Mbidzo kha Vhurangaphanḓa Vhushumeli预览

Fiḽosofi ya Vhurangaphanḓa

Zwitshavha zwa Vhukriste a zwi ho nṱha ha u vha vhurereli ha vhommboneni vho ḓalaho kha mvelele nnzhi u mona na ḽifhasi. U ḓiṱana ha Tshikhriste zwi hone nahone zwi a tshila kha zwipiḓa zwa tshivhidzo. Ndi zwa ndeme u fulufhedzea nga ha khombo dza maitele aya, hu tshi ṱoḓwa kuvhonele ku re khagala ku re na fulufhelo kha fiḽosofi iyi ya vhurangaphanḓa ye Yesu na vhaṅwe vharangaphanḓa vha bivhilini vha sumbedza nḓila.

Ndo vhuya nda rambiwa u amba kha khoniferentsi, phosiṱara ya vhuṱambo yo nṱana na tshiimo tsha “Muapositola”, uri ndi vhonale ndi tshi kholwisea na u kunga vhunzhi ha vhathu. Vhadzudzanyi vho vha vho sedzesa zwa nomboro ya vhathu. Nahone, musi Paulo, a tshi ita mutevhe wa mpho dza vhurangaphanḓa Vhaefesa 4, o zwi vhea khagala uri ndivho ya mpho idzo ndi u konanya, u shomedza, u alusa, u fhaṱa na u ṱuṱuwedza vhana vha Mudzimu. Vhurangaphanḓa vhu dzulela u ṋewa nga Mudzimu u itela mushumo na ndivho – hu si u ḓiṱoḓela zwau. Zwifhiwa zwa vhuraphanḓa ndi zwa u takula Mudzimu uri vhathu Vhawe vha vhuyelwe. Yesu u ṋea zwifhiwa u fhaṱa Tshivhidzo Tshawe. Ndi zwa ndeme u ḓivhudzisa: Ndi khou shumisa mpho yanga u itela nnyi? Ndi nnyi ane a khou vhuyelwa nga vhurangaphanḓa? vha khou vhuyelwa hani?

Vha humbule uri muthu are na mpho a si muṋe wa mpho. Uyo ene u khou tou fara mpho, o imela muṅwe muthu. Na Paulo ha ngo vhuya a ḓivhidza sa “Muapositola Paulo”. O thoma a tshi tou vha Paulo fhedzi – a kona u vha muapositola.

Yesu, murangapanḓa wa vhukuma, u khou ri ramba u guda nḓila Dzwawe. Sa vharangaphanḓa, ri tea u sika mvelele ya tshitshavha ya u leludza muhwalo na u fhungudza dzhogo ya avho vhane ra khou vha rangaphanḓa, ro ḓiimisela u bvisa maṱo kha riṋe na mpho dzashu, na u bveledza lufuno lwa vhathu vhe ra vhidzelwa u vha shumela. Paulo u a zwi ḓivha uri musi zwi tshi ḓa kha vhurangaphanḓa, uri vha dzhiiwa hani zwi a gagamiseswa. Ngeno, tsha ndeme hu u ḓiṱukufhadza fhedzi. Hu na phambano vhukati ha vhathu vha re na tshiimo tsho kunakiswaho, na vhathu vha re zwishumiswa zwa Mudzimu. Vhathu vhane vha kona u gwadama phanḓa ha Mudzimu vha a kona u ralo kha muṅwe na muṅwe. Muthu are kha tshiimo tsha vhurangaphanḓa a si wa ndeme u fhira uyo a si na tshiimo tsha vhurangaphanḓa. vha nga vha vhe murangaphanḓa kana vha si ene, ndeme yavho i bulwa nga u ṱanganedza Mudzimu vha sa sedzi zwiṅwe.

Pulane iyi i khou fhela, fhedzi lwendo lwavho sa murangaphanḓa mushumeli lu nga vha hu hone lu khou thoma. Ungari vha nga ṱuṱuwedzwa na u khuthadzwa nga ngoho ine vha khou i tshimbidza nga kha mpho yavho ya vhurangaphanḓa vho imela Mudzimu na vhathu vhane A vha funa. Vhutshilo havho a si havho. Kha vha fulufhele Mudzimu u vha shumisa tshoṱhe kha uno murafho. Kha vha mu fulufhele u lwa na u vha tsireledza musi tshiimo tshavho tshi tshi ṱolwa, nahone u nga ri vha awedzwa nga u ḓivha uri vho lugisa zwithu Nae. Musi vha khou ṱoḓa zwikhala zwa vhurangaphanḓa vho nga u ḓiṱukufhadza u itela u vhuedza vhaṅwe, u nga ri vha nga ri muvhuso wa Mudzimu u ḓe, na zwine A funa zwi itiwe.