फिलिप्पी 3
3
रङ्से ङ्वने चेब छ्यप्यूने भर् अम्पर्तीलाची
1आखिरीने अत-अची च्योन्यू, प्रभुप्रे क्यूत्देबे सेम् सूग्नू। मालाङ् नमयूने लिख्दीकब पोयू फेरि लिख्देने ङ अन्छर्, चेनेयलो अम्ब पोदे नमयूने ज्य चीक्क्य। 2क्योयूजेप्र व्यवहार तनब मीयू, अन्ज्य काम फरब मीयूप्रे मेस्ये खतना चेब मीयूप्रे होस्स्यार क्यूत्देबे टूङ्। 3तम्दम् खतना चीक्कब मीयू ङी ख्यङ् चेनेयलो पवित्र आत्मादे पीनब शक्तिदे परमेश्वरने ङी पूस्तीय मेस्ये ख्रीष्ट येशूदे च-चीम्मीदे हम्बजे लागि ङी केन् त्वोक्क्य, मेस्ये फीने तङब छ्यप्यूने ङी भर् अम्पर्ती। 4कादेये कोइ मीजे फीजे ङ्वजे पोने भर् चेब कारण ख्यङ्-यलो ङैजेब पात्ता नङ्ने थेप् भर् चे ख्वब कारण ख्यङ्। 5#रोमी 11:1; मूल स्यूस्स्यायूजे कामजे किताब 23:6; 26:5येर्याने ङैजे खतना क्यूक्क ख्य। ङ बेन्यामीन खलकजे इस्राएली ख्य, ङैजे मेमेयू क्वाने हिब्रू ख्य, मोशाजे नियमजे पो चे यलो ङ फरिसी ख्यङ्। 6#मूल स्यूस्स्यायूजे कामजे किताब 8:3; 22:4; 26:9-11जोस्जे पो चे यलो मण्डलीने कूम सतनम् पीनब काम, धर्मजे पो चे यलो मोशाजे नियमने ख्यब धर्मजे पो अनुसार चैत्याये खोट् त्वब ठर्तीक ख्य। 7तर ङैजे लागि फाइदा क्यूरब साप्ता पोयू ख्रीष्टजे लागि हानी क्यूर टूङ् मन्दे। 8अन्छूत्यात्या दी, ख्रीष्ट येशू ङैजे प्रभुने स्ये प्रेब सोरो फत्या केन् पोप्रे कर्देयलो सूजो पोयू क्वाने हानी क्यूर टोङ् यदेबे ङ मन्क्य। ङैदे येशू ख्रीष्टने प्रेखूस्य यदेबे साप्ताकूरूने पोङ्ये ख्यङ् मेस्ये अम्बयू क्वाने छाबेब फोहोर-मैलाप्रत्या ख्यङ् यदेबे मन्क्य, 9मेस्ये ङ पूरा रूप्ने ङूप्र क्यूर खूस्य। मोशाजे नियम मन्दीदे हम्ब अनुसार फरब कामदे ङ धर्मी ठर्ते दी, तर ङैदे ख्रीष्ट फ्याने विश्वास चीत्देबे परमेश्वरदे ङैने धर्मी ठर्तीमे ख्यङ्। 10ङैदे ख्रीष्टने मेस्ये ङूने सीइदेबे फेरि सोम्बो क्यूरब शक्तिने चेलाबे स्ये खूस्य। ङ ङूजे दु:खने सामेल् क्यूत्देबे ङू सीयेब बीलसेमेने ङ ख्रीष्टप्रने क्यूत्दीङ् र ख्यङ्। 11क्योत्देयलो ङैये सीब ङ्येदे फेरि सोम्बो क्यूर खूस्य यदेबे चीन्न ख्यङ्।
फ्योब पर्तेब सेन्तेले छ्योङ्
12अम्बयू क्वाने ङैदे मालाङ्ने प्रेक्क ख्यङ् या साप्ता पोदे ङ मालाङ्ने सिद्ध क्यूक्क ख्यङ् यदेबे दी, तर कम्ब सिद्धताजे लागि ख्रीष्टदे ङैने रङ्सेजे चीत्दे हम्ब सिद्धता प्रेजे लागि ङ बोङ् चीन्न ख्यङ्! 13अत-अची च्योन्यू, ङैदे अम्ब पोयू क्वाने प्रेक्कदे अम्मन्, तर ङ कामत्या फर्क्य चेनेयलो हम्ब ङैदे मालाङ्ने चीक्कब पोयू येल्बीदेबे, जेम्से क्यूट्टब पोयूतेले च्योर्लाबे प्रेन ख्यङ्, 14परमेश्वरदे स्वर्गने कोदेबे येशू ख्रीष्टजे कारण पीनब इनाम प्रेने ङ फ्योब पर्तेब सेन्तेले च्योर्ला ग्येबीनीय। 15विश्वास चीत्देबे पाको क्यूरेब ङीनयू क्वाजे सेम् येरप्रने क्यूर पर्तीय, मेस्ये कोइ पोने नमयूजे सेम् सूजो ख्यङ् यलो परमेश्वरदे हम्बये नमयूने कोलाबे चीम्मीय। 16ङीनदे च प्रेक्क ख्यङ्, हम्बनेत्या बोल्यो क्यूत्देबे टूङ पर्तीय। 17#१ कोरिन्थी 4:16; 11:1अत-अची च्योन्यू, नमयू ङैदे केरे चीक्को होरप्रने चेब क्यूरो। ङीदे कर नमूनाजे जीया चब नमयूदे तङ्दे, हम्ब अनुसारजे जीया चबयूनेये ले। 18ङैदे कूमफे स्योक्कब हम्ब मीयूजे पो फेरि ङूये ङूये नमयूने यीय, थमयूदे क्रूसने सीयेब ख्रीष्टजे शत्रुयूप्र क्यूत्देबे जीया च ख्यङ्। 19थमयू आखिरीने नाश क्यूप्पीय, लो थमयूजे ईश्वर, त्वाब पोने थमयू थेप् केन् त्वोक्क्य मेस्ये संसारजे थोकयूनेत्या थमयूदे सेम् पीन्नीय। 20तर ङीनजे नागरिकता स्वर्गने ख्यङ्। मुक्ति पीनब प्रभु येशू ख्रीष्ट स्वर्गदे रीय यदेबे ङीन लम् लेन्न ख्यङ्। 21ङूदे रङ्सेजे शक्तिदे साप्ता कूरूने रङ्सेजे हक नङ्ने रे खूइय, हम्ब शक्तिदे ङीनजे चैकम्तेब ङ्वनेये रङ्सेजे महिमा क्यूरेब ङ्वप्रने चीम्मीय।
Ghale New Testament © Nepal Bible Society, 2011.
फिलिप्पी 3
3
रङ्से ङ्वने चेब छ्यप्यूने भर् अम्पर्तीलाची
1आखिरीने अत-अची च्योन्यू, प्रभुप्रे क्यूत्देबे सेम् सूग्नू। मालाङ् नमयूने लिख्दीकब पोयू फेरि लिख्देने ङ अन्छर्, चेनेयलो अम्ब पोदे नमयूने ज्य चीक्क्य। 2क्योयूजेप्र व्यवहार तनब मीयू, अन्ज्य काम फरब मीयूप्रे मेस्ये खतना चेब मीयूप्रे होस्स्यार क्यूत्देबे टूङ्। 3तम्दम् खतना चीक्कब मीयू ङी ख्यङ् चेनेयलो पवित्र आत्मादे पीनब शक्तिदे परमेश्वरने ङी पूस्तीय मेस्ये ख्रीष्ट येशूदे च-चीम्मीदे हम्बजे लागि ङी केन् त्वोक्क्य, मेस्ये फीने तङब छ्यप्यूने ङी भर् अम्पर्ती। 4कादेये कोइ मीजे फीजे ङ्वजे पोने भर् चेब कारण ख्यङ्-यलो ङैजेब पात्ता नङ्ने थेप् भर् चे ख्वब कारण ख्यङ्। 5#रोमी 11:1; मूल स्यूस्स्यायूजे कामजे किताब 23:6; 26:5येर्याने ङैजे खतना क्यूक्क ख्य। ङ बेन्यामीन खलकजे इस्राएली ख्य, ङैजे मेमेयू क्वाने हिब्रू ख्य, मोशाजे नियमजे पो चे यलो ङ फरिसी ख्यङ्। 6#मूल स्यूस्स्यायूजे कामजे किताब 8:3; 22:4; 26:9-11जोस्जे पो चे यलो मण्डलीने कूम सतनम् पीनब काम, धर्मजे पो चे यलो मोशाजे नियमने ख्यब धर्मजे पो अनुसार चैत्याये खोट् त्वब ठर्तीक ख्य। 7तर ङैजे लागि फाइदा क्यूरब साप्ता पोयू ख्रीष्टजे लागि हानी क्यूर टूङ् मन्दे। 8अन्छूत्यात्या दी, ख्रीष्ट येशू ङैजे प्रभुने स्ये प्रेब सोरो फत्या केन् पोप्रे कर्देयलो सूजो पोयू क्वाने हानी क्यूर टोङ् यदेबे ङ मन्क्य। ङैदे येशू ख्रीष्टने प्रेखूस्य यदेबे साप्ताकूरूने पोङ्ये ख्यङ् मेस्ये अम्बयू क्वाने छाबेब फोहोर-मैलाप्रत्या ख्यङ् यदेबे मन्क्य, 9मेस्ये ङ पूरा रूप्ने ङूप्र क्यूर खूस्य। मोशाजे नियम मन्दीदे हम्ब अनुसार फरब कामदे ङ धर्मी ठर्ते दी, तर ङैदे ख्रीष्ट फ्याने विश्वास चीत्देबे परमेश्वरदे ङैने धर्मी ठर्तीमे ख्यङ्। 10ङैदे ख्रीष्टने मेस्ये ङूने सीइदेबे फेरि सोम्बो क्यूरब शक्तिने चेलाबे स्ये खूस्य। ङ ङूजे दु:खने सामेल् क्यूत्देबे ङू सीयेब बीलसेमेने ङ ख्रीष्टप्रने क्यूत्दीङ् र ख्यङ्। 11क्योत्देयलो ङैये सीब ङ्येदे फेरि सोम्बो क्यूर खूस्य यदेबे चीन्न ख्यङ्।
फ्योब पर्तेब सेन्तेले छ्योङ्
12अम्बयू क्वाने ङैदे मालाङ्ने प्रेक्क ख्यङ् या साप्ता पोदे ङ मालाङ्ने सिद्ध क्यूक्क ख्यङ् यदेबे दी, तर कम्ब सिद्धताजे लागि ख्रीष्टदे ङैने रङ्सेजे चीत्दे हम्ब सिद्धता प्रेजे लागि ङ बोङ् चीन्न ख्यङ्! 13अत-अची च्योन्यू, ङैदे अम्ब पोयू क्वाने प्रेक्कदे अम्मन्, तर ङ कामत्या फर्क्य चेनेयलो हम्ब ङैदे मालाङ्ने चीक्कब पोयू येल्बीदेबे, जेम्से क्यूट्टब पोयूतेले च्योर्लाबे प्रेन ख्यङ्, 14परमेश्वरदे स्वर्गने कोदेबे येशू ख्रीष्टजे कारण पीनब इनाम प्रेने ङ फ्योब पर्तेब सेन्तेले च्योर्ला ग्येबीनीय। 15विश्वास चीत्देबे पाको क्यूरेब ङीनयू क्वाजे सेम् येरप्रने क्यूर पर्तीय, मेस्ये कोइ पोने नमयूजे सेम् सूजो ख्यङ् यलो परमेश्वरदे हम्बये नमयूने कोलाबे चीम्मीय। 16ङीनदे च प्रेक्क ख्यङ्, हम्बनेत्या बोल्यो क्यूत्देबे टूङ पर्तीय। 17#१ कोरिन्थी 4:16; 11:1अत-अची च्योन्यू, नमयू ङैदे केरे चीक्को होरप्रने चेब क्यूरो। ङीदे कर नमूनाजे जीया चब नमयूदे तङ्दे, हम्ब अनुसारजे जीया चबयूनेये ले। 18ङैदे कूमफे स्योक्कब हम्ब मीयूजे पो फेरि ङूये ङूये नमयूने यीय, थमयूदे क्रूसने सीयेब ख्रीष्टजे शत्रुयूप्र क्यूत्देबे जीया च ख्यङ्। 19थमयू आखिरीने नाश क्यूप्पीय, लो थमयूजे ईश्वर, त्वाब पोने थमयू थेप् केन् त्वोक्क्य मेस्ये संसारजे थोकयूनेत्या थमयूदे सेम् पीन्नीय। 20तर ङीनजे नागरिकता स्वर्गने ख्यङ्। मुक्ति पीनब प्रभु येशू ख्रीष्ट स्वर्गदे रीय यदेबे ङीन लम् लेन्न ख्यङ्। 21ङूदे रङ्सेजे शक्तिदे साप्ता कूरूने रङ्सेजे हक नङ्ने रे खूइय, हम्ब शक्तिदे ङीनजे चैकम्तेब ङ्वनेये रङ्सेजे महिमा क्यूरेब ङ्वप्रने चीम्मीय।
Ghale New Testament © Nepal Bible Society, 2011.