फिलिप्पी 4
4
1येरेक्यूत्देबे ङैजे अत-अची च्योन्यू, ङ नमयूने माया चीक्क्य, मेस्ये नमयूने सोरो ह्वे चीन्न ख्यङ्, नमयूदे ङैने सोरो सेम् सूग्लाबे चीम्मीदे मेस्ये नमयू ङैजे कामजे इनाम ख्यङ्। ङैजे छेब अत अची च्योन्यू येरप्रने प्रभुने बोल्यो क्यून्नू। 2ङ इयोदिया मेस्ये सुन्तुखेने प्रभुजे मीन्ने सेम्त्या क्यूरो यदेबे बिन्ती चीक्क्य। 3ङैप्रे-प्रे काम फरब विश्वासी ख्योन्, ननेये ङ बिन्ती चीक्क्य, अम्ब मदीयूने तोङ्मी, चेनेयलो अम्ब मदीयूदे सूगब खबर स्य्वेब कामने ङैप्रे, क्लेमेसप्रे मेस्ये जीयाजे किताबने मीन् ख्यब सूजो ङै प्रे-प्रे काम फरब ख्योन्यूप्रेये सोरो छेम्प्रे चीक्क ख्यङ्। 4येतार्ने प्रभुप्रे बेस्से सूग्नू। ङ फेरि यीय, बेस्से सूग्नू। 5क्वाप्रेने ज्य व्यवहार चेब, नमयूजे बनी क्वादेने था प्रेस्स्य। प्रभु छ्योट्टोने ल्वारीय। 6चैपोनेये सूर्त अन्चील्लाची, तर नमयूने हर्जो क्यूरब से परमेश्वरप्रे प्रार्थना चीत्देबे य, मेस्ये धन्यवाद पीन्देबे बिन्ती ची। 7मेस्ये ङीनजे ज्ञानदे क्वने अङ्ख्वब परमेश्वरजे शान्ति ख्यङ्, हम्ब शान्तिदे नमयूजे ह्वे चे ख्वब शक्ति मेस्ये सेम्ने येशू ख्रीष्टने जूक्तीदे येम्मीय। 8आखिरीने, अत अची च्योन्यू, चै से तम्दम् ख्यङ्, चै से गेसेन् चे लायकजे ख्यङ्, चै से ठीक ख्यङ्, चै से शुद्ध ख्यङ्, चै से प्रेम चेब लायकजे ख्यङ्, चै से सोरो छेब ख्यङ्, सोरो हार्मन्देत्या ज्य से मेस्ये चत्यासे सार्या चेब लायकजे ख्यङ्लो होर सेयूने सेम् पीनो। 9ङैदे लोम्मीब नमयूदे चै पो लोम्दे, ग्रहण चीत्दे, तदे मेस्ये ङैने तङ्दे, हम्बने ची, मेस्ये शान्तिजे परमेश्वर नमयूप्रे क्यूक्क्य।
थमयूदे पीम्बेब भेटीजे लागि धन्यवाद
10कूम दिन ङ्येदे ङैने ह्वे चीत्देबे फेरि तोङ्मेब सेम् नमयूने क्यूट्ट तङ्देबे ङैजे सेम् प्रभुने सूग्न ख्यङ् तम्दम्ने नमयूदे ङैजे लागि सूर्त चीन्न ख्य, तर हम्ब तनब मौका अम्प्रे ख्य। 11ङैने हर्जो क्यूर ख्यङ् यदेबे नमयूने येर य दी, चेनेयलो ङै फ्याने च पर्तीरली हम्बनेने सून्ताकी क्यूत्देबे टूङब लोम्क ख्यङ्। 12हर्जो क्यूर यब च ख्यङ् हम्ब ङैदे स्ये ख्यङ्, मेस्ये मोक्तो क्यूर यब च ख्यङ् हम्बये ङैदे स्ये ख्यङ्। कलाबे चप्रे क्यूप्प या चअम्प्रे क्यूप्प, मोक्तो क्यूप्प या अम्पूक्ते-अनुसारते क्यूप्प, ङै फ्याने येर चने पर्तीरली सून्ताकी क्यूत्देबे केरे जीया च पर्दे यब नङ्सू पो ङैदे लोम्क ख्यङ्। 13सूदे ङैने शक्ति पीन्क्य, ङूप्रे क्यूत्देबे ङ साप्ताकूरूने चे खूइय। 14होरेक्यूल्लीने नमयूदे ङैजे सकस्ने तोङ्मीदेबे सोरो ज्य चीत्दे। 15सूगब खबर स्योत्देबे माकेडोनिया पोङ्गीब पात्ता खूम् नमयूदे त्यामे ङैने तोङ्मीदे, सूजो मण्डलीयू सूदेये अन्तोङ्मी यदेबे नम फिलिप्पीजे मण्डलीयूने था ख्यङ्, 16#मूल स्यूस्स्यायूजे कामजे किताब 17:1#२ कोरिन्थी 11:9चेनेयलो ङ थेसलोनिकेने ख्यङ्बये नमयूदे ङैने हर्जो क्यूप्प त्याफेत्या दीलाबे कूमफे साक्तीमीदे। 17ङैदे नमयूट्यादे सूजो दान प्रेने दी, तर नमयूदे पीनब दानजे कारणदे परमेश्वरदे नमयूने इनाम पीन्स्य मन ख्यङ्। 18#प्रस्थान 29:18ङैदे प्रेपर्ते यली थेप्ने प्रेक्क ख्यङ्। नमयूदे एपाफ्रोडिटसजे लाने चङ्बेब हम्ब दान परमेश्वरने सेम् पर्तेब, लेम् बस्न रब मेस्ये सूग्लाबे चेब बलिप्र ङैदे प्रेत्देबे बेस्से सूग ख्यङ्। 19ङैजे परमेश्वरदे रङ्सेप्रे कोलानेयली म्यूर्नब सम्पत्ति अनुसार नमयूजे साप्ता हर्जोयू ख्रीष्ट येशूने पूरा चीम्मीय। 20जेम्से येतार्ने ङीन्जे परमेश्वर पने महिमा क्यून्नूस्य। आमेन।
आखिरी नमस्कार
21ख्रीष्ट येशूने ख्यब परमेश्वरजे पवित्र मीयू क्वानेने नमस्कार ख्यङ् य। ङै ट्याने ख्यब विश्वासीयूदे नमयूने नमस्कार येबे ख्यङ्। 22परमेश्वरजे पवित्र मीयू क्वादेने मेस्ये हम्ब यली थेप् कैसरजे म्हीतीदे नमयूने नमस्कार येबे ख्यङ्। 23प्रभु येशू ख्रीष्टजे अनुग्रह नमयू क्वाजे आत्माप्रे क्यूस्स्य।
Ghale New Testament © Nepal Bible Society, 2011.
फिलिप्पी 4
4
1येरेक्यूत्देबे ङैजे अत-अची च्योन्यू, ङ नमयूने माया चीक्क्य, मेस्ये नमयूने सोरो ह्वे चीन्न ख्यङ्, नमयूदे ङैने सोरो सेम् सूग्लाबे चीम्मीदे मेस्ये नमयू ङैजे कामजे इनाम ख्यङ्। ङैजे छेब अत अची च्योन्यू येरप्रने प्रभुने बोल्यो क्यून्नू। 2ङ इयोदिया मेस्ये सुन्तुखेने प्रभुजे मीन्ने सेम्त्या क्यूरो यदेबे बिन्ती चीक्क्य। 3ङैप्रे-प्रे काम फरब विश्वासी ख्योन्, ननेये ङ बिन्ती चीक्क्य, अम्ब मदीयूने तोङ्मी, चेनेयलो अम्ब मदीयूदे सूगब खबर स्य्वेब कामने ङैप्रे, क्लेमेसप्रे मेस्ये जीयाजे किताबने मीन् ख्यब सूजो ङै प्रे-प्रे काम फरब ख्योन्यूप्रेये सोरो छेम्प्रे चीक्क ख्यङ्। 4येतार्ने प्रभुप्रे बेस्से सूग्नू। ङ फेरि यीय, बेस्से सूग्नू। 5क्वाप्रेने ज्य व्यवहार चेब, नमयूजे बनी क्वादेने था प्रेस्स्य। प्रभु छ्योट्टोने ल्वारीय। 6चैपोनेये सूर्त अन्चील्लाची, तर नमयूने हर्जो क्यूरब से परमेश्वरप्रे प्रार्थना चीत्देबे य, मेस्ये धन्यवाद पीन्देबे बिन्ती ची। 7मेस्ये ङीनजे ज्ञानदे क्वने अङ्ख्वब परमेश्वरजे शान्ति ख्यङ्, हम्ब शान्तिदे नमयूजे ह्वे चे ख्वब शक्ति मेस्ये सेम्ने येशू ख्रीष्टने जूक्तीदे येम्मीय। 8आखिरीने, अत अची च्योन्यू, चै से तम्दम् ख्यङ्, चै से गेसेन् चे लायकजे ख्यङ्, चै से ठीक ख्यङ्, चै से शुद्ध ख्यङ्, चै से प्रेम चेब लायकजे ख्यङ्, चै से सोरो छेब ख्यङ्, सोरो हार्मन्देत्या ज्य से मेस्ये चत्यासे सार्या चेब लायकजे ख्यङ्लो होर सेयूने सेम् पीनो। 9ङैदे लोम्मीब नमयूदे चै पो लोम्दे, ग्रहण चीत्दे, तदे मेस्ये ङैने तङ्दे, हम्बने ची, मेस्ये शान्तिजे परमेश्वर नमयूप्रे क्यूक्क्य।
थमयूदे पीम्बेब भेटीजे लागि धन्यवाद
10कूम दिन ङ्येदे ङैने ह्वे चीत्देबे फेरि तोङ्मेब सेम् नमयूने क्यूट्ट तङ्देबे ङैजे सेम् प्रभुने सूग्न ख्यङ् तम्दम्ने नमयूदे ङैजे लागि सूर्त चीन्न ख्य, तर हम्ब तनब मौका अम्प्रे ख्य। 11ङैने हर्जो क्यूर ख्यङ् यदेबे नमयूने येर य दी, चेनेयलो ङै फ्याने च पर्तीरली हम्बनेने सून्ताकी क्यूत्देबे टूङब लोम्क ख्यङ्। 12हर्जो क्यूर यब च ख्यङ् हम्ब ङैदे स्ये ख्यङ्, मेस्ये मोक्तो क्यूर यब च ख्यङ् हम्बये ङैदे स्ये ख्यङ्। कलाबे चप्रे क्यूप्प या चअम्प्रे क्यूप्प, मोक्तो क्यूप्प या अम्पूक्ते-अनुसारते क्यूप्प, ङै फ्याने येर चने पर्तीरली सून्ताकी क्यूत्देबे केरे जीया च पर्दे यब नङ्सू पो ङैदे लोम्क ख्यङ्। 13सूदे ङैने शक्ति पीन्क्य, ङूप्रे क्यूत्देबे ङ साप्ताकूरूने चे खूइय। 14होरेक्यूल्लीने नमयूदे ङैजे सकस्ने तोङ्मीदेबे सोरो ज्य चीत्दे। 15सूगब खबर स्योत्देबे माकेडोनिया पोङ्गीब पात्ता खूम् नमयूदे त्यामे ङैने तोङ्मीदे, सूजो मण्डलीयू सूदेये अन्तोङ्मी यदेबे नम फिलिप्पीजे मण्डलीयूने था ख्यङ्, 16#मूल स्यूस्स्यायूजे कामजे किताब 17:1#२ कोरिन्थी 11:9चेनेयलो ङ थेसलोनिकेने ख्यङ्बये नमयूदे ङैने हर्जो क्यूप्प त्याफेत्या दीलाबे कूमफे साक्तीमीदे। 17ङैदे नमयूट्यादे सूजो दान प्रेने दी, तर नमयूदे पीनब दानजे कारणदे परमेश्वरदे नमयूने इनाम पीन्स्य मन ख्यङ्। 18#प्रस्थान 29:18ङैदे प्रेपर्ते यली थेप्ने प्रेक्क ख्यङ्। नमयूदे एपाफ्रोडिटसजे लाने चङ्बेब हम्ब दान परमेश्वरने सेम् पर्तेब, लेम् बस्न रब मेस्ये सूग्लाबे चेब बलिप्र ङैदे प्रेत्देबे बेस्से सूग ख्यङ्। 19ङैजे परमेश्वरदे रङ्सेप्रे कोलानेयली म्यूर्नब सम्पत्ति अनुसार नमयूजे साप्ता हर्जोयू ख्रीष्ट येशूने पूरा चीम्मीय। 20जेम्से येतार्ने ङीन्जे परमेश्वर पने महिमा क्यून्नूस्य। आमेन।
आखिरी नमस्कार
21ख्रीष्ट येशूने ख्यब परमेश्वरजे पवित्र मीयू क्वानेने नमस्कार ख्यङ् य। ङै ट्याने ख्यब विश्वासीयूदे नमयूने नमस्कार येबे ख्यङ्। 22परमेश्वरजे पवित्र मीयू क्वादेने मेस्ये हम्ब यली थेप् कैसरजे म्हीतीदे नमयूने नमस्कार येबे ख्यङ्। 23प्रभु येशू ख्रीष्टजे अनुग्रह नमयू क्वाजे आत्माप्रे क्यूस्स्य।
Ghale New Testament © Nepal Bible Society, 2011.