo bhá tɛ́ áphɔgóyí le hɛ́nmɛntányí, ló kasé ási ka o, wo khɔ́ lóphɔ khrɛ néphan khɛ́n Yankan san. 23Mɛn phrɛ mɛɛ́n tɔ lóbhwe khúnbrɛn lókɔn sé hɔ́n! Lóhɛ́nthé, tɛmɛ ɔ́n há hɔ́n nbrɛn mwanhɛ́n.
Lephan Mi bhá ebhá bhá
(Ɔ́n wú Mat 24.29-31; Ɔ́n wú Lwik 21.25-28)
24– Khɛ́n lócí lókɔn hromɛn, ágbrelí ka ahɛn, ácɛ́nmɛ bha bhie bribri; pɛ bha lé cu fí npɔhɔ́n, 25pɛmwe bha chántho fɔ́khwá thé, ló ńsɛ́npɛ́ khúnbrɛn abha átho bha jika. 26Lótɛ óbha wú Lephan Mi bha khɔ́ mɔngú mɔngú hrómɛn bhá, ńsɛ́npɛ́ le ńguhá khóo ɔ́nmɔn hrómɛn. 27Ánman chɛ́ Yankan-mranchɛ́mán ló áthéji ngrɛmɛ́n bhwelí, sa wo gba néphan khɛ́n Yankan san abha áthé le átho ɔ́nmɔn khúnbrɛn bhurɛhɛ́n.
Áyílie wo bho thweli fígeyá
(Ɔ́n wú Mat 24.32-35; Ɔ́n wú Lwik 21.29-33)
28– Tɛmɛ ɔ́n yé ábhwe khɛ́n okhɔ fígeyá phɔ tɔ. Fígeyá ka édia ncɛn pɔ́-npɔ́, khɛ́n élu nbi, lótɛ oyɛ́n salé áwá gbali phɔ. 29Lóyábhɛ brɛ, lóyí lókɔnhɔn ka etɛ́, tɛmɛ ɔ́n yɛ́n salé Lephan Mi bhácí lɔ gbali phɔ, ló ńya khúmɛ́n. 30Mímí mɛɛ́n kranmán hɔ́n: néphan lókɔn khɛ́n ncɛ́n aya krɛn, wo bha lé khú phú lɔ khɛ́n lóyí bha tɛ́. 31Átho le áthé ɔ́nmɔn bha hɛ́n, lókhɛ́n mɛn bhwetɔ́ bha lé hɛ́n bhrɔ́ɔ́.
Yankan míbrɛ khókhó yɛn áthéji ka ábha bhɔ́
(Ɔ́n wú Mat 24.36-44)
32– Álepɛ lephan ayɛn lócí le wáchɛn mɛ́n ɔ́nmɔn khɛ́n lóyí lókɔn bha tɛ́. Yankan-mranchɛ́mán bhwá nbrɛn abha átho lɔ le yɛn, Nmi bhwá nbrɛn lɔ le yɛn, Nthe brɛ pán yɛn. 33Ɔ́n há hɔ́n nbrɛn mwanhɛ́n. Lónian mɛn khɛ́n ɔ́n ne yɛn lóka lóyí ebhá tɛ́ hɛ́nthé, ńná lɔ ɔ́n ne lá. 34Ábha tɛ́sa lephan bɛn khɛ́n mɛ́n huló hrómɛn, ahɔn mɛ́n bháthó ha mɛ́n nɛnkhwɛ́nmán mɔ́n mɛn ébo. Lephan brɛ ápɛ júmán ansé hɛ lí. Ńchɛ sibówo achré khúmɛ́n lée tɛmɛ nkɛ kámɛlé. 35Átɛsalé ábháthó-óthe ka ábha sáji bhá: khɔ olí ńjuka mɛn o, khɔ mréci thethé mɛn o, khɔ ńkɔsɔ́ ka ethɔ́n hrómɛn o, khɔ ńjuju mɛn o, khɛ́n ɔ́n ne yɛn hɛ́nthé, lóhɛ́nthé, tɛmɛ ɔ́n kámɛlé chré. 36Ńná olé ka hɔ́n khwá khɛ́n anmú nká hɔ́n tho. 37Ábhwe lókɔn mɛɛ́n tɔ sé hɔ́n, lóbrɛ tɛɛ nɔn mɛɛ́n tɔ sé néphan khúnbrɛn lɔ salé: Tɛmɛ ɔ́n kámɛlé chré!
Ebrié New Testament © Bible Society of Côte D'Ivoire, 1996.