Bly In Jesus - Dra Vrugte Wat Hou预览

Bly In Jesus Se Woord

Lees: Johannes 8:31-32

Soap: Johannes 8:31-32

Toe sê Jesus vir die Jode wat in Hom glo: “As julle aan my woorde getrou bly, is julle waarlik my dissipels; en julle sal die waarheid ken, en die waarheid sal julle vrymaak.”

Oordenking

Jy word wat jy liefhet. Wat ook al, of wie ook al, ons liefhet, sal ons voor tyd maak, bewonder, en selfs soos hulle begin lyk. Dieselfde geld vir ons verhouding met Jesus. Wanneer ons Hom liefhet, sal ons uiteraard meer plek maak vir Hom in ons lewens. Mettertyd sal ons meer soos Hy word.

Toe jy Jesus die eerste keer ontmoet het, het jy Hom heel waarskynlik net geken as jou Verlosser. Dit was maar net die begin. Ons word geroep om te bly groei in ons verhouding en kennis van Jesus, wat ons liefde vir Hom sodoende verdiep. Hoe beter ons Hom leer ken, hoe meer sal ons Hom liefhê. Hoe meer ons Hom liefhet, hoe meer weerspieël ons sy karakter in ons lewens.

Deur ons verhouding, begin Jesus se lewe deur ons skyn en verander ons van binne na buite. God se doel met elkeen van ons is “om gelykvormig te wees aan die beeld van sy Seun” (Romeine 8:29 AFR83). Deur daagliks in Hom te bly, help ons om in daardie doel te wandel. Die geheim van bly, lê in gehoorsaamheid.

Wat beteken dit om Hom te gehoorsaam? Dit beteken om sy onderrig, sy woorde te volg. Ons kan nie Jesus van sy woorde losmaak nie. As ons Hom liefhet, sal ons doen wat Hy gesê het ons moet doen. Ons kies en keur nie waarvan ons hou nie, maar neem alles wat Hy vir ons in die Bybel geleer het baie ernstig op. Ons “wyk nie af” van sy wil soos dit in die Skrif geopenbaar word nie, maar bly daarin. Ons betwyfel nie enige van sy beloftes nie, maar glo dit en bly in sy Woord.

Gebed

Dierbare Jesus, dankie dat U my roep om in U te bly. Help my om U dieper te leer ken, U meer en voluit lief te hê, en U te gehoorsaam met my hele hart. Mag u lewe elke dag in my weerspieël word. Amen.