MÁKHI 12
12
Divɛn-nyá gɔn themánhɔn bhúrɛmán phɔ yandran obhu
(Ɔ́n wú Mat 21.33-46; Ɔ́n wú Lwik 20.9-19)
1Lómánji, Jezwi khɔ yandran mɛn étɔ bhwe sé wo sa:
– Sɛ bɛn ha divɛn-nyá, ńha nphá jekhali, ńbɔn nɔn óbhɔ divɛn mí lóhrómɛn, ńthan átabhla óya lótho bosi tre lóhrómɛn, ló ńhɔn divɛn-nyá gɔn lókɔn ha divɛn-nyá gɔn júmánmán mɔ́n mɛn, ló ńno hu. 2Lóka ádi divɛn mí bhú ka, ńchɛ mɛ́n nɛnkhwɛ́nwo bɛn olo gɛ divɛn-nyá gɔn júmánmán odo nyámí ali mɛ́n ékɛ bha se. 3Khɛ́n wo khwa nɛnkhwɛ́nwo lókɔn tho, wo chrwa nkɛ, ló wo thu nkɛ thá ńsáji no mɔ́nbhíwrɛ́. 4Lókhɛ́n ábithe nthe chɛ nɛnkhwɛ́nwo nankhɛ bɛn cu lo lóne npɔ, wo bhɔ nɛnkhwɛ́nwo lókɔn hɛ́n, ló wo ta nkɛ. 5Lótɛ khɛ́n ábithe nthe cu chɛ nɛnkhwɛ́nwo nankhɛ lójɔ lo, mɛ́n lókɔn-ɛ wo wɛn. Ló wo búdúbúdú nánkhɛhɔn khɛ́n ńchɛ lo lóne, lóyí yábhɛ brɛ tɛɛ wo tɛ wo é: wo chrwa fe, ló wo wɛn fe. 6Ńthé ábithe nthe, mɛ́n lephan brɛ akha bháne nɔn ali mɛ́n bhi khɛ́n ńpɔ. Mɛ́n nɔn mɛ́n the chɛ lo aphrwithá, ló ńtɔ mɛ́n hrómɛn mɛn sa: “Mɛn mi-ɛ, mɛ́n wo bhá pɛ ájí se.” 7Khɛ́n divɛn-nyá gɔn júmánmán ya wo hromɛn étɔ sa: “Nɛn lephan cíbɛn ebhá lí ábithe nthe o. Ɔ́n ma owɛn, ló divɛn-nyá gɔn osa lí lo ékɛ!” 8Lótɛ wo khwa yípɔ tho, wo wɛn nkɛ, ló wo ti nkɛ chan divɛn-nyá gɔn hromɛn thandi lo njɛ-áan lo fɔ́nka bu.
9Ló Jezwi bhi wo sa, ńthé bí nɔn divɛn-nyá gɔn nthe bha tɛ́ ɛ? Ánman má, ánman wɛ́n divɛn-nyá gɔn júmánmán, ló ánman hɔ́n divɛn-nyá gɔn há néphan nánkhɛ mɔ́n mɛn. 10Ka ɔ́n kan Yankan hrɔ́ hrómɛn bhwe lókɔn khɛ́n étɔlé?
“Ábhú khɛ́n nkhúthánmán hɔn fɔnká bu
lónɔn ajrɛn ńkhú ngrɛmɛ́n bhú khóo.
11Hwánthe yí atɛ, lónɔn ali lókɔn,
ló áli yíbɛn etán hɛ́nmɛn!”
12Jwifunɛ́n-óthemánhɔn yɛn salé Jezwi bhwe atɔ ɔn, wo phɔ yandran nɔn nkɛ bhu, lóhɛ́nthé wo énɛn lósi wo khɔ́ hɔ́n nkɛ. Khɛ́n ápasá wo esó hɛ́nthé, wo yɔ nkɛ kalé bhósi lo.
La-npho osɔ́n sé athe khó
(Ɔ́n wú Mat 22.15-22; Ɔ́n wú Lwik 20.20-26)
13Wo chɛ Fariziɛnnɛ́n mɔ́nbɛn le Erɔde gbe hrómɛn néphan ɔ́nmɔn sa wo tɔ bhwe bɛn tú Jezwi. 14Ló wo bha wo ékranmán nkɛ sa:
– Yíliéwo, lo yɛn sa ɛlí mɛ́nbrɛ, ɛ́le sómɛ tɔ bhwe, hɛ ɛle yɛn lephan, lephan khó ali. Ábhwe mímí hrómɛn, lósi khɛ́n Yankan énɛn salé okhɔ́ bhá mɛpɔ́ ɔn, lóyí nɔn ɛ́lie. Ńthé tɔ se lo yé a, wú lo bidí se mɔ́nsi salé osɔ́n la-npho sé Rɔ́mɛn khúbhɛ́-óthe bhrɔ́khó, lée nka ále se mɔ́nsi?
15Lónian mɛn khɛ́n Jezwi yɛn salé ábhwe bɛn nbrɛn khɛ́n nkɔn énɛn nkɔn tɔ nkɔn hɔn ló-ɛ hrɔman ɔn, lótɛ ńmi nkɔn sa:
– Bítɛ khɛ́n hɔ́n esú mɛn wú ɛ? Ɔ́n mo fránkhi bɛn bha sé mɛn wú.
16Wo bho bɛn bha, ló Jezwi bhi nkɔn sa:
– Abɛn lephan hɛ́nmɛn le ńhɛ́n ɔ́nmɔn nɔn atre fránkhi lókɔn tho ɛ?
– Ló wo nkɛé ákhúbhɛ́-óthe bhrɔ́khó ékɛ.
17Ló Jezwi kranman nkɔn sa:
– Áyí ali ákhúbhɛ́-óthe bhrɔ́khó yí, tɛmɛ ɔ́n mó sé ákhúbhɛ́-óthe bhrɔ́khó, ló áyí ali Yankan yí, tɛmɛ ɔ́n mó sé Yankan.
Ló mɛ́n bhwe ńtɔ, etán wo khúnbrɛn hɛ́nmɛn kábrɛ.
Ákhúnɔn mɛn chánfe, lóphɔ bhwe néphan ébhi
(Ɔ́n wú Mat 22.23-33; Ɔ́n wú Lwik 20.27-40)
18 Sadusenɛ́n mɔ́nbɛn bha gɛ Jezwi. (Wo gbemán nɔn étɔlé mɔngumán bha le chán khúnɔn mɛn fe.) Ló nɛn lósi wo khɔ bhi nkɛ bhwe o:
19– Yíliéwo, Moyízi bidí aha hrɔ́ mɛn se lo nɔn ali salé: “Kasé lephan phɛn bhie, ńnɛn ho miɔ́ khɛ́n ńkhu, áyɔn salé mɛ́n hɔnsɛ́n ophɛ́n grwanya lókɔn, ló mɛ́n le nkɛ ɔ́nmɔn wo hó miɔ́ tré lephan akhu phɛ́nmɛ́n.” 20Hɔnsɛ́nhɔn ákhwache dɔnbɛn bháne. Sithwáwo phɛn bhie, ńnɛn ho miɔ́ lɔ khɛ́n ńkhu. 21Hɔnsɛ́n adɔngba phɛn lógrwanya lókɔn, mɛ́n lɔ ńnɛn ho miɔ́ khɛ́n ńkhu. Hɔnsɛ́n asi bhwaliá, mɛ́n lɔ lóyábhɛ brɛ, 22kábrɛ kábrɛ, ápi wo hɛ́n khwache. Wo khúnbrɛn ka wo khu phu, lómánji, bhie lɔ khu. 23Lóka mɔngumán bha chán khúnɔn mɛn fe, hɔnsɛ́nhɔn hɛ́n khwache lókɔn hromɛn ɔn, abɛn nɔn bhie lókɔn bha lí mɛ́n bhia ɛ? Khɔ́ wo khúnbrɛn wo phɛn nkɛ dilé!
24Ló Jezwi kranman nkɔn sa:
– Léli áphɔ nɔn hɔ́n ékhrɛ, wú ɔ́n yɛn lóyí hɛ́nthé? Lóthé nɔn ali salé, ɔ́n ne yɛ́n Yankan hrɔ́ hrómɛn bhwe étɔ, saji ɔ́n ne yɛn Yankan sɛ́npɛ́ lɔ. 25Khankhan mímí, lóka mɔngumán bha chán khúnɔn mɛn fe, ńsɛ le ńmie ɔ́nmɔn bha lé cu phɛ́n npɔhɔ́n. Wo bha bhá mɛpɔ́ sa Yankan-mranchɛ́mán abha átho. 26Ló ali mɔngumán chán ábha chán khúnɔn mɛn fe, wú ɔ́n ne kan ábhwe abha Moyízi hrɔ́ hrómɛn, khɛ́n étɔ áyápɔ́ bhri ethɔ́ntɛn phɔ bhwe, lóka Yankan ékranmán Moyízi lée: “Mɛn nɔn mɛn ni Ábrahámɛn, Izakhi le Jakɔ́phu ɔ́nmɔn Yankan?” 27Yankan li néphan abha mɛpɔ́ Yankan, lókhɛ́n ńnɛn ni néphan akhu wo Yankan. Lóhɛ́nthé nɔn achɛ hɔ́n ékhrɛ phɔ bánban.
Ábidí khɛ́n abanbrɛn ábidí khúnbrɛn
(Ɔ́n wú Mat 22.34-40; Ɔ́n wú Lwik 10.25-28)
28 Bidíyɛ́nwo bɛn ye wo bhwe wo étali. Ńyɛn salé ábhwe mímí nɔn Jezwi tɔ se Sadusenɛ́n. Lótɛ ńti gbali Jezwi, ló ńmi nkɛ sa:
– Lóbidí bɛn nɔn abanbrɛn ábidí khúnbrɛn ɛ?
29Ló Jezwi krɛnmɛn sa:
– Nɛn ábidí abanbrɛn ábidí khúnbrɛn o: “Izraɛ khúbhɛ́nɛ́n, tɛmɛ ɔ́n yé! Hwánthe Yankan míbrɛ khókhó li Hwánthe. 30Áyɔn sa ɛpɔ́ hɛ Hwánthe Yankan, hɛ thɛ́n khúnbrɛn mɛn, hɛ hɛ́nfan khúnbrɛn mɛn, hɛ nánnánmi khúnbrɛn mɛn le hɛ sɛ́npɛ́ khúnbrɛn ɔ́nmɔn mɛn.” 31Ńthé nɛn ábidí asi mɔn o: “Áyɔn sa ɛpɔ́ hɛ jɔ, sa lósi ɛkhɔ pɔ hɛ bɛn nbrɛn.” Álepɛ ábidí nánkhɛ abanbrɛn ábidí mɔn lókɔn.
32Lótɛ bidíyɛ́nwo kranman Jezwi sa:
– Yíliéwo, áyɔn! Ábhwe mímí nɔn ɛtɔ o. Hwánthe brɛ khókhó li Yankan, álepɛ Yankan nankhɛ abháne, kasé áleli mɛ́n míbrɛ pán. 33Áyɔn salé lephan ɛpɔ́ Yankan hɛ thɛ́n khúnbrɛn mɛn, hɛ nánnánmi khúnbrɛn mɛn le hɛ sɛ́npɛ́ khúnbrɛn ɔ́nmɔn mɛn, ló áyɔn salé anpɔ́ mɛ́n jɔ sa lósi ńkhɔ pɔ mɛ́n bɛn nbrɛn. Lókɔn yɔn brɛn ńbranmán ofɔ́n ha npha ńphaha túprán tho, le ńphaha yábhɛ yábhɛ khúnbrɛn ɔ́nmɔn.
34Lónian mɛn khɛ́n Jezwi wu salé nkɛ bhwe nkɛ tɔ áli ábhweyɛ́n bhwe ɔn, lótɛ ńkránman nkɛ sa:
– Yankan Bhringbi khúbhɛ́ óka ɔn, ɛgbali lóphɔ.
Lómánji, álepɛ lephan khɛ́n awúsi khɔ́ bhi Jezwi bhwe npɔhɔ́n.
Mesi le Davi ɔ́nmɔn phɔ bhwe
(Ɔ́n wú Mat 22.41-46; Ɔ́n wú Lwik 20.41-44)
35Lóka Jezwi élie yí Yankan-khúthé, mɛ́n bhwe bɛn ńmi nɔn ali sa:
– Bítɛ khɛ́n bidíyɛ́nmán étɔlé, Mesi li Davi njibhi ɛ? 36Khɔ́ nánnánmi mɔ́ndɔ́nman hromɛn, Davi bɛn nbrɛn étɔlé:
“Hwánthe kranman mɛn Hwánthe lée:
Bha chré mɛn liémɔn si,
kábrɛ kábrɛ, mɛn chɛ́ hɛ chaya
hɛ mɛsamán tho.”
37Khɔ́ Davi nbrɛn-ɛ nɔn éche nkɛ “Hwánthe”, ńthé kalósi Mesi bha cu khɔ́ lí mɛ́n jibhi npɔ e?
Jezwi éha ápasá bidíyɛ́nmán yítɛ́ phɔ
(Ɔ́n wú Mat 23.1-36; Ɔ́n wú Lwik 20.45-47)
Áphɔhá mɛn, ápasá búdúbúdú ya eyé Jezwi bhwe étɔ, 38ló ánkranmán néphan ánnie yí salé:
– Ɔ́n há hɔ́n nbrɛn mwanhɛ́n bidíyɛ́nmán yítɛ́ phɔ. Wo pɔ ntráliɛ́ thóntho osɔ́ ya khali, ló ábhácathé, wo énɛn salé néphan obhɔ́ wo yí ájí mɛn. 39Hɛ́nbhúrɛ si, ńyákhru akhwa hɛ́nmɛn, lótho khɛ́n wo chré, saji ńnɛn mɛ́n lɔ, hɛ́nmɛn si mwámwá khɛ́n wo chré. 40Wo sɛ́n grwanyá gɛ khwɛ́n nkɔn yí khúnbrɛn nkɔn pɛ, lóka yábhɛ hromɛn nɔn wo yankanla khɔ́n, ochɛ́sé néphan owú salé wo li néphan apriman. Óbha tɛ́ yí dri wo phɔ kpɛ́ɛ́n!
Grwanya gbreya bɛn yí ase
(Ɔ́n wú Lwik 21.1-4)
41Lótɛ Jezwi lo chre Yankan-khúthé áyánɔn njɛ si óbɔn kɔphrɛ ha, ló ánwɛsɛ́ lósi ápasá khɔ ebhó jɛtɛn ká lóhrómɛn. Ńmringbilímán búdúbúdú khwɛn jɛtɛn bhrobhrobhé ha lóhrómɛn. 42Grwanya gbreya bɛn lɔ khwɛn kɔphrɛchí chɛ́-nchɛ́ mɔn ali jɛtɛn óle kán ha lóhrómɛn. 43Lótɛ Jezwi che mɛ́n yíchwɛmán bha, ló ánkránman nkɔn sa:
– Mímí mɛɛ́n kranmán hɔ́n: grwanya gbreya yí lókɔn abho ka áyánɔn mɛn ɔn, áthúbhɔ brɛn néphan khúnbrɛn yí abho. 44Néphan krɛnnɛ́nhɔn, jɛtɛn khɛ́n wo le nɛn nɔn wo bho bha kane. Khɛ́n gbreya lókɔn, mɛ́n yí bhri tɛɛ ńpɛ mɛ́n gbre hromɛn, khɛ́n achɛ ńma mɛpɔ́, lónɔn ńmo kane.
Ebrié New Testament © Bible Society of Côte D'Ivoire, 1996.
MÁKHI 12
12
Divɛn-nyá gɔn themánhɔn bhúrɛmán phɔ yandran obhu
(Ɔ́n wú Mat 21.33-46; Ɔ́n wú Lwik 20.9-19)
1Lómánji, Jezwi khɔ yandran mɛn étɔ bhwe sé wo sa:
– Sɛ bɛn ha divɛn-nyá, ńha nphá jekhali, ńbɔn nɔn óbhɔ divɛn mí lóhrómɛn, ńthan átabhla óya lótho bosi tre lóhrómɛn, ló ńhɔn divɛn-nyá gɔn lókɔn ha divɛn-nyá gɔn júmánmán mɔ́n mɛn, ló ńno hu. 2Lóka ádi divɛn mí bhú ka, ńchɛ mɛ́n nɛnkhwɛ́nwo bɛn olo gɛ divɛn-nyá gɔn júmánmán odo nyámí ali mɛ́n ékɛ bha se. 3Khɛ́n wo khwa nɛnkhwɛ́nwo lókɔn tho, wo chrwa nkɛ, ló wo thu nkɛ thá ńsáji no mɔ́nbhíwrɛ́. 4Lókhɛ́n ábithe nthe chɛ nɛnkhwɛ́nwo nankhɛ bɛn cu lo lóne npɔ, wo bhɔ nɛnkhwɛ́nwo lókɔn hɛ́n, ló wo ta nkɛ. 5Lótɛ khɛ́n ábithe nthe cu chɛ nɛnkhwɛ́nwo nankhɛ lójɔ lo, mɛ́n lókɔn-ɛ wo wɛn. Ló wo búdúbúdú nánkhɛhɔn khɛ́n ńchɛ lo lóne, lóyí yábhɛ brɛ tɛɛ wo tɛ wo é: wo chrwa fe, ló wo wɛn fe. 6Ńthé ábithe nthe, mɛ́n lephan brɛ akha bháne nɔn ali mɛ́n bhi khɛ́n ńpɔ. Mɛ́n nɔn mɛ́n the chɛ lo aphrwithá, ló ńtɔ mɛ́n hrómɛn mɛn sa: “Mɛn mi-ɛ, mɛ́n wo bhá pɛ ájí se.” 7Khɛ́n divɛn-nyá gɔn júmánmán ya wo hromɛn étɔ sa: “Nɛn lephan cíbɛn ebhá lí ábithe nthe o. Ɔ́n ma owɛn, ló divɛn-nyá gɔn osa lí lo ékɛ!” 8Lótɛ wo khwa yípɔ tho, wo wɛn nkɛ, ló wo ti nkɛ chan divɛn-nyá gɔn hromɛn thandi lo njɛ-áan lo fɔ́nka bu.
9Ló Jezwi bhi wo sa, ńthé bí nɔn divɛn-nyá gɔn nthe bha tɛ́ ɛ? Ánman má, ánman wɛ́n divɛn-nyá gɔn júmánmán, ló ánman hɔ́n divɛn-nyá gɔn há néphan nánkhɛ mɔ́n mɛn. 10Ka ɔ́n kan Yankan hrɔ́ hrómɛn bhwe lókɔn khɛ́n étɔlé?
“Ábhú khɛ́n nkhúthánmán hɔn fɔnká bu
lónɔn ajrɛn ńkhú ngrɛmɛ́n bhú khóo.
11Hwánthe yí atɛ, lónɔn ali lókɔn,
ló áli yíbɛn etán hɛ́nmɛn!”
12Jwifunɛ́n-óthemánhɔn yɛn salé Jezwi bhwe atɔ ɔn, wo phɔ yandran nɔn nkɛ bhu, lóhɛ́nthé wo énɛn lósi wo khɔ́ hɔ́n nkɛ. Khɛ́n ápasá wo esó hɛ́nthé, wo yɔ nkɛ kalé bhósi lo.
La-npho osɔ́n sé athe khó
(Ɔ́n wú Mat 22.15-22; Ɔ́n wú Lwik 20.20-26)
13Wo chɛ Fariziɛnnɛ́n mɔ́nbɛn le Erɔde gbe hrómɛn néphan ɔ́nmɔn sa wo tɔ bhwe bɛn tú Jezwi. 14Ló wo bha wo ékranmán nkɛ sa:
– Yíliéwo, lo yɛn sa ɛlí mɛ́nbrɛ, ɛ́le sómɛ tɔ bhwe, hɛ ɛle yɛn lephan, lephan khó ali. Ábhwe mímí hrómɛn, lósi khɛ́n Yankan énɛn salé okhɔ́ bhá mɛpɔ́ ɔn, lóyí nɔn ɛ́lie. Ńthé tɔ se lo yé a, wú lo bidí se mɔ́nsi salé osɔ́n la-npho sé Rɔ́mɛn khúbhɛ́-óthe bhrɔ́khó, lée nka ále se mɔ́nsi?
15Lónian mɛn khɛ́n Jezwi yɛn salé ábhwe bɛn nbrɛn khɛ́n nkɔn énɛn nkɔn tɔ nkɔn hɔn ló-ɛ hrɔman ɔn, lótɛ ńmi nkɔn sa:
– Bítɛ khɛ́n hɔ́n esú mɛn wú ɛ? Ɔ́n mo fránkhi bɛn bha sé mɛn wú.
16Wo bho bɛn bha, ló Jezwi bhi nkɔn sa:
– Abɛn lephan hɛ́nmɛn le ńhɛ́n ɔ́nmɔn nɔn atre fránkhi lókɔn tho ɛ?
– Ló wo nkɛé ákhúbhɛ́-óthe bhrɔ́khó ékɛ.
17Ló Jezwi kranman nkɔn sa:
– Áyí ali ákhúbhɛ́-óthe bhrɔ́khó yí, tɛmɛ ɔ́n mó sé ákhúbhɛ́-óthe bhrɔ́khó, ló áyí ali Yankan yí, tɛmɛ ɔ́n mó sé Yankan.
Ló mɛ́n bhwe ńtɔ, etán wo khúnbrɛn hɛ́nmɛn kábrɛ.
Ákhúnɔn mɛn chánfe, lóphɔ bhwe néphan ébhi
(Ɔ́n wú Mat 22.23-33; Ɔ́n wú Lwik 20.27-40)
18 Sadusenɛ́n mɔ́nbɛn bha gɛ Jezwi. (Wo gbemán nɔn étɔlé mɔngumán bha le chán khúnɔn mɛn fe.) Ló nɛn lósi wo khɔ bhi nkɛ bhwe o:
19– Yíliéwo, Moyízi bidí aha hrɔ́ mɛn se lo nɔn ali salé: “Kasé lephan phɛn bhie, ńnɛn ho miɔ́ khɛ́n ńkhu, áyɔn salé mɛ́n hɔnsɛ́n ophɛ́n grwanya lókɔn, ló mɛ́n le nkɛ ɔ́nmɔn wo hó miɔ́ tré lephan akhu phɛ́nmɛ́n.” 20Hɔnsɛ́nhɔn ákhwache dɔnbɛn bháne. Sithwáwo phɛn bhie, ńnɛn ho miɔ́ lɔ khɛ́n ńkhu. 21Hɔnsɛ́n adɔngba phɛn lógrwanya lókɔn, mɛ́n lɔ ńnɛn ho miɔ́ khɛ́n ńkhu. Hɔnsɛ́n asi bhwaliá, mɛ́n lɔ lóyábhɛ brɛ, 22kábrɛ kábrɛ, ápi wo hɛ́n khwache. Wo khúnbrɛn ka wo khu phu, lómánji, bhie lɔ khu. 23Lóka mɔngumán bha chán khúnɔn mɛn fe, hɔnsɛ́nhɔn hɛ́n khwache lókɔn hromɛn ɔn, abɛn nɔn bhie lókɔn bha lí mɛ́n bhia ɛ? Khɔ́ wo khúnbrɛn wo phɛn nkɛ dilé!
24Ló Jezwi kranman nkɔn sa:
– Léli áphɔ nɔn hɔ́n ékhrɛ, wú ɔ́n yɛn lóyí hɛ́nthé? Lóthé nɔn ali salé, ɔ́n ne yɛ́n Yankan hrɔ́ hrómɛn bhwe étɔ, saji ɔ́n ne yɛn Yankan sɛ́npɛ́ lɔ. 25Khankhan mímí, lóka mɔngumán bha chán khúnɔn mɛn fe, ńsɛ le ńmie ɔ́nmɔn bha lé cu phɛ́n npɔhɔ́n. Wo bha bhá mɛpɔ́ sa Yankan-mranchɛ́mán abha átho. 26Ló ali mɔngumán chán ábha chán khúnɔn mɛn fe, wú ɔ́n ne kan ábhwe abha Moyízi hrɔ́ hrómɛn, khɛ́n étɔ áyápɔ́ bhri ethɔ́ntɛn phɔ bhwe, lóka Yankan ékranmán Moyízi lée: “Mɛn nɔn mɛn ni Ábrahámɛn, Izakhi le Jakɔ́phu ɔ́nmɔn Yankan?” 27Yankan li néphan abha mɛpɔ́ Yankan, lókhɛ́n ńnɛn ni néphan akhu wo Yankan. Lóhɛ́nthé nɔn achɛ hɔ́n ékhrɛ phɔ bánban.
Ábidí khɛ́n abanbrɛn ábidí khúnbrɛn
(Ɔ́n wú Mat 22.34-40; Ɔ́n wú Lwik 10.25-28)
28 Bidíyɛ́nwo bɛn ye wo bhwe wo étali. Ńyɛn salé ábhwe mímí nɔn Jezwi tɔ se Sadusenɛ́n. Lótɛ ńti gbali Jezwi, ló ńmi nkɛ sa:
– Lóbidí bɛn nɔn abanbrɛn ábidí khúnbrɛn ɛ?
29Ló Jezwi krɛnmɛn sa:
– Nɛn ábidí abanbrɛn ábidí khúnbrɛn o: “Izraɛ khúbhɛ́nɛ́n, tɛmɛ ɔ́n yé! Hwánthe Yankan míbrɛ khókhó li Hwánthe. 30Áyɔn sa ɛpɔ́ hɛ Hwánthe Yankan, hɛ thɛ́n khúnbrɛn mɛn, hɛ hɛ́nfan khúnbrɛn mɛn, hɛ nánnánmi khúnbrɛn mɛn le hɛ sɛ́npɛ́ khúnbrɛn ɔ́nmɔn mɛn.” 31Ńthé nɛn ábidí asi mɔn o: “Áyɔn sa ɛpɔ́ hɛ jɔ, sa lósi ɛkhɔ pɔ hɛ bɛn nbrɛn.” Álepɛ ábidí nánkhɛ abanbrɛn ábidí mɔn lókɔn.
32Lótɛ bidíyɛ́nwo kranman Jezwi sa:
– Yíliéwo, áyɔn! Ábhwe mímí nɔn ɛtɔ o. Hwánthe brɛ khókhó li Yankan, álepɛ Yankan nankhɛ abháne, kasé áleli mɛ́n míbrɛ pán. 33Áyɔn salé lephan ɛpɔ́ Yankan hɛ thɛ́n khúnbrɛn mɛn, hɛ nánnánmi khúnbrɛn mɛn le hɛ sɛ́npɛ́ khúnbrɛn ɔ́nmɔn mɛn, ló áyɔn salé anpɔ́ mɛ́n jɔ sa lósi ńkhɔ pɔ mɛ́n bɛn nbrɛn. Lókɔn yɔn brɛn ńbranmán ofɔ́n ha npha ńphaha túprán tho, le ńphaha yábhɛ yábhɛ khúnbrɛn ɔ́nmɔn.
34Lónian mɛn khɛ́n Jezwi wu salé nkɛ bhwe nkɛ tɔ áli ábhweyɛ́n bhwe ɔn, lótɛ ńkránman nkɛ sa:
– Yankan Bhringbi khúbhɛ́ óka ɔn, ɛgbali lóphɔ.
Lómánji, álepɛ lephan khɛ́n awúsi khɔ́ bhi Jezwi bhwe npɔhɔ́n.
Mesi le Davi ɔ́nmɔn phɔ bhwe
(Ɔ́n wú Mat 22.41-46; Ɔ́n wú Lwik 20.41-44)
35Lóka Jezwi élie yí Yankan-khúthé, mɛ́n bhwe bɛn ńmi nɔn ali sa:
– Bítɛ khɛ́n bidíyɛ́nmán étɔlé, Mesi li Davi njibhi ɛ? 36Khɔ́ nánnánmi mɔ́ndɔ́nman hromɛn, Davi bɛn nbrɛn étɔlé:
“Hwánthe kranman mɛn Hwánthe lée:
Bha chré mɛn liémɔn si,
kábrɛ kábrɛ, mɛn chɛ́ hɛ chaya
hɛ mɛsamán tho.”
37Khɔ́ Davi nbrɛn-ɛ nɔn éche nkɛ “Hwánthe”, ńthé kalósi Mesi bha cu khɔ́ lí mɛ́n jibhi npɔ e?
Jezwi éha ápasá bidíyɛ́nmán yítɛ́ phɔ
(Ɔ́n wú Mat 23.1-36; Ɔ́n wú Lwik 20.45-47)
Áphɔhá mɛn, ápasá búdúbúdú ya eyé Jezwi bhwe étɔ, 38ló ánkranmán néphan ánnie yí salé:
– Ɔ́n há hɔ́n nbrɛn mwanhɛ́n bidíyɛ́nmán yítɛ́ phɔ. Wo pɔ ntráliɛ́ thóntho osɔ́ ya khali, ló ábhácathé, wo énɛn salé néphan obhɔ́ wo yí ájí mɛn. 39Hɛ́nbhúrɛ si, ńyákhru akhwa hɛ́nmɛn, lótho khɛ́n wo chré, saji ńnɛn mɛ́n lɔ, hɛ́nmɛn si mwámwá khɛ́n wo chré. 40Wo sɛ́n grwanyá gɛ khwɛ́n nkɔn yí khúnbrɛn nkɔn pɛ, lóka yábhɛ hromɛn nɔn wo yankanla khɔ́n, ochɛ́sé néphan owú salé wo li néphan apriman. Óbha tɛ́ yí dri wo phɔ kpɛ́ɛ́n!
Grwanya gbreya bɛn yí ase
(Ɔ́n wú Lwik 21.1-4)
41Lótɛ Jezwi lo chre Yankan-khúthé áyánɔn njɛ si óbɔn kɔphrɛ ha, ló ánwɛsɛ́ lósi ápasá khɔ ebhó jɛtɛn ká lóhrómɛn. Ńmringbilímán búdúbúdú khwɛn jɛtɛn bhrobhrobhé ha lóhrómɛn. 42Grwanya gbreya bɛn lɔ khwɛn kɔphrɛchí chɛ́-nchɛ́ mɔn ali jɛtɛn óle kán ha lóhrómɛn. 43Lótɛ Jezwi che mɛ́n yíchwɛmán bha, ló ánkránman nkɔn sa:
– Mímí mɛɛ́n kranmán hɔ́n: grwanya gbreya yí lókɔn abho ka áyánɔn mɛn ɔn, áthúbhɔ brɛn néphan khúnbrɛn yí abho. 44Néphan krɛnnɛ́nhɔn, jɛtɛn khɛ́n wo le nɛn nɔn wo bho bha kane. Khɛ́n gbreya lókɔn, mɛ́n yí bhri tɛɛ ńpɛ mɛ́n gbre hromɛn, khɛ́n achɛ ńma mɛpɔ́, lónɔn ńmo kane.
Ebrié New Testament © Bible Society of Côte D'Ivoire, 1996.