MÁKHI 11
11
Jezwi ka Jeruzalɛ́mɛn
(Ɔ́n wú Mat 21.1-11; Ɔ́n wú Lwik 19.28-40; Ɔ́n wú Jan 12.12-19)
1Lóka wo gbali Jeruzalɛ́mɛn phɔ phu, lókhɛ́n wo ebhá di Bɛthifaje le Betani ɔ́nmɔn khúbhɛ́ abha Olive-nyá bhóbhó tho, lótɛ Jezwi chɛ mɛ́n yíchwɛmán mɔn yí, ló ńkránman nkɔn sa:
2– Ɔ́n nó ákhúbhɛ́ atre hɔ́n hɛ́nmɛn. Lóka ɔ́n di lóne, ɔ́n ma gɛ frímú bɛn odi bhɛ́ ya, khɛ́n aka pɛ lephan achre mɛ́n tho. Ɔ́n hrwɛn, ló ɔ́n hɔ́n-ɛn ɔ́nmɔn bhá. 3Kasé lephan bɛn ébhi hɔ́n lée: “Ébí hɔ́n etɛ́?” lótɛ ɔ́n krɛnmɛn lée: “Hwánthe nɔn énɛn, lóyámɛ́n, ánman yɔ́ nkɛ nká, ló ɔ́nma hɔ́n-ɛn ɔ́nmɔn bhá.”
4Ló wo lo, wo gɛ frímú odi bhɛ́ ya ásitó njɛ, ńgbophro khúmɛ́n phɔ, ló wo hrwɛn nkɛ. 5Néphan khɛ́n aya lóne ɔn, wo hromɛn néphan fe ébhi nkɔn sa:
– Weya, ébí hɔ́n etɛ́ ɛ? bítɛ khɛ́n hɔ́n éhrwɛn frímú mi lókɔn ɛ?
6Yíchwɛmán tɔ Jezwi bhwe atɔ se nkɔn, ló néphan lókɔn yɔ wo khwa wo lo. 7Wo hɔn frímú mi lo se Jezwi, wo khwɛn wo dɛgɔn fa nkɛ tho, ló Jezwi chre nkɛ tho. 8Néphan búdúbúdú khwɛn wo dɛgɔn khónkhó fa sitó, fe khwɛn wo nbi khɛ́n wo jan bithe fa sitó. 9Néphan khɛ́n abha Jezwi hɛ́nmɛn le wo khɛ́n wo gɛ nkɛ thá, wo elúkhwɛ́ tɔ sa:
– Ńguhá gɛ Yankan! Yankan bhɔ lephan ebhá Hwánthe hɛ́n hrómɛn ndu! 10Tɛmɛ Yankan obhɔ́ bhringbi khúbhɛ́ ebhá ndu, bhringbi khúbhɛ́ lókɔn khɛ́n ali lo the Davi ékɛ! Ló tɛmɛ nguhá ogɛ Yankan abha átho!
11Jezwi ka Jeruzalɛ́mɛn, ló ńno Yankan-khúthé. Mɛ́n ka ńwɛ́sɛ mɛ́n jɛ́ njɛ yí khúnbrɛn phu, mɛ́n le yíchwɛmán áwɔ́-mɔn wo lo Betani khúbhɛ́, átɛsalé ácí lɔ égu.
Jezwi phiamɔ́n se fígeyá bɛn
(Ɔ́n wú Mat 21.18-19)
12Lóka ácí ci, khɛ́n wo chan Betani khúbhɛ́ wo élo ɔn, lótɛ áko ka Jezwi phɔ. 13Ńwu fígeyá bɛn hɛ́nmɛn-áan, ńbi do lótho khúnbrɛn, ló ńno anwú kasé ánman gɛ lómí mɔ́nbɛn. Lókhɛ́n mɛ́n ka ńdi lóphɔ, ńbi nchán nɔn ado lótho, átɛsalé áka di lóka fíge só. 14Ló Jezwi tɔ se fígeyá sa:
– Olépɛ lephan brɛ olí hɛ mí bhrɔ́ɔ́!
Ló mɛ́n yíchwɛmán lɔ ye mɛ́n bhwe ńtɔ.
Jezwi bha Yankan-khúthé
(Ɔ́n wú Mat 21.12-17; Ɔ́n wú Lwik 19.45-48; Ɔ́n wú Jan 2.13-22)
15Lómánji, wo di Jeruzalɛ́mɛn. Jezwi lo Yankan-khúthé, ló ántranmán néphan ephɛ́ jɛ le wo khɛ́n wo ephɛ́ yí lí lóne. Ńda jɛtɛn-jrɛ́nmán le la-ndrɛ́nphɛ́límán ɔ́nmɔn tábrɛ mrwalé, 16ló ńnɛn yɔ lephan brɛ ka ákhwɛn nkɛ nɔnkwá bhúri khɔ Yankan-khúthé lo. 17Lómánji, ńnie wo yí, ló ńtɔ sa:
– Yankan hrɔ́ étɔ gbée salé: “Wo bhá che mɛn nkhú aféchwe khúnbrɛn yankanla-nkhú.” Khɛ́n hɔ́n-ɛ, ɔ́n hɔn jrɛn sídomán nɔn!
18Áyí khɛ́n atɛ, nphahamán-óthemánhɔn le bidíyɛ́nmán ɔ́nmɔn ye lóbhwe, ló wo énɛn lósi wo bhá khɔ́ wɛ́n Jezwi. Khɛ́n Jezwi yí álie ɔn, ápɔ ápasá mɛ, lóhɛ́nthé wo esó nkɛ.
19Lóka ácí égu, lótɛ Jezwi le mɛ́n yíchwɛmán ɔ́nmɔn chan khúbhɛ́ hrómɛn thandi.
Jezwi le fígeyá awɛ
(Ɔ́n wú Mat 21.20-22)
20Ńjuju fítaan ka wo khɔ sitó wo ehɛ́n, wo wu fígeyá, áwɛ kábrɛ kábrɛ ádi lómɛ́lu. 21Áyí aphrɛ tɛ bha hɛn, lóbhwe di Piɛ mwanhɛ́n, lótɛ ánkranmán Jezwi sa:
– Yíliéwo, wu a, fígeyá khɛ́n ɛphiamɔ́n se ɔn, khɔ́ lókhúnbrɛn wɛ́ phu.
22Lótɛ Jezwi kranman mɛ́n yíchwɛmán sa:
– Mímí mɛɛ́n kranmán hɔ́n: Tɛmɛ ɔ́n mú Yankan mímí! 23Kasé lephan bɛn ékranmán ábhóbhó bhri lókɔn lée: “Chan krɛn fi lo tré gwe hromɛn”, ló kasé mɛ́n thɛ́n hrómɛn ńnɛn sokhú, lókhɛ́n ńmu mímí salé mɛ́n bhwe mɛ́n tɔ lóyí bha tɛ́ mímí nbrɛn, ábha tɛ́ se anwú. 24Lóhɛ́nthé nɔn achɛse mɛɛ́n kranmán hɔ́n lée: Kasé hɔ́n esá yíbɛn yankanla hromɛn, tɛmɛ ɔ́n mú mímí salé ɔ́n gɛ lóyí, lótɛ wo bhá bhó lóyí sé hɔ́n. 25Lóka ɔ́n ya tho hɔ́n éla Yankan, kasé ábhwe bha hɔ́n le lephan bɛn ɔ́nmɔn thethé, tɛmɛ ɔ́n yɔ́ lóbhwe phɔ-ɛ, ochɛ́sé hɔ́n The abha átho lɔ oyɔ́ hɔ́n ne phɔ́ hɔ́n. [ 26Lókhɛ́n kasé ɔ́n ne yɔ néphan nankhɛ ne phɔ́ wo, hɔ́n The abha átho lɔ bha le yɔ́ hɔ́n ne phɔ́ hɔ́n bhrɔ́ɔ́.]
Jezwi sɛ́npɛ́ si achan
(Ɔ́n wú Mat 21.23-27; Ɔ́n wú Lwik 20.1-8)
27Jezwi le mɛ́n yíchwɛmán ɔ́nmɔn cu saji lo Jeruzalɛ́mɛn. Lóka Jezwi ya Yankan-khúthé ésɔdwan, lótɛ nphahamán-óthemánhɔn, bidíyɛ́nmán le mrɔ́khómán ɔ́nmɔn bha gɛ, 28ló wo ébhi nkɛ sa:
– Bí mɔ́nsi ɛgɛ khɛ́n ɛtɛ́ áyí yábhɛ lókɔnhɔn ɛ? Ló abɛn sé hɛ lómɔ́nsi?
29Ló Jezwi kranman nkɔn sa:
– Mɛn mán mi hɔ́n bhwe brɛ tɛɛ, kasé ɔ́n gɛ tɔ se mɛn ɔn, lótɛ mɛn lɔ, mɛn mɔ́nsi mɛn gɛ khɛ́n mɛn tɛ́ áyí yábhɛhɔn lókɔn ɔn, mán tɔ lóbhwe sé hɔ́n yé. 30Abɛn nɔn achɛ Jan bha ehá nduhɛ́n ɛ, wú Yankan lée nka néphanmiɔn? Ɔ́n tɔ obhá?
31Lókhɛ́n wo ya wo hromɛn tali bhwe ɔɔ, ló wo étɔ sa:
– Kasé lo étɔlé: “Yankan chɛ ńma”, lótɛ ánman mi lo lée: “Ló bítɛ khɛ́n ɔ́n ne bhu nkɛ mímí ɛ?” 32Saji, kasé lo étɔlé: “Néphan chɛ ńma...”
(Wo esó ápasá, lósi akhɔ tɛ ɔn, wo khúnbrɛn wo bhu salé, mímí nbrɛn Jan li bhwetɔ́tréwo.)
33Ló wo kranman Jezwi salé:
– Lo le yɛn.
– Ló Jezwi tɔ sa áyɔn! kasé hɔ́n nkɛé ɔ́n ne yɛn, ló mɛn lɔ, mɛn nɛn yɛn lómɔ́nsi mɛn gɛ khɛ́n mɛn tɛ́ áyí khúnbrɛn lókɔn.
Ebrié New Testament © Bible Society of Côte D'Ivoire, 1996.
MÁKHI 11
11
Jezwi ka Jeruzalɛ́mɛn
(Ɔ́n wú Mat 21.1-11; Ɔ́n wú Lwik 19.28-40; Ɔ́n wú Jan 12.12-19)
1Lóka wo gbali Jeruzalɛ́mɛn phɔ phu, lókhɛ́n wo ebhá di Bɛthifaje le Betani ɔ́nmɔn khúbhɛ́ abha Olive-nyá bhóbhó tho, lótɛ Jezwi chɛ mɛ́n yíchwɛmán mɔn yí, ló ńkránman nkɔn sa:
2– Ɔ́n nó ákhúbhɛ́ atre hɔ́n hɛ́nmɛn. Lóka ɔ́n di lóne, ɔ́n ma gɛ frímú bɛn odi bhɛ́ ya, khɛ́n aka pɛ lephan achre mɛ́n tho. Ɔ́n hrwɛn, ló ɔ́n hɔ́n-ɛn ɔ́nmɔn bhá. 3Kasé lephan bɛn ébhi hɔ́n lée: “Ébí hɔ́n etɛ́?” lótɛ ɔ́n krɛnmɛn lée: “Hwánthe nɔn énɛn, lóyámɛ́n, ánman yɔ́ nkɛ nká, ló ɔ́nma hɔ́n-ɛn ɔ́nmɔn bhá.”
4Ló wo lo, wo gɛ frímú odi bhɛ́ ya ásitó njɛ, ńgbophro khúmɛ́n phɔ, ló wo hrwɛn nkɛ. 5Néphan khɛ́n aya lóne ɔn, wo hromɛn néphan fe ébhi nkɔn sa:
– Weya, ébí hɔ́n etɛ́ ɛ? bítɛ khɛ́n hɔ́n éhrwɛn frímú mi lókɔn ɛ?
6Yíchwɛmán tɔ Jezwi bhwe atɔ se nkɔn, ló néphan lókɔn yɔ wo khwa wo lo. 7Wo hɔn frímú mi lo se Jezwi, wo khwɛn wo dɛgɔn fa nkɛ tho, ló Jezwi chre nkɛ tho. 8Néphan búdúbúdú khwɛn wo dɛgɔn khónkhó fa sitó, fe khwɛn wo nbi khɛ́n wo jan bithe fa sitó. 9Néphan khɛ́n abha Jezwi hɛ́nmɛn le wo khɛ́n wo gɛ nkɛ thá, wo elúkhwɛ́ tɔ sa:
– Ńguhá gɛ Yankan! Yankan bhɔ lephan ebhá Hwánthe hɛ́n hrómɛn ndu! 10Tɛmɛ Yankan obhɔ́ bhringbi khúbhɛ́ ebhá ndu, bhringbi khúbhɛ́ lókɔn khɛ́n ali lo the Davi ékɛ! Ló tɛmɛ nguhá ogɛ Yankan abha átho!
11Jezwi ka Jeruzalɛ́mɛn, ló ńno Yankan-khúthé. Mɛ́n ka ńwɛ́sɛ mɛ́n jɛ́ njɛ yí khúnbrɛn phu, mɛ́n le yíchwɛmán áwɔ́-mɔn wo lo Betani khúbhɛ́, átɛsalé ácí lɔ égu.
Jezwi phiamɔ́n se fígeyá bɛn
(Ɔ́n wú Mat 21.18-19)
12Lóka ácí ci, khɛ́n wo chan Betani khúbhɛ́ wo élo ɔn, lótɛ áko ka Jezwi phɔ. 13Ńwu fígeyá bɛn hɛ́nmɛn-áan, ńbi do lótho khúnbrɛn, ló ńno anwú kasé ánman gɛ lómí mɔ́nbɛn. Lókhɛ́n mɛ́n ka ńdi lóphɔ, ńbi nchán nɔn ado lótho, átɛsalé áka di lóka fíge só. 14Ló Jezwi tɔ se fígeyá sa:
– Olépɛ lephan brɛ olí hɛ mí bhrɔ́ɔ́!
Ló mɛ́n yíchwɛmán lɔ ye mɛ́n bhwe ńtɔ.
Jezwi bha Yankan-khúthé
(Ɔ́n wú Mat 21.12-17; Ɔ́n wú Lwik 19.45-48; Ɔ́n wú Jan 2.13-22)
15Lómánji, wo di Jeruzalɛ́mɛn. Jezwi lo Yankan-khúthé, ló ántranmán néphan ephɛ́ jɛ le wo khɛ́n wo ephɛ́ yí lí lóne. Ńda jɛtɛn-jrɛ́nmán le la-ndrɛ́nphɛ́límán ɔ́nmɔn tábrɛ mrwalé, 16ló ńnɛn yɔ lephan brɛ ka ákhwɛn nkɛ nɔnkwá bhúri khɔ Yankan-khúthé lo. 17Lómánji, ńnie wo yí, ló ńtɔ sa:
– Yankan hrɔ́ étɔ gbée salé: “Wo bhá che mɛn nkhú aféchwe khúnbrɛn yankanla-nkhú.” Khɛ́n hɔ́n-ɛ, ɔ́n hɔn jrɛn sídomán nɔn!
18Áyí khɛ́n atɛ, nphahamán-óthemánhɔn le bidíyɛ́nmán ɔ́nmɔn ye lóbhwe, ló wo énɛn lósi wo bhá khɔ́ wɛ́n Jezwi. Khɛ́n Jezwi yí álie ɔn, ápɔ ápasá mɛ, lóhɛ́nthé wo esó nkɛ.
19Lóka ácí égu, lótɛ Jezwi le mɛ́n yíchwɛmán ɔ́nmɔn chan khúbhɛ́ hrómɛn thandi.
Jezwi le fígeyá awɛ
(Ɔ́n wú Mat 21.20-22)
20Ńjuju fítaan ka wo khɔ sitó wo ehɛ́n, wo wu fígeyá, áwɛ kábrɛ kábrɛ ádi lómɛ́lu. 21Áyí aphrɛ tɛ bha hɛn, lóbhwe di Piɛ mwanhɛ́n, lótɛ ánkranmán Jezwi sa:
– Yíliéwo, wu a, fígeyá khɛ́n ɛphiamɔ́n se ɔn, khɔ́ lókhúnbrɛn wɛ́ phu.
22Lótɛ Jezwi kranman mɛ́n yíchwɛmán sa:
– Mímí mɛɛ́n kranmán hɔ́n: Tɛmɛ ɔ́n mú Yankan mímí! 23Kasé lephan bɛn ékranmán ábhóbhó bhri lókɔn lée: “Chan krɛn fi lo tré gwe hromɛn”, ló kasé mɛ́n thɛ́n hrómɛn ńnɛn sokhú, lókhɛ́n ńmu mímí salé mɛ́n bhwe mɛ́n tɔ lóyí bha tɛ́ mímí nbrɛn, ábha tɛ́ se anwú. 24Lóhɛ́nthé nɔn achɛse mɛɛ́n kranmán hɔ́n lée: Kasé hɔ́n esá yíbɛn yankanla hromɛn, tɛmɛ ɔ́n mú mímí salé ɔ́n gɛ lóyí, lótɛ wo bhá bhó lóyí sé hɔ́n. 25Lóka ɔ́n ya tho hɔ́n éla Yankan, kasé ábhwe bha hɔ́n le lephan bɛn ɔ́nmɔn thethé, tɛmɛ ɔ́n yɔ́ lóbhwe phɔ-ɛ, ochɛ́sé hɔ́n The abha átho lɔ oyɔ́ hɔ́n ne phɔ́ hɔ́n. [ 26Lókhɛ́n kasé ɔ́n ne yɔ néphan nankhɛ ne phɔ́ wo, hɔ́n The abha átho lɔ bha le yɔ́ hɔ́n ne phɔ́ hɔ́n bhrɔ́ɔ́.]
Jezwi sɛ́npɛ́ si achan
(Ɔ́n wú Mat 21.23-27; Ɔ́n wú Lwik 20.1-8)
27Jezwi le mɛ́n yíchwɛmán ɔ́nmɔn cu saji lo Jeruzalɛ́mɛn. Lóka Jezwi ya Yankan-khúthé ésɔdwan, lótɛ nphahamán-óthemánhɔn, bidíyɛ́nmán le mrɔ́khómán ɔ́nmɔn bha gɛ, 28ló wo ébhi nkɛ sa:
– Bí mɔ́nsi ɛgɛ khɛ́n ɛtɛ́ áyí yábhɛ lókɔnhɔn ɛ? Ló abɛn sé hɛ lómɔ́nsi?
29Ló Jezwi kranman nkɔn sa:
– Mɛn mán mi hɔ́n bhwe brɛ tɛɛ, kasé ɔ́n gɛ tɔ se mɛn ɔn, lótɛ mɛn lɔ, mɛn mɔ́nsi mɛn gɛ khɛ́n mɛn tɛ́ áyí yábhɛhɔn lókɔn ɔn, mán tɔ lóbhwe sé hɔ́n yé. 30Abɛn nɔn achɛ Jan bha ehá nduhɛ́n ɛ, wú Yankan lée nka néphanmiɔn? Ɔ́n tɔ obhá?
31Lókhɛ́n wo ya wo hromɛn tali bhwe ɔɔ, ló wo étɔ sa:
– Kasé lo étɔlé: “Yankan chɛ ńma”, lótɛ ánman mi lo lée: “Ló bítɛ khɛ́n ɔ́n ne bhu nkɛ mímí ɛ?” 32Saji, kasé lo étɔlé: “Néphan chɛ ńma...”
(Wo esó ápasá, lósi akhɔ tɛ ɔn, wo khúnbrɛn wo bhu salé, mímí nbrɛn Jan li bhwetɔ́tréwo.)
33Ló wo kranman Jezwi salé:
– Lo le yɛn.
– Ló Jezwi tɔ sa áyɔn! kasé hɔ́n nkɛé ɔ́n ne yɛn, ló mɛn lɔ, mɛn nɛn yɛn lómɔ́nsi mɛn gɛ khɛ́n mɛn tɛ́ áyí khúnbrɛn lókɔn.
Ebrié New Testament © Bible Society of Côte D'Ivoire, 1996.