फिलिप्पी 2
2
1कोदेये नमयू ख्रीष्टप्रे क्यूत्देबे तेते आँट प्रेल्लो, ङूजे प्रेमदे सेम्ने तेते आँठे पीन्लो, पवित्र आत्माप्रे तेते सङ्गति क्यूल्लो, ङ्येमब मेस्ये सेम्ने दया ख्यङ् यलो, 2नमयू सेम् त्या क्यूत्देबे, सेम्देमेस्येने त्याप्र प्रेम चीत्देबे, क्वाप्रेने थून् मेस्ये चीद-त्या क्यूत्देबे ङैने थेप् सूग्लाबे ची। 3रङ्सेजे इच्छात्या लेत्देबे या केन् त्वोत्देबे चैये अन्चील्लाची, तर चीद स्यूलूक्कै क्यूत्देबे रङ्सेने यली सूजोयूने थेप् गेसेन् ची। 4नमयू क्वादेने रङ्सेजे फाइदात्या अन्लेल्लाची, तर सूजोयूजे लागिये ले। 5नमयूजे सेम् ख्रीष्ट येशूजे सेम्प्र क्यूस्स्य।
6ङू येतार्ने परमेश्वरजेप्र रुप् ख्यङ्लीने, ङूदे परमेश्वरप्रे बरेबर् क्यूरब पोने चूङ्नब सेत्याप्र अम्मन्।
7तर रङ्सेनेब च्याप्पाने थैन्देन् चीत्देबे त्वोजे रूप् कीन्देबे, ङू मीजे रुप् कीन्देबे जन्मीदीदे।
8मीजेप्र रुप् टेल्देबे रङ्सेने सोरो चीद चीददे, मेस्ये अन्सीबदासेमे, या क्रूसने अन्सीइदासेमे आज्ञा मन्देब क्यूत्दे।
9होरेक्यूत्देबे परमेश्वरदे ङूने पात्ता फेरनेने गेसेन् पीन्दे मेस्ये सूजो मीन्यू यली पात्ता केन् मीन् ङूने पीन्दे।
10 #
यशैया 45:23
होरेक्यूत्देबे स्वर्गने, पृथ्वी फ्याने मेस्ये पृथ्वी नङ्ने स ख्यब क्वादेने येशूजे मीन् पूस्तेने पूजी च्व पर्तीय।
11मेस्ये प परमेश्वरने महिमा पीनजे लागि
क्वाजे ङूर्दे येशू ख्रीष्ट प्रभु ख्यङ् यदेबे स्वीकार चे पर्तीय।
मीयाजे सेर्प्र ओथ्याङ्
12येरेक्यूत्देबे ङैजे छेब ख्योन्यू, ङ नमयूप्रे क्यूप्प नमयूदे परमेश्वरजे आज्ञा येतार्ने मन्दीदे, तर ङ नमयूप्रे अन्क्यूल्ली नमयूदे रङ्सेजे मुक्ति चेलाबे पूरा चेने सोरो थेप् फदेबे छेम्प्रे चीत्देबे काम फर्। 13चेनेयलो नमयू फ्याने परमेश्वरदे येतार्ने काम चीन्न ख्यङ्। ङूदेने नमयूने ङूजे उदेशय पूरा चेने सेम् मेस्ये बोङ् पीन्क्य। 14गन्गन् या च्य-फा अन्चील्लाबे कामयू क्वाने फर्कीलीम् ची, 15#व्यवस्था 32:5येरेक्यूत्देबे पापी मेस्ये खराब पुस्ताजे अन्द्रने नमयूब दोष त्वब सोझो क्यूत्देबे परमेश्वरजे मीप्र चैये खोट् त्वब छगूम्-पूर्गूम् क्यूरो, मेस्ये अम्ब पुस्ताजे मीयू खूम्ने नमयू कर्चेन्यूप्र ओथ्याङ् पीनब क्यूक्क्य। 16जीया पीनब परमेश्वरजे वचनने बोङ्बे चूङ्नू, येरे चील्लो ङैदे सीत्तीने अन्-ग्येक, मेस्ये ङैदे चेब छेम्प्रे खेर अङ्गीली यदेबे ख्रीष्ट रब दिनने ङ केन् त्वे खूइय। 17नमयूदे परमेश्वरने चेर्तेब विश्वासजे भेटीप्रने ङैदे ङैजे ङ्वजे का बलिजे रूप्ने पीन पर्तीलीने ङैजे सेम् सूग्क्य, मेस्ये नमयू क्वाप्रेने ङ सूग्क्य। 18होरप्रने नमयूये ङैप्रे सूग्न पर्तीय मेस्ये तङ-पर्तीय।
तिमोथी मेस्ये इपाफ्रोडिटस
19नमयू ट्याने तिमोथी छ्योट्टो कूल्बेस्ये यदेबे प्रभु येशूजे इच्छा रेन्न ख्यङ्, येरे नमयूजे आनन्दजे खबर प्रेत्देबे ङैजे सेम्ये सूग्क्य। 20नमयूने केरे तोङ्मे यदेबे तिमोथीप्र ज्य सेम् टेल्देबे सूर्त चेब मी ङैप्रे सूजो सूये त्वो। 21सूजोयू क्वाने येशू ख्रीष्टजे पोने सेम् अम्पीन्लाबे रङ्सेजे सूर्त्या चीन्न ख्यङ्। 22तिमोथी कर खालजे मी ख्यङ् यदेबे नमयूदे स्येने ख्यङ्, केर्बे पने रङ्से चदे तोङ्मीय होरप्रने तिमोथी ङैप्रे क्यूत्देबे सूगब खबर स्य्वेब कामने तोङ्मे ख्यङ्। 23येरेक्यूत्देबे ङैजे पोयू च-क्यूक्क्य हम्ब था प्रे बितीक्ने ङैदे तिमोथीने कूल्बेस्ये यब मन्न ख्यङ्। 24ङ विश्वास चीक्क्य कादेये प्रभुजे इच्छा क्यूल्लो छ्योट्टोने नमयू ट्याने ङैये फ्योर खूइय। 25ङै प्रे-प्रे काम फरब ङैजे ख्योन् सिपाई, नमयूदे कूल्बेब दूत मेस्ये ङैजे हर्जोने तोङ्मेब च्योन् इपाफ्रोडिटसने नमयू ट्याने कूल्बे पर्ते थेको, 26चेनेयलो ङूदे नमयू क्वाने सोरो तूतीङ् र ख्यङ्। नमयूदे ङू न-छ क्यूर ख्यङ् यब पो तदेबे ङू सोरो सूर्त चीन्न ख्यङ्। 27तम्दम्ने ङू सोरो नदेबे सीइलो खदे, तर परमेश्वरदे ङू फ्याने दया चीम्मीदे। ङू फ्यानेत्या दी, तर ङैनेये शोक् ङने शोक् अम्पर्तीस्य यदेबे ङै फ्यानेये दया चीम्मीदे। 28येरेक्यूत्देबे ङूने फेरि तङ्देबे नमयू सूग्क्य, मेस्ये ङै फ्याने ख्यब सूर्तजे क्वीये ते-यङ्से क्यूक्की च यदेबे ङ ङूने झन् थेप् कूल्पीतीङ् रेन ख्य। 29सेम् सोरो सूग्देबे प्रभुजे मीन्ने ङूने ग्रहण ची, मेस्ये सूजो यर मीयूनेये गेसेन् ची। 30चेनेयलो नमयूदे ङैजे लागि तोङ्मे अम्प्रेब काम जेन्ला चेने ख्रीष्टजे काम फर्ब ङू कालजे ङूर्सेमेने फ्योइदे।
Ghale New Testament © Nepal Bible Society, 2011.
फिलिप्पी 2
2
1कोदेये नमयू ख्रीष्टप्रे क्यूत्देबे तेते आँट प्रेल्लो, ङूजे प्रेमदे सेम्ने तेते आँठे पीन्लो, पवित्र आत्माप्रे तेते सङ्गति क्यूल्लो, ङ्येमब मेस्ये सेम्ने दया ख्यङ् यलो, 2नमयू सेम् त्या क्यूत्देबे, सेम्देमेस्येने त्याप्र प्रेम चीत्देबे, क्वाप्रेने थून् मेस्ये चीद-त्या क्यूत्देबे ङैने थेप् सूग्लाबे ची। 3रङ्सेजे इच्छात्या लेत्देबे या केन् त्वोत्देबे चैये अन्चील्लाची, तर चीद स्यूलूक्कै क्यूत्देबे रङ्सेने यली सूजोयूने थेप् गेसेन् ची। 4नमयू क्वादेने रङ्सेजे फाइदात्या अन्लेल्लाची, तर सूजोयूजे लागिये ले। 5नमयूजे सेम् ख्रीष्ट येशूजे सेम्प्र क्यूस्स्य।
6ङू येतार्ने परमेश्वरजेप्र रुप् ख्यङ्लीने, ङूदे परमेश्वरप्रे बरेबर् क्यूरब पोने चूङ्नब सेत्याप्र अम्मन्।
7तर रङ्सेनेब च्याप्पाने थैन्देन् चीत्देबे त्वोजे रूप् कीन्देबे, ङू मीजे रुप् कीन्देबे जन्मीदीदे।
8मीजेप्र रुप् टेल्देबे रङ्सेने सोरो चीद चीददे, मेस्ये अन्सीबदासेमे, या क्रूसने अन्सीइदासेमे आज्ञा मन्देब क्यूत्दे।
9होरेक्यूत्देबे परमेश्वरदे ङूने पात्ता फेरनेने गेसेन् पीन्दे मेस्ये सूजो मीन्यू यली पात्ता केन् मीन् ङूने पीन्दे।
10 #
यशैया 45:23
होरेक्यूत्देबे स्वर्गने, पृथ्वी फ्याने मेस्ये पृथ्वी नङ्ने स ख्यब क्वादेने येशूजे मीन् पूस्तेने पूजी च्व पर्तीय।
11मेस्ये प परमेश्वरने महिमा पीनजे लागि
क्वाजे ङूर्दे येशू ख्रीष्ट प्रभु ख्यङ् यदेबे स्वीकार चे पर्तीय।
मीयाजे सेर्प्र ओथ्याङ्
12येरेक्यूत्देबे ङैजे छेब ख्योन्यू, ङ नमयूप्रे क्यूप्प नमयूदे परमेश्वरजे आज्ञा येतार्ने मन्दीदे, तर ङ नमयूप्रे अन्क्यूल्ली नमयूदे रङ्सेजे मुक्ति चेलाबे पूरा चेने सोरो थेप् फदेबे छेम्प्रे चीत्देबे काम फर्। 13चेनेयलो नमयू फ्याने परमेश्वरदे येतार्ने काम चीन्न ख्यङ्। ङूदेने नमयूने ङूजे उदेशय पूरा चेने सेम् मेस्ये बोङ् पीन्क्य। 14गन्गन् या च्य-फा अन्चील्लाबे कामयू क्वाने फर्कीलीम् ची, 15#व्यवस्था 32:5येरेक्यूत्देबे पापी मेस्ये खराब पुस्ताजे अन्द्रने नमयूब दोष त्वब सोझो क्यूत्देबे परमेश्वरजे मीप्र चैये खोट् त्वब छगूम्-पूर्गूम् क्यूरो, मेस्ये अम्ब पुस्ताजे मीयू खूम्ने नमयू कर्चेन्यूप्र ओथ्याङ् पीनब क्यूक्क्य। 16जीया पीनब परमेश्वरजे वचनने बोङ्बे चूङ्नू, येरे चील्लो ङैदे सीत्तीने अन्-ग्येक, मेस्ये ङैदे चेब छेम्प्रे खेर अङ्गीली यदेबे ख्रीष्ट रब दिनने ङ केन् त्वे खूइय। 17नमयूदे परमेश्वरने चेर्तेब विश्वासजे भेटीप्रने ङैदे ङैजे ङ्वजे का बलिजे रूप्ने पीन पर्तीलीने ङैजे सेम् सूग्क्य, मेस्ये नमयू क्वाप्रेने ङ सूग्क्य। 18होरप्रने नमयूये ङैप्रे सूग्न पर्तीय मेस्ये तङ-पर्तीय।
तिमोथी मेस्ये इपाफ्रोडिटस
19नमयू ट्याने तिमोथी छ्योट्टो कूल्बेस्ये यदेबे प्रभु येशूजे इच्छा रेन्न ख्यङ्, येरे नमयूजे आनन्दजे खबर प्रेत्देबे ङैजे सेम्ये सूग्क्य। 20नमयूने केरे तोङ्मे यदेबे तिमोथीप्र ज्य सेम् टेल्देबे सूर्त चेब मी ङैप्रे सूजो सूये त्वो। 21सूजोयू क्वाने येशू ख्रीष्टजे पोने सेम् अम्पीन्लाबे रङ्सेजे सूर्त्या चीन्न ख्यङ्। 22तिमोथी कर खालजे मी ख्यङ् यदेबे नमयूदे स्येने ख्यङ्, केर्बे पने रङ्से चदे तोङ्मीय होरप्रने तिमोथी ङैप्रे क्यूत्देबे सूगब खबर स्य्वेब कामने तोङ्मे ख्यङ्। 23येरेक्यूत्देबे ङैजे पोयू च-क्यूक्क्य हम्ब था प्रे बितीक्ने ङैदे तिमोथीने कूल्बेस्ये यब मन्न ख्यङ्। 24ङ विश्वास चीक्क्य कादेये प्रभुजे इच्छा क्यूल्लो छ्योट्टोने नमयू ट्याने ङैये फ्योर खूइय। 25ङै प्रे-प्रे काम फरब ङैजे ख्योन् सिपाई, नमयूदे कूल्बेब दूत मेस्ये ङैजे हर्जोने तोङ्मेब च्योन् इपाफ्रोडिटसने नमयू ट्याने कूल्बे पर्ते थेको, 26चेनेयलो ङूदे नमयू क्वाने सोरो तूतीङ् र ख्यङ्। नमयूदे ङू न-छ क्यूर ख्यङ् यब पो तदेबे ङू सोरो सूर्त चीन्न ख्यङ्। 27तम्दम्ने ङू सोरो नदेबे सीइलो खदे, तर परमेश्वरदे ङू फ्याने दया चीम्मीदे। ङू फ्यानेत्या दी, तर ङैनेये शोक् ङने शोक् अम्पर्तीस्य यदेबे ङै फ्यानेये दया चीम्मीदे। 28येरेक्यूत्देबे ङूने फेरि तङ्देबे नमयू सूग्क्य, मेस्ये ङै फ्याने ख्यब सूर्तजे क्वीये ते-यङ्से क्यूक्की च यदेबे ङ ङूने झन् थेप् कूल्पीतीङ् रेन ख्य। 29सेम् सोरो सूग्देबे प्रभुजे मीन्ने ङूने ग्रहण ची, मेस्ये सूजो यर मीयूनेये गेसेन् ची। 30चेनेयलो नमयूदे ङैजे लागि तोङ्मे अम्प्रेब काम जेन्ला चेने ख्रीष्टजे काम फर्ब ङू कालजे ङूर्सेमेने फ्योइदे।
Ghale New Testament © Nepal Bible Society, 2011.