LWIKHI 2
2
Wo ho Jezwi
(Ɔ́n wú Mat 1.18-25)
1Lóka lókɔn, ákhúbhɛ́-óthe bhrɔ́khó Ogúsi ha bidí salé, néphan khɛ́n abha Rɔ́mɛn gotho, ohá wo khúnbrɛn hɛ́n hrɔ́ mɛn. 2Lócí lókɔn khɛ́n wo lili wo ehá néphan hɛ́n hrɔ́ mɛn ɔn, Kirinuisi nɔn ali guvɛnɛ bha Siri gotho. 3Ló néphan khúnbrɛn eló wo brɛ brɛ khúbhɛ́ lo sé ohá wo hɛ́n hrɔ́ mɛn.
4Jozɛfu chan Nazarɛ́thi khúbhɛ́ abha Galile lo Bɛtelɛ́mɛn khúbhɛ́, abha Jude gotho, ali ási oho bhringbi Davi, átɛsalé Jozɛfu nbrɛn lɔ li Davi njibhi. 5Ńdo Mari a, ńdɔn mɛ́n khɛ́n ethí lábhɛ lɔ ka phɔ ɔ́nmɔn no anhá nkɛ lɔ hɛ́n hrɔ́ mɛn. 6Lóka wo bha Bɛtelɛ́mɛn khúbhɛ́ nɔn Mari hó cí lɔ si. 7Mari ho sɛbhri bɛn, ali mɛ́n sithwá yípɔ. Ńmo ádɛgɔn khrɔ́khrɔ́ mrwɛn nkɛ, ló ńhɔn nkɛ na ńbranmán yí alí nɛn hromɛn, átɛsalé wo le gɛ si ńkhú hrómɛn si ńthékhunɛ́n lá.
Yankan-mranchɛ́wo bɛn lɛ gbankhran-bómán mɛ
8Lóne gotho brɛ, ápɛ ńgbankhran-bómán dɔnbɛn bha bithe ébo wo gbankhran mréci mɛn. 9Hwánthe-mranchɛ́wo bɛn thandi ya wo hɛ́nmɛn, Hwánthe nguhá efí jekhali wo, lótɛ wo esókhú. 10Khɛ́n Yankan-mranchɛ́wo kranman nkɔn sa:
– Ɔ́n ne sókhú, mɛn mo ábhwe mímí bɛn ali áphɔhá bhwe ma mɛn sé aféchwe khúnbrɛn: 11ábhwe lókɔn, lónɔn ali salé, ncɛ́n mréci, Davi khúbhɛ́ hrómɛn, wo ho Adókáwo bɛn se hɔ́n, mɛ́n nɔn ńni Krisi, ali Hwánthe. 12Ló nɛn lósi ɔ́n ma khɔ́ yɛ́n nkɛ o: ńni yípɔ bhri bɛn wo bho ádɛgɔn khrɔ́khrɔ́ bɛn mrwɛn, ló ńna ńbranmán yí alí nɛn hromɛn.
13Lóyámɛ́n, Yankan-mranchɛ́mán búdúbúdú chantho bha hɛn Yankan-mranchɛ́wo lókɔn phɔ, wo élri Yankan hwa, ló wo étɔ sa:
14“Ńguhá gɛ Yankan abha átho-áan,
ló mɛ́n thɛ́nkhwálé gɛ áthéjinɛ́n
ali néphan khɛ́n ńpɔ!”
Ńgbankhran-bómán eló Bɛtelɛ́mɛn
15Lóka Yankan-mranchɛ́mán yɔ wo khwa khɛ́n ásáji lo tho ɔn, lótɛ ńgbankhran-bómán étɔ sé wo bɛn nbrɛn sa:
– Tɛmɛ oló Bɛtelɛ́mɛn: ló olo wú áyí atɛ, ábhwe khɛ́n Hwánthe tɔ se lo ye.
16Wo wa hɛ́nmɛn hɛ́nmɛn lo lóne. Wo gɛ Mari, Jozɛfu le yípɔ bhri ala ńbranmán yí alí nɛn hromɛn. 17Wo ka wo wu nkɛ, ábhwe Yankan-mranchɛ́wo tɔ se wo, khɛ́n ali yípɔ phɔ bhwe ɔn, wo lɛ lómɛ́n khúnbrɛn se nkɔn ye. 18Néphan khúnbrɛn tɛɛ aye ńgbankhran-bómán bhwe atɔ, etán wo hɛ́nmɛn. 19Khɛ́n Mari-ɛ, bho lóbhwe khúnbrɛn ka mɛ́n thɛ́n hrómɛn tre, ló antɛ́ lóphɔ hɛ́nphe. 20Ńgbankhran-bómán sáji lo, ló wo étɔ Yankan lephan khóo ali bhwe, wo élri nkɛ hwa, ábhwe wo ye le áyí wo wu hɛ́nthé, átɛsalé Yankan-mranchɛ́wo bhwe atɔ se wo ɔn, lóyí cɛ́ɛ́ nɔn wo wu.
Wo se Jezwi hɛ́n
21Ácído bɛn bha hɛn, ló ácí wo bhá jan yípɔ khɛn lɔ si, ló wo se nkɛ hɛ́n Jezwi ali ńhɛ́n khɛ́n Yankan-mranchɛ́wo tɔ lóbhwe tre bhrɔ́ɔ́, khɛ́n ádi lóka mɛ́n man thi nkɛ lábhɛ.
Wo hɔn Jezwi lo Yankan-khúthé
22Lómánji, ádi lóka Jozɛfu le Mari ɔ́nmɔn bha ha áphɔchó npha, sa lósi Moyízi bidí khɔ tɔ lóbhwe tre a. Jozɛfu le Mari ɔ́nmɔn hɔn yípɔ lo Jeruzalɛ́mɛn, sa wo hɔ́n nkɛ há Hwánthe mɔ́n mɛn, 23átɛsalé Hwánthe bidí hrɔ́ hrómɛn wo lrɛ tre sa: “Sɛbhri tɛɛ oho khɛ́n ali ásithwá yípɔ, áyɔn se salé ohɔ́n-ɛn ká njɛ tré Hwánthe lé.” 24Ló wo ha ńpha khɛ́n Hwánthe bidí énɛn, “ágɛ lí la-ndrɛ́n bhie bɛn le la-ndrɛ́n sɛ bɛn, saji ágɛ lí gwétré pɔ́-npɔ mɔn.”
25Lóka lókɔn, lephan óche Simeɔn lɔ bha Jeruzalɛ́mɛn. Lephan lókɔn, ńyɔn, ánji Yankan, ló ńchre ánbo lephan ábha do Izraɛ khúbhɛ́nɛ́n ká. Nánnánmi Créncré bha mɛ́n phɔ, 26ló nkɛ krɛnmɛn sa, Mesi khɛ́n Hwánthe bha chɛ́ bhá ɔn, ánman wú nkɛ khɛ́n ábha di mɛ́n khú ka. 27Nánnánmi chɛ Simeɔn lo Yankan-khúthé. Lóka lókɔn nɔn Jezwi mɛ́n themánhɔn hɔn wo bhi bhri lo etɛ́ ábidí yí énɛn. 28Simeɔn hɔn nkɛ bhle pɛ, ńna Yankan nansi, ló ántɔ sa:
29– Hwánthe, hɛ bhwe ɛtɔtre ɔn,
thénthé lóyí tɛ:
ló ɛgɛ sé hɛ nɛnkhwɛ́nwo mɔ́nsi,
ankhú ńthɛ́nkhwálé hrómɛn.
30Átɛsalé mɛɛn nbrɛn mɛbhí wu
hɛ swá ɛ́bha swa lo,
31áswa lókɔn khɛ́n ɛtɛ lóyí tre
aféchwe khúnbrɛn hɛ́nmɛn:
32áswa lókɔn nɔn ali áyéfí khɛ́n ábha chɛ́ áthéjinɛ́n
khúnbrɛn yɛ́n hɛ,
ló ábha bhó nguhá sé Izraɛ khúbhɛ́nɛ́n
ali hɛ féchwe.
Yankan bhwe Simeɔn tɔ
33Jezwi phɔ bhwe khɛ́n Simeɔn étɔ ɔn, etán mɛ́n the le mɛ́n man ɔ́nmɔn hɛ́nmɛn. 34Simeɔn bhɔ nkɛ ndu, ló ńkránman Jezwi man Mari lée:
– Yankan san yípɔ lókɔn tre salé, Izraɛ khúbhɛ́, mɛ́n hɛ́nthé néphan búdúbúdú bha hálé ńne hrómɛn, khɛ́n mɛ́n hɛ́nthé óbha swa néphan búdúbúdú lɔ. Ńni áyíbɛn Yankan tɛ, ló néphan bha khɔ́ mɛ́n phɔ swan. 35Néphan búdúbúdú hɛ́nphebhú khɛ́n ahrɔman tre wo thɛ́n hrómɛn, ánman chɛ́ lóhɛ́nphebhú lókɔn bha thándi gbée áyéfí hrómɛn. Lókhɛ́n bhie bhwá, hɛ ɔn, ábhwephé bha nran hɛ hɛ́nfan sa khókhríyan a.
Ánan ali bhwetɔ́tréya
36 Bhwetɔ́tréya bɛn bháne, mɛ́n hɛ́n li Ánan, mɛ́n the nɔn ali Fanwɛ achan Azɛ mándo hromɛn. Ánan lókɔn, ńthi kpɛ́ɛ́n. Ló sɛ khɛ́n ńchan mɛ́n bhiepɔ mɛn-áan phɛn ɔn, wo bháne ɔɔ áli ńpá khwache, lótɛ sɛ khu, 37ló ńjran ágrwan khúthé kábrɛ kábrɛ, ńgɛ ńpá mɔ-bhwelí le bhwelí. Yankan-khúthé tɛɛ nɔn ńma ánkhwɛn Yankan hɛ́nmɛn nɛn, ńcrɔ́n le mréci, ánnɛn chán lóne thándi bhrɔ́ɔ́: ánjimɛ́n, ló ánna Yankan. 38Lóka wo hɔn yípɔ bha Yankan-khúthé, mɛ́n lɔ ńpríman thandi lómɛ́n. Ńna Yankan nansi, ló ántɔ yípɔ lókɔn phɔ bhwe sé néphan khúnbrɛn khɛ́n achre ébo lóka Yankan bha swa Jeruzalɛ́mɛn.
Lóka wo saji lo Nazarɛ́thi
39Lóka Jezwi mɛ́n the le mɛ́n man ɔ́nmɔn tɛ Hwánthe bidí yí khúnbrɛn énɛn phu ɔn, wo do nkɛ ɔ́nmɔn saji lo Nazarɛ́thi ali wo khúbhɛ́ abha Galile gotho. 40Sɛbhri etɛ́ nkhóo, ángɛ sɛ́npɛ́. Ábhweyɛ́n si mɛ́n hrómɛn, ló Yankan phɔlíman bha mɛ́n phɔ.
Jezwi gɛ npá áwɔ́-mɔn, lóka ńno Yankan-khúthé
41Ápá khúnbrɛn, Jezwi mɛ́n the le mɛ́n man ɔ́nmɔn ló Jeruzalɛ́mɛn lo lí Phákhe fɛ́thi. 42Sa ló wo bháne wo tɛ́ wɔ́wɔ a. Lóka Jezwi gɛ npá áwɔ́-mɔn khɛ́n wo élo ɔn, wo do nkɛ lɔ kane ɔ́nmɔn lo. 43Lóka wo li fɛ́thi phu khɛ́n wo saji wo eló wo yé, yípɔ Jezwi-ɛ jran chre Jeruzalɛ́mɛn, khɛ́n mɛ́n man le mɛ́n the ɔ́nmɔn le wu lóbrɛ. 44Wo bhu salé Jezwi gɛ nkɛ jɔn ɔ́nmɔn lo, ló wo bho sitó pɛ wo élo. Áli ácíbhí nbrɛn khɛ́n wo énɛn nkɛ, wo mándo le wo jɔn ɔ́nmɔn hrómɛn. 45Khɛ́n wo le gɛ nkɛ bhrɔ́ɔ́, ló wo cu saji lo Jeruzalɛ́mɛn wo énɛn nkɛ. 46Áli ńcíbhí bhwaliá nbrɛn-áan khɛ́n wo gɛ nkɛ Yankan-khúthé: ńchre Jwifunɛ́n bidíyɛnmán thethé anyé nkɔn bhwe nkɔn étɔ, ló mɛ́n lɔ ánmi nkɔn bhwe. 47Lósi ńkhɔ ántɔ bhwe le mɛ́n bhweyɛ́n ńpɛ, néphan khúnbrɛn khɛ́n eyé mɛ́n bhwe ɔn, etán wo hɛ́nmɛn. 48Mɛ́n the le mɛ́n man ɔ́nmɔn ka awu nkɛ, lóbhwe etán wo hɛ́nmɛn, ló mɛ́n man ékranmán nkɛ sa:
– Mɛn mi, ébí yábhɛ li lókɔn ɛtɛ lo nɛn ɛ? Ńthɛ́nlí mɛn, mɛn le hɛ the ɔ́nmɔn lo énɛn hɛ.
49Ló ńkránman nkɔn sa:
– Bítɛ khɛ́n hɔ́n énɛn mɛn ɛ? Wú ɔ́n ne yɛn salé áyɔn sa mɛn chré mɛn Nthe khúthé?
50Mɛ́n bhwe ńtɔ se wo ɔn, wo le ye lóthé.
51Ló Jezwi gɛ wo ɔ́nmɔn saji lo Nazarɛ́thi. Ánji nkɔn, ló lóyí atɛ, mɛ́n man bho lóbhwe khúnbrɛn ka mɛ́n thɛ́n hrómɛn tre. 52Jezwi etɛ́ nkhóo ńnánmí mɛn, mɛ́n bhweyɛ́n lɔ ethúbhɔ háne, ló mɛ́n bhwe ekhwá Yankan le néphan ɔ́nmɔn hɛ́nmɛnlé.
Ebrié New Testament © Bible Society of Côte D'Ivoire, 1996.
LWIKHI 2
2
Wo ho Jezwi
(Ɔ́n wú Mat 1.18-25)
1Lóka lókɔn, ákhúbhɛ́-óthe bhrɔ́khó Ogúsi ha bidí salé, néphan khɛ́n abha Rɔ́mɛn gotho, ohá wo khúnbrɛn hɛ́n hrɔ́ mɛn. 2Lócí lókɔn khɛ́n wo lili wo ehá néphan hɛ́n hrɔ́ mɛn ɔn, Kirinuisi nɔn ali guvɛnɛ bha Siri gotho. 3Ló néphan khúnbrɛn eló wo brɛ brɛ khúbhɛ́ lo sé ohá wo hɛ́n hrɔ́ mɛn.
4Jozɛfu chan Nazarɛ́thi khúbhɛ́ abha Galile lo Bɛtelɛ́mɛn khúbhɛ́, abha Jude gotho, ali ási oho bhringbi Davi, átɛsalé Jozɛfu nbrɛn lɔ li Davi njibhi. 5Ńdo Mari a, ńdɔn mɛ́n khɛ́n ethí lábhɛ lɔ ka phɔ ɔ́nmɔn no anhá nkɛ lɔ hɛ́n hrɔ́ mɛn. 6Lóka wo bha Bɛtelɛ́mɛn khúbhɛ́ nɔn Mari hó cí lɔ si. 7Mari ho sɛbhri bɛn, ali mɛ́n sithwá yípɔ. Ńmo ádɛgɔn khrɔ́khrɔ́ mrwɛn nkɛ, ló ńhɔn nkɛ na ńbranmán yí alí nɛn hromɛn, átɛsalé wo le gɛ si ńkhú hrómɛn si ńthékhunɛ́n lá.
Yankan-mranchɛ́wo bɛn lɛ gbankhran-bómán mɛ
8Lóne gotho brɛ, ápɛ ńgbankhran-bómán dɔnbɛn bha bithe ébo wo gbankhran mréci mɛn. 9Hwánthe-mranchɛ́wo bɛn thandi ya wo hɛ́nmɛn, Hwánthe nguhá efí jekhali wo, lótɛ wo esókhú. 10Khɛ́n Yankan-mranchɛ́wo kranman nkɔn sa:
– Ɔ́n ne sókhú, mɛn mo ábhwe mímí bɛn ali áphɔhá bhwe ma mɛn sé aféchwe khúnbrɛn: 11ábhwe lókɔn, lónɔn ali salé, ncɛ́n mréci, Davi khúbhɛ́ hrómɛn, wo ho Adókáwo bɛn se hɔ́n, mɛ́n nɔn ńni Krisi, ali Hwánthe. 12Ló nɛn lósi ɔ́n ma khɔ́ yɛ́n nkɛ o: ńni yípɔ bhri bɛn wo bho ádɛgɔn khrɔ́khrɔ́ bɛn mrwɛn, ló ńna ńbranmán yí alí nɛn hromɛn.
13Lóyámɛ́n, Yankan-mranchɛ́mán búdúbúdú chantho bha hɛn Yankan-mranchɛ́wo lókɔn phɔ, wo élri Yankan hwa, ló wo étɔ sa:
14“Ńguhá gɛ Yankan abha átho-áan,
ló mɛ́n thɛ́nkhwálé gɛ áthéjinɛ́n
ali néphan khɛ́n ńpɔ!”
Ńgbankhran-bómán eló Bɛtelɛ́mɛn
15Lóka Yankan-mranchɛ́mán yɔ wo khwa khɛ́n ásáji lo tho ɔn, lótɛ ńgbankhran-bómán étɔ sé wo bɛn nbrɛn sa:
– Tɛmɛ oló Bɛtelɛ́mɛn: ló olo wú áyí atɛ, ábhwe khɛ́n Hwánthe tɔ se lo ye.
16Wo wa hɛ́nmɛn hɛ́nmɛn lo lóne. Wo gɛ Mari, Jozɛfu le yípɔ bhri ala ńbranmán yí alí nɛn hromɛn. 17Wo ka wo wu nkɛ, ábhwe Yankan-mranchɛ́wo tɔ se wo, khɛ́n ali yípɔ phɔ bhwe ɔn, wo lɛ lómɛ́n khúnbrɛn se nkɔn ye. 18Néphan khúnbrɛn tɛɛ aye ńgbankhran-bómán bhwe atɔ, etán wo hɛ́nmɛn. 19Khɛ́n Mari-ɛ, bho lóbhwe khúnbrɛn ka mɛ́n thɛ́n hrómɛn tre, ló antɛ́ lóphɔ hɛ́nphe. 20Ńgbankhran-bómán sáji lo, ló wo étɔ Yankan lephan khóo ali bhwe, wo élri nkɛ hwa, ábhwe wo ye le áyí wo wu hɛ́nthé, átɛsalé Yankan-mranchɛ́wo bhwe atɔ se wo ɔn, lóyí cɛ́ɛ́ nɔn wo wu.
Wo se Jezwi hɛ́n
21Ácído bɛn bha hɛn, ló ácí wo bhá jan yípɔ khɛn lɔ si, ló wo se nkɛ hɛ́n Jezwi ali ńhɛ́n khɛ́n Yankan-mranchɛ́wo tɔ lóbhwe tre bhrɔ́ɔ́, khɛ́n ádi lóka mɛ́n man thi nkɛ lábhɛ.
Wo hɔn Jezwi lo Yankan-khúthé
22Lómánji, ádi lóka Jozɛfu le Mari ɔ́nmɔn bha ha áphɔchó npha, sa lósi Moyízi bidí khɔ tɔ lóbhwe tre a. Jozɛfu le Mari ɔ́nmɔn hɔn yípɔ lo Jeruzalɛ́mɛn, sa wo hɔ́n nkɛ há Hwánthe mɔ́n mɛn, 23átɛsalé Hwánthe bidí hrɔ́ hrómɛn wo lrɛ tre sa: “Sɛbhri tɛɛ oho khɛ́n ali ásithwá yípɔ, áyɔn se salé ohɔ́n-ɛn ká njɛ tré Hwánthe lé.” 24Ló wo ha ńpha khɛ́n Hwánthe bidí énɛn, “ágɛ lí la-ndrɛ́n bhie bɛn le la-ndrɛ́n sɛ bɛn, saji ágɛ lí gwétré pɔ́-npɔ mɔn.”
25Lóka lókɔn, lephan óche Simeɔn lɔ bha Jeruzalɛ́mɛn. Lephan lókɔn, ńyɔn, ánji Yankan, ló ńchre ánbo lephan ábha do Izraɛ khúbhɛ́nɛ́n ká. Nánnánmi Créncré bha mɛ́n phɔ, 26ló nkɛ krɛnmɛn sa, Mesi khɛ́n Hwánthe bha chɛ́ bhá ɔn, ánman wú nkɛ khɛ́n ábha di mɛ́n khú ka. 27Nánnánmi chɛ Simeɔn lo Yankan-khúthé. Lóka lókɔn nɔn Jezwi mɛ́n themánhɔn hɔn wo bhi bhri lo etɛ́ ábidí yí énɛn. 28Simeɔn hɔn nkɛ bhle pɛ, ńna Yankan nansi, ló ántɔ sa:
29– Hwánthe, hɛ bhwe ɛtɔtre ɔn,
thénthé lóyí tɛ:
ló ɛgɛ sé hɛ nɛnkhwɛ́nwo mɔ́nsi,
ankhú ńthɛ́nkhwálé hrómɛn.
30Átɛsalé mɛɛn nbrɛn mɛbhí wu
hɛ swá ɛ́bha swa lo,
31áswa lókɔn khɛ́n ɛtɛ lóyí tre
aféchwe khúnbrɛn hɛ́nmɛn:
32áswa lókɔn nɔn ali áyéfí khɛ́n ábha chɛ́ áthéjinɛ́n
khúnbrɛn yɛ́n hɛ,
ló ábha bhó nguhá sé Izraɛ khúbhɛ́nɛ́n
ali hɛ féchwe.
Yankan bhwe Simeɔn tɔ
33Jezwi phɔ bhwe khɛ́n Simeɔn étɔ ɔn, etán mɛ́n the le mɛ́n man ɔ́nmɔn hɛ́nmɛn. 34Simeɔn bhɔ nkɛ ndu, ló ńkránman Jezwi man Mari lée:
– Yankan san yípɔ lókɔn tre salé, Izraɛ khúbhɛ́, mɛ́n hɛ́nthé néphan búdúbúdú bha hálé ńne hrómɛn, khɛ́n mɛ́n hɛ́nthé óbha swa néphan búdúbúdú lɔ. Ńni áyíbɛn Yankan tɛ, ló néphan bha khɔ́ mɛ́n phɔ swan. 35Néphan búdúbúdú hɛ́nphebhú khɛ́n ahrɔman tre wo thɛ́n hrómɛn, ánman chɛ́ lóhɛ́nphebhú lókɔn bha thándi gbée áyéfí hrómɛn. Lókhɛ́n bhie bhwá, hɛ ɔn, ábhwephé bha nran hɛ hɛ́nfan sa khókhríyan a.
Ánan ali bhwetɔ́tréya
36 Bhwetɔ́tréya bɛn bháne, mɛ́n hɛ́n li Ánan, mɛ́n the nɔn ali Fanwɛ achan Azɛ mándo hromɛn. Ánan lókɔn, ńthi kpɛ́ɛ́n. Ló sɛ khɛ́n ńchan mɛ́n bhiepɔ mɛn-áan phɛn ɔn, wo bháne ɔɔ áli ńpá khwache, lótɛ sɛ khu, 37ló ńjran ágrwan khúthé kábrɛ kábrɛ, ńgɛ ńpá mɔ-bhwelí le bhwelí. Yankan-khúthé tɛɛ nɔn ńma ánkhwɛn Yankan hɛ́nmɛn nɛn, ńcrɔ́n le mréci, ánnɛn chán lóne thándi bhrɔ́ɔ́: ánjimɛ́n, ló ánna Yankan. 38Lóka wo hɔn yípɔ bha Yankan-khúthé, mɛ́n lɔ ńpríman thandi lómɛ́n. Ńna Yankan nansi, ló ántɔ yípɔ lókɔn phɔ bhwe sé néphan khúnbrɛn khɛ́n achre ébo lóka Yankan bha swa Jeruzalɛ́mɛn.
Lóka wo saji lo Nazarɛ́thi
39Lóka Jezwi mɛ́n the le mɛ́n man ɔ́nmɔn tɛ Hwánthe bidí yí khúnbrɛn énɛn phu ɔn, wo do nkɛ ɔ́nmɔn saji lo Nazarɛ́thi ali wo khúbhɛ́ abha Galile gotho. 40Sɛbhri etɛ́ nkhóo, ángɛ sɛ́npɛ́. Ábhweyɛ́n si mɛ́n hrómɛn, ló Yankan phɔlíman bha mɛ́n phɔ.
Jezwi gɛ npá áwɔ́-mɔn, lóka ńno Yankan-khúthé
41Ápá khúnbrɛn, Jezwi mɛ́n the le mɛ́n man ɔ́nmɔn ló Jeruzalɛ́mɛn lo lí Phákhe fɛ́thi. 42Sa ló wo bháne wo tɛ́ wɔ́wɔ a. Lóka Jezwi gɛ npá áwɔ́-mɔn khɛ́n wo élo ɔn, wo do nkɛ lɔ kane ɔ́nmɔn lo. 43Lóka wo li fɛ́thi phu khɛ́n wo saji wo eló wo yé, yípɔ Jezwi-ɛ jran chre Jeruzalɛ́mɛn, khɛ́n mɛ́n man le mɛ́n the ɔ́nmɔn le wu lóbrɛ. 44Wo bhu salé Jezwi gɛ nkɛ jɔn ɔ́nmɔn lo, ló wo bho sitó pɛ wo élo. Áli ácíbhí nbrɛn khɛ́n wo énɛn nkɛ, wo mándo le wo jɔn ɔ́nmɔn hrómɛn. 45Khɛ́n wo le gɛ nkɛ bhrɔ́ɔ́, ló wo cu saji lo Jeruzalɛ́mɛn wo énɛn nkɛ. 46Áli ńcíbhí bhwaliá nbrɛn-áan khɛ́n wo gɛ nkɛ Yankan-khúthé: ńchre Jwifunɛ́n bidíyɛnmán thethé anyé nkɔn bhwe nkɔn étɔ, ló mɛ́n lɔ ánmi nkɔn bhwe. 47Lósi ńkhɔ ántɔ bhwe le mɛ́n bhweyɛ́n ńpɛ, néphan khúnbrɛn khɛ́n eyé mɛ́n bhwe ɔn, etán wo hɛ́nmɛn. 48Mɛ́n the le mɛ́n man ɔ́nmɔn ka awu nkɛ, lóbhwe etán wo hɛ́nmɛn, ló mɛ́n man ékranmán nkɛ sa:
– Mɛn mi, ébí yábhɛ li lókɔn ɛtɛ lo nɛn ɛ? Ńthɛ́nlí mɛn, mɛn le hɛ the ɔ́nmɔn lo énɛn hɛ.
49Ló ńkránman nkɔn sa:
– Bítɛ khɛ́n hɔ́n énɛn mɛn ɛ? Wú ɔ́n ne yɛn salé áyɔn sa mɛn chré mɛn Nthe khúthé?
50Mɛ́n bhwe ńtɔ se wo ɔn, wo le ye lóthé.
51Ló Jezwi gɛ wo ɔ́nmɔn saji lo Nazarɛ́thi. Ánji nkɔn, ló lóyí atɛ, mɛ́n man bho lóbhwe khúnbrɛn ka mɛ́n thɛ́n hrómɛn tre. 52Jezwi etɛ́ nkhóo ńnánmí mɛn, mɛ́n bhweyɛ́n lɔ ethúbhɔ háne, ló mɛ́n bhwe ekhwá Yankan le néphan ɔ́nmɔn hɛ́nmɛnlé.
Ebrié New Testament © Bible Society of Côte D'Ivoire, 1996.