कलस्सी किताबजे बारेने
किताबजे बारेने
कलस्से मध्यपूर्व (दीनीजे टर्की देश)-परदे ख्यङ्, रोमी साम्राज्यने ख्यब चीद सहर त्या ख्यङ्। अम्ब सहर एफिसस यब सहरदे अन्दाजि ५० कोस चीन्तङ् पर्दे ख्यङ्। पावल एफिससने ख्यङ्ब कलस्से सहरदे कोइ-कोइ मीयू रदेबे पावलजे शिक्षा ङ्यीनदे, हम्ब नङ्ने इपाफ्रास यब मी त्या ख्य, ङूदे सुगब खबर पूरा क्वमेस्ये कलस्सेने ल्वाइदे होयाने सर् ख्रीष्टियान मण्डली त्या सूरू चीत्दे।
हम्ब मण्डलीने कोले-कोले रदेबे लूच्च शिक्षा मेस्ये सूजो विचारयू लङ्न ख्य; मेस्ये “येर लूच्च शिक्षाने मेल्बेने या हरदीबेने सत्य सत्य वचनजे चिट्ठी त्या लिख्दीदेबे ङीन्जे मण्डलीने चङ्पी” यदेबे इपाफ्रासदे पावलने बिन्ती चेख्य। मध्यपूर्वने ख्यब विश्वासीयू क्वादेने पावलजे मीन खूम्ने तख्य, होरेक्यूत्देबे थमयूदे पावलजे पो ङीन्कीच यदेबे इपाफ्रासजे अस्रो ख्य।
येरेक्यूत्देबे कलस्सीयूने लिख्दीयेब चिट्ठीजे खूम्जे अध्याय ङ्हीने पावलदे ख्रीष्टजे बारेने सत्य शिक्षा पीनङ्येदे, अध्याय सोम्ने मेस्ये स्यीने अम्ब लूच्च शिक्षाजे ख्यालने लिख्दे ख्यङ्। अम्ब पात्ता ङ्येजे अध्याय ङ्हीने ङीन रङ्से-रङ्सेदे ख्रीष्टियान जीया केरेबे च पर्दे यदेबे पावलदे ङीनने ज्य लोम-तन चीम्मे ख्यङ्।
पावलदे अम्ब चिट्ठी ई. सं. ६०-६१-ने रोमजे झ्यालखानने ख्यब बीलने लिख्दे ख्य यब बाइबलजे कूम इतिहासकारयूदे विचार चेख्यङ्। एफिसीयूने लिख्देब पावलजे चिट्ठीप्रेप्रे अम्ब चिट्ठीये पावलने तोङ्मेब तूखीकस यब मीजे लादे सयेख्य।
पावलदे जीया केरे चदे यब पो थेप थाप्रेजे लागि पावलदे रोमीयूने चङ्बेब चिट्ठीजे परिचयने ले खूय।
Ghale New Testament © Nepal Bible Society, 2011.
कलस्सी किताबजे बारेने
किताबजे बारेने
कलस्से मध्यपूर्व (दीनीजे टर्की देश)-परदे ख्यङ्, रोमी साम्राज्यने ख्यब चीद सहर त्या ख्यङ्। अम्ब सहर एफिसस यब सहरदे अन्दाजि ५० कोस चीन्तङ् पर्दे ख्यङ्। पावल एफिससने ख्यङ्ब कलस्से सहरदे कोइ-कोइ मीयू रदेबे पावलजे शिक्षा ङ्यीनदे, हम्ब नङ्ने इपाफ्रास यब मी त्या ख्य, ङूदे सुगब खबर पूरा क्वमेस्ये कलस्सेने ल्वाइदे होयाने सर् ख्रीष्टियान मण्डली त्या सूरू चीत्दे।
हम्ब मण्डलीने कोले-कोले रदेबे लूच्च शिक्षा मेस्ये सूजो विचारयू लङ्न ख्य; मेस्ये “येर लूच्च शिक्षाने मेल्बेने या हरदीबेने सत्य सत्य वचनजे चिट्ठी त्या लिख्दीदेबे ङीन्जे मण्डलीने चङ्पी” यदेबे इपाफ्रासदे पावलने बिन्ती चेख्य। मध्यपूर्वने ख्यब विश्वासीयू क्वादेने पावलजे मीन खूम्ने तख्य, होरेक्यूत्देबे थमयूदे पावलजे पो ङीन्कीच यदेबे इपाफ्रासजे अस्रो ख्य।
येरेक्यूत्देबे कलस्सीयूने लिख्दीयेब चिट्ठीजे खूम्जे अध्याय ङ्हीने पावलदे ख्रीष्टजे बारेने सत्य शिक्षा पीनङ्येदे, अध्याय सोम्ने मेस्ये स्यीने अम्ब लूच्च शिक्षाजे ख्यालने लिख्दे ख्यङ्। अम्ब पात्ता ङ्येजे अध्याय ङ्हीने ङीन रङ्से-रङ्सेदे ख्रीष्टियान जीया केरेबे च पर्दे यदेबे पावलदे ङीनने ज्य लोम-तन चीम्मे ख्यङ्।
पावलदे अम्ब चिट्ठी ई. सं. ६०-६१-ने रोमजे झ्यालखानने ख्यब बीलने लिख्दे ख्य यब बाइबलजे कूम इतिहासकारयूदे विचार चेख्यङ्। एफिसीयूने लिख्देब पावलजे चिट्ठीप्रेप्रे अम्ब चिट्ठीये पावलने तोङ्मेब तूखीकस यब मीजे लादे सयेख्य।
पावलदे जीया केरे चदे यब पो थेप थाप्रेजे लागि पावलदे रोमीयूने चङ्बेब चिट्ठीजे परिचयने ले खूय।
Ghale New Testament © Nepal Bible Society, 2011.