Mbidzo kha Vhurangaphanḓa Vhushumeli预览

Mbidzo kha Vhurangaphanḓa Vhushumeli

5天中的第2天

Vharangaphanḓa vha Sudzulusa Vhathu

Kha vha humbule nga ha ṱhuṱhuwedzo khulwanesa vhutshiloni havho, ine ya vha dzinginyisa muvhili na kuhumbulele – u bva huṅwe fhethu u ya huṅwe fhethu. Ngoho ndi ya uri murangaphanḓa ndi muthu a re na vhukoni he a ṋewa nga Mudzimu, ha u fhindula nyimele hu na ṱhuṱhuwedzo ya u sudzulusela vhathu kha zwe Mudzimu a vha vhetshela zwone. U bva kha vharangaphanḓa vha bivhilini sa Mushe, Nehemia, na vhaṅwe, ri nga guda uri zwi amba mini u susumedzwa, hu si nga u ḓiṱoḓela zwau, fhedzi nga ndivho khethwa.

Mushe o hulela lupfumoni lwa muṱa wa Igipita, a kona u shavhela ḓakani a vha mulisa. Ndi dzulela u ḓivhudzisa uri ho vha hu tshi ḓo itea mini kha Mushe arali a songo livhana na tshiṱaka tshi tshiswa na Mudzimu. Fhedzi Mudzimu vha ḓivhonadza hu si na vhukhakhi vha sumbedza zwiṅwe zwiteṅwa zwa nyimele ya vhathu vhavho – nahone u tambula havho – to ha kunga Mushe zwo mu ḓurela vhuimo hawe ha vhurangaphanḓa havhuḓi u ya kha vhuimo vhu si havhuḓi ha vhathu vha Mudzimu, vha vhupulini ngauralo Igipita, nahone vhunzhi ha vharangaphanḓa u bva tshe Mushe a takutshela vhurangaphanḓa nga mulandu wa nyimele i vhavhaho ya vhathu, vho pfa vha tshi kombetshedzea u shumela.

Mushe o vha e swole ḽa thabelo, muporofita na mudzia maḓembe, fhedzi vhurangaphanḓa hawe ho vha hu sa ṱalutshedzwi nga tshithihi tsha izwi, naho zwoṱhe zwo vha zwi zwa ndeme. Fhedzi, vhurangaphanḓa hawe ho ṱaluswa ngauri Mudzimu vho isa hani vhathu vhavho kha mbofholowo. Zwishumiswa izwi kana maitele a vhurangaphanḓa ndi nḓila ya u ya magumoni. Magumo ndi u swika ha vhathu vha mudzimu fhethu hune Mudzimu a khou vha isa hone. Ndi zwa ndeme u sa sedza kha zwishumiswa zwa vhurangaphanḓa, hu si u sedza fhethu hune ra khou isa vhathu.

Zwi a mangadza, Mushe ha ngo vhuya a dzhena Shangoni ḽa Pfulufhedziso. Bono ḽawe kha vhathu ḽo vha ḽo si nga ha ene, nahone ḽo hula u mu fhira. Vhaṅwe vharangaphanḓa, ngeno vha tshi fhedzisela vhe kha “Shangoni ḽa Pfulufhedziso” ḽa khumbulelwa, ngeno vhathu vhane vha khou vharangaphanḓa vhe kha ḓi vha “Igipita”. A tshi khou sukumedzwa nga ndivho hu si khumbulelo, murangaphanḓa vhukuma ha sii muthu murahu. Murangaphanḓa u shuma sa muratho vhukati ha ḓivhazwakale ya vhathu na vhumatshelo ha vhathu. Ndi vhalambedzi vha vhuyo, nahone vhurangaphanḓa havho vhu ṱalutshedza nga uri matshilo a vhathu o shandukiswa hani nga fhasi ha ṱhuṱhuwedzo yavho.

Musi ri tshi rangaphanḓa Yesu u a ri rangaphanḓa. Ri na vhuimo ha vhaṅwe, hu si hashu. Mudzimu kha ri fhe luvhonela na nzumbululo ya u vhona hune A ṱoḓa uri isa hone u isa vhathu Vhawe, vhuṱali ha u vha isa thungo yone, u ya kha vhuyo ha vhukuma. Ungari ri nga vha na nungo dza u sa sedza zwashu fhedzi, ra ḓiṋekedzwa sa muratho vhukati ha ḓivhazwakale ya vhathu na vhumatshelo havhuḓi, ri tshi vha humbudza uri hu na fulufhelo.

读经计划介绍

Mbidzo kha Vhurangaphanḓa Vhushumeli

Ro vhidzelwa u rangaphanḓa sa zwe Yesu a ita. Vhurangaphanḓa vhu thoma nga muthu, hu si vhuimo nahone tshipikwa ndi u sendedza vhathu vha Mudzimu kha ndivho Yawe. U vhala uhu ha ḓuvha na ḓuvha hu vha thusa u thoma mutheo wo khwaṱhaho kha nyimele ya vhurangaphanḓa. Zwine zwa vha humbudza uri vha murangaphanḓa hu si mushumeli, vha saathu u vha mushumeli ṅwana muḓodzwa wa Mudzimu.

More