ङ अम्बये प्रार्थना चीक्क्य, नमयूजे सेम्दे ङूजे ओथ्याङ् तङ खूस्य, मेस्ये चैजे आशा चीत्देबे ख्रीष्टदे नमयूने क्व ख्य, मेस्ये परमेश्वरजे पवित्र मीयूने ख्रीष्टजे महिमाजे हकजे सम्पत्ति च ख्यङ्, हम्ब नमयूदे स्ये खूस्य। होर्दे ङीन विश्वास चेबयूजे लागि ङूजे बेस्से केन् शक्ति च ख्यङ्, यब नमयूदे स्ये खूस्य। हम्ब शक्ति ङूजे केन् शक्तिजे काम ख्यङ्, हम्ब शक्तिदेने सीयेबदे ख्रीष्टने सोम्बो चीत्दे, होर्दे ङूने स्वर्गजे नेयूने परमेश्वरजे स्येत्तेयोर् टूङ्सेपीन्दे। ख्रीष्ट मूने राज चेबयू फ्याने हुकुम चील्लीय। हुकुम चील्लेबयू फ्याने हक चील्लीय, टक्क शक्तियू फ्याजे कूम बोङ् ख्यब ङू क्यूक्क्य होर्दे प्रभुयूजेये प्रभु क्यूक्क्य। ङू अम्ब जूग्ने त्यामे दी, ङ्येदे रब जूग्नेये ख्यब केन् दर्जायू क्वा फ्याजे केन् क्यूक्क्य।