Tlala预览

Tlala jaaka Letshwao la Tumelo ya Rona

Ke tlhomamisegile gore o ka umaka maina a batho ba o nnang o lebile pele go fetsa nako le bone. Ga re a tshwanela go dira botshelo re le rosi. Re tlhomilwe go golagana, ka gonne re dirilwe ka setshwano sa Modimo yo o nang le kamano. Boikaelelo jo bogolo jwa Modimo jwa go re bopa e ne e le botsalano. O ne a batla gore re mo itse, re tshwane le ene, mme re senolele lefatshe kgalalelo ya gagwe. Gone ke boammaaruri gore go wela ga batho mo boleong go ne ga senya botsalano jo bo itekanetseng jo Modimo o re diretseng gore re bo itumelele le Ene, mme Modimo o ne o setse a na le leano: Jesu.

Gongwe o na le dikgang tse o ka di bolelang tsa ditsala kgotsa maloko a lelapa a a ileng a itse Jesu mme matshelo a bone a fetotswe thata ke keletso ya go fetsa nako le Modimo. Go ka direga gore le wena o kile wa itemogela seno. Go kopanela le Modimo ke karabo e e tlhokegang ya motho yo o reng o tshwerwe ke tlala ya go bona go le gontsi mo Modimong. Fa re bua ka tsela e nngwe: tlala ya rona ya go kopanela le Modimo – go fetsa nako mo thapelong, mo kobamelong, le mo Lefokong la gagwe – ke yone botlhokwa jwa tumelo ya rona. Dafide o ne a e tlhalosa ka tsela eno: ‘Ke kopa selo se le sengwe mo Moreneng, ke sone selo se le sengwe fela se ke se batlang: gore ke nne mo ntlong ya ga Jehofa ka malatsi otlhe a botshelo jwa me, gore ke lebe bontle jwa ga Jehofa le go mmatla . mo tempeleng ya Gagwe.’ ( Pesalema 27:4 )

Motho mongwe le mongwe o na le tlala ya tlholego ya dijo ka gonne di mo naya phepo le dikotla tse di dirang gore mmele o nne o itekanetse. Semoyeng, re na le mo go rona tlala ya tlholego ya Modimo, e e kgotsofadiwang ka go dirisa nako ya boleng le ya bontsi mo thapelong le mo thutong ya Baebele. Dafide o ne a tshelela Modimo ka botlalo. Go rata ga gagwe go nna le mogopolo o le mongwe fela ke lone lebaka la go bo a tlhalosiwa e le motho yo o ratang pelo ya Modimo. Akanya fela gore matshelo a rona a ne a tla ama jang fa re ne re ka tshela ka tlhoafalo e re e bonang mo botshelong jwa ga Dafide. Akanya fela kafa re ka fetolang lefatshe le le re dikologileng ka gone fa re ne re ka nna ra tshuba kgabo ya lorato lwa rona mo Modimong, re bolaya dilo tse di re itayang tsebe mme re tlhoma mogopolo mo go Jesu re le nosi.

Luka 10 e neela pego ya bokgaitsadi ba babedi, Marea le Maretha, ba ba neng ba amogela Jesu mo legaeng la bone. Maria o ntse fa dinaong tsa ga Jesu fa Maratha ene a tshwaregile ka go tlhokomela ditlhoko tsa Gagwe tsa mmele. Jeso a re, ‘Maratha, Maratha, o tshwenyegile le go kgopisega ka dilo tse dintsi, mme go tlhokega dilo di le mmalwa – kgotsa tota ke se le sengwe fela. Maria o tlhophile se se botoka, mme ga se kitla se tsewa mo go ene.’ Jesu ga a kgalemele Maratha thata jaaka O mo laletsa go tla fa pele ga Gagwe. Le wena o a go laletsa. Ekete o ka lemoga tlala e e ntseng e gola ya go itse Modimo ka botlalo. Ekete o ka tlhotlhelediwa go betla nako mo botennyeng jwa Modimo, mme ekete A ka go fetola, go feta le go feta, go nna setshwano sa Gagwe, gore ba bangwe le bone ba simolole go Mo tshwarelwa ke tlala.